View Full Version : شو رايكم بالهيونداي كوبيه؟
cruiser2000
16-09-2005, 05:14 PM
السلام عليكم ورحمة الله وبركاته
كيف حالكم شباب
انا ادور على هيونداي كوبيه جير عادي
واذا كانت 4 سلندر ممتاز
للي يقدر يشوف لي الاسعار اذا السيارة بحالة ممتازة او جيدة
اهم شي شباب 4 سلندر وجير عادي
ولمالكين الهيونداي كوبيه شو رايكم فيها؟
ممشاها وهل هي عملية؟
هذا كل شي ومشكورين مقدما@@@@ :)
السيارة على وشك انها تتغير لا تشتريها الحينه
http://www.autocar.co.uk//Car/Hyundai/Coupe/14755247300.jpg
موديل خاص
http://carstreams.com/carpics/1228-Y2722.jpg
زورو الامارات
16-09-2005, 07:55 PM
السلام عليكم
نصيحتي اذا بتشتريها مستعمله لا تشتريها الا سته سلندر 2700 بتحس انها سياره
لكن 4 سلندر كأنك ماسويت شي
على فكره بوالوليد تأمينها مشكله كبيره وغالي
Prelude 4 Life
18-09-2005, 08:39 PM
اسأل مجرب ولا تسأل خبير
الهونداي الكوبيه والله سيارة...
شكل حلو ومميز
مواصفات حلوة
قطع غيار رخيصة
رياضية خصوصا اذا اخذت الستة سلندر ب 6 غيارات
مواد داخلية ذات جودة عالية
سعر ممتاز
فيها عيب صغير ان تعليقها قاسي مرة يعني اذا كنت تسوق على شارع فيه مطبات بتضايق شوي
لكنها ثابتة وراسية خصوصا موديل 2005 لان فيها نظام ESP غير متوفر في الموديلات السابقة
العيب الثاني سعر البيع يعني اتوقع اول ماتطلع من باب الوكالة سعرها بينزل 10 آلاف :D
وأي سؤال انا حاضر.
الـ 4 سلندر مرررة ماا أنصحك فيها
الـ6 سلندر مرررة حلوة وتتلغم بسهولة أعرف واحد معاه وحدة في جدة
silver
21-09-2005, 08:17 PM
SmLo
تغليم الـ I4 أكثر من الـ V6
:)
Prelude 4 Life
21-09-2005, 08:38 PM
SmLo
تغليم الـ I4 أكثر من الـ V6
:)
كلام اخوي silver صحيح
اذا ناوي تلغيم ال 4 سلندر افضل
لان البلوك تبعها حديد وتتحمل forced induction اكثر من ال 6 سلندر
لكن اذا موناوي forced induction فال 6 سلندر تجاوبها افضل من ال 4 بالنسبة لل N/A
sayedco
22-09-2005, 02:12 AM
شباب رفيجي عنده هيونداي كوبيه القديمة الشكل قبل الحالي (قبل هالقصة)
المكيف مالها تعبان جداً و هذا ما فاجأني مع إني كنت فاكر إنه مرتاح من السيارة
كل شهرين يبدل الكمبريسر و ما في فايدة و الكراجات ما يعرفون لها غير تبديل الكمبريسر
لكن الجديدة ما أظن فيها مشاكل حسب التجارب
و إذا تفكر في تيربو اخذ 4 سلندر لأنه لو دورت في النت التيربوهات بس حق أربعة سلندر
أما إذا تلغيم بسيط فال6 سلندر أحسن
cruiser2000
22-09-2005, 11:04 AM
مممم
الكومبريسور
اصحاب الهيونداي خاصة بريليود
شو المشاكل اللي طلعت من السيارة
وهل تنصحني فيها
صرفيتها للبترول
كم فولها وكم تمشيك بالكيلومترات مع المكيف طبعاً؟
بخصوص نظام ال ESP هل اقدر اركبه على الموديلات اللي قبل
ما اعتقد اني باخذ 2005 يمكن 03 ولا 04 احتمال كبير 04
وهل تأمينها زين ولا مشكلة ؟
ابيها عملية وبس مابي ازيد فيه شي يمكن اطلها حركة الابواب لا اكثر
يا ليت تعلموني
ماريد اكون ندمان يوم اشتريها !!!!!!
Prelude 4 Life
22-09-2005, 11:53 AM
اخوي cruiser2000....
انا سيارتي توها ماشية 8000 كيلو يعني حتى لوفيها مشاكل ماعتقد بتطلع في هالمسافة القصيرة
بس الحمدلله لحد الحين ماشفت اي مشكلة من السيارة
جربت كل شي فيها...
بريك وثبات ماعليهم كلام بصراحة
مشيت فيها على سرعة 230 ك\س وكانت راسية لآخر درجة وكان في مجال تجيب اكثر بس الشارع كان زحمة
الكمبرسور شغال تمام وتكييف بارد جدا
صرفيتها للبترول معقولة داخل المدينة وممتازة جدا على الطرق السريعة
اعبيها فل في السعودية ب 40 ريال
يعني في الامارات راح تطلع عليك ب 50-55 درهم
وبتمشيك حدود 400 كلم على حسب استخدامك
بالنسبة لل ESP اكيد تقدر تركبه لكن بيكلفك اكثر من ماتتوقعه واعتقد بتكون العملية صعبة لان لها دخل بكمبيوتر السيارة وهالشغلات يعني مايسوى نك تسويه
السيارة انصحك فيها كسيارة جديدة من الوكالة لكن اذا بتاخذ مستعمل انت وحظك
بالنسبة للتأمين انا ماأمنت لحد الحين :sss:
السيارة راح تتغير بالكامل في 2007
وفي اشاعات انها بتكون دفع خلفي بمحرك 6 سلندر 3.5
بس لحد الحين هيونداي ماأكدت شي.
sayedco
22-09-2005, 03:32 PM
و شلون القوة ؟؟ :D يا برليود؟؟
إذا صحيح إنها تتسارع في 7.5 ثانية مثل ما يقولون في النت فهي قوية
لكن في ناس أصحاب ماكسيمات يقولون يطوفونها
المشكلة كل واحد عنده سيارته يسويها اقوى من الواقع
Prelude 4 Life
22-09-2005, 04:38 PM
و شلون القوة ؟؟ :D يا برليود؟؟
إذا صحيح إنها تتسارع في 7.5 ثانية مثل ما يقولون في النت فهي قوية
لكن في ناس أصحاب ماكسيمات يقولون يطوفونها
المشكلة كل واحد عنده سيارته يسويها اقوى من الواقع
انا عندي قير اوتو ولا جربت مع احد :D
بس من مجلة موتور ترند بالنسبة للقير العادي....
0-100 في 7.0 ثواني
لكن تبغي تعرف كيف ثبات السيارة؟؟
من نفس موضوع مجلة موتور ترند...
الكوبيه قير عادي في الحلبة جابت 1:04.12
وفي التجربة الثانية جابت 1:03.18 (في نهاية الموضوع)
البورش بوكستر S جابها في 1:01.62
ال BMW M3 جابها في 1:00.50
والكورفت Z06 جابها في 0:59.50
يعني تخيل اقل من ثلاث ثواني بينها وبين ال M3 وهي 170 حصان والبي ام 333 حصان
الموضوع كامل تقدر تشوفه على الرابط...
http://www.motortrend.com/roadtests/coupe/112_0207_shark/index.html
الكوبيه الثانية المعدلة اللي في نفس الموضوع جابت في الحلبة 0:57.78
وتسارع 0-100 في 5.7 :banana:
بالنسبة للمكسيما ماأعرف ارقامها بالضبط فما أدري كيف بتكون قومتها مع الكوبيه
لكن اتوقع يكونوا قريبين من بعض
في حلقة للتوب قير يقارن اللكزس ال SC430 مع الكوبيه ومقدم البرنامج عجبته الكوبيه اكثر :knight:
cruiser2000
22-09-2005, 04:58 PM
مشكوووووووووووووور بريليود
هذا المطلوب
ممممم 400 كيلومتر انا متأكد انها تقدر تمشي أكثر
بس بغيت اسألك
اذا 6 سلندر يجي ب 6 غيارات جير عادي
ال4 سلندر كم غيار عادي ؟
انا افكر بالعادي اوتو مستحيل
واذا استعمال مدينة ودوام وكلية فقط بدون رحلات ولا خطوط طويلة الا قليل
هل ال 4 افضل ام 6
ولو تشوفلي الاسعار لل 03 و 04 بيكون افضل حسب الحالة طبعاً
وسعر 05 في الوكالة كم؟ فل ابشن جير عادي
===============
انتظر الاجابة
اروح العب كورة وراجع بالليل ان شاء الله
Prelude 4 Life
22-09-2005, 09:51 PM
بصراحة مادري الوكيل في الامارات يوفر اي مواصفات بالضبط
عندنا في السعودية ال 4 سلندر غير متوفر
اللي موجود بس 6 سلندر بقير اوتو 4 غيارات او عادي ب 6 غيارات
في دول بره..
ال 4 سلندر مايجي ب 6 غيارات بس 5
والستة سلندر فيه خيارين للقير العادي 5 غيارات او 6 غيارات
سعر السيارة في السعودية ب 65 الف ريال للقير الاوتو
بالنسبة للعادي والله ماعندي فكرة بس اتوقع اقل بشوي
الخيار لك اذا تبغي قوة و استجابة اسرع وهدوء في المحرك خذ ال 6 سلندر بس بتكون صرفيتها اكثر شوي داخل المدينة لكن اقل على الطرق السريعة.
وسعر المستعمل والله ماعندي فكرة بصراحة.
بعد فترة بسيطة بينزل موديل 2006 في الوكالة فأكيد سعر ال 2005 راح ينزل في الوكالة :p
silver
22-09-2005, 11:27 PM
Prelude 4 Life
الـ I4 على حد علمي يجيبها المجدوعي أكثر من الـV6 ... لان واحد من الشباب كان ماخذ وحده 2004 أو 2005 ما أذكر بالظبط ... وسعرها أقصاط كان 62 الف على ما أذكر وكاش اظن 55 الف ... المواصفات ما أذكرها بالظبط ... لكن في موضوع حق "مجنون سيارات" للسيارة ممكن تشوف المواصفات فيها :)
Prelude 4 Life
22-09-2005, 11:30 PM
Prelude 4 Life
الـ I4 على حد علمي يجيبها المجدوعي أكثر من الـV6 ... لان واحد من الشباب كان ماخذ وحده 2004 أو 2005 ما أذكر بالظبط ... وسعرها أقصاط كان 62 الف على ما أذكر وكاش اظن 55 الف ... المواصفات ما أذكرها بالظبط ... لكن في موضوع حق "مجنون سيارات" للسيارة ممكن تشوف المواصفات فيها :)
يجوز عند المجدوعي موجودة
انا سيارتي من الوعلان :p
الوعلان متوفر عنده 6 سلندر بس
sayedco
23-09-2005, 02:35 AM
الكوبيه الثانية المعدلة اللي في نفس الموضوع جابت في الحلبة 0:57.78
وتسارع 0-100 في 5.7
وااااااااااااااااااااااو صج قوية
و سعرها مغري جداً و شكلها حلو و يقولون صوتها حلو بعد بس بعض الناس قالوا بيصورون فيديو و ما صوروا :p
و المعدلة بعد قوتها 240 و الستوك 170 يعني عادي توصلها هالقوة لتصل إلى التسارع مال الثاني بسهولة ، 70 حصان سهلة تقريباً
Prelude 4 Life
23-09-2005, 04:49 AM
و يقولون صوتها حلو بعد بس بعض الناس قالوا بيصورون فيديو و ما صوروا :p
اقول عن هالحركات بس لاتحرجنا :shy:
انشاءالله قريب :sleep:
:D
cruiser2000
23-09-2005, 08:16 AM
شي حلو
مم انا بحاول ادور وحدة للايجار واجربها ليومين ويمكن اجيبها التجمع
اذا قدرت :)
لاني صراحة صراحة
زهقت مرة من الاوتو
ومشكورين اخواني على المعلومات واذا اي شي بغيته ما بتردد في
طلبه لكم :)
sayedco
23-09-2005, 02:09 PM
في البحرين الإيجار لليوم الواحد لهالسيارة 15 دينار شوف كم عندكم
و أخي برليود أفا عليك السالفة ما فيها احراج و آنا فقط كنت أمزح معاك :-)