View Full Version : رجة في السيارة ممكن مساعدة
HIGHEST COMMANDER
19-03-2005, 06:52 PM
السلام عليكم
يااخوان انا معي كابريس 2004
وحسيت برجة في الدركسون اذا تعديت 100كلم/س إلى 130كلم / س تقريبا
وبرجة اذا ضربت فرامل اذا كانت سرعتي حول 80 كلم/س
شاورت الشباب وقالو لي تصرصيص كفرات ورحت ورصصت لكن المشكلة ماانحلت
فودي استشيركم وش اسوي
شاكر ومقدر لكم
الشظيه
19-03-2005, 07:07 PM
اعتقد اخوي ان مشكلتك من الاقمشه او الهوبات . الاقمشه ((فحمات))
هل غيرت اقمشه بدون خرط هوبات . او العكس .
لانه لو مشيت فتره طويله على الاقمشه والهوبات وبعدين غيرت الاقمشه فقط ممكن تواجه دي المشكله .
grandv8
19-03-2005, 07:14 PM
وعليكم السلام ورحمة الله وبركاته
اخي الكريم
حاول تسوي كشف على كمبيوتر خاص للاطارات يعطيك ارقام خاصة اذا كان هناك انحراف او اعوجاج بالرينك او القطع الي يمسك رينك الاطار.
يخبر مدى اذا كان يحتاج تغير او تضبيط اكثر.
بالنسبة لاخونا رجفه عند الفرملة هي يكون من الفحمات يباله خراطه او استبدال وتروح عنه الرجفه بعد التعديل.
abumhdi
19-03-2005, 10:17 PM
شيك على كراسي المكينة ...
وبعض الاحيان تكون البواجي لها دور ..
GoldMan
19-03-2005, 10:34 PM
وعليكم السلام ورحمة الله وبركاته ,,
هلا فيك اخوي ,,
اعتقد مشكلته في الرجه لم تدوس على الفرامل ,, هي الهوبات,, لأن لما تغسل السياره او تمر على مويه في السياره والهوبات ساخنة ,, تتأثر واحياناً تنعوج وهذا سبب الرجه
يعني احتمال يبيلك خرط هوبات وان شاء الله تظبط السياره
اما الرجه وانت ماشي 130 يمكن يكون بالكفرات ,,,
لأن قبل كان عندي مشكله في الكفرات الأماميه كانت تطلع صوت بس مو رجه وغيروها لي
عند وكيل يوكوهاما ,,
,,,,,,,
أنا من رأيي تسأل ورشة قبل ما توديها الوكالهة اذا هي لسا على الضمان ,,
StiNGraY_Bhr
19-03-2005, 10:46 PM
السلام عليكم..
كانت عندي نفس المشكلة رجة على سرعة عالية و فكرت بالأسباب التالية:
1-كراسي المكينة.
2-واحد من الجنوط.
3-الكفرات.(مع انها كانت مرصصة).
استبعدت 1 و 2 لأن رجة الكراسي تطلع على RPM عالي حتى و انت مو مسرع, و الجنوط استبعدتهم لاني متاكد اني ما اكلت مطب او ضربت رصيف.
الحل المنطقي و الاسهل و الارخص كان اني ابدل الكفرين اللي قدام و الحمدلله المشكلة انحلت.
SLR55
19-03-2005, 11:37 PM
سوي ميزانية للتواير وخلاص ^_^
أما البريك فغير السفايف وبس
أنا عندي نفس يارتك ونفس مشكتلك
إذا رجة في الخط وماشيء على التواير وايد فبدلهم ^_^
سلااااااااااااام
AnGlOpHiL
19-03-2005, 11:49 PM
اي والله انا نفسك..كابرس نفس المشكله دوختني..يقولون من السفايف اسديلكو!!
عندي كرايسلر نفس الرجه بس انحلت من كراسي القير و المكينه..حطيت طاولات مكان الكراسي<<<<يبي يجرب كرسي على راسه
أسد فوق الشجرة
22-03-2005, 07:22 PM
اخاف فيه احد يلعب كورة او شي من هالنوع( تنوين السيارة) او نفس الطريق