سيارات ممنوعة؟؟؟ ارجو المناقشة من الجميع؟

[THE PATRIOT]

السلام عليكم ورحمة الله وبركاته
يا اخوان دائما نسمع انو في سيارة معينة ممنوعة من دخول السعودية.....
مثال من اللي سمعت عنهم:
شاص تويوتا 8 سلندر
نوع من الهوندا 4 سلندر بقوة 240 حصان
نوع من الرام
سكايلاين











ما رأيكم
هل هذا حقيقة ام كلام فاضي (سالفة التلفون خربان)
اعتقد انها كذبة كذبوها الناس وصدقوها
وان كان يوجد هناك سيارات ممنوعة.. فما سبب المنع ؟؟
وهل المنع بشكل قطعي؟؟(يعني ممنوع تدخل باي حال) ام منع تجاري (يعني اللي يشتريها لنفسه ممكن يسمحون له ببس اللي يدخلها للتجارة فهذا ممنوع

انتظر ردودكم

[نديم الطيف]

اي سيارة تسمع انها ممنوعة هنا مثلاً شاص 8 سلندر وغيرها من الي نسمع....اسهل طريقة تتأكد فيها هو انك تروح للموقع الرسمي للوكالة وأعني بكلمة الرسمي يعني موقع الشركة الأم مو موقع الوكيل الي عندك بالبلد...وشف بالموقع هل فيه فعلاً هالسيارة والا مالها وجود أساساً :p

فيه فئات من اللكزس تنزل بالامارات وماتنزل بالسعودية...تروح للموقع تلقاها فعلاً وتلقى صورها مما يثبت انه فعلاً هذي السيارة تصنع ولكن ماتنزل بالسعودية (على سبيل المثال)

والمعذرة لو قلت تنزل بالامارات وقلت لك تروح تتأكد من الموقع انها فعلاً موجودة...كلام الاخوان بالامارات اهم عندي واصدقه وما يهمني كلام الوكالة والموقع الرسمي دام هم تكلموا.... بس انا اضرب لك مثال لا اكثر ولا اقل :)


مع التحية....

[Abu Omar]

كلكم تذكرون قصة الكرسيدا (البخاخات) في الثمانينات.. مادري أظن آخر موديل نزل بالسعودية كان موديل 88 - على ما أتذكر- مع انه كان ينزل بالخارج وكان ممنوع ينزل عندنا ...أتذكر ان ولد جيراننا كان معه واحدة كانت صاروخ أرض أرض ..

الهوندا أخوي اللي تقول عنها السيفك الـ SIR كذلك ماتدخل عندنا ... سافرت خارج المملكة كثير وشفتها في أكثر من دولة ... بعضهم دول نامية ... كان ينزل فيها ماتورين الصغير cc1.6 كان 195 HP ... تخيلو ... :sss: الثاني - ماأتذكر والله- أظنه 1.9cc 225HP .... :sss: :sss:


الأمثلة كثيرة ... على سبيل المثال السيارة الإيطالية ( الألفاروميو ) سيارات في غاية الروعة والجمال ودائما ماتحوز على المركز الأول في أوربا في التصميم _ إعلاناتها في إيطاليا _ يسمونها سيكسي كار يعني جذابة .


ليت الموضوع بس كذه حتى السيارات اللي تنزل عندنا ونعرفها ماتنزل عندنا بنفس المواصفات اللي تنزل بها بالخارج ....
:headshak: :headshak:

بحكم طبعة عملى بالخارج لسنوات ... لاحظت الشء هذا ... والله تنقهرون إذا شفتو الكورولا في برطانيا غير تماماً ... :damp:
أو التيوتا إفينسيس ولا أروع ... :damp:
الأودي خيال ... :damp:

والله ياجماعة الأودي A4 رحت سألت عنه في برطانيا لموديلات 2005 ينزل منه 21 فيرجن !! متخيلين العدد هذا .. ينزل بمحركات بنزين وديزل من 1.6cc--3.6cc أسعاره تبدأ من 17-33ألف جنيه استرليني مع العلم ان الأسعار في برطانيا أغلى بحوالي 20% من الأسعار في ألمانيا أو سويسرا ... عاد يالله شوفو بكم ينزل عندنا بالسعودية مع ان الجمارك فقط كما يقولون 5%

وغيره وغيره كثير شوفو الرانجروفر ... شوفو الاندكروزر... شوفو الجولف والباسات ...

الموضوع فعلاً حقيقة وكل الاخوان اللي سافرو برة لاحظو هالشيء .

تدرون المشكلة مركبة المشكلة من الوكيل ... ومن المستهلك الي ماعرف يايخذ حقوقه وبعد مشكلة الدولـ... -لايصكون المنتدى الحين علينا - :D :D

شفت شيء جميل هنا سووه في مصر - عندي شغلهنا فترة - فتحو باب الإستيراد للسيارات لأي واحد يبغى يستورد سيارات من الخارج سواء كان تاجر أو شخص عادي ... ليه مايسون عندنا كذه

أتمنى ياشباب لو تتحفونا بآراءكم وإقتراحاتكم ...

:banana: :banana:

[viper 4 ever]

مثل ماقال اخ نديم .. تاكد من سايت شركة الام :cool:

[uae speed]

السلام عليكم ..

أخوي العزيز ، في سيارات يتم منعها من المرور .. يعني ما يسجلونها ولا يفحصونها .. بسبب انها غير مطابقه للمواصفات الخليجيه ، او لسبب آخر !

وفي سيارات ما يستوردها الوكيل نفسه ، لأسباب تسويقيه وتجاريه ..
لأنك عارف في شركات مثل تويوتا عندها أكثر من سياره في فئة واحده ، مثل الايكو والياريس وغيرها ... لذلك بعض الوكلاء يفضلون استيراد السيارات التي تلبي حاجة السوق والناس ، لانهم في الأول والأخير وكلاء يعني عندهم عامل الربح في المقام الأول ..!

باختصار : الامر متوقف على ادارة المرور + الوكيل .

على فكره ، ممكن توضيح حول الشاص 8 سلندر !!

[abumhdi]

اهم ما في الموضوع كله هو (( هيئة المواصفات والمقاييس )) ..

فالوكيل لمى ينزل سيارة معينة يشترط عليه .. توفير وسائل الصيانة والقطع ..

على سبيل المثال .. التويوتا .. توجد لديها اكثر من 15 نوع من السيارات لا تنزل بالخليج .. ليش .؟!
مو علشان انها فيها شي غير السيارات .!

لكن الوكيل مايشوفها مناسبة ( ملائمة ) مع متطلبات المواطنين ..
أو بعض الاحيان يرى غلى في القطع بشكل كبير .. أو بعض التعقيدات في السيارة يكون من الصعب صيانتها أو تكون مكلفة ..!!

فهذه اهم الاسباب .. على ما أضن ..


والله الموفق ،،

[أبو حسين]

أعرف واحد متفلسف الله يهديه يحب يكبر السوالف..

مثلا يقول السكايلاين ممنوعة بالسعودية لانها تترهم بسهولة....كيف؟؟...تجيب لابتوب وتشبكه بالكمبيوتر الرئيسي وتقدر تحوله لـ1200 حصان بدون ترهيم..

وهذا غير إني أشوفها مليانة بالشرقية..

والنعم بالخرشة والله..

[Genius]

أنا أتفق مع UAE SPEED

في أن المواصفات + الوكيل هم بيديهم الشيء هذا

لو تلاحظ السيارات اليابانية المستوردة طبلونها 180 بس وفي الأصل الطارة تكون يمين

والسيارات الأمريكية لازم تكون لون الأسطب برتقالي في الأمام ( تلاحظها على الكامري تكون زي الـES)

ومن الكلام هذا فكل دولة لها مواصفات معينة لدخول السيارة

[RamAir]

الوكيل اهو السبب في عدم دخول بعض انواع السيارات المميزة بسبب انها تكون غالية او انها تكون من فئة لايوجد عليها طلب كثير مثل السيارات السبور الكوبية . المرور ما يمنع الا السيارات المعدلة بس يعني اذا المقود يمين ما يسمحون بها الا اذا تعدلت وحتى اذا تعدلت يعقدون شوي . اما هيئة المواصفات والمقاييس مالها دخل تمنع سيارة من الدخول لان الهيئة اساسا مهمتها الكشف عن جودة المنتج فقط من قطع غيار واطارات الخ... بس لكن مالها صلاحيه تمنع :-)

[الشرقاوي]

السلامو عليكم قبل اسبوعين تقريبا قابلت شايب عمره فوق ال60وما شاء الله فاهم بالسيارات وكل شي طبعا بالاخير عطاني كرته يشتغل بمنصب كبير بشركة عبدالله هاشم :D (الكلام هذا كلله عشان اقوللكم المصدر موثوق)

سالته عن الS2000وان السياره رووووووعه وقويه ليش ماتدخل السعوديه قاللي الوكيل يبيها ويدري ان السياره راح يكونلها طلب بين الشباب بس مايقدر احيانا من المرور واحيانا من هيئة المواصفات والمقاييس والا الوكيل ماعند مشكله :D

[Abu Omar]

الإخوة الكرام شباب سواليف الله يحفظكم .

أنا أتفق معكم وأختلف ؟؟

أتفق معكم ان الوكلاء هم السبب في تدني مستوى السيارات في الخليج من نواحي عدة :

1. وضع نسبة ربح عالية جداً _ بعض الوكلاء إذا موكلهم لاحظو فرق أسعارهم بالمقارنه بالدول الأوربية وأمريكا مع ملاحظة ان الجمارك في أمريكا بالإضافة للضرائب تتجاوز 15% وفي بريطانيا 23% وفي ألمانيا وسويسرا أقل الدول الأوربية 5% يعني مثل عندنا بالخليج ومع ذلك الأسعار عندنا أغلى منهم.

2. السياسات غير الناجحة للوكلاء - يعني مثلا تلقى وكيل عجز يبيع سيارات العام الماضي لأسباب مختلفة فإذا قارب نزول الموديلات الجديدة باعها بأسعار حقيقية أو مقاربة للواقع - وليس كما يزعم البعض انهم يبيعونها بأسعار محروقة _ والكل يلاحظ هالشيء

3. النقطة الأكثر أهمية تدني مستويات خدمات مابعد البيع من متابعة العملاء والصيانه وقطع الغيار - وأنا أشهد بذلك حيث أنني قضيت فترة عملت في أحد التوكيلات الإنجليزيةالفاخرة و المشهورة جدا ً بعد التخرج من الجامعة - ولحبي الشديد للسيارات اخترت العملفي هذا المجال لكن كم صدمت كثيرا من الواقع - أكرر انني كنت في أحد مراكز الصيانة لتوكيل سيارات مشهور .. فما بالك بالتوكيلات الأخرى .؟؟

4. كثيرا ما تسمعون عن خلافات بعضها يصل إلى التحكيم الدولى بين بعض الوكلاء في الشرق الأوسط والشركات الأم - والأمثلة كثير - ........
وحاولوا أن تتتخيلوا ماهي أسباب الخلاف ؟؟؟

5. كثير من الوكلاء يحجم عن إستيراد موديلات معينه لقلة الربح المتوقع من تلك الموديلات مع أن تلك الموديلات لاقت نجاحا فائقاً في بلدان أخرى

أنا أسالكم .. متى دخلت عندنا موديلات السيارات الأوربية- مع شهرتها وتفوقها وجودتها عالمياً -
مثل الفولكس فاجن - الأودي - الألفاروميو- الرينو- السيات- الساب- السيترويين...

أذكر بالثمانينات كان عندنا سيارة سيترويين كان فيها هيدرولك يتحكم في ارتفاع السيارة وإنخفاضه !!!؟؟ أكرر الإختراع هذا في الثمنينات وكان وكيل سيتروين في الرياض بحي الملز خلف عقارية الستين - إذا في واحد من الإخوة يتذكر .. وأفلس الوكيل بالسعودية وقفل سنة 90 تقريبا
طبعا السيارة رميناها تحت شجرة عقب كم سنه يوم مالقينالها قطع غيار أو ميكانيكية يفهمونلها.

6. الجميع يعرف ان بعض الوكلاء يفك بعض الاكسيسوارات- مثل الكاسيت والإستبن والمساند.... -من السيارة أول ماتجيهم بالمخازن والجميع شاف الشيء هذا في أكبر التوكيلا اليابانية ... مادري إذا سياسة المنتدى تسمح أذكر أسامي .؟

8. عدم احترام عقلية المواطن والمستهلك من قبل الوكيل واستغلال جهل البعض وترديد أكاذيب وترويجها على أنها حقائق _ تذكرون الرانجروفر السبورت أول مانزل كان كم سعره ؟؟؟ كان سعره بالسعودية أغلى من الرانجروفر العادي بحوالي 50 ألف ريال ... تدرون الموظف بالمعرض اش كان يقولى ان السبورت ماتوره أقوى وشاسيه أقوى و وماادري ايش أقوى .... كلش أقوى ؟؟؟
مادري تقل حنا مخفات .... ذيك الأيام توني راجع من بريطانيا الرانج السبورت سعره أقل من سعر الرانج العادي ب10 الاف جنيه استرليني يعني مايقارب 60 الف سعودي - عشان ماحد يعلق الرانج ينزل بماتورين أتكلم عن الماتور الكبير 4.4 CC_ وبالبطبع الرانجروفر مواصافاته ومكينته أقوى من السبورت .

للاسف الشديد_ النقطة اللي ممكن أختلف فيها مع البعض _ هيا انه احنا كمستهلكين لنا أنماط استهلاك عجيبة للسيارات -وليس الكل بالطبع بل هم قله ولله الحمد- هناك من الشباب اذا حب يشري سيارة مايحدد استخداماتها بالنسبه له أو نوعية مشاويره أو ميزانيته .. لمجرد ان مثلها مع خويه أو قريبه .. لمجرد انها جديدة وأول مرة تنزل .. لمجرد انه سمع ان الهورس بور حقها عالي ... لمجرد انتفحيطها حلو ويقدر يخمس فيها كوس ... والله في ناس عقولهم كذا ..
أول شيء يسويه الواحد برة إذا حب يشري سيارة سأل عن خدمات مابعد البيع وخدمات الصيانه . تكلفة السيارة سنويا .. سعر مابعد البيع .. وكم ينقص من سعرها بعد كل سنة .. قطع الغيار وتوفرها ورخصها .. بل أدق التفاصيل وماأبغى البعض يقول وش هالتعقيد .

إقرأوا مثلا بعض المجلات المحترمة أكرر المحترمة مثل What Car- evo Car شوفو كيف تسوي مقارانات للسيارات من أصغر شيء لأكبر شيء ... أشياء الواحد ماكان يتخيل ان فيها ممكن يتم المقارنه .
:think: وبالتالي أنعكس الشيء هذا على أنماط المستهلكين بالخارج

:think: وبالتالي إحترم الوكلاء عقول المستهلكيين هناك

:think: وبالتالى ظهرت نوعيات سيارات وموديلات عالية الكفاءه

:think: وبالتالي أيضا اسعار السيارات معقولة وغير مبالغ فيها لشدة المنافسه هناك.

أتمنى ياشباب ماأكون طولت عليكم وأزعجتكم ... :shy:
وياليت تفيدوننا بآرائكم ومشاراكاتكم

[الامير الاحمر]

كلها استراتيجيات تسويقية لا اكثر ولا اقل

[THE PATRIOT]

مشكوووووووووورين يا اخوان
اثريتو الموضوع
بس انا مو قصدي ان الوكيل مايجيبها,,
قصدي ممنوعة من الدولة )الداخلية)
وشكر
ولي عودة باذن الله للرد بشكل مفصل اكثر

[sayedco]

الوكلاء هم السبب في تدني مستوى السيارات في الخليج


رأيي عكس رأيك :D

الوكلاء يبون شي يتسوق و عملي حق السوق

السيارات السبورت صحيح يحبونها الشباب ، بس أعداد الشباب قليلة بالنسبة للسيارة الإقتصادية مثل الكورولا و الكامري و ربعهم :D

و بالنسبة حق الS2000 ، موجودة في الوكالة في البحرين ، بس تعال شوف من يشتريها ! قليييييييل يمكن في البحرين كامل 30 ما يوصلون << حسب ما رأيت 6 بس :D

و اللي أعرفه في السعودية التأمين وايد صعب حق سيارات السبورت حتى الزد و الموستنق من الوكالة بالزور يسوون تأمين

و السيفيك SIRعادية عندنا ، الوكيل فقط ما ييبها ، يعني لو تجيبها اوردر عادي

و إذا كنت تبي تحكم على قوة السيارات هاذي ، فالكورفت و الفايبر و البورش 911 و الفراريات و اللامبورغيني كلهم سيارات قوية بمعنى الكلمة و السيفيك SIR و السكايلان و الشاص 8 سلندر عندهم مثل الإيكو

و آنا مع أخوي UAE Speed

السلام عليكم ..

أخوي العزيز ، في سيارات يتم منعها من المرور .. يعني ما يسجلونها ولا يفحصونها .. بسبب انها غير مطابقه للمواصفات الخليجيه ، او لسبب آخر !

وفي سيارات ما يستوردها الوكيل نفسه ، لأسباب تسويقيه وتجاريه ..
لأنك عارف في شركات مثل تويوتا عندها أكثر من سياره في فئة واحده ، مثل الايكو والياريس وغيرها ... لذلك بعض الوكلاء يفضلون استيراد السيارات التي تلبي حاجة السوق والناس ، لانهم في الأول والأخير وكلاء يعني عندهم عامل الربح في المقام الأول ..!

باختصار : الامر متوقف على ادارة المرور + الوكيل .


إما الوكيل ما يجيبها ، أو المرور ما يقبل بنجاحها في الفحص

[bashar_255]

شباب اللي يبغي يهرب سكاي لاين عندي الحل :D

[الشبابي]

لايوجد سيارات ممنوعة ... ربما في الثمنينات كان هناك بعض السيارات الممنوعة لكن لايوجد اي شئ الان ممنوع ....
هل ممكن يمنعون سيارة رياضية يابانية صغيرة عن البيع والفيراري والمبرجيني موجودة بالسوق واقوى بكثير ...؟؟؟










اخوكم الشبابي

[أبوعدنان]

السلام عليكم ورحمة الله وبركاته

سبق ان سألت نفس السؤال وكان الجواب من الجمارك

الوانيت 454

والسيارات الدركسون يمين (الياباني)المحوله

والسيارات المصدومه

[sayedco]

شباب اللي يبغي يهرب سكاي لاين عندي الحل :D


عطني الحل :D

[bashar_255]

ما تنفع للبحرين

بس اللي بالسعودية أو عنده سكن بالسعودية أقدر أفيده لاكن على الخاص :-)

[Be Away Of My Way]

لكن هيئة المواصفات والماقاييس ترفض تصريح مثل هالسيارة

دركسون يمين معدل يسار ،،،، وكلام فاضي

إلا إذا كان عندك واسطة أو سهلت أمورك ببعض الحركات خلف الكواليس

هذا شي ثاني ، وراح تطلع عليك السيارة بقيمة باهضة

إذا أحد يقدر يمشي أوراق سكاي لاين وأطلع لها لوحات سعودية أكون شاكر له

لأني حاولت كذا مره ،، وللأسف :m: السيارة غير مطابقة للمواصفات والمقاييس

عذر أقبح من ذنب

الفيراري كم قوته ؟؟؟؟؟؟؟؟؟؟؟؟؟ والزوندا كم قوته ؟؟؟؟؟؟؟؟؟؟؟؟

ليش ما تمنع مثل السكاي لاين ؟

هذا الواقع ،، واللي يشك بكلامي يروح لهيئة المواصفات والمقاييس ويسأل بنفسه

تحياتي للجميع

أخوكم :black: مجازف :black:

[bashar_255]

أي سيارة مقلوب دركسونها ممنوعة يا جماعة مو بس السكاي حتى لو هوندا أو بي ام

بس طريقتي أسهل من غيرها و عيبها انه اذا انصدت رحت فيها :headshak:

الطريقة مجربة

[((StingRay))]

أنا في رايي .. مافي شي أسمه ممنوع

كلها سياسات تسويقيه

[big block]

أعرف واحد متفلسف الله يهديه يحب يكبر السوالف..

مثلا يقول السكايلاين ممنوعة بالسعودية لانها تترهم بسهولة....كيف؟؟...تجيب لابتوب وتشبكه بالكمبيوتر الرئيسي وتقدر تحوله لـ1200 حصان بدون ترهيم..

وهذا غير إني أشوفها مليانة بالشرقية..

والنعم بالخرشة والله..


بس هل عليها لوحه سعوديه؟؟

[bashar_255]

أعرف واحد متفلسف الله يهديه يحب يكبر السوالف..

مثلا يقول السكايلاين ممنوعة بالسعودية لانها تترهم بسهولة....كيف؟؟...تجيب لابتوب وتشبكه بالكمبيوتر الرئيسي وتقدر تحوله لـ1200 حصان بدون ترهيم..

وهذا غير إني أشوفها مليانة بالشرقية..

والنعم بالخرشة والله..


انت قاعد تهرج ولا مصدق صدج :m:

حبيبي ما فيه قانون من قوانين الفيزيا في الطبيعة يسمح بذلك :headshak:

و باليالله يشد مع لومينات الـ GT-S

حدث العاقل بما يريد ولا تتحدث في مالا تفهم :sleep:

[Dart]

السلام عليكم..

حبيت اشارك واسأل سؤال اذا امكن :)

دام على قولتكم السياره المقلوب دركسونها ممنوعه؟!

اجل ليش GM تصدر خردة هولدن للشرق الاوسط وهي على يمين ؟ يعني السالفه فيها راشي ومرتشي؟ :m:

[الارهابي]

السلام عليكم..

حبيت اشارك واسأل سؤال اذا امكن :)

دام على قولتكم السياره المقلوب دركسونها ممنوعه؟!

اجل ليش GM تصدر خردة هولدن للشرق الاوسط وهي على يمين ؟ يعني السالفه فيها راشي ومرتشي؟ :m:

الهولندات اللي تجي تحت اسم الشفر تطلع من المصنع بسكان يسار
و الممنوع هو السيارات المحوله ( يعني اللي تطلع من المصنع بسكان يمين )

[أبو حسين]

بس هل عليها لوحه سعوديه؟؟

أيوا عليها لوحة سعودية..

وفيها ستكرات بعد..

بس دركسونها على اليسار لانه هو إللي قالبها .. خسر عليها حوالي 2000 درهم وشي..