View Full Version : ########## خــبــراء الـمـرسـيـدس ##########
بوعبداللطيف
28-02-2006, 02:51 AM
السلام عليكم ..
يعطيكم العافية ياشباب :)
بصراحة عندي استفسارات واتمنى القى حلها عندكم :)
معاي E500 موديل 2003 حقت واحد من الاهل .. والاستفسارات كتالي :
1- لقيت مفتاح ثالث غير المفتاح الاصلي والسبير ( الاضافي ) صاير فيه زرين فقط ( on- off ) وفي نهاية هذا المفتاح مثل راس صغير من البلاستيك .. بصراحة ودي اعرف فايدته !!
2- ابي اعرف كيف اوصل الهاتف على بلوتوث السيارة .. وبطريقة اصح اشلون اعرف اذا السيارة فيها بلوتوث ولا لأ ؟
3- لقيت زرين عن المصابيح اللي فوق في السقف عن المنظرة ( واحد منهم فيه صورة سيارة ومثل تردد من اعلى إلى اسفل - اما الثاني فشكلة كانه السيارة ماسكها ونش ( كرين ) من الخلف .. ودي اعرف فايدة هذول الزرين ؟!
اسف على الازعاج بس بصراحة حاب اني اعرف هالشغلات ضرووووري :)
ومشكورين مقدما :)
CL-Class
28-02-2006, 04:53 PM
حياك الله اخوي ....... انت طلبت الخبراء وأنا مو خبير لكن بحاول أخدمك :D
بصراحة بعض اسألتك مو واضح معناها .... بس راح اجاوبك على اللي فهمت منك بحسب ترتيب النقاط المذكوره ....
1- المفتاح هذا سبير يفتح ابواب بالازره ويشغل السياره بالراس البلاستيك هذا اللي فهمت منك ( ياريت تصوره على السريع حتى لو من كاميرة موبايلك ونزلها للمنتدى ) لان المعروف يجي مفتاح رئيسي واثنين سبيرات
2- كيف توصل البلوتوث للهاتف ؟؟ أبشرك الفئة E مانزل فيها بلوتوث على موديلك ( راح ينزل في الموديل المعدل قريبا عام 2007 ) يعني شوفلك car-kit من اي محل اذا كان موبايلك نوكيا ومشي حالك :D
3- بصراحة ضعت مع كلامك وما ادري وش تقصد لكن سويتلك رسومات اتمنى تجد ضالتك فيها ...
الازرار اللي فوق عند المنظره ..... هل مكتوب عليه S.O.S ؟؟ اذا مكتوب كذا معناها هذا زر يتم ضغطه في حالة تعرض السيارة لحادث بحيث يسوي اتصال بالاقمار الصناعية لتسهيل عملية تحديد مكان الحادث لسيارات الاسعاف والشرطه
أما اذا كان الزر مو هذا اللي مكتوب عليه هالشي فياريت تصوره بكاميرة الموبايل وتنزله نشوفه ( لان اللي اعرف فوق المنظره مايجي غير هالازرار اللي بالصورة )
http://z444z.jeeran.com/emirror.jpg
باقي ....(((( زر شكله كرين ))) هذا سلمك الله مو فوق عند المنظره .... هذا في وسط الطبلون بالكونسول الاوسط = نظام اطلاق صافرة انذار في حال احد رفعلك السيارة يحاول يشحنها او حتى يسرق كفراتها وهي طافية
((( زر شكله سيارة ومدري مافهمت عليك ))) لكن سويتلك تعريف لكل الازرة اللي في الكونسول اتمنى تحصل ازرارك معهم :D :D
http://z444z.jeeran.com/egear.jpg
بشرنا .......... ان شالله لقيت زرارك الضايع :corsair:
1100R
28-02-2006, 04:59 PM
1- هدا المفتاح الي تتكلم عنة هو مفتاح يشغل تدفئة داخلية السيارة عند بعد ((تدفئة المقاعد))
2- للاسف الفئة E موديلات 2003 مافيها بلوتوث
3- الزر الاول :اعتقد هذا الزر تبرمج علية القراج يعني اول ما تقرب من القراج يفتح لحالة
بس لازم تبرمجها اول (راجع دليل المالك)
الزر الثاني :فهو تشغيل خاصية منع قطر السيارة يعني لو جاك ونش وحاول يسحب
السيارة اول ماترتفع الكفرات عن الارض بيشتغل الانذار حق السيارة.
abumhdi
28-02-2006, 05:49 PM
CL-Class
ماشاء الله عليك .. ولله خبير .. :-)
بوعبداللطيف
04-03-2006, 02:08 AM
اخوي CL-Class ..
بصراحة كفيت ووفيت ياخوك :)
ومشكوووور حيييييل :)
==================
اخوي 1100R ..
تسلم لي يا غالي عدل كلامك :)
ماقصرت :)
tojeem
04-03-2006, 11:03 PM
CL-Class اسم على مسمى 279
عبدالرحمن يوسف المانع
cl-class
بيض الله وجهك ماقصر بقووة افاد الكل
اخو كل cl كم ممكن احصل بالامارات مرسيدس SL-CLASS 500 موديل 2003
او CL-CLASS
ماجاوبتني حبيب قلبي cl-class
CL-Class
05-03-2006, 03:54 PM
هلا والله اخوي المعذرة على التأخير ......
انا اعطيك الاسعار بالسعودية فقط لاني مو ساكن بالامارات
CL و الـ SL أسعارها ماتفرق كثير عن بعض ........ بالنسبة للمستخدم موديل 2003..... تعرف المشي والنظافة تؤثر في السعر ....... على العموم الاسعار من 170 ألف الى 200 ألف اذا صار نظيف
وياريت شباب الامارات يفيدوننا ويفزعون للأخ BENZ
مشكور اخوي سي ال والله كنت افتكرك امارتي طلعت مني وفيني
والنعم في الكل
اذ على كذا اشترية من هنا ازين من اني اطللبة من امريكا