سوالف للجميع - مشاااااكل في جمس 2003

Town Car

25-03-2006, 02:46 AM

سلام عليكم

ياالربع عندي مشاكل في جمس مكينته 6لتر موديل 2003 دبل
1- القير بعض الاحيان مايغير الا لما ارفع رجلي عنه بس اذا عست علي ( قرصته ) ابد يدوس ويغير عادي ... وللعلم تغييرات القير احس فيها بعض الغباء يعني تتاخر في شبك النمره بشكل كبير اذا كنت ماشي مهدي واذا داعس لا عادي وبعض الاحيان لا عادي طبيعي وبعض الاحيان يغير بتاخير بسيط
2- اذا مشيت بالسياره خط احس اذا دعست على السياره عشان اتجاوز او شي احسه بصوت ( اووووف ) كانها مكينه صالون موب جمس يعني يصير هوت المكينه هووووو الى يغير لنسبه هاديه ماادري شلون اشرحه لكم بس كانه صوت هوا واكيد تعرفونه الصوت هذا
في مشكله ثالثه بس والله ناسيها اذا تذكرتها انشاء الله ارجع اقولها لكم

شاكر لكم ومقدر وارجووووووووكم اهتموا في الموضوع

cruiser2000

25-03-2006, 10:43 AM

جرب تروح الورشة شوف شو العطل فيها

للرفع

شباب يااليت تساعدون اخونا في مشكلته

Prelude 4 Life

25-03-2006, 10:52 AM

بالنسبة للمشكلة الأولى اعتقد كلتشات القير عندك منتهية ولازم توضيب :sss:

لما تكون ماشي وتجي توقف تحس تنزيل النمر طبيعي والا قاسي؟

تأكد من مستوى زيت القير واذا كنت ماشي عليه اكثر من 50 الف كيلو فلازم تبدله

قلق و رجه

25-03-2006, 11:41 AM

من متى هالشي

وكم السيارة ماشية

وهل غيرت زيت القير

على العموم كل المشكلة في القير ولازم فني يفحصها بالتجربة

Town Car

25-03-2006, 01:35 PM

مشكور اخوي كروزر على المرور

اخوي برليود قول غيرها !! الله يستر بس القير ترا موب لذيك الدرجه غبي بس اللي يدقق يلاحظ والزيت حق الوكاله وماشي 120 الف واذا كان قصدك اذا جيت ماشي مثلا وبوقف عند اشاره وقصدك ترجع النمر للنمره الاعلى منها مثلا يكون في الرابع ثم الثالث والثاني والاول هذي كلها طبيعي موب قاسيه ابد وبعدين اذا دست للاخر الموتر يقبل الدعسه بشكل حلو ويدعس بس هالكلام اللي فوق يصير اذا كنت مهدي يعني ماادري والله اتوقع القير مافيه شي
وكنت ببدل زيت القير والفلتر بس ناس قالولي اذا مطول عليه وماشي كثير افضل لك ماتبدله ولا على طول القير لازمله توضيب وهالشي خوفني صراحه وخلاني اصبر ماابدل شي فماادري وش رايكم

اهلين قلق ورجه
والله هالشي مااذكر من متى بس توي الاحظه لما مسكت فيه خط
وماغيرت زيت القير من قبل والسبب قلته فوق

ويااخوان انا طلعت عيار الزيت حق القير ولقيت الزيت احمرر يعني موب محروق بس نسيت اقيسه اذا هو ناقص :knight: :knight:

مشكورين يااخوان على الردود وفي انتظار خبراء زياده يدلون بارائهم << ترا تعبت عشان اطلع كلمة يدلون هذي

تشاااو

TOP-SECRET

25-03-2006, 01:56 PM

والله اخوي احنا عندنا جمس 2001 حجمه 1500

حتى انا اشوف تبديلات القير تتأخر يعني تحس ان المكينه تتعب لين يبدل القير :think:

بالنسبه لمشكلتك واللـه اعلم يمكن تكون ترس القير :think:

اذا دعست تحس السياره ثقيله؟؟
"مثال"
يعني مثلا كانها بدلت من 2 الى 4 من غير ماتدخل في الـ 3
:think:

والمشكله الثانيه اعتقد بعد متعلقه في القير

اخوي انت بالغلط كنت تمشي مثلا 120 او 130 ورجعت نمره مثلا عالـ 1؟؟

قلق و رجه

25-03-2006, 02:13 PM

اول شي شوف زيت القير

وله طريقة خاصة

والسيارة حارة

وقف السيارة في مكان مستوي وبعدين ابدى من البي وانزل حبه حبه الى 1 بس كل حركه خلك فيها 3 ثواني على الاقل وبعدين رجع القير على البي وقيس الزيت

وترى انا ماشي موتري فوق ال135 الف ولا فيه شي الحمدلله

هل سويت شي في السيارة (بيني وبينك :D )

CL-Class

25-03-2006, 02:36 PM

نصيحتي لك الآن قم بتغيير زيت القير + فلتر القير فوررررراااااااااااااا وبدون اي تأخير

الزيت لازم يتبدل كحد أقصى كل 40 ألف كيلو ...... حتى وان كان اللون احمر ( للمعلومية زيت القير مايسود مثل زيت المكينه )

وخلك من اللي يقول لاتبدله

واي تأخير راح يكلفك الثمن غالي

حياك الله

Prelude 4 Life

25-03-2006, 03:12 PM

مشكور اخوي كروزر على المرور

اخوي برليود قول غيرها !! الله يستر بس القير ترا موب لذيك الدرجه غبي بس اللي يدقق يلاحظ والزيت حق الوكاله وماشي 120 الف واذا كان قصدك اذا جيت ماشي مثلا وبوقف عند اشاره وقصدك ترجع النمر للنمره الاعلى منها مثلا يكون في الرابع ثم الثالث والثاني والاول هذي كلها طبيعي موب قاسيه ابد وبعدين اذا دست للاخر الموتر يقبل الدعسه بشكل حلو ويدعس بس هالكلام اللي فوق يصير اذا كنت مهدي يعني ماادري والله اتوقع القير مافيه شي
وكنت ببدل زيت القير والفلتر بس ناس قالولي اذا مطول عليه وماشي كثير افضل لك ماتبدله ولا على طول القير لازمله توضيب وهالشي خوفني صراحه وخلاني اصبر ماابدل شي فماادري وش رايكم

اهلين قلق ورجه
والله هالشي مااذكر من متى بس توي الاحظه لما مسكت فيه خط
وماغيرت زيت القير من قبل والسبب قلته فوق

ويااخوان انا طلعت عيار الزيت حق القير ولقيت الزيت احمرر يعني موب محروق بس نسيت اقيسه اذا هو ناقص :knight: :knight:

مشكورين يااخوان على الردود وفي انتظار خبراء زياده يدلون بارائهم << ترا تعبت عشان اطلع كلمة يدلون هذي

تشاااو

120 ألف يالظالم :eek:

الحين اول حاجة تروح تبدل زيت القير مع الفلتر اذا كان موجود ويفضل تسوي هالشغلات في الوكالة

وانشاءالله بتلاحظ تحسن في التبديلات :p

EL_3grab

25-03-2006, 03:44 PM

أنا بدلت قير الكروزر على الـ180 :D .. وأصلا ما كان فيه آيل وايد ..

القير مرة غبي .. ما يعطيني القير اللي أبا في الوقت اللي أباه .. الا أذا بدزه 2 و1 ..

وأحين موصل 218 .. وما ببدله .. قريب بيحل مكانه الـ4L80E .. :black:

Town Car

25-03-2006, 03:46 PM

اهلين اخوي توب سيكرت شخبارك
اخوي بالضبط زي ماقلت انت تتاخر نفس المشكله عندي وبعد لاحظتها في كل الجموس
وبالنسبه للتبديلات لا بالعكس تبدل طبيعي وكل شي بس المشكله بين كل نمره يعني مثلا في الثالث وتبي تغير الرابع يتاخر شوي وكانه معلق بينهم حتى ارفع رجلي من الدواسه شوي ويبدل الرابع
بالنسبه للمشكله الثانيه لا ياخوي مستحيل اسويها هذي هههههههه
ومشكوووووور اخوي على مرورك الكريم

هلا اخوي قلق ورجه
وانشاء الله طريقتك هذي بصلحها اليوم وبقولك وش يصير
ماصلحت شي في السياره ياخوي هههههه <<<< تحسه خايف
ومشكوووووور على مرورك اخوي

اهلين بالسي ال
تدري هالسياره احترمها مره بس الشكل الجديد بصراحه يعني ( خياس ) :)
المهم نرجع لموضوعنا
والله خلاص انت واغلب الشباب يقولون غيره وانا بتهور واغيره وزي ماتجي تجي
شاكر لك مرورك الكريم

هلا بالهوندا برليود
ههههههههه ياخوي هذا احنا يالسعوديين نقول السياره جديده ومايحتاج تغير وصيانه وماادري ايش واذا طلعت لنا مشكله عضينا اصابع الندم
وخلاص انشاء الله توبه اعودها وبغير الزيت والفلتر باقرب فرصه
شاكر لك الفففففف شكر على تفاعلك واهتمامك

اهلين اخوي العقرب
الله يكون بعونك بس ليش تغير القير ؟؟ عشان الفلتر والزيت ؟؟
شاكرلك مرورك الكريم

شاكر لكم يااخوان والخلاصه اني اغير الزيت والفلتر واذا مانفع ارفس السياره من فوق طعس وانتهينا هههههه لا انشاء الله تضبط لا تتفائلون بشر << حد قالها غيرك

المهم شكرا لكم

أبو حسين

25-03-2006, 05:09 PM

عن تجربة الوكالة الجميح...

إذا كنت بالسعودية ووكيل السيارة الجميح أننننننسى تبدل الزيت من عند الوكالة لان كانت عندنا لومينا وعند تغيير الزيت أنواع التأخير من يوم ليومين ..

الحلوين إيش سووا طلعوا غيروا الزيت وبساتم المكينة ((وش دخل البساتم بالموضوع؟؟؟))

من جد ماأمزح!!! قالوا السيارة محتاجة بساتم!! قلنا لا لاتغيروه قالوا خلاص فكينا المكينة..حسبي الله ونعم الوكيل!!!!

ولما رحنا نشوف السيارة فيه سيارة نفس سيارتنا كانت موقفة ونفس حالتنا!! قتلنا الفضول وسألنا الرجال وش مشكلة سيارتك!! قالي محتاجة بساتم!!
حسبي الله يعني أخذوا حقنا وحطوه في حق الرجال يعني مو حنا إللي أكلنا هوا بس المسكين؟؟ لانه دافع 100 ريال للبستم والمصيبة ماهو جديد!!

بالنهاية ماأحاول أغير الموضوع لكن إذا السيارة من الجميح فالأفصل تغيره من عند أي محل ينصب عليك على علبتين زيت ولاينصب عليك بالمكينة!! :damp:

وسلامي

الارهابي

25-03-2006, 10:13 PM

كم واحد يسوق السياره ؟

Town Car

25-03-2006, 11:47 PM

اهلين اخوي ابو حسين
والله الجميح سمعته من سيئه لاسواء بس وش نسوي بعض الاحيان ننحد عليه
على العموم انشاء الله بغير الزيت برا موب في الوكالات والف شكر على مرورك

الارهابي ؟؟؟؟؟ كح كح غباااار
كييييفك اخوي انشاء الله تمام
والله ياخوي كانت في فتره قبل كنت انت شبه مشارك يومي وصراحه كنت ادخل المنتدى عشانك وعشان ابو روان بس كلكم رحتوا وبقى خير
على العموم الله يحيك واللي يسوق السياره كثير :) بس كلهم سواقتهم رايقه نسبيا الا في حالات :)
على العموم انت خبره امريكي وش رايك في المشكله وش تتوقع منه ؟
تحياتي واشواقي الحاره

الارهابي

26-03-2006, 12:26 AM

اذا السياره متعوده على الدلع و تجي تدوسها اكيد ما بتكون استجابتها زي ما تبغى

فتره كان عندي سوبربان 454 و كان ماشي زي الحلاوه
بعدين اخذت لي سياره و تعود على الدلع و الحين ممشاه كأنه 4 سلندر :D

و بالنسبه للنمره الرابعه
في قير 4l60e
مجرد ما تدعس اكثر من نص الدعسه القير ما يعشق الرابع
و في قطعه تبيعها بعض الشركات عشان تحل هالمشكله
لكن ما ادري وش قير سيارتك
4l60e ولا 4l80e

مؤيد اف1

26-03-2006, 12:29 AM

مازيد شي على كلام الارهابي..

ولاتنسى انك تغير الفلتر مع الزيت ضروري جداً..

اذا كانت المكينه 8 لتر الجير 4L80-E واعتقد ال6لتر تجي بهالجير بس مو متاكد :think:

Town Car

26-03-2006, 02:55 AM

اهلين بالارهابي
ياخي قلت لك من اول والله منتب سهل ابد ماااشاااء الله عليييييك
لاني فعلا لاحظت هالمشكله في كل الجموس تقريبا
تصدق جربت جمس ماشي 50 كيلو ونفس المشكله
المهم اتوقع القير 4l65e على كلام الكتلوج حق السياره
وياليت تقولي اسم القطعه هذي حتى ادورها لان من جد هذي مشكلة كل الجموس واليوكون والطقه هذي
وشاااكرلك ياخطيييير :knight: :knight:

اهلين مؤيد اف 1 هلا بخبير الشفر رقم 2 :)
انشاء الله بغير الزيت بس خل نشوف القطعه اللي يقول عليها الارهابي لان زي ماقلت لكم لاحظتها في كل الجموس موب بس سيارتي
شاكرلك مرورك الكريم

sayedco

26-03-2006, 12:46 PM

وكنت ببدل زيت القير والفلتر بس ناس قالولي اذا مطول عليه وماشي كثير افضل لك ماتبدله ولا على طول القير لازمله توضيب وهالشي خوفني صراحه وخلاني اصبر ماابدل شي فماادري وش رايكم

آنا أقولك إذا إنت تخاف من هالشي

بدل الزيت + الفلتر مال القير + الكازكيت ، بالنسبة لسيارتي كل هذلين يكلفون 300 ريال

الكازكيت عادة تتجمع فيه قطع حديد :D

بدل الحين قبل بكرة

Town Car

26-03-2006, 08:12 PM

اهلين اخوي Sayedco ومشكور على المشاركه وابدا المشوره
وانشاء الله خلاص بغيره

مشكورين ياشباب