سوناتا 2006 ولا سيفيك 2006 ؟

[Maxima_2001]

السلام عليكم
محتار بين سوناتا 2006 فل اوبشن
و سيفيك 2006 فل اوبشن
لو كنت مكاني وش تختار ؟

[سدرك]

عفواً
المقارنة بين السيفك والانترا
والسوناتا والاكورد







لكن في هالحالة باخذ السوناتا بدون تفكير

[NisFan]

خذ لك مكسيما على اسمك اس تورنغ :D
اذكر ان سعرها في الخمسينات

[ميكانيكي]

خذ السوناتا ..
لان فئتها اصلا من حجم الاكورد وليست من حجم السيفيك مثل ماقال اخونا سدرك :glasses2:
فهي بالتالي لابد تكون اوسع نوعا ما من السيفيك...... ولها افضلية

[saymyname]

المقارنة صحيحة لتقارب الاسعار...

السوناتا اكبر ومواصفاتها حلوة جدااااا...بس نصيحتي جرب الاثنين افضل لان الاثنين ماعليهم كلام...

بس لاتنسى تشيك هل السيفيك متوفرة او لا، لانو من فترة كان لي صديق كان ناوى يطلع سفيك لكنها للاسف كانت منتهية...

سعر السوناتا 4 سلندر فل: 68 الف

السفيك فل: 66 الف

الاسعار ممكن تزيد او تنقص الف او الفين...

[cruiser2000]

ياريال لو انا مكانك باخذ السوناتا

سعر السيفيك مرتفع جدا لفئتها المفروض 55 ألف او أقل بس هذا حدها


وبعدين تأكد من وجود قطع غيار للسيارتين

مب تقول شي متوفر في كل مكان ياباني

لا تأكد أفضل لك

نحن واجهنا هالمشكلة مع النيسان باترول

كنا ندور قطعة ومللنا حتى حصلنا وحدة بس وين في التشاليح "السكراب"


كنا محظوظين شوية

[cruiser2000]

نسيت أقولك

تأكد مكن خدمات الوكيل عندكم هل صيانته زينة ولا اي كلام شرات كل الوكالات عندنا ؟


ابدا لا تستعجل بالشراء

اسأل من هو له تجربة للسيارتين

[abumhdi]

صحيح أن السيفيك حلووة ..

لكن تضل السوناتا اكبر و أوسع .. والفل كامل .. طيبة..

[رفجة عرب]

على فكره انا الحين ادور سيارة بنفس هالسعر وان شاءالله باخذ الالتيما أو المكسيما لان عليهم عروض ..

بس لو كنت في مكانك باخذ السفك لان سألت واحد عن السوناتا وقالي مانصحك فيها ..

[edubai]

السلام عليكم


لو انا مكانك ....باخذ السيفيك !

للاسباب الاتية :

اول شي سيارة شكلها تغير من قريب وتلفت النظر اكثر من السوناتا
ثاني شي السيارة يابانية وقيمتها السوقية ما بعد البيع اعلى من السيارة الكورية
ثالثا السيارة ذو اعتمادية اكبر من السوناتا ولا يمكن مقارنتها بالهايونداي من ناحية الاعطال
رابعا .. السيارة صنعت للتكون اقتصادية ,, وصرفية البترول اقل من السوناتا ... فكر في البترول من الحين لان البعض يحسبون البترول شي ثانوي .. ولاكن سعر البرميل اليوم 75 دولار ..
خامسا ..السيفيك بشكل خاص لها عشاق اكثر من الهايونداي .. يا اخي ادخل المواقع الخاصة بال aftermarkets وشوف قطع التزويد المتوفرة و التعديلات ... لا تقارن بالسوناتا
سادسا .... هناك فرق للسعر للمصلحة السوناتا لانها من فئة اكبر .... من قالك الاكبر احسن لازم يكون احسن .,,, بالعكس الاصغر و الاغلى يعتبر مصنوع بدقة اكبر وداخلين في التفاصيل اكثر

مثال : البي ام 320 حجمة اصغر ولاكنة اغلى من السوناتا
=-------=-=-==-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

على العموم في اشياء اكثر ما تحضرني الحين ... خاصة لو قتلك ان الهوندا تسارعها افضل من الهايونداي اذا اخذنا بالاعتبار ان محرك السوناتا اكبر حجما

كل شي يقولك هوندا ...

[الشبابي]

خذ التيدا الجديدة .. شكلها حلو ...
او انتظر الالتيما الجديدة اذا كان ممكن تزيد الميزانيه شوي .. راح تنزل 6 سرعات اوتو وعادي لل 4 سلندر و 6 حسب ما سمعت ( اكيد لل6 ) ...











اخوكم الشبابي

[S8]

السفسك افضل بكثير

هوندا غني عن التعريف

صحيح اني اعشق سيارات هونداي

لكن لو انا مكانك اخذ لي سيفيك 2006

انا جربت الموديل الجديد

قمة في الروعة والاداء والهدوء

الراحة نوعا ما تعبانة

لكن كل شي في السيارة ممتع

والاتساع الداخلي اصبح افضل من ذي قبل

تحياتي

[TOP-SECRET]

سيفيك

روعه من داخل وشبابيه لأقصى درجه

وعليك بالابيض او الاسود خاصه الاسود شبابي :-)

[edubai]

بالنسبة للبترول : (حرب الارقام)

بالنسبة للهوندا سيفيك
سعة خزان السيفيك : 13.2 غالون (التفويلة 83 درهم اماراتي)
المدى بالكيلومتر داخل المدينة : 637 كيلومتر
المدى بالكيلومتر في الخطوط السريعة : 849 كيلومتر :eek:

=========================================
بالنسبة للهايونداي سوناتا (4 سلندر)

سعة الخزان : 18 غالون (التفويلة 113 درهم اماراتي)
المدى بالكيلومتر داخل المدينة : 695 كيلو
المدى بالكيلومتر في الخطوط السريعة : 984 كيلو
===========================================

|||||||||||||||||||||||||||||||||||||||||||||||||||||||||||||||||||||||||||||||

بالنسبة للقوة الحصانية للوزن
وزن السوناتا : 3266 كيلو القوة (161 حصان)
وزن السيفيك : 2690 كيلو القوة (140 حصان)

السوناتا كل 4,9 احصنة يجرون كيلو واحد
السيفيك كل 5,2 احصنة يجرون كيلو واحد
+++++++++++++++++++++++++++++++++++++++++++++++++
بالنسبة للقير
السفيك: قير اوتو 5 سرعات
الهايونداي : قير اوتو 4 سرعات
-===-=-==-=-=-=-=-=-=-=-=-=-=-=-==-=-=-==-==-=-=-=-=-=-=

سؤال يطرح نفسة بالنسبة للارقام !

هل السوناتا مداها اكبر من السيفيك ..؟؟؟

الاجابة : لا .. السوناتا تتفوق في حجم خزان الوقود .. ولو كان حجم الخزان للسيفيك هو 18 غالون لتغيرت الارقام...

خلونا نشوف لو كان خزان السيفيك 18 غالون كيف كانت الارقام بتكون !!!!!!!!


بالنسبة للهوندا سيفيك (خزان افتراضي للمقارنة)
سعة خزان السيفيك : 18 غالون (التفويلة 113 درهم اماراتي)
المدى بالكيلومتر داخل المدينة : 869 كيلومتر
المدى بالكيلومتر في الخطوط السريعة : 1159 كيلومتر
+++++++++++++++++++++++++++++++++++++++++++++++++++++++++++

التفوق بالنسبة للصرفية البترول : السيفيك
التفوق بالنسبة للتسارع : السيفيك
التفوق في القير : السيفيك

[عالبال]

اللي ما يعرف مواصفات السيفيك لا يفتي فيها

من مواصفات السيفيك فل أوبشن ( 66 ألف ريال )

قير أوتو 5 سرعات

فتحة سقف

مثبت سرعة

تحكم بالصوت من الدركسون

طبلون LED إليكتروني بشكل غير مسبوق

تكييف إليكتروني بحوالي 12 سرعة

6 إيرباقات :eek:

مراتب جلد ( مريحة جدا على عكس المخمل )

جنوط 16 ، بالتأكيد شكلها أطلق من جنوط السوناتا بمليون مرة

إنارة رومانسبة بديعة داخل السيارة باللون الأزرق ، على السقف وعند الأرجل وفي مقابض الأبواب وعند الأبواب ( شبيهة بإنارة لكزس GS )

مسجل + سيدي

ريموت كنترول + جهاز إنذار ضد السرقة

المحرك غني عن التعريف ، i - VTEC سعته 1.8 بقوة 140 حصان صاااااافي ، وأنا بنفسي جربت قوته ، رائع جدا جدا

إشارات LED على المرايا

مبين لدرجة الحرارة الخارجية

أنوار قراءة علوية + أنوار في شماسات السائق والراكب

نظام ABS + نظام EBD للفرامل طبعا

جناح + كشافات أرضية

شكل هجومي بديع جديد فريد من نوعه

هذا اللي أتذكره حاليا

وفي النهاية MADE IN JAPAN :glasses2:

وأخوي edubai ما قصر في حرب الأرقام :D


السوناتا تتميز بحاجة وحدة ، اللي هي الرحابة ، مع إن السيفيك صارت واسعة ، لكن السوناتا أوسع بلا شك

إذا ما يهمك وسع السيارة فعليك بالسيفيك

[silver]

سؤال يطرح نفسة بالنسبة للارقام !

هل السوناتا مداها اكبر من السيفيك ..؟؟؟

الاجابة : لا .. السوناتا تتفوق في حجم خزان الوقود .. ولو كان حجم الخزان للسيفيك هو 18 غالون لتغيرت الارقام...

خلونا نشوف لو كان خزان السيفيك 18 غالون كيف كانت الارقام بتكون !!!!!!!!


بالنسبة للهوندا سيفيك (خزان افتراضي للمقارنة)
سعة خزان السيفيك : 18 غالون (التفويلة 113 درهم اماراتي)
المدى بالكيلومتر داخل المدينة : 869 كيلومتر
المدى بالكيلومتر في الخطوط السريعة : 1159 كيلومتر

حبيت أعلق على هذي النقطة ...
لا تنسى أن سعة السوناتا 2.4 ... فالمفروض تصرف أكثر ... علشان كذا خزان أكبر
كم سعة محرك السيفيك 1.6 ؟ 1.8 ؟ :)



جنوط 16 ، بالتأكيد شكلها أطلق من جنوط السوناتا بمليون مرة

68.500 الف ... تجيب لك السوناتا فل + جنوط 17

[Prelude 4 Life]

اذا تقدر تزيد المبلغ اللي عندك الى 80 الف فأنا انصحك بالأزيرا

افخم ومحرك 6 سلندر ومتميزة

يعني ماأعتقد بتلاقي المؤسسات وشركات تأجير السيارات بتاخذ أزيرا

اما السيفيك والسوناتا بتلقى كثير هنود يسوقوهم :D

[saymyname]

اذا تقدر تزيد المبلغ اللي عندك الى 80 الف فأنا انصحك بالأزيرا

افخم ومحرك 6 سلندر ومتميزة

يعني ماأعتقد بتلاقي المؤسسات وشركات تأجير السيارات بتاخذ أزيرا

اما السيفيك والسوناتا بتلقى كثير هنود يسوقوهم :D
:good:

[Maxima_2001]

جزاكم الله خير
الصراحه
ميولي تتجه الى السيفيك
بسبب رخص سعرها واقتصاديه والشكل الجديد
ولأنها يابانية 100%

[FSM]

اختيار موفق , السيفك وبس .. وما اقدر ازيد على الشباب شي ,,,

انا جربت السوناتا ... السيارة حلوه .. لكن تحسها من جد كووري .. ما بعد توصل مرحلة الياباني :banana:

[الهاوي جروب]

مبروك عليك السيفك

[سدرك]

في الراحة والوسع والرساوة والامان كلها من صالح السوناتا

في اشياء ثانية ما ذكرتها

[سدرك]

لعلمكم الانترا ارسى واقوى من السيفك


ظام مقارتنها مع السوناتا

[عالبال]

لعلمكم الانترا ارسى واقوى من السيفك


ظام مقارتنها مع السوناتا


من ناحية القوة في 2005 كلامك صحيح

لكن في 2006 راجع كلامك .. لان قوة السيفيك غير طبيعية في 2006 .. واسأل اللي جربوها

أما الرساوة .. تبطي الألنترا تصير مثل السيفيك 2005 مو عاد 2006 اللي صارت نازلة وكفراتها 16 وقاعدة العجلات أطول ونظام التعيق أكثر تطور

صدقني ، رساوة السيفيك مجنونة ما شاء الله

[password]

السلام عليكم

عيب السفك الجديدة أنها

SINGLE OVERHEAD CAM

[عالبال]

السلام عليكم

عيب السفك الجديدة أنها

SINGLE OVERHEAD CAM



يعني :confused:

[Prelude 4 Life]

السلام عليكم

عيب السفك الجديدة أنها

SINGLE OVERHEAD CAM


وش العيب في هالشي؟؟ :confused:

معظم السيارات من هالفئة تكون SOHC

والسيفيك ال Si والتايب ار يجو DOHC

كل شي متوفر في الهوندا :D

[Maxima_2001]

شباب انا توني جاي من الوكاله
الصراحه السيفيك الجديدة مواصفات الكويت بايخه جدا
وشلتها من راسي
خصوصا داخليتها

[سدرك]

شباب انا توني جاي من الوكاله
الصراحه السيفيك الجديدة مواصفات الكويت بايخه جدا
وشلتها من راسي
خصوصا داخليتها
لا تفكر في غير السوناتا وبتدعيلي ان شاء الله

[Maxima_2001]

جزاك الله خير سدرك
انا بشوف السوناتا وبقرر
بس مشكلتها وكالتها في الكويت خدمتهم تعبانه مالهم فروع
لازم نروح الرئيسي حتى لو نبي قطعة غيار عادية