محل ساوند اون ويلز و وكراج بن سليم من تصويري :)

[uae speed]

السلام عليكم :)

يا شباب هذي عدة صور لمحل sound on wheels المتخصص بتركيب الصوتيات بجميع أنواعها على السيارات ، مع اني لا املك خبرة أبدً في مجال الصوتيات !
ولكن حبيت أنكم تشوفون المحل :)

أولاً هذا هو المحل من الخارج ..
وهو يقع بالقرب من وكالة مرسيدس ( قرقاش ) على امتداد شارع الشارقة - دبي .. :)

http://www.alamuae.com/upload/Folder-4/1124216596_1.jpg


---

وهنا صورة المحل بشكل عام من الداخل ..

http://www.alamuae.com/upload/Folder-4/1124216645_2.jpg


---

وهذي فولكس واجن طوارق معروضة في المحل ، وهي معدلة بنظام صوتي قوي في الخلف ..

http://www.alamuae.com/upload/Folder-4/1124216697_3.jpg


---

وهذا السستم الموجود في الطوارق ..

http://www.alamuae.com/upload/Folder-4/1124216754_4.jpg

http://www.alamuae.com/upload/Folder-4/1124216820_5.jpg


---

وهنا بعض الاجهزة المعروضة في المحل ..

http://www.alamuae.com/upload/Folder-4/1124216879_6.jpg

http://www.alamuae.com/upload/Folder-4/1124216924_7.jpg

هذا كل شي عن محل ساوند اون ويلز ، تقرير خفيف وسريع :)
وأشكر راعي المحل على تعاونه معي ، وأعطيته عنوان المنتدى يمكن يشارك معانا :cool:


***

والحين اعرض لكم صور كراج بن سليم ، ولكن للأسف ( من الخارج فقط ) !!
لأن الكراج كان مسكر مع اني رايح العصر ! على العموم شيء احسن من لاشيء !

تفضلو الصور :

http://www.alamuae.com/upload/Folder-4/1124217274_3.jpg

http://www.alamuae.com/upload/Folder-4/1124217304_4.jpg

http://www.alamuae.com/upload/Folder-4/1124217155_1.jpg

http://www.alamuae.com/upload/Folder-4/1124217220_2.jpg

أتمنى ان تنال الصور على اعجابكم ، جميع حقوق الصور محفوظة :)
تحياتي لكم ، أخوكم عبدالله :)

uae_speed@hotmail.com

[red_RPM]

يعطيك العافيه
مع إني شايب ما أحب الإزعاج بس شكل السماعات حلو
والتصوير ممتاز

[grandv8]

السلام عليكم ورحمةالله وبركاته

شكرا لك اخوي عبدالله على الصور والتقرير

جهد كبير منك ماشاء الله

ملاحظة:حاول تنزل اسمك او اسم المنتدى على الصور لحقوق الحفظ

وماخبرتنا وين اماكن المحل وكراج
عشان الاعضاء يتعرفون اكثر

حياك الله
:D :banana:

[uae speed]

أخوي red rpm شكراً على مرورك وما قصرت ..
أنا مثلك ما أحب الازعاج ، لكن أحيانا لازم الواحد ( يخترش ) شوي ! :D

مشرفنا الغالي بوجاسم ، حياك الله الغالي :)
والاسم موجود على الصور طال عمرك .. :)

وانا ذكرت موقع محل ساوند اون ويلز ..
أما كراج بن سليم ، فهو موجود في الجبرات مقابل مركز حمرعين ، عند جمعية نسيت اسمها :D

[الماني]

مشكككووور اخوي UAE SPEED على الصور وصراحة محل ساوند اون ويلز روعة.
وتسلم على الموضوع

[الهاوي جروب]

تسلم اخوي على الصور

[TOP-SECRET]

يعطيك العافيه عبدالله شو هالحركات كل يوم تقرير طلعت مب سهل ها

دامك وصلت كراج بن سليم حط الكامري هناك مع المفاتيح وارجع لها بعد يومين

بتحصلها مزوده وجاهزه لول

بس مشاء الله تقرير حلو وعجبتني اخر صوره لمحل الصوتيات وعجبني اخر مسجل في الصوره الاخيره

يباله اركبه عالستيشن

خاصه لو كان هديه منك لول

اتغشمر ويعطيك العافيه

[saymyname]

بصراحة مواضيعك ماشاللله هالايام وايد ممتعة وشيقة...http://www.cars-club.com/vb/images/smilies/thumbsup.gif

أحلى ماعجبني وشدني لها جودة الصور.....وايضا الاماكن الي تصور فيها غيييير.... :glasses2:

ماقصرت والله...والله يعطيك العافية... :-)

[WRX]

صور كوووووووووووول زيك:-)


الف شكر على لاتغطية الصراحة صور حلوة:-)

[الرشيق]

الله يعطيك العافية اخوي على التقرير الممتاز واخخ عورت قلبي ابمحل الصوتيات :D يبيله سستم كااامل من عنده الف شكر لك اخوي

[lumina]

الله يعطيك العافيه وماقصرت الغالي .. والله يوفقك وتجيب لنا تقارير مفصله عنهم

[قلق و رجه]

مشكور على الموضوع


بس فية سؤال وين محل بن سليم وهذا اللي صورتة هو اللي فيه الداينو

يا ليت توصف لي

تحياتي

[uae speed]

حياكم الله شباب :)

الماني و الهاوي جروب : شكرا لكم :)

حمد : هلا والله بو شهاب ، افا عليك بس ، بتشوف المواضيع اللي تعجبك :)
ياخي الكامري بغيت احطها عندهم ، بس قالوا لي ما نزود سيارات الدراق ريس .. خخخخ :D
زين منها تمشي ياخوك :D وحياك الله بوشهاب :)

saymyname و WRX و الرشيق و lumina : شكرا لكم وما قصرتوا وانتظروا المزيد :)

أخوي قلق ورجة : حياك يالغالي ، الكراج طال عمرك موجود بالقرب من مركز حمرعين ..
وانت ماشي وحمرعين على يسارك ، خذ يمين وادخل في ( الجبرات ) او المخازن .. هي مثل منطقة صناعيية صغيرة
فيها مخازن وجبرات .. المهم هناك بيكون المحل .. وهو قريب من جمعية كبيرة .. اسأل اي شخص هناك وبيدليك لانه الكراج معروف :) وحياك الله اخوي :)

[DDesigns]

يعطيك العافيه اخوي على الصور الحلوه ..

عندي تعليق بسيط بخصوص محل ساوند اون ويلز ..

محل ساوند اون ويلز محل ممتاز والتركيب عندهم عال العال وشغلهم عدل والديكورات اوكيه برضوا .. لكن فيه عيوب ..

الماركات اللي يبيعونها مش ولا بد بس نوعين او 3 اوكيه والباقي مو شيء وما قاعد يطور بضاعته كلها قديمه نفس الماركات .. و الاسعار ناريه ...

في نظري شركه الخليج الاسلكيه GulfWireless car audio افضل بكثير من هذه الناحيه حيث تجد في المحل اكثر من 30 ماركه تخيرك بين الرخيص جدا والغالي يكفيك ان عنده ماركه اسمها ZAPCO هذه الماركه هي اغلى ماركه امريكيه موجود في امريكا كلها وهذا يدل على وعي الطاقم اللي شغالين في المحل وخبرتهم العريقه حيث عندهم فروع في الهند وفرعين في الامارات و فرع في البحرين وقريبا في السعوديه ...

وايضا يميز جولف وايرليس اهتمامهم في الزبون لدرجه غير متوقعه فا همهم رضى الزبون وحصلت لي حالات كثير جعلتني اعجب فيهم .



اسمحوا لي على الانتقاد اللي عملته لكن الحق لازم ينقال واعتقد الاخوه الخبراء في الصوتيات يوافقني في الرأيي .


تحياتي ....

[بو حمود]

شكرا على السيارات الحلوه والتصوير الاحلى

[uae speed]

أخوي DDesigns حياك الله :)

والله ياخوي بالنسبة لي ما تعاملت معاهم ، وانتقادك في محله واحترم رايك طال عمرك :)
تسلم على الرد والتواصل :)

اخوي بوحمود العفو وحياك الله :)

[الهداف]

ما شاء الله مواضيعك و صورك كلها حلوه
و لو كراج محمد بن سليم كان مفتوح كان شفنا الي فيه الحين شوقتنا :D

و ممكن تدلوني على اماكن محلات تركيب السيديات و الأنظمة الصوتية في دبي أو الشارقة :-)

[uae speed]

اخوي الهداف مشكور على مرورك .. للأسف كان مسكر الكراج :(

وبخصوص محلات الانظمة الصوتية ، عندك ساوند اون ويلز .. على طريق الشارقه دبي .. بعد قرقاش ..
و شركه الخليج الاسلكيه ..
وفي محلات على شارع الشيخ زايد مادري وين بالضبط ..

حياك الله :)

[DDesigns]

المحل اللي في الشيخ زايد هو نفسه جولف واير لس .. عنده فرع هناك وعنده فرع في صناعيه الشارقه .