حد عنده فكره عن ريموت يشغل السياره + المكيف

[أمير العين]

السلام عليكم ورحمة الله وبركاتة ...

من لديه الفكره عن النظام الذي يشغل السياره من مسافة + المكيف ..

انا حصلت هذا النظام في دبي ..في محل اسمه نجمة المدينه للزينه السيارات

وتركيبه بحول 700 درهم ..

اتمني من لديه علم بهذا الموضوع بانه يفيدنا ..من اضراره وانافعه ..؟؟

[BMW M8]

اخي امير العين،،،

انا الصراحة شفته مع شباب بس ثمنه غالي .... يعني مو ب 700 درهم اقل ركبوه 550 درهم على ما اظن :think: :think: ....

لكن من ناحية ايجابياته بالصيف بيريحك لانك بتشغل المكيف قبل بوقت وتبرد السيارة ... مساؤئه انه بمجرد الخطا اذا شغلت السيارة والمكيف لازم تروح تبندها....

هذا والله اعلم......

لك مني خالص تحياتي...

[غريب السيف]

انا سمعت انه يخرب (دينمه السلف) على المدى البعيد

لان واحد من ربعي كاان مركبه على سيارته الهوندا بس بعد سنتين غير دينمة السلف
والميكانيكي قاله انه السبب من الجهاز

بس ما ادري يمكن كل جهاز يفرق عن الثاني ...ووجوده في السيارة يوفر على الوقت والانتظار خصوصا وقت ما تكون مستعجل او وقت الحر ..والصيف قرب

[أمير العين]

مشكورين يااخواني ..

ولكنه هالنظام بصراحه ممتاز ..بحيث اني استغل الوقت يوم بتحر السياره واشغل مكيف ..

بس اتمني بعد من الاعضاء ..اللي عنده علم عنه ..لايبخل علينا :smart:

[جداوي كول]

:damp: لا والله ما انصحك اخويه

قريبي ركبو على سيارتو

بعد كم شهر سارت السياره تخرف

وبعدين انحرق عليه الكتاوت
وغيرها
واخر شي سار انو السلف غيرو
:m:
صدقني انا باقلك الكلام هادا عن واقع شفتو محد قلي والله


لا تركبو

[bahrainlove]

انا عندي الجهاز على هوندا فيجور وصار له أكثر من 4 سنوات وشغال تمام وهو من شركة MAG وطريقته ان يكون زر المكيف شغال واثناء تشغيل السيارة عن بعد يشتغل المكيف بعد حوالي 3 دقائق .... بس أهم شي تشوف لك واحد خبير في التركيب .. وشكراً

[أمير العين]

تسلم اخوييه جدوااي كوول ...ولكن اخويه لوف بحرين مايشتكي منه ..

اذا ماعليك آمر ياخويه لوف بحرين ..اتخبرني تقريبا كم بعد المسافه التشغيل ؟؟ وبكم ركبته ؟؟ وسعره ؟؟

لاني اريد استخدمه وقت الصباح ..عسب السياره اتحر المكينه ...^_^

تقريبا عرفت بانه المسافه قريبه ولا معقوله ؟؟ :)

[bahrainlove]

هلا خوي أمير العين
الصراحة انا سيارتي ماخذينها من عندكم (من دبي) والجهاز كان مركب عليها وهو موجود في أغلب محلات الاكسسوارات واسمه MAG والقطعه تشبه اللي تجي أصلي على المرسيدس ... والمسافة حوالى 50 متر اذا كان الهوائي مثبت بطريقة صحيحة.