سوالف للجميع - قير ست غيارات اتوماتيك من جي ام

أبوعدنان

08-12-2005, 11:58 PM

السلام عليكم ورحمة الله وبركاته

سوف ينز ل اولا على كدلك CTS-V دفع خلفي ومن ميزاته انه يتحمل عزم

الى 520 رطل قدم وكذلك يتحمل الى 7000 RPM وفي عام 2007 سوف

ينزل على 25 نوع من سيارات وشاحنات جي ام

ونسبه كالتالي

4.02 الاول
2.36 الثاني
1.51 الثالث
1.15 الرابع
.86 الخامس
.67 السادس

وهو من النوع المدمج يعني كمبيوتره في وسطه ويعمل على تقنيه 32 bit

والتالي صوره للقير وهو راكب على دفرنس كورفيت

http://groups.msn.com/aboadnan/mis1...oto&PhotoID=151

وهذا رابط المقال من جي ام

http://media.gm.com/events/autoshow...stsv_trans.html

وهذا رابط منتدى كورفيت والذي عن هذا القير

http://forums.corvetteforum.com/sho...030&forum_id=86

تحياتي للجميع

راعي الكورفت C6

09-12-2005, 12:31 AM

والله حلو ست غيارات على كم موتر

شكرا على المقال
:think:

grandv8

09-12-2005, 12:44 AM

السلام عليكم ورحمة الله وبركاته

الحين كل الانظمة للقيور اصبحت 6 ارقام وخمس ارقام

شكرا لك اخوي على الخبرية

أبو حسين

09-12-2005, 06:46 AM

مؤيد اف1

09-12-2005, 12:51 PM

والله من جد قوي هالجير ويتحمل عزم عالي جداً جداً وتقنية التحكم فيه متطوره

مشكور على المعلومات :banana:

مؤيد اف1

09-12-2005, 12:54 PM

أصبحت أغلبها ست غيارات خاصة على الفئة الفارهة

فيه سبع غيارات أوتوماتيك على المرسيدس S600 أول سبع غيارات أوتوماتك بالعالم..

وطبعا كل هذا لأجل توفير الوقود خاصة على الخطوط الطويلة!!

وسلام عليكم..

اول من استخدم الجير الاوتو 6 غيارات الفيراري

اول من استخدم الجير 7 سرعات اوتو المرسيديس

ليش

لانهم ثنينهم في الفورمولا1 ولهم تاريخ عريق والفورمولا1 اول مكان استخدم هالتقنيه :p

أبوعدنان

09-12-2005, 01:39 PM

مشكورين على الردود

ميزه هذا القير انه يتحمل عزم (تورك) عالي حتى يتلائم مع المكائن مثل 8.1L والحصان ماهو

المشكله لان بعض مكائن الديزل قوتها 240 حصان وعزمها 800 رطل قدم وكذالك رفع تحمله

الى 7000 دوره بالدقيقه (rpm) هو أخذا بالحسبان بانه سوف يكون بالكورفيت.

تحياتي للجميع

CL-Class

09-12-2005, 01:47 PM

بصراحه خبر حلو من جي ام ........... وهذا اول رد سريع للمشككين في انهيار الشركه :D

good-luck GM :banana:

مؤيد اف1

09-12-2005, 01:56 PM

على فكره هذا الجير من زمان موجود :-)

بس ماتم استخدامه

cruiser2000

09-12-2005, 09:07 PM

صراحة سالفة الجيور وايدة تراها

سمعنا جير 6 من فيراري
7 من مرسيدس
8 من لكزس بس اشاعة

ياخي تريلا مب سيارة

بس حق الخطوط انا معاكم وتماتيك افضل من العادي
عنبوا مب ييد بتكون جان بيبدل 8 غيارات http://www.swalif.net/sforum1/images/smilies/biggrin.gif
سلم على الكلتش بعدين http://www.swalif.net/sforum1/images/smilies/biggrin.gif

الهاوي جروب

10-12-2005, 12:37 AM

شكرا لك اخوي على الخبريه

B4_STI

10-12-2005, 02:20 AM

شي حلو من جي ام...

RED Chevy

10-12-2005, 02:17 PM

مؤيد اف1

10-12-2005, 03:14 PM

المشروع الي بين جي ام وفورد كان جيربوكس 6 سرعات للدفع الامامي فقط!

أبوعدنان

12-12-2005, 12:42 AM

السلام عليكم ورحمة الله وبركاته

مشكورين على الردود والمعلومات الاضافيه

blue chevy

12-12-2005, 12:49 AM

القير موجود حالياً على الC6 وشفته بالوكالة وبه شفترات بالسكان وشفت تحت في القير نفسه وترى شكل القير نفسه تبدل( من داخل يعني) وعلى ماظن هو اللي كان مشروع بين الفورد وجي ام..لأن النافيجيتر اليديد هم 6 والاسكاليد بعد 6 والتاهو واليوكن ينزلون 6...

صح حتى انا شفت الكورفيت على سكانه فيه تبديلات زائد وناقص (نسيت اسم هالنظام :D )
على ماعتقد اسمه تبرونك او F1

مؤيد اف1

12-12-2005, 03:50 AM

اسمه Sequential

:-)

hait

12-12-2005, 02:12 PM

معلومة مفيدة :knight:

(الفني)

12-12-2005, 06:54 PM

أبو عدنان , هل سمعت ب4L80E كت يركب على الكمومارو أو الكورفيت ؟ بحيث يلغى ما عليها ويتم تركيبه فهل يتحمل إلى 800 و 1000 تورك .. وبالتالي فهو جيد للإستخدام اليومي لسيارات بهذه القوى..

مؤيد اف1

12-12-2005, 08:11 PM

اتوقع ممكن هالشي..هو الانتيرنالز حقته تتحمل قوه اكبر بس نفس مجول ال4L60-E وان كثرت برمجه الكمبيوتر تتكفل بكل شي :D

sayedco

12-12-2005, 08:40 PM

إذا مركب على الكورفت و يتحمل 520 عزم فيعني أقل تعديل على الكورفت لازم يتبدل معاه القير ؟؟

عموماً الكورفت احسن شي قير عادي و عشان ما ينكسر مثل ما صار مع 4 كورفتات من الخليج واحد من البحرين و ثلاث من السعودية

بس سؤال : الكورفت Z06 أي قير راكب عليه و إلى كم يتحمل ؟

مؤيد اف1

12-12-2005, 08:41 PM

الجير يتحمل اكثر من الي تطلعه المكينه

وسالفه الجيور المكسره جيب اي سياره وباكسر جيرها :D

sayedco

12-12-2005, 08:46 PM

معقولة استخدام أقل من شهرين ينكسر القير ؟؟

بس ليش بالذات هالسيارة و أربع مرات كلهم في أماكن قريبة

ليش الكوماروات مع عددهم الهائل و القير الستوك في الدراق ما ينكسر قيرهم (أغلبهم) آنا حتى الآن ما شفت كومارو إنكسر قيره

شفت سكايلان و كورفت <<<<<< و اثنينهم حلمي :banana:

على العموم أدري إنك عادي تكسر قير في يوم واحد ، آنا بعد أقدر

لكن هذاك انكسر قيره بكل سهولة دون أي ضغط ، يعني كان واقف و داسه مرة وحدة و هو كان في D يعني ما بدله من N ،

سبحان الله

سئال ثاني : ما هي الأسباب اللي تؤدي إلى انكسار القير ؟

مؤيد اف1

12-12-2005, 08:47 PM

الجير يتحمل 520 رطل والمكينه تطلع 470 رطل يعني في هامش زين..واصلاً الشركه تكون متحفضه في ارقامها يعني تعطيك رقم اقل شوي من الي يتحمله الجير :-)

مؤيد اف1

12-12-2005, 08:53 PM

انا اشوف رعات الجي تي او مااشتكو من الجير ابداً

الي يخرب الجير التفحيط بالدرجه الاولى لانك بترفع حرارته فوووووووق...ترفيع الريس واجد يكسره..خصوصاً اذا كان بالN وبعدين تحطه بالD وانت على الRev limitter :D

تعشيق الجير بالدي والسياره مثلا تريوس على سرعة كبيره ودعس بنزين للآخر اول مايلقط وياك :D

في اسباب واجد..وبعد في شي نسيت اقوله..الي يستخدم الجير كانه جير عادي او تبترونك بقلة عقل تخرب ابوه :knight:

يعني وهو يسرع يحطه بال1 مره وحده :D

بس هذي ماتصير في الجيور الالكترونيه لان الكمبيوتر ماراح يعشق :sleep:

وغيرها من الاسباب

عموماً شباب الخليج يحبو يستخدمو الشي غلط :D

مؤيد اف1

12-12-2005, 08:58 PM

لكن هذاك انكسر قيره بكل سهولة دون أي ضغط ، يعني كان واقف و داسه مرة وحدة و هو كان في D يعني ما بدله من N ،

سبحان الله

انت ماتدري قبل هالحركه كيف كان ويا الجير :D

الجير مايخترب من دعسه ولا دعستين :D

تلاقيه حتى مامرنه :D

TerroRx7

12-12-2005, 09:44 PM

sayedco

اللي انكسر في الكورفت في مضمار البحرين مو القير
انكسر فيه شي في الدفرنش الخلفي IRS و الظاهر انها الاصلبه

و اذا تبغى تحاول تكسر قير جرب على TH350 ولا 400 مو تروح للـ 700 و جماعته :D
جرب و بعد شهر كلمني اذا طب ولا لا :D

الفني

الـ 4l80e اعتقد انه يحتاج كمبيوتر خارجي يتحكم به مثل اللي تبيعه TCI ( اذا ما كنت غلطان )
و تكنسل التحكم بالقير من الكمبيوتر الاصلي
هو صحيح يتحمل لكن عيبه ما نزل له ترانزبريك للآن :D