View Full Version : شنو السيارة إلي تنصحوني فيها؟
راعي الايفو
04-02-2006, 11:16 PM
السلام عليكم
شلونكم شخباركم شباب
طبعا معظمكم عرف بالحادث إلي صادني وان سيارتي تكنسلت
لذلك نويت اشتري سيارة بس مستعمله لان مافيني شدة سيارة جديدة
المبلغ المتوفر 3500 دينار بحريني اي ما يعادل 35000 ريال سعودي/درهم
المواصفات إلي اتمنى ان القاها في السيارة المطلوبه هي ان تكون 6 سلندر بس اذا راح تكون 4 سلندر مع مواصفات عاليه وتكون محترمه في المشي فأنا ممكن ان افكر اخذها
في ناس نصحوني في الفورد فوكس وقالوا لي ان في عليها عروض اذا جديده وسعرها يوصل جديده تقريبا الى 4000 دينار
بس انا محتار شوي
في ناس قالوا لي روح السعوديه وفي ناس قالوا لي روح الامارات وانا في بالي ان اروح قطر
ويالله مشورتكم تنصحوني في شنو ووين ممكن القاها نظيفه وبأقل سعر
ACURA.TL
04-02-2006, 11:33 PM
السلام عليكم ورحمة الله وبركاته
اول شي اخوي حمد الله على السلامة
والله انا عنديلك اقتراح
ليش ما تدور لكزس ّES مديل 99 تحصل شي نضيف بهذا السعر انزل لمعارض الرياض او الامارات وتحصل الي تبيه او عندك لومينا ابو مديلن تراه مهب شينة بس الله يعينه على الخرابات
وفيه كراون فكتوريا او ماركيز سياره خطوط وقطع بلاش خاصة الفكتوريا .
والاكورد 2002 تحصلة بذا السعر براحة............. :knight:
عاد الله يعنك اخوي بتتعب من الاقتراحات.............. كل عضو بيطيحلك بفكره :think:
على العموم نقول مبروووووووووووووك مقدما والله يكتب ما فيه الخير
وهالله هالله في الاستخاره
اخوك
TL
أبو حسين
05-02-2006, 01:29 AM
تعال الرياض سياراتها نظيييييييفة خصوصا بمعارض النسيم ونصيحة لاتدور غير الياباني..
هذا رأيي وسلام..
sayedco
05-02-2006, 01:59 AM
تعال الرياض سياراتها نظيييييييفة خصوصا بمعارض النسيم ونصيحة لاتدور غير الأمريكي << كيفي :D
لا لا أتغشمر
بس أقول اللي يرتاح له قلبك و تشوفه نظيف توكل على الله
و آنا أقول الأكورد سيارة شبابية و سبورتية و فخمة في نفس الوقت و مكاينها مب سهلة
هو في خيارات كثيييييييرة لكن ما أبي أزيد حيرتك ،
إذا تبي سيدان 4 سلندر ، أكورد
سيدان 6 سلندر ، كرايسلر 300 إم <<< لا تعصب بس
سيدان 8 سلندر ، كابرس :banana:
جيب 4 سلندر Honda CRV
جيب 6 سلندر Wrangler :knight:
سبورت 4 سلندر ، CRX VTEC
سبورت 6 سلندر ، أكورد كوبيه (في واحد في المحرق فضي نظيف ما شاء الله مكتوب عليه للبيع بس ما أعرف بكم و من صاحبه)
سبورت 8 سلندر ، MUSTANG :black:
و إنت قول السيارات اللي في بالك ، حدد أكثر عشان يكون الإختيار أسهل
BoSaLem
05-02-2006, 02:44 AM
اول شي حمدالله علي سلامتك وانشالله معوض خير ..
أخوي انا انصحك بالمازدا 6 زووم موديل 2003 وطالع راح تحصلها انشالله
بالمبلغ الي معاك ..
طبعا مميزات السياره حلوه وشكلها شبابي وعزمها حلووو جدا
والداخليه روعه كأنها سياره أوربيه أنصحك فيها بشده
والله يووفق لما فيه الخير ..
مؤيد اف1
05-02-2006, 02:49 AM
اذا يمديك تحصل لومينا 6 سلندر 2003 وفوق ونظيييييفه ممتاز..بس من جد هذي السياره وخصوصا ال6 سلندر ابهرتني بقلة اعطالها وصرفيتها صرفية 4 سلندر ياباني بحجمها..اذا عطيتها حقها من الصيانه والعنايه بلا شك..
وانصحك بهوندا اكورد سياره غنيه عن التعريف..
اما الكامري لا..سياره رخيصه وكل شي رخيص فيها بس ماتعيش قطعها الاستهلاكيه مثل غيرها..ولا فيها راحه وثبات..كل الي فيها رخص وصرفيه قليله :-)
تحياتي
الكبريت
05-02-2006, 04:30 AM
السلام عليكم ورحمة الله وبركاته
بالنسبه للفورد فوكس فالسياره هذي ممتازه لانه مره جربت مع واحد من الشباب وكان معاه فوكس وكانت السياره ثابته في اللفات .
اما نصيحتي لك فخذ اودي T T مستعمل , السياره عمليه وقويه جدا ودفع رباعي وتجيب من الصفر -100 في 6 ثواني وطبعا شكلها مايحتاج واعتقد حسب الصور الاوليه للموديل 2007 ان شكلها ما اختلف كثير وكفايه انه في توب جير اخذت اودي T T افضل سياره كوبيه لعامي 2002و2003 .
حاول اذا كان في الوكاله يبيعو سيارات مستعمله انك تأخذ من عندهم افضل
انا قد كان معايه T T موديل 2000 وبعتها قبل سنتين وكنت عايش ملك و السياره ملفته للنظر وثابته جدا جدا في المنعطفات.
سعر الاودي مستعمل موديلات 2001. 2002,2003 مابين 35000 ريال الى40 الف ريال سعودي
وان شاء الله تتوفق في اختيار السياره المناسبه .
SVT-COBRA
05-02-2006, 06:33 AM
بسم الله الرحمن الرحيم
السلام عليكم ورحمة الله وبركاته
أنا أنصحك تشوف الهيونداي سوناتا الجديده تراها ممتازه
أو كامري و لكن ما أتوقع تحصل بالسعر اللي عندك :think: الا 2003 و لا أنصح بال 2003 لأنه فيه شوية اشكالات :sleep:
أو تشوف لك مازدا 6 و انا أنصح و بقوه بهذي السياره :knight:
و سلامتكم :sleep:
راعي الايفو
05-02-2006, 11:52 AM
اولا مشكورين شباب عالردود
ثانيا انا ودي في موستانج موديل 2002 او 2003 ولكن مايصلح لان ادور سيارة 4 ابواب
الاكورد والكامري ماحبيتهم والاكورد خاصه لانه منتشرة بشكل رهيب جدا جدا
المازدا 6 اذا باخذ راح اخذ 2.3 لتر لان جربت ال 2.0 لتر وماعجبني مشيها
السيارة إلي ابيها سيارة اهم شي عندي فيها المشي ولازم تكون 4 ابواب ودوم عندي وعيش لان انا راعي مكابس ما ابي اكبس بالسيارة إلا طالعه لي الف عله وعله
الحين السؤال المهم وين ممكن القى سيارات نظيفه وبأقل سعر
بسالكم سؤال ثاني وهو ان انا ملاقي اودي S8 بسعر 3800 دينار بحريني والموتر نظيف وهو بالرياض موديل 99 او 2000 فشنو رايكم انتو؟؟ في ناس وايد خلوني اخاف من الاودي قوالوا لي يخترب بسرعه وقطع الغيار ماله تخليك تبكي وانا ماعندي دخل شهري علشان ابدل واسوي لان انا طالب فشنو هي مشورتكم؟
أبو حسين
05-02-2006, 01:38 PM
اذا يمديك تحصل لومينا 6 سلندر 2003 وفوق ونظيييييفه ممتاز..بس من جد هذي السياره وخصوصا ال6 سلندر ابهرتني بقلة اعطالها وصرفيتها صرفية 4 سلندر ياباني بحجمها..اذا عطيتها حقها من الصيانه والعنايه بلا شك..
وانصحك بهوندا اكورد سياره غنيه عن التعريف..
اما الكامري لا..سياره رخيصه وكل شي رخيص فيها بس ماتعيش قطعها الاستهلاكيه مثل غيرها..ولا فيها راحه وثبات..كل الي فيها رخص وصرفيه قليله :-)
تحياتي
مدري ليه عندي إحساس إنه لو خيروك بين مرسيدس 600 و أفيو سواحي رح تختار الأفيو :knight:
الحين من وين حكمت إن الكامري ماتعيش؟؟ :blink: على شهادة الجميع إنها أفضل سيارة إعتمادية..وصرفية أقل من اللومينا..
الحق ينقال ماجربت الكامري..لكن جربت اللومينا وسلامتكم..
ليش ما تدور على الماكسيما ... بتحصلها يسعر معقول ...
بالنسبة للاودي لم اجربه للان ... :cry1:
الكبريت
05-02-2006, 03:40 PM
بسالكم سؤال ثاني وهو ان انا ملاقي اودي S8 بسعر 3800 دينار بحريني والموتر نظيف وهو بالرياض موديل 99 او 2000 فشنو رايكم انتو؟؟ في ناس وايد خلوني اخاف من الاودي قوالوا لي يخترب بسرعه وقطع الغيار ماله تخليك تبكي وانا ماعندي دخل شهري علشان ابدل واسوي لان انا طالب فشنو هي مشورتكم؟
اخوي راعي الايفو بالنسبه لل S8 انا ماقد جربتها لكن انا جربت الاوديT T لمدة ثلاث سنوات وماقد اشتكيت منها, صحيح اني مشيت فيها قليل لكن بالنسبه للاستخدام كان مجحف دعس وتفحيط وكبس وراليات وكل شيء بصراحه كانت سياره ممتعه
السياره اللى ذكرتها سعرها جيد لكن اذا تبغا نصيحتي خذ مستعمل من الوكاله اللي عندكم اذا كانو يبيعو سيارات مستعمله واذا مايبيعو مستعمل خذ رقم وكالة اودي في جده للسيارات المستعمله وكالة ساماكو واستفسر عن اسعار S8 موديلات99 و 2000 حتى لوماكانت عندهم نفس السياره اسئلهم عن سعرها في السوق وشوف الاوديات المعروضه عندهم
وهذا رقم مدير قسم السيارات المستعمله لشركة ساماكو
محمد الخضيري
تليفون: 6832000 2 966 تحويله: 2051
جوال: 689976 54 966
راعي الايفو
06-02-2006, 11:47 AM
مشكورين شباب على نصيحتكم وان شاء الله اليوم اروح استلم فلوسي وبعدين اقرر وماراح انسى نصايحكم لي
ومشكورين شباب مرة ثانيه
علي عبدالله
07-02-2006, 02:46 AM
يا رجال جرب شي جديد :D
شوف لك وانيت جمس او شفر مثل sierra غمارة ونص ..ترا مرغوب عند الشباب ومحركه قوي جدا وشكله حلو
http://images.securedwebform.com/stock/300/gmc/sierra/2005/4pu-l.jpg
ممكن تلقى موديلات 2001 او 2002 بسعر مناسب جدا :)
كومودور
07-02-2006, 02:53 AM
مدري ليه عندي إحساس إنه لو خيروك بين مرسيدس 600 و أفيو سواحي رح تختار الأفيو :knight:
الحين من وين حكمت إن الكامري ماتعيش؟؟ :blink: على شهادة الجميع إنها أفضل سيارة إعتمادية..وصرفية أقل من اللومينا..
الحق ينقال ماجربت الكامري..لكن جربت اللومينا وسلامتكم..
القطع الاستهلاكيه ايه ماتعيش مثل غيرها وهذا كلام اصحابي الي عندهم كامري..رخيصه القطع بس مستحيل تعيش مثل الغالي
ZOOM _MPS
07-02-2006, 04:43 AM
شوف سيات ليون بس والله مدري اذا تحصل بالسعر اللي اللي عندك والا ما تحصل
لانو السياره من جد تتحمل طبعا هذا من تجربه
Summit
07-02-2006, 06:02 AM
يا رجال جرب شي جديد :D
شوف لك وانيت جمس او شفر مثل sierra غمارة ونص ..ترا مرغوب عند الشباب ومحركه قوي جدا وشكله حلو
http://images.securedwebform.com/stock/300/gmc/sierra/2005/4pu-l.jpg
ممكن تلقى موديلات 2001 او 2002 بسعر مناسب جدا :)
نفس الكلام الي كنت بقوله :cool:
ruNNing
07-02-2006, 06:56 AM
بسم الله الرحمن الرحيم
السلام عليكم
أخوي انصحك بـ تريل بليزر ، انفوي ، يوكن2000+ ، هوندا اكورد 2003+ ، لومينا 2003+، مكسيما (مستعمل اذا ميزانيتك محدوده)
وبخصوص البليزر :
صراحه موتر بطل وقوي ويستحمل الكرف ، خصوصا انه 6 سلندر بس قوي جدا بالنسبه لفئته واقتصادي عند تثبيت الدعسه واذا كنت مريح الـ RPM على 2 ، وطبلونه 200 (فصله) والسياره راسيه ماشاءالله
تمشي فيه 120 كأنك داعس 80 وكأنك راكب صالون ماشاءالله تبارك الرحمن :banana:
>> عنده تريل بليزر 2006 (كلام مجرب :cool: )
وشكراً
BMW M8
07-02-2006, 08:23 AM
اخي الكريم،،،
السلام عليكم ورحمة الله وبركاته....
تبا راي خذ السيارة التي تريحك وتريح بالك انشالله كانت فيراري والاهم من ذلك تكون عملية....
انا هذا راي.... :-) :-)
وتقبل فائق تحياتي .... وحمدا لله على السلامة
اخوك
bmw m8
KING OF THE DARK
07-02-2006, 11:43 AM
تعال الرياض سياراتها نظيييييييفة خصوصا بمعارض النسيم ونصيحة لاتدور غير الأمريكي << كيفي
لا لا أتغشمر
بس أقول اللي يرتاح له قلبك و تشوفه نظيف توكل على الله
و آنا أقول الأكورد سيارة شبابية و سبورتية و فخمة في نفس الوقت و مكاينها مب سهلة
هو في خيارات كثيييييييرة لكن ما أبي أزيد حيرتك ،
إذا تبي سيدان 4 سلندر ، أكورد
سيدان 6 سلندر ، كرايسلر 300 إم <<< لا تعصب بس
سيدان 8 سلندر ، كابرس
جيب 4 سلندر Honda CRV
جيب 6 سلندر Wrangler
سبورت 4 سلندر ، CRX VTEC
سبورت 6 سلندر ، أكورد كوبيه (في واحد في المحرق فضي نظيف ما شاء الله مكتوب عليه للبيع بس ما أعرف بكم و من صاحبه)
سبورت 8 سلندر ، CAMARO SS << معترض على الموستنج
و إنت قول السيارات اللي في بالك ، حدد أكثر عشان يكون الإختيار أسهل