View Full Version : فيديو الموسم : كورفيت zo6 لجديدة مع مرسيدس توين تيربو
blue chevy
27-10-2005, 10:05 PM
مواصفات السيارتين
الكورفيت : 8 سلندر و 7لتر وقوته 505 حصان (ستوك)
المرسيدس 12 سلندر مع توين تيربو :blink: (عليه فلاش واكزوز)
http://www.megaupload.com/?d=KZE88C9W
فيديو قوي حيل لا يطوفكم
560SEL
27-10-2005, 10:46 PM
السلام عليكم و رحمة الله و بركاته
شكل مدينة الملك عبدالعزيز مستقعده لنا في كل شئ !
يا جماعه شوفولكم حل للمره الثانيه على التوالي يجيني:
Dreams_Maker
27-10-2005, 11:21 PM
الفيديو موجود على موقع racingflix
http://www.racingflix.com/getvideo.asp?v=1305
blue chevy
28-10-2005, 12:04 AM
560SEL
الصفحه شغالة اخوي
Dreams_Maker
هذا الموقع انا نزلته منه بالغصب
تنزيله بطئ بسبب الضغط عليه
فقلت ارفعه لكم علشان تشوفونه
راعي الكورفت C6
28-10-2005, 12:33 AM
مشكوووووووووووور وايد على الفيديو الروعة
بظل بشوووووفه طول الليل
:banana:
سنـاري
28-10-2005, 05:20 AM
كثرت شكاوي المستخدمين في السعودية من اقفال موقع ميجا اب لود
جربو هذا الموقع ان شاء الله مفتوح
http://www.yousendit.com/
Dreams_Maker
28-10-2005, 05:28 AM
560SEL
الصفحه شغالة اخوي
Dreams_Maker
هذا الموقع انا نزلته منه بالغصب
تنزيله بطئ بسبب الضغط عليه
فقلت ارفعه لكم علشان تشوفونه
انا نزلته عادي...بس الظاهر الاتصال عندك زي البرق :D ماشاءالله..
عشان كذا سرعة 4 او 5 كيلو...مو عاجبتك :banana:
السلام عليكم
ولكم اول شئ ولكم باااك دريم ميكر...
والف و 400 و 20 الف شكر لأخونا بلو شيفي
ماقصرت حبيبي....((على فكرة شباب ترو جربت انزله من الموقعين طلع ريسنج فليكس اسرع هذي المرة! :blink: )) غريبة صح؟اول مرة تصير بس يالله كلن وحظة,,,,
ويالله تحياتي..
bashar_255
28-10-2005, 03:46 PM
شنو هذا الفلاش اللي على البنز :blink:
لا يكون الفلاش اللي ينظفون به حمامات :D
السلام عليكم
لا يكون الفلاش اللي ينظفون به حمامات
ويسون قنابل به في رمضان :p
شباب شوووفوو هذا لنك للفديو رفعته على موقع هدية لأخونا بلو شيفي...
التحميل من هنا (http://9q9q.com/get.php?filename=1130504031.mov)
ويالله نشوووووووووووووووفكم
الامير الاحمر
28-10-2005, 05:11 PM
مرحباا
شفت الفيديو
الصراحة قووووية قوووية
وادء اكثر من ممتاز للكورفيت
بس في النهاية المرسيدس اخذ فارق بسيط
شكرا اخي العزيز على الفيديو
sayedco
28-10-2005, 10:14 PM
شنو الفلاش اللي مركب على المرسيدس ؟؟
جاري التحميل و مشكورين بلو شيفي و وركس و الله يعطيكم العافية
blue chevy
28-10-2005, 11:23 PM
انا نزلته عادي...بس الظاهر الاتصال عندك زي البرق :D ماشاءالله..
عشان كذا سرعة 4 او 5 كيلو...مو عاجبتك :banana:
خخخخخخخخخخخخخخخخخخخخخخ
انا عندي دي اس ال وماني قايل كم سرعته <<<<<< يخاف من العين :D
WRX
بارك الله فيك اخي الحبيب
بس شباب خلكم معاي :D
12 سلندر وتوين تيربو
حسوا معاي :D
والكورفيت ستوك :banana:
ومشكورين على الردود
mr.lamborghini
28-10-2005, 11:29 PM
تسلم حبيبي
و جاري التحميل
تسلموا شباب على الفيديو
ممكن انقل الفيديو :D
sayedco
29-10-2005, 12:07 AM
سبحان الله
8 سلندر يمسك مع 12 سلندر و لا بعد توين تيربو !!
Dreams_Maker
29-10-2005, 12:39 AM
سبحان الله
8 سلندر يمسك مع 12 سلندر و لا بعد توين تيربو !!
الألماني بالخط مايرحم :45:
blue chevy
29-10-2005, 08:32 AM
الألماني بالخط مايرحم :45:
:D
معاك حق
بس شوفة عينك
حتى بالخط ماسك معاه
هلا بالحبيب بشار
مانتبهت لمشاركتك
فلاش على ماعتقد هو الغاز
مو متأكد منها بس هذا إلي اعتقده
وإلي عنده جواب يقولنا
قلق و رجه
29-10-2005, 11:35 AM
يعطيك العافية على الفديو الرهيب
Take Care Chevy is Here
الـCL65 سيارة وزنها أكثر من 2 طن (وبالتحديد 2,111 كلغ) وقير أوتو بـ5 سرعات وفي الاساس هي سيارة كوبيه "فخمة".
لما تتنافس مع سيارة رياضية بوزن أقل بكثير مصممة للسرعة بالدرجة الأول ، هذا يخلي المرسيدس تلفت إنتباهي وتكبر بعيني "رغم اني ما كنت مهتم لها نهائياً قبل هذا الفيديو".
عمرTarga
29-10-2005, 06:05 PM
شكرا جزيلا :D
bashar_255
30-10-2005, 09:39 AM
بس شباب خلكم معاي :D
12 سلندر وتوين تيربو
حسوا معاي :D
والكورفيت ستوك :banana:
حاس فيك و الله بس البنز عاجبني
خاصة أنه
نزلت الفيديو ولا اشتغل عندي :knight:
NFS : عزمها 738 lb-ft مقابل 470 للكورفت أعتقد من الطبيعي على هالوزن تطوف الكورفت خاصة أنها 612 حصان يعني تحس محرك مهئ لهالوزن
و لو تنظر الى سيارات مرسديس بنز في الفترى الأخيرة ترى يهمها السرعة أيضاً و كمثال E55 AMG أسرع سيارة سيدان عام 2005 و البارحة و انا في الدمام شفت وحدة داعسة على الشارع عليها تسارع مو طبيعي :eek:
blue chevy
30-10-2005, 08:37 PM
الـCL65 سيارة وزنها أكثر من 2 طن (وبالتحديد 2,111 كلغ) وقير أوتو بـ5 سرعات وفي الاساس هي سيارة كوبيه "فخمة".
لما تتنافس مع سيارة رياضية بوزن أقل بكثير مصممة للسرعة بالدرجة الأول ، هذا يخلي المرسيدس تلفت إنتباهي وتكبر بعيني "رغم اني ما كنت مهتم لها نهائياً قبل هذا الفيديو".
هلا بالغالي
شوف يالحبيب
وزن الكورفيت بالضبط 1,421 كجم يعني
1.5 طن تقريبا
تتوقع 500 كجم يسوون الكثييييييير ؟ :think:
والمفروض ياخوي التيربوين مع زيادة 4 سلندرات يعوضون عن قوتها ؟
4 سلندرات زيادة ترها مو شوية وعليها شواحن بعد :blink:
اصلا منو انا علشان انتقد شركة عريقة مثل مرسيدس :D
عزمها 738 lb-ft مقابل 470 للكورفت
فرق 268 :blink: :think:
فرق كبير
ومشكورين على الردود
bashar_255
30-10-2005, 09:07 PM
أقول مو تستعبط علينا يا blue chevy :D
لو تنقص من الكورفت 500 كيلو بتجيب 10sec في الـ 400 خاصة أن الدفرنش نسبته 3.42 :D
blue chevy
30-10-2005, 11:11 PM
أقول مو تستعبط علينا يا blue chevy :D
لو تنقص من الكورفت 500 كيلو بتجيب 10sec في الـ 400 خاصة أن الدفرنش نسبته 3.42 :D
خخخخخخخخخخخخخخخخخخخخخخخخخخخخخخخ :D
انزين شنو فايدة 4 سلندرات مع التوين تيربو؟
بشار
لما الواحد يتكلم عن أسرع السيارات تخرج من الوكالة ، بيجي على بالك سيارات رياضية بحته ، يعني سيارة مصممة لكسر السرعة ، تحتوي على القليل من تجهيزات الرفاهية .
يعني ممكن تلاقي سيارة سوبر رياضية (مثل الفيراري أو اللامبورغيني أو غيرهم ) بدون مكيف أو جهاز راديو مثلاً.
الفيراري F50 لو ركبتها بتلاقي أن الكورولا فيها تجهيزات أكثر من الفيراري!
طبعاً كل هذا في سبيل تخفيف وتوزيع الوزن بشكل مثالي ،
شوف تجهيزات البورشه كاريرا GT والفيراري أنزو واللامبورغيني مورشيلاغو ، أول ما تركب هذي السيارات تحس أنك راكب سيارة سباق بحتة .
قارن هذا الكلام مع المرسيدس CL65، سيارة لم تبخل الشركة في تجهيزها بكل وسائل الرفاهية والفخامة ، تسوق السيارة تحس أنك تسوق سيارة سيدان مش سيارة سباق.
لما تقترن أداء المرسيدس مع سيارة كان هدف مهندسيها هو أنتاج سيارة للسرعة وللسرعة فقط ، هذا فيه نوع من الإجحاف.
طبعاً لا ننسى أن المرسيدس قير أوتو بـ5 سرعات مقارنة بقير الكورفيت (أبو 6 سرعات) لأن هذي قصة ثانية :)
ومسألة العزم ، المرسيدس متفوقة في مقدار العزم رغم صغر سعة المحرك (6 لترات مقابل 7 لترات لصالح الكورفيت)، طبعاً الفضل يرجع للتوربو أولاً وأخيراً.
بلو شيفي
2111-1421 = 690 كلغ ، في نظرك هذا فرق بسيط!!!
أنت جرب تسارع سيارتك لما تكون لوحدك ولما يكون مع ركاب (حتى لو شخص واحد) وشوف الفرق كيف ، فما بالك 690 كلغ!!!!
وعلى فكرة عدد السليندرات ما يأثر "تأثير مباشر" على العزم والقوة الحصانية ، ولكن السعة هي إللي لها أرتباط مباشر بالعزم (وبالتالي القوة الحصانية).
وبالمناسبة ، المرسيدس معدلة مش ستوك :) "أكزوست + ECU Flash".
bashar_255
01-11-2005, 08:40 AM
"ECU Flash"
هذا شب لو ايش ؟
أنا كنت أتكلم على انك يوم قلت " وفي الاساس هي سيارة كوبيه "فخمة". "
المحرك حق المرسديس مو هين و القصد انه ويش ما ثقلت من التجهيزات في سيارة مثل ذي و ضحيت في القوة مقابل تجهيز أفخم + أمان درجة أولى + أستخدام عالي للكهرباء + كفائة في التكييف و غيره المحرك الجبار اللي عليها ما بيقصر لا في التسارع ولا في التوب سبيد و خلني أذكرك بسالفة قديمة هي بين المكسيما 3.0 و الأوديسي 3.5 و الفرق بينهم 600 كيلو
لما تتنافس مع سيارة رياضية بوزن أقل بكثير مصممة للسرعة بالدرجة الأول ، هذا يخلي المرسيدس تلفت إنتباهي وتكبر بعيني "رغم اني ما كنت مهتم لها نهائياً قبل هذا الفيديو".
بالنسبة للتجهيزات اللي على الكورفت متوسطة يعني لا هي بالتجهيزات الكبيرة ولا هي فقيرة بالتجهيزات لاكن لا نبعد عن موضوعنا الأساسي و هو فرق الوزن بينهم
الكورفت أخف صح كلامك و سر قوة الكورفت في جميع أجياله هو تخفيف الوزن لاكن في النهاية ما يمنعني أن أقارن المرسديس بالكورفت
لأن سيارة رياضية أو عائلية أو ان شالله باص كرنك AMG لازم تحط لك قير و دفرنش يستخرج أقصى طاقة من هالمحرك
أنا عن نفسي ما عجبتني السيارة :D
من السيارات الأوروبية الكوبيه اللي عجبتني مؤخراً الـ BMW M3 CSL
قريت عنها موضوع عجبتني كثير :)
محرك 3.2 بـ 400 حصان
الديكور من الداخل كله فايبر قلاس و البدي من الكربون فايبر
المحرك تنفس طبيعي 24 بلف و 6 سلندر بس
تسارعها من الصفر الى المئة في 4.7 ثانية فقط مقابل 4.5 للمرسديس
و اذكر لك أن وزنها هو 1385 كيلو يعني أثقل من سيارتي اللي مو متوفق فيها اللي مديلها 94 :D
و ما عندي خبر عن فرق التجهيزات :-)
blue chevy
02-11-2005, 02:10 AM
NFS
كلامك معقول بس انا مقصدي فاهمه بشار
لازم تحط لك قير و دفرنش يستخرج أقصى طاقة من هالمحرك
هذا قصدي
عاد شوف كم سعر المرسيدس؟
المفروض يحطون فيه كل شئ PERFECT
بشار هذي صور للفلاش
http://sohc.vtec.net/article_files/339233/tsx_ecu.jpg
هذي صورة الداينو
http://sohc.vtec.net/article_files/339233/tovtsx_hondata.gif
bashar_255
02-11-2005, 10:53 AM
كمبيوووووتر :D
تقول فلاش قلت مافيه فلاش الا الفلاش :D
RED Chevy
07-11-2005, 02:49 AM
جاري التحميل ويعطيكم العافية :p
مؤيد اف1
07-11-2005, 09:53 PM
الفلاش = تعديل في برمجة الكمبيوتر
مستوى قوي من السيارتين مع ان الكورفت ارخص والمرسيديس V12 وتون تربو ومزوده :D
sayedco
10-11-2005, 04:53 AM
كتبت كلام كثير و لكن مسحته لأنه شفت إنه السالفة كل واحد و رايه
واحد يحب الفخامة أكثر
واحد ثاني يبي سرعة فقط حتى إذا الكراسي حطيتهم حديد خالي :D
بس بغيت أقول إن الأمريكي بعد في الخط ما يرحم ، مو بس الألماني
abumhdi
10-11-2005, 08:29 PM
جاري التحميل ..
muh_2000
12-11-2005, 02:06 AM
جاري التحميل
THE-SS-KING
14-11-2005, 03:27 AM
الوزن مهم اثناء الانطلاق وبعد ان تصبح السيارتين في سرعة معينة يدخل عامل الاصطدام بالهواء و الانسيابية و يقل تأثير عامل الوزن كثيرا
المهم المرسيدس طلع في الاخير للفرق الكبير قي الاحصنة