View Full Version : أسعار البورش كايين .................. مجال كبير للمزايده
CL-Class
09-03-2006, 03:32 PM
السلام عليكم ورحمة الله وبركاته
كيف الحال شباب
فعلا انصدمت وانا اتبحر في مواقع بعض السيارة ..... شدني موقع بورش الرسمي خصوصا الفرع الامريكي http://www.porsche.com/usa/
مرتب ومنظم بطريقة سلسة وجميلة
ولقيت فيه مقاطع صوت جميلة جدا لهدير محركات البورش horror على الرابط
http://www.porsche.com/usa/models/cayenne/cayenne/gallery/?gtabindex=6
لكن بالمقابل ....... استغربت من الاسعار الرسميه للكاين
وهي كالتالي .......
1 - كايين بمايعادل 15825 ريال ( وعند وكيلنا الحرامي 180000 ريال ) :Sad2:
2- كايين S بسعر 214500 ( وعند وكيلنا بـ 240000 ) :anger:
3- كايين توربو بسعر 338250 ( وعند وكيلنا على حسب كلام واحد من الشباب 380 ألف )
فرق كبيـــــــــــــــــــــــــــــــــــــــــر بالاسعار خلاني اجزم ان وكلائنا نصابين بمعنى الكلمة
مدري وين الرقابة وليش التلاعب بهالشكل في الاسعار ....... وين الشركة لتحاسب وكلائها الخايسين ....
على فكره الوكلاء كلهم بنفس المنوال دام ان هناك شي اسمه احتكار :anger:
حسبي الله عليهم :anger:
هذا وقتك ياسعود البكر تجيبلنا من هناك سيارت :D
بالمناسبة...
أزف اليكم بشرى انتاج كايين توربو S بقوة 520 حصان وبتسارع من 0 - 60 ميل في غضون 8و4 ( 0-100كلم في 2و5 ثواني )
الماني
09-03-2006, 04:29 PM
بالمناسبة...
أزف اليكم بشرى انتاج كايين توربو S بقوة 520 حصان وبتسارع من 0 - 60 ميل في غضون 8و4 ( 0-100كلم في 2و5 ثواني )
وسعرها طبعا 420,000 ريال سعودي! حسب المذكور في الموقع!
وفي سيارة مووووت وهي 911 GT3 :shock2:
السلام عليكم
والله عيوني ماوقفت على بروش كثييير من الوكالات على نفس المنوال...:oops: ((بس 30 الف فرق:anger: ))
تحرق في القلب صح...:(
بس مشي حالك والله يرزقنا...ان شاء الله بوحدة زي الي حاطها الأماني <-------مو قبل 30 سنة:-)
sayedco
09-03-2006, 05:25 PM
بالنسبة للأسعار في الموقع مكتوبة ك MSRP
يعني تبدأ من ، و في الخليج ما يجيبون مواصفات و بدون مواصفات ، دائماً فل اوبشن فتشوفه أغلى بكثير
بس بعد أكيد الوكلاء يزيدون بس مو لذي الدرجة
أخوي CL-Class ... الشركات يعدلون أسعارهم للسوق الأمريكي لأنه أكبر سوق في العالم .. أما نحنا فتوصلنا السيارات من المصانع بأسعار أوروبا .. معروف إنه في أمريكا السيارات أرخص من أوروبا ... عادة فرق العمله ماله أهميه كبيره في أمريكا .. يعني أسعار السيارات ما تأثرت وايد عندهم من ارتفاع اليورو ...
على فكره الحلو في موقع بورش إنه يعطيك أسعار السيارات بالضبط مع قيمة كل ميزه تضيفها للسياره .. و القيمه هذي بالضبط نفس الموجوده عند وكيلنا في الأمارات .. ممكن تشوف للسعوديه و جرب تتأكد من مطابقة السعر من الوكيل :D
ملاحظه: جربت أدخل Build your Porsche حصلت بس وكيل الإمارات اللي تقدر تضغط عليه .. شكلهم الوكلاء عندكم يبون ينصبون على راحتهم ... :anger:
CL-Class
09-03-2006, 07:00 PM
اخوي ألماني
خف علينا شوي ياخي :( ارحمممممممممممممنا
اخوي WRX
والله فعلا 30 ألف فرق كبير راح تصرف منها في الصيانة لمدة 15 سنة
اخوي شركة سيد
اوكي كلامك صحيح ان وكلاء الخليج يجيبون الفل اوبشن ..... بس الموقع فاضحهم حتى بأسعار المواصفات
اخوي سياف :)
ياصايدني انت :D
ياخي وين كل الاختفاءات هذي :Sad2: ياخي ارحمنا لو طله :D
علمني بس من مزعلك علينا في المنتدى :help:
sayedco
09-03-2006, 07:34 PM
اوكي كلامك صحيح ان وكلاء الخليج يجيبون الفل اوبشن ..... بس الموقع فاضحهم حتى بأسعار المواصفات
ما ركزت على أسعار المواصفات في الموقع :shy:
بس طلعت الفضايح مؤكدة بشكل رسمي :D
يعني لو واحد صج يبي يرفع عليهم قضية عادي يسويها و ينجح :banana:
، الزين في موقع بورش إنه يعرض حتى التسارع بالنسبة للقير العادي و الأوتو و آنا تأكدت من رداءة أداء البورش بوكستر << مب رداءة و لكن شي ما يليق بالبورش ، يقارن بمواتر واااااايد أرخص منه و انسيابية أقل و وزن أكبر و بعد يطوفونه و ما في داعي أييب أسماء :D
abumhdi
09-03-2006, 09:08 PM
على فكره الوكلاء كلهم بنفس المنوال دام ان هناك شي اسمه احتكار
الفلوس تعمي النفوس ..!!
مانقدر نقول إلا
حسبي الله عليهم :anger:
saymyname
09-03-2006, 10:47 PM
نصب عيني عينك :anger: :anger:
cruiser2000
09-03-2006, 10:49 PM
طيب ليش ما تكتبون شكوى الى شركة بورش وتخبرهم بنصب الوكلاء
في المنطقة وتوضحولهم ان النصب هذا يسبب خسارة الشركة
صدقوني ان هالشكوى بتزيل كل متاعبكم :)
saymyname
09-03-2006, 11:33 PM
^^^ المشكلة ان الناس تشتري وتسكت !! :m: معقولة مافي احد فاهم متنبه لهالنقطة :aoh:
يبغالنا نجيب اميلات الشركات الي برا والهيئات المعنية عشان يشوفون هالنصب والاستغلال لي صاير عندنا :mad1:
توربو
10-03-2006, 12:42 AM
ياخي مدري ليش الحرامية متجمعين عندنا
ES 300
10-03-2006, 12:56 AM
بالله عليكم .. واحد يشتري سيارة بـ 300 الف .... بيفرق عنده يزيدها 30 الف ... اكيد رصيدة ملايين ...
ومن ناحية ليه فيه فرق بالسعر طيب الوكلاء وشلون بيربحون ولا فاتحين هالمعارض والشحن وتعبها علشان يريحونكم ويشيلونكم بكفوف الراحه .. نعمل باسلوب الرأسمالية يعني الهدف هو الربح بورش تربح من ورا الوكلاء والوكلاء يربحون من ظهركم ... يا تشتري يا تروح معارض على قدك تويوتا وشفر :m:
saymyname
10-03-2006, 02:17 AM
^^^ طيب الشحن + والجمارك...الخ يكلف 190 الف..
وبعدين تعال سواء كان المبلغ بسيط ولا مبلغ كبير السرقة سرقة.... واذا انت تبغى تسكت عن حقك غيرك ماراح يسكت :sleep:
اخوي سياف :)
ياصايدني انت :D
ياخي وين كل الاختفاءات هذي :Sad2: ياخي ارحمنا لو طله :D
علمني بس من مزعلك علينا في المنتدى :help:
أنا موجود عزيزي ... و لا تخاف محد مزعلني و الشباب كلهم على هالخشم :sss:
بس ياخوك ما عندي مواضيع جديده ... و مشكور عالسؤال ..
شخبار المنتدى هذاك ؟
CL-Class
11-03-2006, 01:25 AM
والله هذاك أسميه منتدى (العشاق) خخخخخخخخ :D :D
560SEL
11-03-2006, 03:24 AM
السلام عليكم ورحمة الله وبركاته
ما شاء الله عليك يا CL Class
موضوع حساس جدا و فعلا شئ يثير عدة علامات استفهام حول الوكالات اللي عندنا :think: ما أدري أسميه نصب و احتيال على المشتري و الا ايش بالضبط
فعلا فيه تلاعب بالاسعار بشكل فضيع مره يعني زيادة الاسعار عندنا بمعدل 20 الف الى 50 الف ريال !!
السؤال هنا من وين طلع الفرق ؟؟
فرق سعر صرف العمله عمره ما يسوي هالفرق و لا الجمرك و لا الشحن يعني نظرية النصب هي السائده الان و هي الاقرب للصواب :mad: :mad:
أسعار المرسيدس صارت لا تطاق أبدا و هذي أسعار البورش أغلى من العالم كله
ما أقول الا حسبي الله على الوكلاء اللي عندنا :mad: :mad:
SeSo2003
11-03-2006, 04:06 PM
ابتسم انت في دوله عربيه
TOP-SECRET
12-03-2006, 03:30 PM
بس اخوي لاتنسى الشحن والجمارك وغيره من الامور اكيد بترفع سعر السياره
ومعروفين الوكلاء في الخليج عالعموم بغلاء اسعارهم
للتوضيح كاين تيربو فل اوبشن ب 361 الف ريال قطري بالضبط :D