Corvette_Stingray رجع لكم وعنده طلب !

[Corvette_Stingray]

السلام عليكم ورحمة الله وبركاته

يمكن طولت الغيبه عليكم لكن رجعت لكم وانا كلي شوق لأخواني في سوالف ..

بس إن شاء الله ما نسيتوني ترى انا حمد من البحرين :cry1:

عندي طلب ويمكن أكثركم يوافقني عليه ..

نبي تجمع لشباب البحرين .. فكروا وشوفوا متى يناسبكم واحنا معاكم ان شاء الله ..

انا اقترح ان يكون التجمع نفس المكان القديم أو اللي عنده مكان أحسن يقوله لنا واحنا حاضرين :banana:

بس لازم نجتمع :ranting:

اخوكم حمد :p

[B.M.W X5]

هلا والله أخوي أسفرت وأنورت :p

وبالنسبة للتجمع في البحرين :lol: :lol:

أطلع على هالرابطين للأهمية :D

http://www.swalif.net/sforum1/showthread.php?t=211123
:lol:

http://www.swalif.net/sforum1/showthread.php?t=211126
:lol:

وقولي بعد ما تشوفهم أذا ما زلت مصر على التجمع ولا لأ :D





تحيات الزعيم :glasses2:

[sayedco]

تصدق التجمعات اللي رحتها آنا من المنتدى... محد يجي لكن اللي يوون كلهم ذهب

الصراحة أشوف التجمع مو بس حق سيارات المهم تنعرف على الأعضاء


و آنا مستعد ، و معاي العضو "الرشيق" من قطر و سووه بسرعة قبل لا يرجع ، لو يكون هذا الأسبوع ليلة الخميس أو الجمعة أفضل (رأي فقط)

و آنا سجلت :D

والمكان أفضل شي الفورمولا مثل ذيج المرة و آنا ندمان سويته يم السيف :(

و الوقت يكون إما العصر أو المغرب

و كيفك إنتوا

[Corvette_Stingray]

شباب التجمع راح يكون في مواقف مكادونالدز اللي صوب الفورميلا ..

وراح يكون أما يوم الأربعاء أو الخميس شوفوا اللي يناسبكم وعطونا رد عشان نتأكد ..

وننتظر منكم الردود عشان نعرف من بكون معانا ومن ما يقدر يجي ..

[sayedco]

الأربعاء أفضل عندي و ليس لدي مانع الخميس كله واحد :D

و المكان بعد ممتاز

[رفجة عرب]

هلا بك اخوي حمد ونورت المنتدى برجعتك ..

والله يوفقكم ويوفق الجميع ان شاءالله ..

[grandv8]

السلام علكيم ورحمة الله وبركاته

ماشا ءالله منور المنتدى اخوي حمد

وين الغيبة اخوي

بالتوفيق بالتجمع ان شاء الله

ونثبت موضوعكم

:D

[RED Chevy]

هلا بك اخوي حمد ونورت المنتدى برجعتك ..

والله يوفقكم ويوفق الجميع ان شاءالله ..
واذا حددتوا المكان والزمان ان شاء الله نحاول نحضر...

[Corvette_Stingray]

هلا والله اخوي رفجة عرب مشكووور على ردك وفيك الخير وكثر الله من أمثالك ..

هلا والله مشرفنا الغالي الحمد لله انك ما زلت مشرف على قسمنا الغالي ..
والله الغيبه صارت لي ظروف بسيطه وترى المانع خير لكن رجعت لكم والحمد لله ..
ومشكووووور يالغالي على التثبيت وان شاء الله راح يكون تجمع ناجح بإذن الله ..


RED Chevy أهلا عبد الرحمن شخبارك رفيج دربي في سوالف :p
تسلم يالغالي على مرورك ..


قررنا ان التجمع راح يكون في مواقف مكادونالدز اللي صوب الفورميلا ..

يوم الأربعاء اللي يبي يجي من وقت حياه الله من بعد الساعه 4 ونص ..

[HAMANN.de]

بس إن شاء الله ما نسيتوني ترى انا حمد من البحرين
--------------------------------------------------------------------

اشدعوه نسيناك انت في قلوبنا :)

thanks

[TOP-SECRET]

بالتوفيق في التجمع

عاد هالمره يا اعضاء البحرين

مانبيكم تزعلونا

الصراحه مو حلوه

اول مره سويتو تجمع وماحضروا غير اثنين

هالمره لازم تعوضونها

ويكون التجمع مرتب

خاصه اعضاء البحرين عددهم مو قليل في سوالف

وحتى في شباب من الشرقيه ممكن يجونكم

بس لاتستعجلون في وقت التجمع عشان مايكون نفس الي قبله

خذوا فتره اطول عشان اكبر عدد من الاعضاء يشوفونه

وولكم باك مره ثانيه يالسمي

[Corvette_Stingray]

هلا والله بالغالي HAMANN.de تسلم لي على ردك والله يخليكم لي ..

هلا هلا بالسمي TOP-SECRET شخبارك شخبار أهل قطر إن شاء الله بخير ..

والله لكم وحشه ..

بخصوص التجمع ترى قررنا الوقت والمكان وننتظر الردود..

ترى انا من صوبي راح اكون موجود مع شباب ربعي واللي بيحضر بينورنا بوجوده ..

حياكم الله ..

[C6]

انا من ناحيتي حاضر اجيكم من السعودية
وابشركم ترى السيارة طلعت من الوكالة

بس بادخلها بكرة حق صيانتها وانشاءالله تكون جاهزة ليوم الخميس(:

[Corvette_Stingray]

C6 حياك الله وننتظر المزيد من الاعضاء نبي تجمع ما صار ولا استوى

[SmLo]

يالله ان شاء الله نشوف منكم تجمع ما يخرش المية

[saymyname]

مرحبا بك من جديد والقسم منور والله.. :-)

[sayedco]

أخوي C6 أهم شي تحضر هالمرة نشوفك بعد :D

حاول تطلعها بسرعة :D

و جيب معاك سرب الزد :D

[KING OF THE DARK]

لو كنت في البحرين


كان جيت بس يا حسافه


ثاني تجمع يطوفنا

[سدرك]

عاش من سمع هالصوت

[C6]

انشاء الله باحضر
بس اكيد التجمع بشارع الفورمولا

[Corvette_Stingray]

saymyname هلا والله تراني ليلحين عند الوعد .. لو أصير مشرف راح أعطيك لقب أحسن واحد ينزل صور :p والمنتدى منور بوجودكم ومشاركاتكم ..

سدرك عاشت أيامك يالغالي ..

شباب لا تنسون الكاميرا

[sayedco]

جسر المحرق خلاص؟ أو الفورمولا؟

آنا اصوت حق جسر المرقو لا مانع إذا الشباب يبغون الفورمولا

و أحين متى التجمع؟ آخر قرار؟

[C6]

شباب متى ووين التجمع ترى ما اخذنا العلم الاكيد

[sayedco]

Stingray!!

وينك؟؟ متى التجمع؟؟

يالله حدد الشباب ينتظرون

[sayedco]

نبي تجمع ما صار ولا استوى


بنشوف إذا إنت ليحين ما قررت متى التجمع ! :D


نتظر منك الوقت أخوي حمد

[Corvette_Stingray]

يناسبكم اليوم ؟؟ الخميس ؟؟ ردوا بسرعه

[Corvette_Stingray]

شباب نبي أخذ وعطى في الموضوع شوفوا متى يناسبكم عشان نتفق على وقت ومكان محدد ..

طيب خلونا نطول الفترة عشان نشوف رايكم ,,

شرايكم يوم الخميس تاريخ 18 . 8 . 2005 ؟؟

في مواقف ماكدونالدز اللي صوب الحلبه

[C6]

قصدك حلبة الفورمولا

[Corvette_Stingray]

سي 6 اول ما تدخل شارع الفولاميلا راح تشوف على يمينك مطعم ماكدونالدز ادخل في المواقف ..

ما قلتاو لي شرايكم في الوقت ؟؟

[RED Chevy]

سي 6 اول ما تدخل شارع الفولاميلا راح تشوف على يمينك مطعم ماكدونالدز ادخل في المواقف ..

ما قلتاو لي شرايكم في الوقت ؟؟
كل خميس يصير تجمع سيارات في باركات القلعة في عراد، يكون فيه جروبات للنيسان والهوندا والأمريكي يعني مثل ماتعرفون.. لو تخلونه هناك يكون احسن صوب الحلبة مافي شي...

[Corvette_Stingray]

شرايكم في اقتراح RED Chevy

[sayedco]

كله واحد ، عراد تمام بس مادري أخوانا من السعودية يقدرون أو لا؟

و الوقت يوم الأربعاء أو الخميس ساعة 8

شوفوا أكدوا الخبر و لا تغفلون إلى آخر الوقت

[Corvette_Stingray]

انا أعتقد أن بس خلاص الفورميلا المكان الانسب للكل والوقت النهائي هو يوم الخميس ويبتدي من الساعه 5

[C6]

خلاص احنا نتقابل هناك بعدين نروح مكان ماتبون

بس كم عدد الناس الي جايين

[sayedco]

آنا إذا شفت إلى الأربعاء إذا العدد قليل ما بايي لأنه مجرب من قبل :D

لكن إذا شفت العدد مناسب بحضر إن شاء الله

يعني حتى الآن إحسبوني حاضر وياكم :)

[sayedco]

آنا إذا شفت إلى الأربعاء إذا العدد قليل ما بايي لأنه مجرب من قبل :D

لكن إذا شفت العدد مناسب بحضر إن شاء الله

يعني حتى الآن إحسبوني حاضر وياكم :)

و ترا بغيت أقولكم قبل كم يوم صايدين مجموعة من الشباب و عطوهم مخالفة "تجمع مادري تظاهر"

كانوا يطلعون ريسات ، لكن الفورمولا مأمون ما في أحد

(على فكرة المكان الللي صادوهم فيه سلماباد)

[Corvette_Stingray]

التاريخ النهائي للتجمع :

يوم الخميس 18 . 8 . 2005

الساعه خمس العصر يبدأ التجمع

المكان : مواقف ماكدونالدز صوب الفورميلا

وبعدين يمكن نغير المكان بعد ما نتجمع .

[grandv8]

السلام عليكم ورحمةالله وبركاته

بالتوفيق اخواني بالتجمع اليوم ونبغي الهمة من تقرير وصور

شدو الحيل وبيضوا الوجه هالمرة :D

[Corvette_Stingray]

التجمع كان رووووعه وننتظر الصور مع ان الأخ C6 طافني بالزد اللي عنده لأن الكومارو اللي عندي فيها مشاكل قد شعر راسي ..

لكن كان تجمع حلو و رووووووووعه ..

ننتظر التقرير من الشباب