View Full Version : طاح جيرها مرتين وبدلناه ب 6000 كل مرة؟؟؟؟ شو الحل؟
cruiser2000
29-06-2005, 02:22 PM
السلام عليكم ورحمة الله وبركاته
تستغربون من الموضوع بكل تأكيد
الموضوع باختصار
ربيعي عنده لاندكروزر اعتقد 00 - 8 سلندر
والسيارة مب مالت دعاس ولا شي
حتى بنفسه مب معدل فيها شي اللهم الرنجات حق ستيشن لكزس وكالة
والدوسة الجانبية فقط
لكن طاح جيرها مرتين
والجراج قاله من الزيت - لكن واحد ثاني عنده لاند بعد خبره انه هو بنفسه
ما غير زيت جير اللاند حقه من سنة يمكن
بس ربيعي يغير زيت الجير كل 10 آلاف
والمشكلة الحين انها حرقت الكلتشات كلها وقيمة القطع كاملة تقدر بحوالي 6 آلاف
شوفولنا الحل أخواني......
ملاحظة: ربيعي ما يدعس ولا يسرع ولا يسابق بس يمشي مشي عادي استعمال
يومي فقط حتى ما يطلع كثير بها
TOP-SECRET
29-06-2005, 02:25 PM
شو قيرها عادي ولا تماتيك
cruiser2000
29-06-2005, 02:26 PM
تماتيك
الشبابي
29-06-2005, 02:28 PM
اتوقع السيارة فيها عيب مصنعي ...
لو يخلي الوكالة تكشف عليها يكون افضل ،لأنه في كل الحالات بيدفع يعني بيدفع ...
لو اتضح انها عيب مصنعي اكيد بيعطونه سيارة جديدة وصارت لواحد اعرفه وبدلوا الكامري حقته بكامري موديل السنة اللي بعدها جديدة لكن بعد ما تأكدوا ...
اخوكم الشبابي
cruiser2000
29-06-2005, 02:29 PM
اخوي الشبابي المشكلة ان ضمان السيارة انتهى
وما طلعت المشكلة الا قبل فترة يعني أول مرة قبل شهرين
والمرة الثانية قبل فترة وجيزة يمكن 3 أيام :(
TOP-SECRET
29-06-2005, 02:32 PM
المشكله اكيد متعلقه في القير مثل ماقال احمد يعني عيب مصنعي
انا ستيشني موديل 2000 بدلت زيت القير مره وحده بس
مادري مرتين مو اكثر
انصحه يشتري بداله قير ثاني حق نفس الموديل افضل من انه كل مره يوضبه وترجع المشاكل..
غريب السيف
29-06-2005, 03:10 PM
ولد خالتي عنده gxr موديل 2002 ولما كملت 65الف كلم (سقط الضمان)في سنتين
طاح الجير عليه (توماتيك) وكانت قيمه التصليح بالوكاله 17 الف بس كان الخلل عيب مصنعي
علشان كذا بدلوه على الضمان
انصحه يروح يكشف عليه بالوكاله
rakboost
29-06-2005, 03:14 PM
عيب مصنعي
نحن عدنا 8 سلندر موديل 99
مرتين طاح القير
بس افتكينا منه وبعناه
SL 65
29-06-2005, 03:22 PM
انا أنصحك تخلي ربيعك يسير عند دكسول. (الشركة العربية الأمريكية للجير الأوتوماتيك)
هذى كراج محترم و عنده فروع كثيرة. لاكن الفرع الي أعرفه مكانه قريب من مركز حمرعين.
اذا تخلي حمرعين على يسارك, تاخذ أول لفه يمين عقب مكتبة القلم الطويل. تمشي ويا الشارع و بتشوف الجراج على يمينك.
هذى الجراج غالي لاكن شغلة مضمون و يعطيك ضمان حوالي 6 شهور بس توقع تدفع 6500 درهم.
abonouf
29-06-2005, 03:27 PM
زياره اخيره للشركه ولا حيخدموه
عندها يوقف السياره امام افضل فرع للشركه ويكتب عليها المشكله
وشوف وخبرنا
cruiser2000
29-06-2005, 08:15 PM
بشوف شباب
هو ربيعي حالياً صلح المشكلة وبكلمة قريب في الدوام وبشوف حال اللاند عنده وبحاول اتبع نصايحكم له :)
بس صراحة ما توقعت هذا من الاند :(
الشبابي
29-06-2005, 08:33 PM
والله غريبة ان من اللاند ... انا ممكن اشك بأي سيارة لكن اللاند ماشاء الله تحمله قوي جدا ... عندنا لاند موديل 98 جير عادي ماشي 280 الف كيلو ماشاء الله ولاقد خرب علينا شئ ...
اللهم صيانه عادية ...
اخوكم الشبابي
TerroRx7
29-06-2005, 08:50 PM
يرهم عليه قير شفر 350
ب200 ريال من التشليح :D
حتى ان اما توقعت كدا من تيوتا
تعودنا على مكاينها تضرب بس مو قيورها :D
bashar_255
29-06-2005, 11:18 PM
TerroRx7 : شفت محرك موستنج مرهم على سفاري نيسان قير الدفع الرباعي شد بلاد النيسان :D
يمكن قيور اللأمريكي تركب عليه :D
اذا تكررت المشكلة احتمال يكون العيب بالقير نفسه مش بالقطع اللي داخله ممكن يكون بالقير عيب مصنعي :)
اذا المشكلة مي موجودة بالكروزات اللي من مديله فاحسن له يروح يدور على قير كامل !
uae speed
29-06-2005, 11:21 PM
حتى أخوي عنده ستيشن 2001 اوتو .. واخترب عليه القير وقام يشكل !!
يحطه في الريوس والموتر يمشي جدام .. ويتم حاكر على الأول ما يبدل !
بدله بالكامل في الوكاله لأنه عيب مصنعي وما دفع ولا فلس ..
الأنصاري
30-06-2005, 01:22 AM
اتوقع عيب مصنعي خلي يراجع الوكيل حتى لو الضمان انتهى
ملاحظه ترى شغل وكاله تويتا مع ضمان يعني حتى في حاله ان صلحه على حسابه في الوكاله راح يحصل على ضمان على الشغل ممكن يكون 3 سنوات حسب ماسمعت من الشباب
لأن بشكل عام الكروزر سياره معروفه ومشهود لها بالصلابه والتحمل
مؤيد اف1
30-06-2005, 02:36 AM
يمكن مشكلته في ضغط الزيت مو كل وقت متوفر ضغط كافي (تخمين) وهذا الشي لو كان موجود اكيد عيب مصنعي :sleep:
infiniti
30-06-2005, 03:49 AM
صراحه انا كنت احسب ان مشكله القير بس عندنا في اللاند كروزر لاكن طلعت المشكله في اللاند كله
انا مغير القير حق سياره الوالد 2000 gxr قير اوتو اول مره و السياره ماشيه 94 الف و ثاني مره و السياره ماشيه 188 الف يعني المشله حتى في ال VXR الثمانيه سلندرر
امممممممممم
اكيد فيه شي غلط يا احنا ما نعرف نسوي صيانه او القير هذا مشي حالك
شيك مبرد القير ومدى فاعليته
TOP-SECRET
30-06-2005, 05:49 AM
انا سيارتي جير عادي كروزر 6 سلندر ماشي لحد الحين 210 الاف ولا مره صارت لي مشاكل معاه
بس من كثر الدعس والسباق وشبك القير صار يلكش
الحين شلون اشرح يلكش خخخ يعني وقت الي ابي اشبك القير من نمره لين نمره يقول غغغغغغغغ
يعني يحتاج تغيير تروس
هذي اكبر مشكله صادفتني لحد الحين وماشوف انها كبيره لان التروس ب400 اعتقد 2-3
وحتى الاخ الشبابي نفس الشي على كلامه عندهم كروزر قير عادي وماشي 280 الف ولا صارت له مشاكل
لكن الي اشوفه ان مشكلة قيور الاند كروزر موجوده بس للقير اوتو !! شكله من المصنع تعبان القير اوتو
sayedco
30-06-2005, 03:27 PM
ولد خالتي عنده gxr موديل 2002 ولما كملت 65الف كلم (سقط الضمان)في سنتين
طاح الجير عليه (توماتيك) وكانت قيمه التصليح بالوكاله 17 الف بس كان الخلل عيب مصنعي
علشان كذا بدلوه على الضمان
عيب مصنعي
نحن عدنا 8 سلندر موديل 99
مرتين طاح القير
حتى أخوي عنده ستيشن 2001 اوتو .. واخترب عليه القير وقام يشكل !!
يحطه في الريوس والموتر يمشي جدام .. ويتم حاكر على الأول ما يبدل !
صراحه انا كنت احسب ان مشكله القير بس عندنا في اللاند كروزر لاكن طلعت المشكله في اللاند كله
انا مغير القير حق سياره الوالد 2000 gxr قير اوتو اول مره و السياره ماشيه 94 الف و ثاني مره و السياره ماشيه 188 الف يعني المشله حتى في ال VXR الثمانيه سلندرر
بس صراحة ما توقعت هذا من الاند
اي والله ما توقعتها من اللاند