مين يساعدني في جيب عابر للقارات؟؟؟؟

[THE PATRIOT]

السلام عليكم ورحمة الله وبركاته
يا اخوان بغيت شوركم علي
اخوكم شاب في السعودية, 21 سنة
ناوي لي على جيب,,
لست اعلم اي شي عن مستقبلي,,
شكلكم مافهمتو :confused: :confused: :confused: :confused:
انا الان في اخر فصل دراسي لي في الجامعة,,
محتار جدا بين التوظيف , وبين اكمال دراستي للماجستير في امريكا
اخاف اشتري جيب وبعدين اسافر وما اقدر اشحنه لأمريكا لأنه اصلا مو موجود هناك
علشان كذا ابي اشوف جيب يكون موجود هنا وفي امريكا,,
مدري وش رايكم؟؟
خصوصا اللي عاشو في امريكا
انا براسي
1- باجيرو
2- جراند شيروكي
ولا اريد باي حال هذه السيارات
1- اكسبلورر
2- بليزر
3- يوكون
__
ابغى شي ياباني ويكون حجمه وسط (يمكن اتزوج بعد فترة )
وصرفيته حلوه, تخبرون البنزين نار بامريكا والجيوب تشفط البنزين
وكم يكلف الشحن الى ولايات غرب امريكا (واشنطن)
وشكر ت

[سنـاري]

مو كل الموانئ تشحن الى السعودية

و شحن السيارة الى امريكا ميناء جاكسنوفيل للجيب راح يكلفك 9500 ريال

شوف كلم عضو هنا اسمه سعود البكر راح يساعدك كثير في هذا الموضوع

[البدر888]

اذكر 40000 الف ريال الى الامارات

سعود البكر

[عالبال]

أنا أقترح عليك إنك ما تستعجل .. اصبر حتى تتبين أوضاعك .. إن كنت بتروح لأمريكا أنضحك تشتري سيارة من هناك .. أقل تكاليف وأحسن للضمان .. وأيضا أحسن في المواصفات :p

[Eclipse]

أنا أقترح عليك إنك ما تستعجل .. اصبر حتى تتبين أوضاعك .. إن كنت بتروح لأمريكا أنضحك تشتري سيارة من هناك .. أقل تكاليف وأحسن للضمان .. وأيضا أحسن في المواصفات :p


No need to rush!!!!!

Think thoroughly about each step, and then decide!

regarding the car ... I would advise you to buy the Xterra :D

http://www.nissanclub.com/XTERRA/2005XTERRA/2005xterra.jpg


or if you prefer something that wont break your wallet on gas take the rav4
http://images.intellichoice.com/images/AutoShows/Big/112_05fas_toyota_rav4_s.jpg


by the way, what do you study? and what do want to do for Masters?


Eclipse

[Eclipse]

dont forget to look at the Subarus too! they have excellent lineup of 4x4!

http://images.consumerguide.com/autoreview/400x266/2006-Subaru-Outback-06810061990006.JPG

[red_RPM]

نصيحه لاتحاول تاخذ سياره لأمريكا حتي لو سياره أمريكيه أقولك ليش
عندي صديق كان عنده كرايسلر نيويوركر راح يدرس في أمريكا وشحن السياره معاه لأمريكا علشان يستعملها هناك طبعا مواصفات السياره خليجيه
تعرف شنو طلبو منه هناك ؟ والله مسكين داخ معاهم , طلبوا منه تغيير مواصفات السياره من خليجيه لأمريكيه وصرف عليها مبلغ ولو لم يفعل ذلك لما سجلوله السياره هناك
طبعا لمن انتهي من الدراسه باع السياره هناك ولاجابت له شي
يعني لو بايع السياره في بلده وشاري وحده ثانيه في أمريكا أحسن وأسهل وأرخص


وبالتوفيق

[cruiser2000]

ليش ما تشتري من امريكا نفسها

مواصفاتها اكثر وافضل من الخليجي

وبعدين لاتنسى الجو في امريكا غير عن الخليج

يعني يبغالك شوية شغلات ميكانيكية اعتقد

روح هناك السيارة جاهزة وبلاش تكلف نفسك تكاليف الشحن

وانت ما تدري شو بيضمن لك ان السيارة بتوصل امريكا؟
ما تقدر تضمن

انا انصحك اشتر سيارة من هناك على الاقل تقدر تضمن ان السيارة بتكون
صالحة لجوهم . . . . . . .

[sayedco]

آنا أقول خذلك الجيب اللي تبيه هنا

و هناك خذ لك سيارة صغيرة و اقتصادية ، خبرك الجيب ما بيفيدك هناك لا بر و لا طعوس :D

و صرفية الجيب معروفة إنها عالية خاصة هالسيارات اللي ذكرتهم :

جراند شيروكي
ولا اريد باي حال هذه السيارات
1- اكسبلورر
2- بليزر
3- يوكون
__
ابغى شي ياباني ويكون حجمه وسط



و على فكرة هالسيارات اللي قلتهم أمريكين و إنت تقول تبغى ياباني :D

خذلك ايكو في أمريكا

في السعودية خذلك يوكن أو فورد أو باترول

و ذا تبي الصراحة أقول اصبر لين تخرجت و شوف اللي قررت عليه ، الصبر زين :p

[TOP-SECRET]

والله اخوي

عندك البرادو ممتاز جدا وصرفيته جيده بس ماعندي علم باسعاره

والبثفايندر الجديد بنفس حجم محرك البرادو 4.0 واعتقد حاليا وقت الحجوزات عالسياره

الباجيرو ممتاز جدا عند واحد من الربع مايشتكي منه بشي ومرتاح منه

انت استخير وتوكل على ربك

[Porsche GT2]

اشوف انك ما تستعجل أفضل

إذا كنت مرة محتاج سيارة الحين وتبغى تمشي حالك اشتر سيارة مستعملة ورخيصة لفترة مؤقتة حتى يتبين كل شي ..
و لو رحت أمريكا ما أنصحك تشتري جيب لأن أسعار البنزين هناك نااااار وكل يوم في إزدياد مستمر .. اشتر سيارة اقتصادية من أمريكا أفضل حتى من ناحية الأسعار والمواصفات أفضل من هنا

[Yousef 900]

اخوي انا اتفق مع الاخ red_RPM

وفعلا هذي القصة صارت مع واحد من الشباب

اسمع انت خلص دراستك و سافر واذا رحت هنالك خذلك مورانو وماراح تندم

وشكرا

[THE PATRIOT]

مشكور ياخوان,,
شكلي بصبر لين اشوف ايش يصير علي,
اذا جلست بالسعودية شكلي باخذ لي باترول او باجيرو
واذا امريكا,, وقتها يسهل ربك