AUDI RS4 الجديدة .. قنبلة الأودي القادمة ..

[عيناوي كوول]

السلام عليكم ورحمة الله وبركاته

لجميع محبين الأودي .. هذا الموقع فيه شرح كامل للأودي آر إس 4 الجديدة .. الصراحة عجب هذي السيارة .. أتوقع اللي بيشتريها ما راح يندم أبدا ..

إضغط هنا (http://www.audiusa.com/model_home/0,,bodyStyleId-18,00.html?bodystyle=rs4)

إن شاء الله يعجبكم

سلااام أووول ( Salam All )

horror

[راعي الايفو]

الاودي من اجمل واقوى السيارات إلي احبها ولكن يعيبها التسويق عندنا بالخليج ولاهي من افضل السيارات بالعالم وفيها مميزات ماتملكها الكثير من السيارات الثانيه ولي تعد في مجال الفخامه والقوة

[2k2]

جاري فتح الموقع :D :D :D

مشكور أخوي عيناوي كوول :banana:

AUDI RS4 :eek:

ياخوي سعرها عندنا غالي بعمان ... :ranting: :corsair:

[EL_3grab]

من نزلت الـRS6 .. والأودي فوق الصراحه ..

كل سيايير الـRS عجب والله ..

بستوي متعصب اودي شكلي .. :D

[al_shaiba13]

وايد حلوة

أودي إلى الأمام :banana:

وإن شاء وكيلنا إللى في الإمارات بعد للأمام :headshak:

و تسلم عيناوي كوول على الموضوع :p

[M Power]

الاودي من اجمل واقوى السيارات إلي احبها ولكن يعيبها التسويق عندنا بالخليج ولاهي من افضل السيارات بالعالم وفيها مميزات ماتملكها الكثير من السيارات الثانيه ولي تعد في مجال الفخامه والقوة


كلام مضبوط الصراحة...

و بالفعل أنها سياره رائعة بالفعل....

و قرأت من فتره خبر (غير متأكد من صحته) أنه الـ RS6 الجديده..

تحمل محرك جديد من 10 اسطوانات و يولد ما مقداره 600 حصانا !!!!

مشكــــــــــــــــور عيناوي كووول على الموقع الكووووول....


و يعطيك العافية....










Salaaaamz

[red_RPM]

سياره حلوه والداخليه ممتازه خصوصا الكراسي مع مقود اللمبو


مشكور

[عيناوي كوول]

راعي الأيفو

والله ياخي أنا معاك في كل كلمة .. لأن الوكيل عندنا في العين وابوظبي الصراحة مب شي .. وعمله مب مضبوط وأسعاره ناار .. يعني ما بقولك أكثر من إن تغيير زيت القير للإس 8 واللي هو طبعا كل 60 الف كيلو ب 1800 درهم .. والله المستعان .. بريكات الوكالة 1100 درهم .. غير جذا أشياء وايدة .. بس الأودي ساحرة ما أقدر أوصف كيفية جمالها مع إنها ما تتميز بتصاميم ذات خطوط مميزة أو تتخذ من المبالغة في التصميم نقطة جذب .. ومع هذا الناظر إليها يأسر بكل سهولة .. جزاك الله كل خير على مرورك .

2K2

هلا حبيبي .. والله مب إلا عندكم .. :cry1: حتى عندنا .. يعني أسعارها مقارنة بالمرسيدس رخيصة بس قطع الغيار وتبديل الزيوت ناااااااار :(
مشكور على مرورك فديتك ..

EL_3agrb

هلا وغلا الغالي .. الصراحة بيني وبينك أنا كنت ألوم الأودي على إدخال فئة رياضية جديدة إلى المجموعة بعد الإس وهي الآر إس .. يعني كنت أقول إذا شي A6 فلازم يكون الرياضي منه هو ال S6 وماله داعي ال RS6 يعني كانوا يرومون يخلون ال S6 نفس مواصفات ال RS6 بدون الحاجة إلى طرح موديلين .. بس عقب قلت يمكن هذي سياسة الشركة في جعل شعار الأودي بمتناول أيادي أكثر الناس .. فاللي ما يقدر على ال RS بيقدر على ال S على الأقل .. وجزاك الله كل خير على مرورك :)

al_shaiba13

هلا حبيبي .. والله يسمع منك يالطيب .. ويسلم غاليك .. الله يبارك فيك


M power

هلا والله بالباور والله .. أنا الصراحة أحترم البي أم دبليو كثير .. وخاصة ال M series منها .. لأنها بالفعل سيارات عملية .. وأشكرك على مرورك وتعقيبك .. يعلني ما خلا منكم كلكم .. :)


red_RPM

مشكور عزيزي على مرورك الكريم .. ربي يبارك فيك ..

:banana:

[UAEnos]

والله عرفت تختار .. كل فئات الـ RS من أودي خارقة .. وهذا اكثر شي يعجبني فيها ..


بالإضافة الى الـ S8 من أودي .. ما عليها كلام ابدا وخاصة الموديل الجديد 2006 ..


سمعت ان سعر الأودي RS6 أقل من الـ M5 من BMW .. حد ممكن يأكد لنا هذي المعلومة يا إخوان ؟؟ ..



تسلم يا راعي الـ S8 .. ما قصرت والله :-)

[عيناوي كوول]

UAEnos

مرحبا فيك يالغالي .. شكرا على الإطراء وربي يرزقك من فضله على قدر نيتك .. وال RS بصراحة ما أقولك من أسرع السيارات بس أقول وأنا مرتاح بأنها تناسب الفئات من الناس اللي تشوف الامبو والفيراري من المستحيلات السبعة هههههههههه

يعني إذا الله وفق الواحد فينا وظول فلوسه كم سنة ( 6 أو 7 أو 8 سنوات فرضا ) يمكن يجيب سيارة تصل إلى نصف مليون درهم .. لكن هذي النظرية تصير مستحيلة إذا كان الناتج يساوي جيلاردو فما بالك باللي أكبر منه هههههههه ..

طبعا من الأشياء هذي تعجيني عند ال ZO6 اليديد .. بصراحة سعره فيه .. يعني شوفوا يا شباب أنا راح أقولكم شي لاحظته في أغلب السوالفيون هههه هو أنهم يعتبرون كلام توب قير وربعه أقرب للحكم منه إلى فصفصة السيارة حتى تكون أنت الحكم .. وغير هذا النقطة الثانية هي أن اللي في توب قير لا يمكن يحكم على الفايبر والكورفيت بمصداقية بعد ما جرب الكوينسق والإنزو وهالكبار .. لكن في نظر أنا الإنسان البسيط ستظل ال ZO6 سيارة جميلة وسريعة بالرغم من ضعف جودة الخامات المصنوعة منها في الداخل أو الخارج .. لكنها تظل السيارة التي تحاكي جيبي أكثر من الامبو .. وفوق هذا أنها سيارة تعيش فترة لا بأس بدون مشاكل بها إذا ما قورنت بسعرها .. سوري على الإطالة يا أخي الكريم ومشكور على مرورك الطيب

[محبكم ومغليكم]

تسلم حبيبي عيناوي كوول


والسيارة بالفعل مذهله وخصوصا سياره تحمل جميع التفاصيل الرياضيه و إتساعها لخمسة ركاب أعتبر هذا إنجاز عظيم من شركة أودي

[Alexandro]

مثل ماقال جيرمي كلاركسون ؛ الM3 القادمة يجب ان يكون معها قمر مجاني لتتغلب عليها ! :D

[ZOOM _MPS]

طيب هي اتنزل في السعوديه والا لا :think:


لانو الشركات الللي عندنا ما عندك احد او بالاصح الوكلاء

[الهداف]

ابداع :eek:

[BMW M8]

مشكورر اخوي عيناوي كوول على هذه الخبرية.... :banana: :banana:

السيارة عجب بمعنى الكلمة.... :eek: :eek: :eek:

بس اخوي تتوقع كمن ثمنها بيكون بالامارات؟؟!! :sss: :sss: :sss:

ثمنها بيخليك ..... :ranting: :ranting: قنبلة موقوتة.... :bomb: :bomb:

وشكرا لك الموضوع رائع.....

اخوك....
BMW M8

[ERT]

Rulezzzzzz :black: قويه حيـــــــــل