يابلوه بلواااه .. ضاع المفتاح!!

[AnGlOpHiL]

السلام عليكم::: بيان منقول من اخوي المجاهد الضرغام و العضو الفله zr-1 :banana:


--------

هلا ..

القصه ومافيها عندنا كابرس اس اس وماعندنا إلا مفتاح واحد لها ..

وضاع المفتاح وولا عندنا نسخه ثانيه ..

ألحين المشكله يقولوا ماتقدر تجيب مفتاح ثاني إلا من الوكاله ولااا بـ 500 ريال بعد ولااا البلوه والطامه الكبرى إنهم يجيبون لك المفتاح في فتره توصل من شهر - شهرين ..

يعني تخيل السياره تضل واقفه في هالجو الأوربي شهريييييييين !!

فاللي عنده حل ياليت يسعفنا ويفيدنا بهالمشكله .. خصوصاً إن السياره مختربه ونبي نوديها
الورشه..


__(((المنطقـــــــــــة الشرقيه يعني لايجينه احد من جزر المالديف يدليني على محل عندهم :D )))___

وثااانكس مقدماً

http://www.cars-club.com/up1/store/lPE.JPG

[SLR]

شغلووها بوايراات :D

[الشظيه]

اذا مشتري السياره جديده اكيد معاها اكثر من مفتاح .

لكن اذا مستعملها يقدر يرجع لصاحب السياره الاول وبيلقى عنده مفاتيح

[AnGlOpHiL]

:D ماشاءالله اخوي SLR شكلك خبره....رئيس عصابه سرقة سيارات...اتغشمر معاك :D

يا هلا اخوي مهند...المشكله ان صاحبها الاولي يقول ماعنده مفتاح :D شفت شلون انا يوم خذيت العنابي حته علبة الكلينكس الي بالسياره ماخليته ياخذها

[TerroRx7]

اغلب السيارات الجديده يجي مع مفاتيحها ورقه عليها بار كود او رقم و الوكاله تقدر تقص لك مفاتيح ( قص المفتاح + البرمجه ) بمعرفه الرقم حتى لو المفتاح مو موجود

و تقدر تطلع هذا الرقم من رقم الشاصي

بس طبعا تثبت انك راعي السياره ( بالاستماره )

و اذا قال لك شهر شهرين

كلم GM في دبي و لا تتعب حالك مع البقر اللي هنا


الله يخلي الكابرس 85 قفوله كلها ما تكلف 100 ريال جديده :D

[الشبابي]

اخوي السيارة ما يحتاج توقف كل هالفترة ...
روح الشركة ويفصلون لك المفتاح خلال يوم الى يومين بالكثير ...
مرسيدس هي اللي تنتظر اذا ضيعت مفتاحك لانهم يطلبون المفتاح من المانيا ...









اخوكم الشبابي

[abumhdi]

روح المرور وقولهم يعطوك ورقة للسماح لمحل مفاتيح بفتحها أو تشغيلها ... لا اكثر ..

وراح يحل لك المشكلة ..

وإذا تبي محل مفاتيح محترم .. قل لي ..

[uae speed]

اول شي شوف فلم gone in 60 seconds ..!

ترى فيه لقطات عجيبة لسرقة السيارات ، ممكن تاخذ فكرة على السريع وتطبقها على الكابرس :D

لا اسولف وياك .. روح اقرب محل مفاتيح وبيفتحها لك .. :)

[TOP-SECRET]

مثل ماقال TerroRx7 خلوه ياخذ الرقم ويعطيه الوكاله وهي بتسوي له مفاتيح ثانيه حق سيارته

وعجبني عنوان المووضوع:-)

[ERT]

اكسر الزجاج وفك عمرك او ابحث عن طريق الانترنت



اسولف وياك :D

[أبوعدنان]

السلام عليكم ورحمه الله وبركاته

اولا لابد لمحل مفاتيح يقص لك مفتاح ثم لابد من وجود الرقم السري (يمكن يكون مدبس مع

الكتلوج) واذ ا لم يوجد فيطلبه الوكيل تاخذ يومين بالكثير وبالرقم السري يمكن برمجه الرموت

بواسطه جهاز TECH2 واذا عندك الرقم السري ممكن عملها خارج الوكاله ودمتم سالمين.

تحياتي للجميع.

[الأنصاري]

لووووووووووووول مشكله مو شي الله يعينك

[KING OF THE DARK]

انا عندي لك الحل


صار لنا قبل شهرين مثل المشكله في bmw

اتصلنا حق الوكاله

اجا الخبير مال الوكاله والحمد لله كان البانيت مفتوح

قال لنا وخرو وخلال دقيقه من خلال عفسته في كهربا مالت السياره فتح لنا السياره بدون مفاتيح