استفسار عن رنجات 22 للنيسان 2005

[أمير العين]

السلام عليكم ورحمة الله وبركاتة ...

ياشباب انا عندي نيسان 2005 واريد اركب رنجات الكبار 22 او 23

يعطي مظهر حلو للسيارة ..حد عنده خبره ؟؟؟ هل يضر بالدفريشن ؟؟

وشوه احلي الرنجات اللي تنسابه وتعطيه مظهر فنان اذا شئ صور زين ..

وتقريبا الاسعار ؟؟ وين محلاته في دبي ولا شارجة ؟؟؟

وبخصوص انا عندي شبك الامامي للنيسان اريد اخلييه كاامل نقل " نكل " ..تعرفون اماكن في دبي ولا شارجة يخلي الشبك كامل نقل ؟؟ وتقريبا بحدود الاسعار ؟؟

والبقيه بعدين :)

[cruiser2000]

عليكم السلام ورحمة الله وبركاته

هلا اخوي

بخصوص الرنجات ماعليك ركب 20 اشوفهن حلوات او 21 ما يأثر في الدفريشن
الا اذا ضربت به خطوط او رمول او كدش وقصوف قويات
هذا يمكن يأثر

بس عادي انا شايف شباب وايدين مركبين على نياسين خاصة ال 2005 رنجات 18" - 20"

شي محل في صناعية العين البارحة مريت عداله اذا تندل محل الخليفي لاستيراد قطع الغيار نفس الشارع
يبيع رنجات كبار وحلوات لكن انا انصحك تسير الشارجة لان شي هناك اشكال
حلوة وغير موجودة في العين!!!!!
لان كل شي هناك واسعار ارخص بس بالضبط مادري كم الأسعار

بخصوص النكل انا مادري اذا انته تباه كامل نكل ولا بس اجزاء

حسب علمي النيسان وكالة يي نكل الا اذا انت ماخذ رقم 2 او 3


هذي صور . . . . بس مب متأكد من مقاس الرنجات

http://www.alamuae.com/upload/Folder-3/1122869047_nissan_05.jpg

http://www.alamuae.com/upload/Folder-3/1122869546_nissan_20.jpg



وان شاء الله الشباب بيفيدونك في الأسعار . . . . . . .

[TOP-SECRET]

مرحبا ,, شحالك الغالي ان شاء الله مرتاح

انا اقدر افيدك في بعض الشغلات وبعض الشغلات ماقدر لاني من قطر

بخصوص الرنقات انصحك تركب اما 20 او 22 او 24

قلت هذي المقاسات لان الرنقات 23 صعب تحصل تواير لهم في المحلات واذا حصلت يمكن

يكون نوع التاير مب الي تباه او الي تباه او سمك التاير مايعجبك

انصحك بما انك ناوي على رنقات كبيره خذ 22 زين حجمها وايد عالفتك خاصه ان حجمها صار اكبر شوي

من قبل ويحتاج رنقات تطلع شكله

وبالنسبه حق المحلات ماعندي خبره لاني من قطر بس كروزر 2000 قالك وين تحصلهم

وبالنسبه للنيكل اعتقد انت تقصد تباه نفس الكرايزلر c300 تعديلات dubs

الي يكون الفتحات الصغيره الي لونها اسود تكون لونها نيكل

لو انت من قطر قلت لك تروح كريستال او محل e.z يسويها لك ويرتبها

لكن من الامارات ان شاء الله الشباب يفيدونك في هالنقطه

وترى الرنقات انواع وكل مازاد حجم الرنق زاد سعره

والرنقات تختلف اذا تبا شي اصلي ولا تجاري

وانصحك بالاصلي لان لمعته تختلف

والتجاري يبين عليه

واي خدمه او سؤال احنا في الشوفه

بشكل عام انصحك رنقات 16 و900 وانت والخير رباعه لول

[غريب السيف]

السلام عليكم

شوف عزيزي في الشارقة اتحصل جميع الاشكال اللى ترغب فيها

كروم او عادي

طبعا الكروم اغلى

مثلا سعر الرنج الواحد التجاري قياس 20 (كروم- مثل اللى على النيسان الذهبي) ب 1000 درهم يعني اربعه ب 4000 والاطارات تختلف الاسعار حسب الشركة

اما حجم 22 فالاسعار تبدأ من 1200 للرنج الواحد (كروم)

اما الاصليات حجم 20 تبدأ من 3500 درهم للرنج الواحد

لو تروح المحلات الجديدة اللى في الشارقة بعد صحارى سنتر عندهم تشكيلات جديدة رائعه

بس مشكلة الرنجات التجارية هاذي الميزانية بصعوبة تنضبط ولايمكن ان تكون مضبوط 100% الا باستخدام الميزانية الارضية وهي متوفرة في عند هذي المحلات بس

ونقطة اخيرة هي في حال تركيب جنوط كبيرة يجب عمل ميزانية رود جديدة على الاطارات الاربعه لتتلائم مع الحجم الجديد للرنجات وحتى لاتؤدي الى تلف الاطارات وتقصير عمرها وهذي تكلفك
250 درهم زيادة على سعر الرنجات




رحمه الله عليك يا فهد

[uae speed]

والله يالغالي أنا اول شي أنصحك بالرنقات الأصلية ، مهما كان سعرها غالي !
صدقني التجاريات بتذبحك وخاصة الرنقات الكبار 19 انش وفوق !

على العموم ركب رنقات 20 انش خفيفة .. وما انصحك تركب أكبر ..

على فكرة ، ليش ما تجرب رنقات oz مقاس 16 .. وتواير 900 ؟

[sayedco]

النيسان كل ما كبر التاير يكون أحلى

آنا رايي إنه مو حلو الجيب يكون التاير ماله صغير ... لازم يخوف و يكون عريض

و الرنج مو مهم يكون كبير و مثل ما قالوا الإخوان 16 إلى 20 لا تزيد

و التاير 900 و إذا تزيد أحسن و أحلى عندي :D

[أمير العين]

السلااام علييكم ورحمة الله وبركاتة ..

تسلمون اخووااني ..

بخصوص عن صناعية العين ..ادله صوب خليفي ..ولكن وايد يبالغون فالاسعار ..حتي عند بوشنب لوتعرفه ؟؟ وايد غاليات عنده ...
ماعليه بسير بطالع في شارجه للرنجات ...بس مكانه في شارجه يكون بعد صحاري ؟؟ مال رنجات ؟؟

انا عندي نيسان رقم 1 لكن انا قصدي في نكل في الشبك الفتحات الصغيره ..نفس ماقال اخوي القطري ..ولكن انا من العين هب من القطر ...
قصدي اخليه نكل ..في فتحات الصغيره ..

بس اخوي uae speed شوقصدك في رنجات oz ؟؟؟ بصراحه انا مااعرف الاسماء ممكن تروايني صورته ؟؟

انا كنت اتشاور علي رنجات الوكاله ...بس بركب عليه 900 ..قياس 17
ولكن فيه شباب نصحوني بانه هب زين ؟؟ ياثر علي كلجات وفوق هذا مايمشي الموتر
بيكون ثقيل ؟؟

وشورايكم في تواير 900 ..بس قياس 17 ؟؟؟
انا اريد 17 عسب يغطي المساحه ويكون الموتر مرتفع فوق ..فرق عن 16 او 15

واسمحولنا ...

[TOP-SECRET]

ال17 بيكون ثقيل وايد الشيخ

بس بيكون موترك رفيع وايد

يعني تحطه حذى واحد مركب 16 و900 فرق بينهم

وترى ال16 احلا صدقني

16 و900 يعطي شكل فنان

بس يبا له تنزل راسه

وبيكون وحش

الا اذا كنت تحب السيارات الرفيعه وايد

ركب 17 و900 بيكون رفيع وايد

بس ثقيل

وترى حتى الرنقات 22 و 20 ثقيله عالكارونه يعني اذا تبا تنش بالموتر ولا ترايس واحد

فتره بعدين تسمع الكارونه تون لانهم ثقال عليهم

انا اتكلم عن الـ20 والـ22 لو كانو تجاريات

لكن لو اصليات 20 و 22 بتكون خفيفه وايد انا مره رفعت رنق 22 بيد وحده واستغربت من وزنه خفيف مافيه وزن

وبيعطي سيارتك شكل

ومثل ماقلت لك ترى مشكلة التجاريه

لمعتها تختلف عن الاصليه يعني تنعرف من بعيد انها تجاريه وثقيله عالسياره ويمكن تصير لك شوي مشاكل

في الميزانيه اكثر الرنقات التجاريه تركبها تضبط الميزانيه تصير تمام ببعد اسبوعين او ثلاث تحصله بعد سرعة 100 يرقل

عالعموم انت جوف شو الانسب لك الغالي سيارتك حلوه ولا تستعيل بشي وبعدين تندم لو بغيت شي 100% لازم تدفع

وبالنسبه حق رنقات oz هذي رنقات شكلها سبور وحجمها 16 وتركب عالفتك ويطلع شكل الفتك فنان بالـ900 وفيها

شي منها الوان وايد وانواع وايد واشكال تختلف واسعارها من 1500 لين 5000 حق الاربع رنقات طبعا الي يوصل سعرها

5000 هذي الاصليه

ولو عندي صوره لها على فتك نزلتها لك بس للاسف ماشي صوره

والسموحه طولت عليك

[cruiser2000]

أخوي أمير العين

هذي صورة للرنج اللي يطرونه اخواني بس المشكلة ما حصلت سيارة واقفة صح غير سيارتي :D

وما حصلت فتك يديد واقف صح ! ! ! !

شوف الرنج وقولي رايك:

http://www.alamuae.com/upload/Folder-3/1123001250_oz_wheel.jpg



بس عندي صورة ستيشن عليها الرنج هذا بس لونه ذهبي بس مادري وين حطيتها




ها حمد علومك شرايك بالرنج والله طالع كشخة على موتري :D شكلي بركب واحد



ان شاء الله افدتك اخوي امير العين

[cruiser2000]

اخوي امير العين انا كنت بسير الشارجة اليوم لكن الظروف
ما ساعدت والشباب تعايزوا

بحاول ارتب يوم الاسبوع الياي نطلع الشارجة وبصور كل شي
هناك من محلات تزويد ورنجات وزينة وسيارات ! ! !


بس يبالنا 3 أيام عشان اصور كل شي :D وميموري 1 جيجا ما بتكفيني ! ! ! !

[cruiser2000]

هذي صورة لمجموعة من رنجات O.Z

http://www.inlandwheel.com/image/OZ.jpg

[TOP-SECRET]

والله بو الوليد تصدق حصلت حق سيارات نازله نفس الفوتوشوب الي حاطه حق موترك

بس للأسف مادري اذا يركبون على موترك ولا لا دورت لك في طريق سلوى ماشي باقي الحين محل سلطان

ومحل EZ ومحل الكريستال وبشوف لك بعد محل بس غالي شوي

اييب لك الي تباه واذا مو موجود طلبيه

[uae speed]

هلا اخويه ، رنقات 17 على تواير 900 ما انصحك بصراحه ..

بسبب الوزن ، موترك بيتأثر وايد ..

مثل ما قلت لك ركب رنقات oz مقاس 16 احسن لك ، وبيطلع موترك ازقرتي ..

وعندي صور للرنقات بس على استيشن .. بس شوف شكل الرنق وحححش !

http://www.alamuae.com/upload/Folder-3/1123016261_crozer.gif

http://www.alamuae.com/upload/Folder-3/1123016549_DSC_0190.jpg

بس اتأكد قبل لا تشتريهم انك تسأل راعي المحل اذا الرنق بيحك في الدرام ويل ولا لا !
ولا شرايك توب سيكرت ؟

وحاول تشتري أصليات وابتعد عن التجاري مهما رخص سعره .. هذا لمصلحتك اولا وأخيرا ..
وترى اسعار الرنقات تبدأ من 1400 درهم تقريبا للتجاريات ..
والاصليات بحدود 5000 او 6000 درهم .. وانت وشورك ..

لا تنسى تصور الموتر وتحط الصور في المنتدى بعد ما تركب الرنقات :D

وبالتوفيق :)

[أمير العين]

تسلم يالغالي cruiser2000 ...بصراحه اول مره اشوفهن هالرنجات ..

بس صراحه الذهبي طرررررررر ماعليه كلاااام ....تقريبا سعر هالرنجات كم يوصلن ؟؟

غايته هب مشكله يالغالي خذ راحتك ..وانته صور ونحنا بنشوف يعني " شوف وحرق يوف " :D

بس فالصوره مكتوب بانه رنجات 19 او 18 ؟؟؟ وهذيل مايركبن علي 900 ؟؟

ولاقصدك من دون 900 ؟؟

وبتخبرك الرنجات المروحه " اللي يدور " شو رايك فيهن ؟؟ قالولي شباب بانها موضه جديمه ..ولكنها بعدها غاليات :D

[أمير العين]

تسلم يالغالي uae speed

بصراحه كفييت ووفييت ..ولكن انا بحاول في قدر المستطاع ابتعد عن 900 :D مافيني علي اللعبة :D

شكلهن حلوات بصراحه ..ماعلييه زوود

فالك طيب ..بس خلني ارسي علي البر ..من صبح اتشاور فالرنجات من بركب الرنجات بصورلكم السيارة :banana:

[sayedco]

تسلم يالغالي uae speed

بصراحه كفييت ووفييت ..ولكن انا بحاول في قدر المستطاع ابتعد عن 900 :D مافيني علي اللعبة :D

شكلهن حلوات بصراحه ..ماعلييه زوود

فالك طيب ..بس خلني ارسي علي البر ..من صبح اتشاور فالرنجات من بركب الرنجات بصورلكم السيارة :banana:


بصراحة المروحة ما تطيح إلا على الفخم الأمريكي و الرزة

أما على النيسان ما يطيح

أخوي دور على ال OZ

ترا وزنهم أفضل من الوكالة بعد

لا تدور غيرهم إلا إنه يكون أصلي نفس Konig & BBS

و إنت حظك اللي تحصله

بس إنت و ذوقك

[غريب السيف]

اذا عزمت اخوي على رنجات oz ترى موجودات في دبي شارع الشيخ زايد
المحلات الى بعد سوبر ماركت سيفستوي (معارض السيارات) عندهم اصليات وعليهن ضمان

[cruiser2000]

اخوي امير العين

الرنجات هذول بدون 900

وبخصوص المراوح سعرهن غالي وايد وايد وايد

خاصة اذا كان مقاس 19" - 22" حدود ال 30 ألف طبعاً كلهن كروم وأصليات
وأنهن موضة يمكن جديمة بس طلعت لفترة قصيرة

وانا كنت ناوي اشتري رنج مقاس 17" كروم مروحة ويركب على سيارتي
وحصلته عند بنجرتي نفس شارع الخليفي قلت له ببادلك بالرنجات اللي عندي
قالي اني ازيده 2800 درهم

بس يوم رجعتله قالي مال الخليفي هذا ما أقدر ابيعه لك ! ! ! ! !

بس شكله عجيب والبارحة مريت جدام البنشرتي وحصلت الرنج نفس المكان ما تغير

والسموحة على اللإطالة