Ford Focus ST .. أقوى فوكس من شركة فورد إلى الآن..

[عيناوي كوول]

بسم الله الرحمن الرحيم


كيف الحال يا شباب ..

اليوم يايبلكم الفوكس اليديد اللي للأسف ما راح ينزل إلا في بريطانيا .. لأن نحن آخر من يسألون عنا كالعادة .. :(

على العموم القوة 225 بريك هورس باور

5 سلندر

توربو شارجر

والصور تكمل الباقي عني :D

[عيناوي كوول]

التكملة :)

[sayedco]

سيارة حلوة و قوية :banana:

آنا استلمت Test Drive للفورد فوكس العادي طبعاً محرك ضعيف و لكن اقتصادي 1.6 لتر

بس الثبات و انعدام صوت الهواء شي عجيب في هالسيارة مع إنها صغيرة و خفيفة لكن تحس بالثبات على السرعات العالية و سألت الوكالة طبعاً آدري بيعطوني جواب شوي مبالغ ، قالوا إنه ايروديناميكية هالسيارة معدلة عشان ما تقاوم الهواء كلام سليم

و فئة الST و خاصة هاللون عاجبيني ، و أتذكر توب قير جربوها و جيرمي اللي راسه يابس اقتنع بها أخيراً :D

[عيناوي كوول]

ههههههه جيرمي أصلا خلاص لازم ما يخلوه يسوق أي سيارة

هذا مصداقيته ما تأكل عيش ههههههه

مثل اللي متعود يسوق على سرعات جنونية وعقب تعطيه سيارة سرعتها الأخيرة 180 كيلومتر بالساعة أكيد ما راح ينصفها حقها بالرغم من إن في ناس ( مثلا ) يشوفون ال 180 وايد وكفاية وسريعة ..

مشكور على تعقيبك فديتك :D

[توربو]

ولله سيارة ترى راسية وحقت خطوط وخاصة على السرعات العاليه

بس الصور ياخي مدري كيف

[EL_3grab]

السيارة روعه وتتقارن من الـGti .. وتوصل لحد أنها تكون بديله ..

جيرمي قارنها بكوالتي الفولكس واجن من داخل .. وهاشي لازم يسوونه لنهم متجهين للسوق الأوروبي فيها ..

5 سلندر وتيربو =225 للفورد

4 سلندر وتيربو =200 للـGti

..

عيناوي كوول .. معاك حق .. واحد معودينه عالسوبر كاار يسير يختبر السيايير العاديه .. وين تبى .. وياما كانت توصله رسايل علشان هالسبب من المشاهدين .. لين ما سوالهم فقره ما تتعدى 30 ثانيه يقارن فيها السيايير العاديه .. :D :D

[عيناوي كوول]

توربو :

هلا حبيبي .. شو اللي ما عجبك في الصور ؟ :)


العقرب :

هلا فديتك .. ترا أقولك مشكلة هذا جيرمي ههههههه يقولك يغير قير الديابلو بصبع واحد من كثر ما إنه أصابعه شرات الأخطبوط ههههههه تباه يوم ييبوله هوندا حليلها قيرها صغيرون ما بيروم يبدل القيور بتحراها فص الجامات ولا شي ثاني ههههههه

مشكورين على تعقيبكم