View Full Version : رايكم في التريل بليزر
abu_nasser
07-08-2005, 04:43 PM
السلام عليكم ورحمة الله وبركاته
اخواني عزمت أني أشتري تريل بليزر و ابشركم بعت الباجيرو بسعر صحيح انه مو سعره لكن الله يهني راعيها فيها
و بغيت الحين اخذ رايكم في التريل بليزر وشلون قوته و هل هو صحيح مثل ما ذكر في موقعهم 294 حصان ؟ و هل مشاكل الكهرب فيها كثيره ؟
رايكم حول السيارة بشكل عام من ناحية المميزات و العيوب
الشبابي
07-08-2005, 06:32 PM
اخوي ابو ناصر ..
السيارة ممتازة ومنتشرة بكثرة ولها رغبة في السوق ... اعتقد انها خيار جيد وقوة السيارة 275 حصان ولا يغرك الموقع وانصحك تشوفه وتشوف البرادو الجديد 4 لتر .. على فكرة مواصفاته رائعة ...
اخوكم الشبابي
اخوي ابو ناصر ..
السيارة ممتازة ومنتشرة بكثرة ولها رغبة في السوق ... اعتقد انها خيار جيد وقوة السيارة 275 حصان ولا يغرك الموقع وانصحك تشوفه وتشوف البرادو الجديد 4 لتر .. على فكرة مواصفاته رائعة ...
اخوكم الشبابي
معاك 100%
وأزيد إنو شكلو بطل بس يبغلو تغير الجنوط ويطلع كلام تاني
RED Chevy
07-08-2005, 08:00 PM
كله حلو ومن داخل زين ومواصفاته حلوة وسعره رخيص ومستوى الراحة فيه كبير جداً والأداء ممتاز بالنسبة لجيب يعني بالباب الخلفي مال الماجنا في ال600 متر...بس الصرفية لك عليها شوي...
السلام عليكم ورحمة الله وبركاته
و هل مشاكل الكهرب فيها كثيره ؟
رايكم حول السيارة بشكل عام من ناحية المميزات و العيوب
هههههههههههههههههه
حياك الله ياabu_nasser يعني مسألة المشاكل الكهربائية موجودة موجودة
انت مقر بذلك ؟ ههههههههههههههه
امريكي ماعليه حسافة ...ولاااااااا كمان من شركة جنرال موتورز
انا يكفيني في البليزر انه يصرف بنزين بشكل موطبيعي ابداً
وانا اعرف ناس باعته بسبب الصرفيه الرهيبة للبنزين مع انهم ناس متوسطي الدخل ومبسوطين ولا عليهم خلاف
بالمناسبة
فرق كبير في الجودة والقوة بين الباجيرو والبليزر لان البليزر قوة بدون عزم لذلك فهو جدا سئ في الرمال والطعوس عكس الباجيرو تماما
ماشاء الله الباجيرو لا مشاكل ولا وجع راس ولا ورش ....عيبه الوحيد غلاء قطع الغيار
بالنسبة للبليزر فأنا مقهور من شي واحد بس فيه
الزجاج الخلفي...انا ابغى اعرف ليييييييييييييييه سعره 8الاف ريال؟؟؟؟
تحيتي:)
sayedco
08-08-2005, 01:08 AM
أخوي لأنك كان عندك باجيرو (مثلي) فتتفاجئ بالصرفية العالية جداً للتريل
و السعر طبعاً ممتاز لسيارة باهالمواصفات لكن آنا تفاجأت من كلام أخوي إنه ما فيها عزم!!
شلون ما فيها عزم و هي لاصقه بالباب الخلفي للماجنا؟!
و التريل آنا ما جربته لكنه جميل و قوي بالنسبة للسعر و حجمه كبير و سعره يستاهل على مواصفاته
بس إنته إذا ما تفكر في القوة لا أنصحك بهالسيارة خذ لك باجيرو من أول :D تصدق و الحمد لله الباجيرو يستحمل و عزمه جيد أما ما فيه قوة على الخط
لا تاخذ على كلامي عاد عن الباجيرو أحس إنك تمللت منه
abu_nasser
08-08-2005, 01:29 AM
الشبابي
حتى لو 275 حصان ممتاز و حلو مع كم تعديل اوصله إلى 300 حصان بالراحة :)
SM_0_SM
بالنسبة للجنوط لا و الله ما افكر اغير الجنوط ابداً لان جنوط الوكالة تجي قوية مو مثل اللي تنباع تجاري تنكسر عليك و تنقلب عليك السيارة و تاكلها !!
لكن الله يسهلها
Red Chevy
ابو الشفر :)
و الله السيارة انا جربت سواقتها و عجبتني و خصوصا على المطبات كان فلة :)
بالنسبة للصرفية بالبنزين شلون يعني كم تمشي اذا عبيت فل مع العلم ان الفلل حقها بـ70 ريال
يعني كم كيلو تمشيك ؟
استاذنا S8
و الله انا سمعت عن مشاكل الكهرب لكني باسلكها المشاكل البسيطه لكن ابي اعرف حجم المشاكل
يعني ما ابي يوم من الايام اجي اشغل الدبل و القاه ما يشتغل !! (لان الدبل حقها كهرب)
بالنسبة لصرفية البنزين ودي اعرف يعني قد ايش يصرف بصراحه انا ما كنت متعود دائما اشوف المحطات ايام الباجيرو يعني اذا عبيت full تمشيني اسبوع تقريبا اذا ما كنت ادعس
و الباجيرو ياخي مليت منه جد صدق انه موتر لكن خلاص طفشت منه :)
و على فكره الزجاج الخلفي عند السالم للزجاج (زجاج أصلي 100%) بـ 3500 ريال (سألت عنه :D) لكن سعره في الوكالة طبعا أغلى :)
sayedco
تقصد انه يشفط بنزين بشكل غير طبيعي ؟
و ترى السيارة عزم و دزه اقسم بالله يوم كتمت الدعسه في السيارة التجربية في العيسى لصق راسي في المرتبه من قوتها :D
بس اخوي ما فهمت قصدك بهذي الجملة (بس إنته إذا ما تفكر في القوة لا أنصحك بهالسيارة خذ لك باجيرو من أول)
قصدك ان السيارة ضعيفة و الا الباجيرو ضعيف :)
الباجيرو موتر قوي و خصوصا بالطعوس ياما هبلت بالناس :) في الطعوس بالباجيرو
رفجة عرب
08-08-2005, 02:16 AM
أنصحك دورلك على شي ياباني ..
باثفايندر او برادو أو حتى مورانو ..
أما البليزر انا ركبته وأبدا ما كان مناسب ..
وفي النهاية انت روح وسوي تست درايف وجرب السيارة وجرب السيارات الي قلتلك عنها وبتشوف الفرق ..
والله يوفقك ان شاءالله ..
الشبابي
08-08-2005, 02:42 AM
اخوي ابو ناصر ..
استهلاك السيارة عموما اقل من الباجيرو بشئ قليل بالخط وعزمها في الخط ممتاز وفي البر جيد لكن لايرقي الى الباجيرو في البر ...
عموما السيارة مريحة و جلستها من الداخل حلوة ... لكن زي ما قلت لك شف البرادو واعتقد ان الباثفايندر الجديد بينزل السنة الجاية بالشكل الجديد وهذاك روعة واقل استهلاك منهم كلهم واقواهم ...
اخوكم الشبابي
مؤيد اف1
08-08-2005, 03:57 AM
من ناحية انه قوي فهو قوي..ومشاكل الكهرب كانت في الموديلات القديمه..اما الموديل الجديد ماعتقد فيه مشاكل..والصرفيه مااعتقد انه كثيره ..وموديل 2006 عليه تغييرات شكليه بسيطه
شوف هذا الموقع..راح يعطيك فكره عن الصرفيه والمواصفات التقنيه..
http://www.edmunds.com/new/2006/chevrolet/trailblazer/100578889/specs.html
وعلى فكره JD بور عاطينه في الجوده العامه لموديل 2005 4 نقاط من اصل 5
RED Chevy
08-08-2005, 04:54 AM
الصرفية يعني اذا تصب ب50 ريال يمشيك 3 أيام بالدوس والخطوط(( استخدام شباب يعني))، الكهرب ماشفت فيه مشاكل، من ربعي انا واحد عنده له و3 مال بيوتهم وكلهم مرتاحين منهم ماقط اشتكوا من مشاكل كهرب بس واحد موتره يسرب هوا من الجامة الخلفية عقب ال80 فقط لاغير...
الصرف اذا انت متعود على الباجيرو ماظن بتفرق عندك كثير... بس انت شوف البقاي واذا فيك شدة تنظر لي شهر 5 السنة الجاية اقول لك اصبر عل الباثفندر الجديد تراه شغل عدل...
مؤيد اف1
08-08-2005, 04:56 AM
الباث فايندر يسبو فيه مواقع السيارات :D
الشرقاوي
08-08-2005, 05:03 AM
السياره هذي دايما اسمع عنها وعمري ماسمعت احد يقول السياره عندي وسيئه او حلوه (تذكرني باللومينا تذكرون اول مانزلت)انا اقول اسأل مجرب وردلي خبر لان خويي يبي واحد :D
big block
08-08-2005, 04:31 PM
والله السياره ممتازه ومراتبها مريحه خاصةً إذا جلد
sayedco
08-08-2005, 06:41 PM
بتحس بفرق القوة الكبييييييييير بين الباجيرو و التريل
الباجيرو أكبر مكينة 3.8 يولد 230 حصان بس!
و ترا عزم التريل 277 مو سهل
يعني في الأداء التريل ما عليه كلام و قوي و ممتاز إذا تقارنه في فئته و كما تعلم الإنفوي أخف شوي و من الداخل يقولون أحلى
مؤيد اف1
09-08-2005, 02:01 AM
البليزر شبابي ومتوحش :D
بس مستغرب ليش بعض الاعضاء يقولو قوته 275 مش 294 رغم ان كل المواقع تقول 294 !!
قارين هالشي في كتلوج ولا مجلة عربيه يمكن!!
TOP-SECRET
09-08-2005, 04:26 AM
بوناصر ظنتي انت من قطر
خذ لك جي اكس لول
مرغوب اكثر في السوق
وشكله حلو وفي النهايه تويوتا يعني لاتفكر تخسر فلوسك
التويوتا عندنا مثل الاسهم وسعره ماينزل
وتدري عندنا كامري قراندي شريناها كاش ب81 الف
الحين ماشيه 9 الاف موديل 2005
واحد دفع فيها 80
ومابعناها:>
بالنسبه للبليزر تراه حلو وقوي وعملي لكن مب بدرجه كبيره العمليه فيه مكينته 275 وقوته جيده
بس انا بسيارتي مافيه مستوى الصراحه مع احترامي حق عشاق البليزر
بس السياره بشكل عام حلوه
وماتحصل فورويل بنفس مواصفاتها وبالسعر
بالنسبه حق الصرفيه ماجربته والله
وشوف ترا فيه خيارات ثانيه
عندك الفتك والكروزر وحتى الباجيرو اليديد والانفوي
ولا خذ لك جمس سييرا اليديد الشباب طايحين فيه هاليومين
أن عندي بليزر دفع خلفي
والسياره الحمدلله تمام تمشيك على الفل حوالي 450 كلم
عزم السياره وقوتها جدا سيئه في أوائل الاربي ام وذلك بسبب برنامج الtq managment الذي يتحكم بالكامات بتأخيرها
وعدم فتح الثروتل بدي كاملا عند الضغط على الدواسه كليا و بعد 4500 ار بي ام يفتح الثروتل بدي كاملا و ترجع الكامات الى توقيتها المعتاد و عندها تظهر قوة المحرك
واجهت مشكلة في المكيف ووديتها للوكاله 3 مرات لنفس المشكله والان الحمدلله انحلت بالمناسبة اللي عندي 2004
الأنصاري
11-08-2005, 12:07 AM
أن عندي بليزر دفع خلفي
والسياره الحمدلله تمام تمشيك على الفل حوالي 450 كلم
عزم السياره وقوتها جدا سيئه في أوائل الاربي ام وذلك بسبب برنامج الtq managment الذي يتحكم بالكامات بتأخيرها
وعدم فتح الثروتل بدي كاملا عند الضغط على الدواسه كليا و بعد 4500 ار بي ام يفتح الثروتل بدي كاملا و ترجع الكامات الى توقيتها المعتاد و عندها تظهر قوة المحرك
واجهت مشكلة في المكيف ووديتها للوكاله 3 مرات لنفس المشكله والان الح
مدلله انحلت بالمناسبة اللي عندي 2004
احباط
خي الانصاري لم أنوي أن أحبط همة أحد
ولكني ذكرت المساويئ والواقع في السيارة و تجربتي معها
ولكن من مزاياها مشغل دي في دي و مكيف بتحكم منطقتين السائق و الراكب الامامي
منطقة تحميل ذات سعة ممتازه في الشنطه وازرار في عجلة القيادة للتحكم في المسجل و و و
Third Eye
11-08-2005, 03:42 AM
أن عندي بليزر دفع خلفي
والسياره الحمدلله تمام تمشيك على الفل حوالي 450 كلم
عزم السياره وقوتها جدا سيئه في أوائل الاربي ام وذلك بسبب برنامج الtq managment الذي يتحكم بالكامات بتأخيرها
وعدم فتح الثروتل بدي كاملا عند الضغط على الدواسه كليا و بعد 4500 ار بي ام يفتح الثروتل بدي كاملا و ترجع الكامات الى توقيتها المعتاد و عندها تظهر قوة المحرك
واجهت مشكلة في المكيف ووديتها للوكاله 3 مرات لنفس المشكله والان الحمدلله انحلت بالمناسبة اللي عندي 2004
بكم تملي التانكي فل؟
هل فيه حل لتأخير فتح الكاماتوعدم فتح الثروتل بدي كاملا؟
مؤيد اف1
11-08-2005, 06:36 AM
برمجة كمبيوتر
Third Eye
التانكي وهو فاضي يتعبى فل ب70 ريال
وسؤالك الثاني جاوب عليه مؤيد اف1