View Full Version : مساعده من اهل الشرقيه
bmw_z8
10-03-2006, 07:50 PM
عندي سياره مرسيدس الفئه c 2005 وحبيت تدلوني حلى محل لتغيير زيت السياره او لتصليحها لانه بصراحه الاسعار في الوكاله غاليه لانهم رفعوا سعر الزيت للسياره من 300 الى 6000 في المره الاولى اما المره الثانيه 900 ريال هذا بس تغيير زيت السياره غير الصيانه :D
المشكله لو تغير الزيت بره راح يلغي الضمان 3 سنين ..... مو مشكله
علما ان تغيير الزيت كل 15 الف كيلومتر :sleep:
ممكن تدلوني وين الورش الي خبيره بالالماني يعني متخصصه بالمنطقه الشرقيه :smart: :think:
وشكرا........ :glasses2:
نديم الطيف
10-03-2006, 11:55 PM
ماشاء الله الله يعطيك من خيرها ويكفيك شرها
بس ليه مسمي نفسك BMW وانت راكب مرسيدس :D ترا كذا نركبك حق حنا اصحاب الـ BMW :p
عموماً انا كنت اعاني من نفس المشكلة انا معي 740 والزيت عند الناغي غااااااااااالي ومسوين زحمة والعلبة بـ 60 :damp: طنشتهم وصرت احط زيت كاسترول حق اللومينا من 10-30 اتوقع
والسيارة ماشية زي الحلاوة ولله الحمد والمنه
شف انت الزيت الي يركبونه لك الوكالة كم درجة تحمله من 10-50 او 10-40 واشتري مثله من برا
بس انا لاحظت انك كاتب انه الزيت كل 15000 :think: اذا تبي نصيحتي غيره كل 5000 اذا كنت مركب زيت الوكالة
واذا من برا زيت عادي كاسترول مثلا غيرهم كل 2500-3000
لاني شفت ناس كثير معهم BMW وخبطت عليهم وصارت تدخن دخان ازرق والسبب (الزيت) واعرف بعضهم شخصيا رجال عاقلين وحتى سرعة مايسرعون بس عيبهم انهم مايغيرون الا كل 15000 كيلو وهذي النتيجة وضبوا سياراتهم :damp:
الله يوفقك اخوي وسامحنا على القصور :)
دكتور / مجنون
11-03-2006, 12:20 AM
انا عندي اودي وتغيير الزيت يكلف 200 ريال كل 15 الف :knight:
abumhdi
11-03-2006, 01:16 AM
انا انصحك بتغييره بالوكالة .. مشان ما تخسر الضمان .. حتى لو كان مكلّف ..!
محب دبي
11-03-2006, 01:20 AM
اخوي ليه ما تشوف وكيل المرسدس الحداد بالبحرين
توقع اسعاره ارخص من الجفالي النصاب و انت بيكون الضمان اللي هوا سنه ضمان عالمي بجيبك ما بتخسره كذا
و المسافه كل 15 ألف كيلو طويله .. يعني ماراح تتعبك روحتك البحرين مره كل شهرين او بالتحديد كل 15 ألف كيلو علشان تسوي الصيانه عند وكيلها هناك
و عندك ورش مرسدس الممتازه موجوده بالشرقيه مثل الناجم بالخبر و الحداد بالخضريه الدمام كلهم يمدحونهم الناس مع وجود القطع الاصليه عندهم ولا تخاف على سيارتك فنانين
SeSo2003
11-03-2006, 04:34 PM
والله مشكله تبديل الزيت عندكم
ان ابدل زيت السياره مع الفلتر ب 55 ريال وما اعطيه الا 50 ريال وايد عليه
والله عينكم على الالماني
bmw_z8
11-03-2006, 10:34 PM
شكر من الشباب الي ردوا ...
اقتراح حلو اني اروح البحرين للحداد
بعدين الزيت اغيره كل 15000 هذا من الوكاله ياشباب مو مني مو على كيفي اغيره كل 3000 او 5000
راح اسأل واشوف عن
الناجم بالخبر و الحداد بالخضريه الدمام
شاكر لكم شباب