وش رايـكـم بـالـهـمـر Hummer H1 ؟

[الحر الأشهب]

السلام عليكم

صبحكم الله بالنور والسرور ..

http://pascalpierart.free.fr/photos/script/albums/userpics/10001/normal_HUMMER%20H1.jpg

يا جماعة الخير .. وش رايكم بالهمر Hummer H1 ؟

حبيت أستشير أصحاب الخبرات منكم عن هذي السيارة وأسئلكم عن مزاياها وعيوبها ..

وأتمنى منكم الرد الشافي ..

الحر الاشهب

[TOP-SECRET]

:blink: بوجاسم ناوي على كبير

والله اخوي انا ماجربته

بس شكله مايصلح حق استخدام يومي

يعني احس كشكل مايصلح حق استخدام يومي

والي اعرفه سعة مكينته كبيره جدا بس مادري كم

وبديت تلعب في بروه من الحين :D

الغالي هذا خبراء الامريكي يفهون فيه صح بس كلمني عالماسنجر

وبنصحك ماتاخذه :D

[الحر الأشهب]

السلام عليكم

بوشهاب .. انا من قريت اسمك ودريت انك راد علي قلت أكيد رده فيه بدال التشجيع إحباط ..

يعني ما منه فايدة .. ياخي انت بدال ماتشجعني وتقول لي تراه خوش موتر .. ماينقلب بسرعة مثل الـ GXR 2001 ( ترى ما أقصد موترك ) و ... و ... إلخ جاي تقول لي الموتر ماينفع ؟

وبعدين انا مابيه حق استخدام يومي .. أي اخذه حق ام الحول وحق الويكند .. يعني أخلى عندي الماجنا ( وانت بكرامة ) حق استعمال يومي والهمر حق الشسمه والشيسمونه ..

وعلى طاري الأسهم لا تعور قلبي .. تراني شاري الصناعات بـ 199 ( ياخيبتك يامحمد ) وشوفها كم واصلة اليوم!

وهذا كل اللي في خاطري واللي في جبدي طلعته ..

الحر الأشهب

[AnGlOpHiL]

اليديد حيل غالي في موديل ب40 الف و موديل ب50 الف (دينار) بس مكينته و قيره يختلفون عن القديم..القديم كان 4 غيار اوتو و 200 حصان و عزم مينووون بس اليديد 8 سلندر تيربو ديزل و 300 حصان و عزم عالي حيل بس ماذكره بالضبط!

:sss: بالنسبه للأداء سوله سيرج خفيف و تعرف او ادخل موقعهم حاطين لك كل المعلومات

[cruiser2000]

الهمر اتش 1 سيارة قوية بمعنى الكلمة


وانا بنفسي شفت اداءه القوي في البر والرمول

بس عاد تحمل قطع الغيار


وتراه ثقيل مرة وبديه بالكامل من الحديد وديزل

ومكينته في العزم ما تنغلب

بس ترا اقولك سعره وايد فوق

جرب الاتش 2 وايد فنان وسعره ارخص وشكله حلو وممتاز ورزته قوية

[cruiser2000]

شوف بعض الهمرات في الوصلة التالية وكيف ترتيبهم له



http://www.cardomain.com/member_pages/search_results.cgi?make=Hummer&model=H1&start=21&show=20&sort_by=rating_vehicle

[TOP-SECRET]

السلام عليكم

بوشهاب .. انا من قريت اسمك ودريت انك راد علي قلت أكيد رده فيه بدال التشجيع إحباط ..

يعني ما منه فايدة .. ياخي انت بدال ماتشجعني وتقول لي تراه خوش موتر .. ماينقلب بسرعة مثل الـ GXR 2001 ( ترى ما أقصد موترك ) و ... و ... إلخ جاي تقول لي الموتر ماينفع ؟

وبعدين انا مابيه حق استخدام يومي .. أي اخذه حق ام الحول وحق الويكند .. يعني أخلى عندي الماجنا ( وانت بكرامة ) حق استعمال يومي والهمر حق الشسمه والشيسمونه ..

وعلى طاري الأسهم لا تعور قلبي .. تراني شاري الصناعات بـ 199 ( ياخيبتك يامحمد ) وشوفها كم واصلة اليوم!

وهذا كل اللي في خاطري واللي في جبدي طلعته ..

الحر الأشهب

لوووووووول شحاااااادك تشتريها ب 199 تدري انها نازله وبتنزل بعد لين وصل سعر السهم 35

بشتريه من عندك لوول

وانت اذا تبيه حق طلعات الويك اند والله شاقولك هممم عاد توني مكلمك في الماسنجر

ونسيت موضوعك هذي لوول

بس عندك الـH2 يخي قوي ومكينته فورتيك 6.0 لو تاخذ واحد بدي حق البر وترفعه من قدام وورى

من يقدر يصيدك صوب البحر :D

وبعدين من هذي راعي الكروزر 2001 الي منقلب

اشوى موتري 2000 لوول :D

[EL_3grab]

يعجبني حييييل ..

وخصه الـALpha 1 اليديد ..

بتتعذب وياه :D .. اللي حذالك ما تقدر توصله ..

الحلو أنه ما يعوقه شي .. لا ماي ولا بر ولا جو .. :banana:

وتحياتي

[loolicpolic]

خوش مدرعة :banana: ، اعقلها وتوكل..

أنا أموت في الهمر إتش 1..

شغل عدل :glasses2: ..


تحياتي..

[مؤيد اف1]

الهمر H1 الجديد طراز Alpha 1 عليه مكينة Duramax 6.6L turbo بقوة 310 حصان و 705 نيوتن وجير Allison ب5 سرعات..


وكل كفر عليه Torque converter يعني مافي شي يوقف هالمدرعه بس السياره موعمليه..للمهمات الصعبه وانت شوف الجيوش كيف يستخدمو هالسياره بنطاق واسع..


بس السياره ثقيله جداً عموماً وضخمه وآمنه وفيها رفاهيه لحد ما

[SKYLINE GTR]

خوش مدرعة :banana: ، اعقلها وتوكل..

أنا أموت في الهمر إتش 1..

شغل عدل :glasses2: ..


تحياتي..

كلام صح ميه الميه