التحدي بين محركات الديزل والبنزين

[ديزل]

السلام عليكم شباب
بعد ان كانت محركات الديزل معروفه بالضعف وعلو هديرها وكثره دخانها :black: ولم تكن الميزه الوحيده بها سوى قلة الصرف فقط .
تاتي اليوم هذه المحركات محققة انجازات كبيره جدا حيث قوة الاداء وسرعة الاستجابه وقله هديرها الى درجة انه اصبح من الصعب على الاشخاص ان يفرقوا ان كانت السياره تعمل بالبنزين او الديزل وقد ظهرت في الاونه الاخيره سيارات عديده وفخمه وقويه ايضا حيث تتنافس الشركات العالميه في تقديم ماهو جديد في هذه المحركات ومن هذه الشركات مرسيدس وبي ام واودي وفلكس وقد اشتهرت الاخيره بمحركها القوي والمستخدم على سيارات الطوارق فهو مكون من عشر سلندرات وقد عرف عن هذا المحرك انه يخرج عزم عالي جدا تسبب في عدم قدرة تحمل الجير بوكس لهذه القوه حيث استعانت شركة فلكس بشركة يابانيه متخصصه للجيربوكسات لصناعة جير بوكس يتحمل هذه القوه العاليه .
وقد ابدع الامريكان ايضا في استخدم هذه المحركات حيث استخدمت في سباقات الدراج وحققت ارقام ممتازه في الربع ميل وصلت الى 9 ثواني واقل ايضا .
ولمشاركة الجميع اريد ان اعرف اكثر عن هذه المحركات
1 . هل محركات الديزل تتحمل اكثر في التعديل من محركات البنزين
2 . هل طريقة عمل المحرك تختلف تماما عن محركات البنزين .
3 . هل قطع التعديل المستخدمه في سيارات البنزين يمكن استخدامها في محركات الديزل

[TerroRx7]

1 . هل محركات الديزل تتحمل اكثر في التعديل من محركات البنزين

http://www.cumminsracing.com/images/new_car_pass_1sm.jpg

محرك cummins ديزل تيربو بمكونات داخليه ستوك 100%
و 7.98 ثانيه في الربع ميل بسرعه 167.43 ميل

http://www.cumminsracing.com/

[mr.lamborghini]

مشكوووووووووووووووووووووووووووووور اخوي ديزلعلى الموضوع الرائع

بس نسيت سياره عزيزه و غاليه علي انا (((((((((((((قلاردو))))))))))))

[ديزل]

هلا اخواني ليش طيب الشباب ما يركزون على محركات الديزل لتعديلها وصراحه اتفاجأت يوم شفت هالكم الهائل من التعديل بدون تغيير قطع داخل المحرك معناته ان البلوك والقطع الداخليه لمحركات الديزل تتحمل اكثر من المحركات البنزين
بالفعل اخوي الجلاردو يعتبر انجاز على انها ديزل .
واظاهر بتكون هذي بدايه جيده لصناعه سيارات رياضيه ديزل

[الشبابي]

اخوي ديزل ..
مشكور على الموضوع الحلو ...

انا اللي اعرفه ان محركات الديزل صيانتها رخيصة وانتاجها للحرارة اقل لأن الديزل يحترق على درجات حرارة اقل بكثير من البنزين ونادرا ماتعاني سيارة ديزل من الحرارة ...
كما ان محركاتها ذات ضغط عالي جدا .. ومكائنها تنتج عزم عالي ... فعلى سبيل المثال محرك المرسيدس اي 320 ديزل الجديد ينتج عزم مقارب للاي 500 بنزين ... ان لم يكن اكثر بقليل ... وتعديلها في بعض الحالات يعطي فارق كبير .. فاذكر رأيت اعلانات في مجلة انجليزية لشركات تعدل السيارات الالمانية الديزل ... فقط بتركيب كمبيوتر رياضي يعطي فارق كبير ... يصل الى 70 حصان ...
والديزل استهلاكه وسعره ارخص من البنزين ومع التعديل يزيد الاستهلاك لكن مهما زاد فبيصير عملي لانه ارخص بكثير .. تقريبا 3 لتر =1 ريال ، بينما البنزين لتر = 90 هلله ...
وبسبب عدم اهتمام الناس بها تجد تعديلها ارخص .. فمثلا لو تبي تشتري تيربو بنزين ما راح احد يبيعه لك ، لكن الديزل ما اعتقد يهتمون فيه كثير ... ويتواجد بسيارات تجارية كثير ...
وما اعتقد يحتاج انتركولر كحاجة محرك البنزين له ...

و هنا بعض الفروق بين المحركين الديزل والبنزين : -

1 / محرك البنزين يتم فيه خلط المزيج ( الهواء والبنزين ) ومن ثم ضخهم داخل السليندر عن طريق صمامات الدخول ومن ثم يحترق البنزين بواسطة شعلة البوجي ... في الديزل هناك اختلاف .. فالهواء يدخل من الانتيك الى السلندر ومن ثم مع الضغط الداخلي للهواء يكتسب حرارة ومن ثم يضخ الديزل ليحترق بفعل حرارة الهواء بدون بواجي ..

2 / نسبة انضغاط محركات البنزين من 8.0:1 الى 12.0:1 ... اما الديزل فمن 14.0:1 الى 25.0:1 ... .

3 / محركات البنزين تستخدم نظامين لضخ البنزين اما الكاربيتور او البخاخات او الدايركت حاليا ... اما الديزل فلديها نوع واحد وهو نظام البخاخات الضخ المباشر( توفرت غيرها ) ... direct fuel injection ..

ولاحظ ان السيارات الديزل اذا دخل لها هواء بارد قد لا تستطيع مع الضغط الداخلي الوصول الى درجة الاحتراق المثلي وبالتالي تستخدم glow plug وهو عبارة عن سلك تسخين مرتبط بحساس ويقوم بتسخين الهواء في حالة الجو البارد ..








اخوكم الشبابي

[ديزل]

هلا اخوي الشبابي شكرا على اهتمامك واهتمام الاخوان بالموضوع
بس اخوي فعلا ليش الواحد ما ياخذله سياره ديزل تيربو ويعدلها دام البلوك وقطع داخل المحرك تتحمل التعديل خاصة ان فيه كثير من سيارات الجولف مثلا والسيات تجي tdi يعني مزوده بتيربو واذا مكينتها تتحمل ممكن الواحد يركب تيربو كبير ويوصلها الى عدد احصنه عالي وبتكلفه اقل من البنزين .
معقول هالفكره ماجت على بال احد

[الشبابي]

اخوي ديزل ..
في ناس تهتم بتعديل الديزل لكن هذولا تلاقيهم عادة في الدول المتعقدة من سعر البنزين ... لان الديزل لايحتاج تكرير مكثف مثل البنزين ... وهذا احد اهم الاسباب اللي خلته ارخص ..

الديزل له مميزات كثيرة وله ايضا سلبيات وربما يكون منها الثقل وبطء الاستجابة ...
وهو عموما اثقل من البنزين لتواجد ذرات كربون اكثر فيه .. فتركيب البنزين C9H20 اما الديزل C14H30 ... ولعلمك الطاقة التي يستخرجها الديزل لكل لتر او لكل جالون اكثر من الطاقة المستخرجة من البنزين .. فالجالون من الديزل يعطي 155 مليون جول اما البنزين يعطي 132 مليون جول ... وهذا يعطي افضلية لاستهلاك الديزل ... فالطاقة التي تحتاجها السيارة تنتج بكمية اقل من الوقود ..
وعيب الديزل انبعاثاته الكثيفه .. ولكن الان هناك حملة الديزل النظيف في الغرب ، وتقوم على ابتكارات لتقليل الانبعاثات وهم نجحوا فعلا في ذلك ..
لكن ديزل خوينا ان شاء الله رجال ماينعاب .... :D







اخوكم الشبابي