يافرحة ما تمت (سيارتي فيها صوت غريب)

[دكتور / مجنون]

السلام عليكم :)

بدون مقدمات و فلسفه على راسكم :knight: نطرح المشكله اللي عندي


شريت اودي A4 من الوكاله و هي من احسن ما يكون لكن عندي مشكله ما اعرف لها حل و ابغى اخذ رايكم :)


المشكله اني اسمع صوت من جهه المكينه.. خلينا نروح للتفصيل الحين:

1- اذا السياره واقفه و دعست لها ببطئ او بشكل متوسط او بقوه .. تكون السياره سليمه
2- اذا السياره تمشي بتسارع بطئ .. تكون السياره سليمه
3- اذا السياره تمشي بتسارع سريع .. تكون السياره سليمه

المشكله هي اذا السياره تمشي بتسارع متوسط .. فاذا وصل عداد الضغط عند 2.4 تقريباً يبدا يطلع صوت غريب و يوقف الصوت اذا تعدى الضغط 2.8 تقريباً و اذا كملت دعسه فوق الضغط 3 .. ترجع السياره تمشي بدون اي اصوات

الصوت شبيه بصوت (بدوووون ضحك) ... امممم .. يعني عندك قدر حق طبخ و تحك هذا القدر بسلك نحاس..

هذا الصوت احياناً اسمعه بالشارع على الكابريس الصندوق (اللي هو موديل 85 و طالع) .. سيارتي يطلع لها نفس الصوت!!


طبعاً انا ابغى اسألكم قبل ما اودي السياره الوكاله و يضحكون علي :bomb:


و السلام مسك ختام

[Crackjas]

الظاهر هالصوت من سيور المحرك والله اعلم

يفضل انك تشيك عالسيور


الشباب راح يفيدونك

[CoRolla_04]

السياره توه جديده وديه الوكاله احسن لك وباسرع وقت

[دكتور / مجنون]

الظاهر هالصوت من سيور المحرك والله اعلم

يفضل انك تشيك عالسيور


الشباب راح يفيدونك

انا قلت كذا .. شكل واحد من السيور ماهو مشدود ..


باروح لهم يوم الخميس و اوقف فوق راسهم عشان ما يخربون السياره :ranting:

[دكتور / مجنون]

شببببببببببببببببببااب .. اخيراً عرفت المشكله :)

المشكله اني وجه فقر و ما اعرف اللا للكورولا :D


كنت اقرا الكاتلوج عشان ابغى اعرف مقاس اللمبات و بالصدفه لقيت قسم خاص لتمرين السياره

طلع مكتوب بأول 1000 كيلو.. راح يكون هناك صوت حكحكه بجهه المحرك بسبب التليين :D
و اول مره اعرف ان الكفرات يحتاج لها تليين باول 500 كيلو و اول مره اعرف ان الفرامل يحتاج لها تليين باول 400 كيلو

قسم بالله على بالي السياره خايسه لكن طلعت انا اللي وجهي وجه راعي كورولا :)

لوووووول :D

[ERT]

حتى عندي مرت المشكله هاذي يوم اشتريت الجولف ومبروك على A4 والسياره ممتازه جدا ! لكن اي وحده 1.8T ولا V6 :-)

[دكتور / مجنون]

الله يبارك فيك و عقبال ما تشتري السياره اللي تعجبك :):):)

حتى انت .. لوووووول :knight:


لو تشوف شكلي يوم سمعت الصوت .. قلب وجهي احمر و اصفر و بنفسجي و الوان قوس قوزح :cry1:



امممما في V6 عندهم؟؟ تراني غششششيم مره بالسيارات ..

السياره اللي عندهم يجي موديل واحد .. يعني ما عندهم خيارات لأنها أول دفعه ..

تجي بدون زينون و لا سيدي و لا مقاعد كهرب و المكينه 1.8T لكن ما قلت لي .. وش احسن الـ 1.8T او الـ V6؟؟

[ERT]

اكيد الv6 احسن للخطوط الطويله وقويه . اما 1.8T مزوده بتوربو صغير ومتقاربه تقريبا كتسارع الv6 وتستهلك البنزين بشكل قليل بالعكس عن الv6

[2k2]

مبروك عليك الاودي A4

[دكتور / مجنون]

اكيد الv6 احسن للخطوط الطويله وقويه . اما 1.8T مزوده بتوربو صغير ومتقاربه تقريبا كتسارع الv6 وتستهلك البنزين بشكل قليل بالعكس عن الv6

ما احتاجها للطرق الطويله .. ابغاها لداخل المدينه..

على فكره .. لو انا ماشي بالـ D و جاء واحد طاير من جنبي و ابغى اطير وراه .. اعشق الجير على الـ S و ادعس :knight:

الكاتلوج ماهو موضح هذي النقطه !!!!!


مبروك عليك الاودي A4

الله يباااارك فيك :)

[Third Eye]

مبروك على السيارة و الله يكفيك شر الحساد