سوالف للجميع - ما رأيكم في المازدا 6 ؟؟

UAEnos

30-10-2005, 12:31 PM

السلام عليكم ورحمة الله وبركاته

أحد الإخوان يرغب بشراء مازدا 6 رقم واحد فل أبشن .. وسألني عنها .. وبصراحة ما عندي اي فكرة عنها من ناحية المشاكل والأعطال وسعر قطع الغيار ..

فلذلك يا إخوان اذا حد منكم جرب السيارة يا ليت يقول لنا عن رأيه فيها من جميع النواحي وخاصة المشاكل والأعطال ..

ومشكورين مقدما :-)

WRX

30-10-2005, 05:50 PM

استنى رد من احد الاخوان انا كماااااااااااااااااااااااااااااااان :m:

560SEL

30-10-2005, 06:12 PM

السلام عليكم و رحمة الله و بركاته

سياره ممتازه من كل النواحي أداء و رساوه و تقنيات و تحمل
جربتها مع أحد الشباب السياره صراحه مايله للنظام الاوروبي بشكل مو طبيعي

انا جربت الستاندرد منها و أكثر شدني فيها :

الطاره اذا وصلت سرعة السياره 120 و فوق تثقل الطاره و لو تتركها ما تلقا فيها لاحذفه يمين و لا يسار و اذا خففت السرعه ترجع لو ضعها الطبيعي

انظام الصوتي فيها جيدجدا و الميزه اللي فيه انك اذا دعست على السياره المسجل يرفع الصوت تلقائيا و اذا خففت الدعسه و السرعه يرجع لنفس الوضع الطبيعي

السياره رساوتها ممتازه مقارنة بمنافساتها و التوجيه فيه دقيق مره و مواصفاتها كستاندرد لا بأس بها أبدا و سعرها يخليها فعلا صفقه جيده .

تعليق السياره هو المثالي من وجهة نظري يعني لا هو قاسي و لا هو لين مره في الوسط تماما يعني ما راح تلاحظ ان السياره تتمايل معك في المنعطفات و لا راح يتكسر ظهرك اذا كن الطريق مكسر أو وعر :D

استهلاك البنزين معقول جدا

بالنسبه لقطع الغيار فهي لا غاليه و لا رخيصه يعني مثلا المساعدات الخلفيه الاثنين مع التركيب في الوكاله ب 400 ريال , الفرامل ب 360 ريال ,, الفلاتر و القطع الاستهلاكيه رخيصه مره مثل فلتر زيت الجير ب 70 ريال و كذلك السير ب 120 ريال .. و غيره

العيوب اللي لاحظتها في السياره :

صوت المكينه عالي داخل المقصوره .. و يبغون يصرفونها خلوا المسجل يرفع الصوت من نفسه :D

البوري (Horn) تحس انه داخل السياره

Body السياره و كما تعودنا من أغلب السيارات اليابانيه ورق و لكن ورق عن ورق يختلف ;) واعتقد القصد واضح

عزم الاربعه سلندر بالذات ال 2 لتر مره تعبان

السياره شبابيه و فيها نوع من الضيق يعني ما تنفع للاستعمال العائلي

و ان شاء الله بيكون فيه تجربه مفصله

الهاوي جروب

30-10-2005, 06:21 PM

على حد علمي الأربعه سلندر تتوفر بمكينتين

2.0 و 2.2

وهي الأفضل وماانصحك تاخذ 2.0

السياره ممتازه لأبعد الحدود وعمليه جدا

ليه زميل كل اسبوع ينزل من المدينه لجده والعكس واحياننا يروح ويجي مرتين

فالسياره ممتازه جدا وعمليه

وسمعت انها من الداخل تصميم شركة المانيه او اوربيه

ومن الخارج فخامه

وتعطيك في الخط الطبلون كامل مو مثل بعض شقيقاتها

وغير كذا تعليقا حلو

عيوبها لاادري صراحتا بس الجميع يشكر فيها

وسمعت شغله ماادري صحيحه ولا لاء انها نزلت بقير 6 غيارات والله اعلم

560SEL

30-10-2005, 09:29 PM

على حد علمي الأربعه سلندر تتوفر بمكينتين

2.0 و 2.2

وهي الأفضل وماانصحك تاخذ 2.0

السياره ممتازه لأبعد الحدود وعمليه جدا

ليه زميل كل اسبوع ينزل من المدينه لجده والعكس واحياننا يروح ويجي مرتين

فالسياره ممتازه جدا وعمليه

وسمعت انها من الداخل تصميم شركة المانيه او اوربيه

ومن الخارج فخامه

وتعطيك في الخط الطبلون كامل مو مثل بعض شقيقاتها

وغير كذا تعليقا حلو

عيوبها لاادري صراحتا بس الجميع يشكر فيها

وسمعت شغله ماادري صحيحه ولا لاء انها نزلت بقير 6 غيارات والله اعلم

المحرك الثاني حسب علمي 2.5 لتر و هو فعلا أفضل من ال 2.0 لتر بكثير و لو يحصل V6 يكون أحسن و أحسن

و فعلا السياره متوفره الان بجير 6 سرعات

بالنسبه للتصميم الداخلي فهو فعلا مصمم من فرع شركة فورد في ألمانيا و هو بالمواد الموجود فيه يكاد يكون مطابق تماما للموجود في الفورد مونديو و حتى محركاتها هي تقريبا نفس محركات الفورد مونديو

UAEnos

31-10-2005, 03:52 PM

مشكورين إخواني على ردودكم .. وبصراحة ردودكم مشجعة .. وانا وصلتها للرجال الي سألني وبإذن الله ناوي يشتريها .. ويقول انه بيشتري 2.3 لتر .. قلتله انه من الأفضل يشتري 2.5 لتر بس يقول انه ما حصلها في الوكالة والله اعلم ..

ما قصرتوا يا إخوان :-)

SVT-COBRA

31-10-2005, 04:32 PM

مشكورين إخواني على ردودكم .. وبصراحة ردودكم مشجعة .. وانا وصلتها للرجال الي سألني وبإذن الله ناوي يشتريها .. ويقول انه بيشتري 2.3 لتر .. قلتله انه من الأفضل يشتري 2.5 لتر بس يقول انه ما حصلها في الوكالة والله اعلم ..

ما قصرتوا يا إخوان :-)

الله يعطيه من خيرها و يكفيها شرها

و الف مبروك

و سلامتكم :sleep:

الهاوي جروب

31-10-2005, 05:03 PM

الف مبروك زين مااختار

mzr603

01-11-2005, 06:50 AM

الف مبروك وتصحيحا للمعلمومات
المازدا 6 ما تجي 2.5 ثلاث محركات بنزين وهي 2.0 و2.3 و3.0(لامريكا الشمالية فقط)
اما الديكور الداخلي فهو مصمم في قاعدة مشتركة بين فورد ومازدا وفولفو وهي قاعدة C3
صحيح موديل 2006 اصبح 6 غيارات عايدي لكل الفئات وايضا 5 غيارات اكتيفماتيك لكل الفئات نظام التعليق اصبح اكثر راحة انوار زينون.....الخ

UAEnos

02-11-2005, 12:03 AM

إخواني .. الحين الرجال الي سألني عن المازدا كلمني وقالي ان ربعه نصحوه انه يشتري ( هوندا اكورد ) 4 سلندر 2.4 لتر ( رقم 2 ) ..

والحين هو محتار بين السيارتين :

مازاد 6 .. رقم 1 فل أبشن

هوندا أكورد .. رقم 2 ( 4 سلندر 2.4 لتر )

شو رايكم يا إخوان ؟؟

560SEL

02-11-2005, 12:32 AM

الدعوه فيها فل أوبشن

خله ياخذ المازدا

UAEnos

02-11-2005, 12:57 AM

جزاك الله خير اخوي ( 560SEL ) على تواصلك الدائم ونصائحك .. وبإذن الله اوصل له كلامك :-)

edubai

13-11-2005, 12:46 AM

السلام عليكم

انا عندي مازدا 6 2005 2,3 ليتر فول اوبشن

السيارة ماشية معاي مثل الحلاوة و مشاء اللة عليها تعجبك

السيارة الحلو الي فيها انها ثابتة و سكانها يابس (رياضي)

واذا كنت تمشي 80 ودعست ريس كامل تعطيك نغمة حلوة من الاكزوز تخليك تتحمس للسرعة وفي نفس الوقت صوت المسجل يرتفع ... كأن السيارة تقولك اسرع اسرع

ومن داخل الاضائة لونها احمر وشكلها رائع جدا جدا

وجربت مع هوندا اكورد خليته وراي مسافة سيارة واحدة

علما ان المازدا 6 هي منافسة للاكورد و بشدة

انصح فيها !

الهاوي جروب

13-11-2005, 01:46 AM

والله يااخي المقارنه صعبه لكن شوف اذا ماكان يهمه قطع الغيار فياخذ الأكورد

واذا تهمه ياخذ المازدى طبعا الهوندى سياره عمليه اكثر في نظري

لكن المازدى رائعه بكل المقايسس مواصفات وتصميم ذو مستوى راقي

mzr603

13-11-2005, 02:35 AM

فيه موضوع في منتدى السيارات احد التجارب الشخصية وهذى راي المجرب
http://www.assayyarat.com/forums/showthread.php?t=76306&page=1&pp=8

HaKeM

13-11-2005, 02:43 AM

انا جربت السيارة وممتازة من جميع النواحي

العيب الي فيها مكيفها والسيارة واقفه تعبان مقارنة بالتويوتا

الأكورد في نظري أفضل لكن قطع غياره غاليه

bahrainlove

14-11-2005, 01:07 AM

أنا جربت السيارتين موديل 2003 (مافي تغييرات جذرية عن 2006) و من رأيي ان الأكورد أفخم وأقوى و سعرها ما ينزل كثير عند البيع و عندي ملاحظة على مكيف المازدا مو قوي بالاضافة الى ان مشغل الشريط كثير الخرابات .. والرأي الأخير لك وبالتوفيق.

WRX

14-11-2005, 03:19 AM

السلام عليكم

مازاد 6 .. رقم 1 فل أبشن

هوندا أكورد .. رقم 2 ( 4 سلندر 2.4 لتر

يا ابوية خليه يتوكل على الله ويأخذ الزوووم لأن الفل خياااالية خصوصاً الجلد الأسود واااااااااااو روووووووووووعة انا مرة دخل مزاجي...

ويالله بالبركة عليه مقدماً..

راعي الايفو

14-11-2005, 10:10 AM

خلني اقولك بصراحه ان المازدا سيارات قويه وماعليها اي كلام
وفوق هذا مشيها حلو وكذلك تسارعها
من قبل يومين جربنا بين سيارتين وهم مازدا 6 فل اوبشن واعتقد ان محركها يجي 4 سلندر 2.3 لتر وهذا عندنا بالبحرين وجربنا قومه مع ساب 4 سلندر تيربو وبصراحه فشلتنا الساب لان جربنا السال وكان تسارعها مذهل ومشيها حلو ولكن مع المازدا بينت لنا الساب انها بطيئه لان الفرق كان كبير بينا وبين المازدا
وانا شخص انصحك فيها وخاصه ان التعديل على المازدا وايد حلو وسهل وسريع وشكليا هي احلى من الاكورد ولكن قوة ماعرف منو اقوى

ومبروك مقدما

cadyman

14-11-2005, 03:18 PM

مازدا وبس

UAEnos

14-11-2005, 04:32 PM

إخواني الكرام .. أشكركم جميعا على ردودكم .. والى الآن الأخ ما قرر لكن اعتقد انه يميل الى المازدا .. بإذن الله ارد لكم خبر بعد ما يشتري السيارة ( سواء كانت مازدا او أكورد ) ..

مع خالص تحياتي للجميع :-)