View Full Version : باترول...(إستفسار)
السلام عليكم
أنا عندي صاحبي معاه نيسان باترول 1989 مركب مكينة 1997
فممكن تقولولي إيش الأشياء الي ممكن يركبها عالمكينة أو يزودها أو يضيفها....إلخ
ومشكورين....
TOP-SECRET
17-05-2005, 12:25 AM
السلام عليكم
أنا عندي صاحبي معاه نيسان باترول 1989 مركب مكينة 1997
فممكن تقولولي إيش الأشياء الي ممكن يركبها عالمكينة أو يزودها أو يضيفها....إلخ
ومشكورين....
اخوي المكينه الي ركبها موديل 97 حق نيسان طويل ولا نيسان كوبي "ربع"
لان النيسان كوبي مكينته كربريتر موديل 97
والنيسان طويل مكينته انجكتر
اذا المكينه كربريتر:
يقدر يركب هيدرز وفلتر ويحف الهيد وكمبيوتر هالتك او اذا عنده فلوس يركب موتك وكامات
وكهرب كامل وكربريتر الوكاله يغيره ويركب له هولي او من اي شركه ثانيه هاذا التزويد يصلح
للاستخدام اليومي ويعطي عزم ممتاز بيكون اقوى من النيسان فتك 4800 هيدرز وفلتر
وانصحه يسوي هالخلطه في كراج بن دلموك افضل كراج لتزويد النياسين كربريتر..
اذا مكينته انجكتر 4500 يقدر يركب نفس تزويد الكربريتر بس طبعا من غير كربريتر لان السياره
انجكتر واذا الله منعم عليه يقدر يركب كت تيربو من عند بن سليم ..
طبعا بيكون مشي السياره ممتاز
بس بشكل عام انصحه اذا عنده فلوس مثلا 30 او 35 الف لتزويد السياره يبيع المكينه ويخلي القير
ويشتري له من الصناعية مكينة LS-1 يحصلها من غير ظفيره بحدود 8 الاف
او اقل شوي او اكثر حسب النظافه..
ويشتري كمبيوتر ابكسي او اي من انواع الكمبيوتر ويركب عليها هيدرز وفلتر وكامات
تزويد هذي المكينه برخص التراب يعني هيدرز وفلتر وكامات يمكن تكلفه 4500 ريال
جربنا نيسان بهاذا التزويد مع نيسان 4800 عليه تيربو نتكس 76 رافع البوست 1 بار
وماكان فيه مستوى الي عليه LS-1 كان قدام بفرق كبير..
لذلك انا انصحه لو عنده مبلغ ممتاز يبيع المكينه ويشتري مكينه LS-1 :-)
بالتوووفيق
توب سيكرت....
مشكوووووووووووور على الرد الـ OK
وتسلم...
mits_stiggy
17-05-2005, 05:31 PM
مداخله بسيطه
انا اعرف انه الباترول نص ولا ستيشن
ممكن تجي كربريتر او انجكتر
عندنا سفاري 97 طويل
بس كربريتر
وسلامتكم
sayedco
17-05-2005, 06:10 PM
مشكور على مساعدتك يا توب سيكرت
بس تعرف قريب آنا أبدي التلغيم إن ما علمتني أذبحك!! :ranting:
و أخليك عبرة لمن لم يعتبر :bomb:
لا تصدق عاد !! :D
لا بس بغيت أشكرك لمعلوماتك الوافية مع إنها ما بتفيدني لأني ما عندي نيسان
بس مشكور :D
كلام الاخ TOP-SECRET صح 100% LS1 احسن بكثير
و كان معانا نيسان 97 طويل يعني انجكتر و ركبنا فلتر + كلج + كهربة MSD + كام Stage 3 + .......
و صرفنا في حدود 10000 درهم و كان فرق خفيف بينا و بين الستاندرد (وكالة 97)
و انصح انك ما تلعب بهذه المكينة لأن هذه 180 حصان إذا راح وايد 200 - 220 حصان
و حاول تركب LS1 صرف اقل و اداء اكثر بكثيييييييير و استاندرد 330 حصان و V8
و تحياتي للجميع
G 55
big block
17-05-2005, 08:41 PM
معليش شباب بس وشو الظفيره؟؟؟
TOP-SECRET
18-05-2005, 01:19 AM
السلام عليكم
حاظرين اخوي sayedco افا عليك عاد انتو اهل البحرين تامرون امر :-)
اخوي mits_stiggy مستحيل نيسان طويل مكينته كربريتر تاكد اخوي وانتو شريتوا السياره من الوكاله ولا مستعمله
لان يمكن الي باعكم اياها مغير مكينتها ولا قال لكم؟
mits_stiggy
18-05-2005, 02:30 PM
هلا فيك توب سيكرت
متأكد 1000000000% ان مكينته كربريتر
ونعم اشتريناها وكاله اول مانزلت (97)
وما في شي مغير فيها وكاله قلبا وقالبا
........ وعلى فكره حتى موديلات ال98 وفوق (ستيشن) ممكن تجي كربريتر
نيسان باقية على الشكل الكلاسيكي لمحرك الباترول مع اتاحة خيار
محركات الإنجكتر
ولو قدرت اخذ كم صوره ...... احطها هني ليش لا
وسلامتك
:cool:
TOP-SECRET
20-05-2005, 12:12 AM
هلا فيك
اخوي mits_stiggy
السموحه عالتأخير في الرد..
بالنسبه لسيارتكم هل هي سفاري او ستاندرد؟
يمكن سيارتكم ستاندرد وهي تجي كربريتر
والنيسان باترول من سنة 94 بدأ ينزل انجكتر على النيسان طويل(سفاري) لين اليوم وهو ينزل انجكتر
والنيسان من بعد سنة 94 صار ينزل الباترول الطويل انجكتر بجميع فئاته بأستثناء الستاندرد والكوبي "ربع"
والنيسان كوبي من يوم نزل لين سنة 2002 وهو ينزل كربريتر ومن سنة 2003 لحد الحين ينزل انجكتر 4500
بالنسبه لمحركات النيسان باترول مع احترامي لكل عشاق السياره
لكن المحرك الوحيد الي يستحق الاحترام والتقدير هو المحرك الجديد 4800 بنظام فتيك 280 حصان
المحرك هاذا جبار بكل ماتحمله الكلمه من معنى وواحد من شباب الامارات قدر انه يوصله 825 حصان
لكن المحركات قبل نزول الـ4800 فتك الصراحه كانت تعبانه في معظمها..
mits_stiggy
20-05-2005, 09:05 AM
سفاري GL ستيشن واجن 97 هو الموديل اللي عندنا
وبالنسبه لعزمه ما اقلك جبار .... لكن اكثر من جيد و صرفيته حلوه
يعني لو تلاحظ 4.2 لتر بس هي سعة محركه ال6 سلندر
ومع الوزن الثقيل ( خصوصا انه ستيشن) يعتبر تسارعه ممتاز
أعلى سرعه وصلت لها مابين 175_180 كلم
والسياره جير عادي
...........
و أحب أؤكد مره ثانيه ... أنه النيسان تتوفر بنظام كربريتر حتى لو بغيت موديل الـ2002
اللي يتوفر بنظام الVTC 4800
بس ما نش متأكد اذا الكربريتر يجي على كل المكائن ..... أو بس الستاندرد 4500
وانشالله عن قريب اجيبلك كم صوره
وتسلم حبيبي