استفسار بخصوص المخالفات في دبي ..

[DDesigns]

السلام عليكم

اخواني انا عندي سيارتي عليها لوحات شارقه بس انا ساكن في دبي .. وودي احولها الان الى دبي ..

باقي على الملكيه وتنتهي شهر فقط .

الان عندي مخالفتين سرعه في دبي ووحده حزام .
عندي مخالفه وحده سرعه في الشارقه.
عندي مخالفه ناسيها في عجمان .
وعندي تقريبا 25 مخالفه حق البلديه في دبي .

الان ايش المطلوب علشان ما ادخل في مشاكل .!!!

اذا بغيت اسدد المخالفات هل اروح مرور دبي واسوي كل شيء ! ؟ ولا لازم اروح الشارقه وعجمان واروح البلديه يعني ازورهم كلهم ! ؟

وايش الاجرائات في تحويل ارقام السياره من الشارقه الى دبي ؟ وهل فيه رسوم مثلا ؟

شكرا .......

[uae speed]

السلام عليكم ..
حياك الله أخوي DDesigns ،،

بخصوص دفع المخالفات ، فتقدر تدفع بعدة طرق ..

- تقدر تدفع مخالفاتك كلها في مرور دبي ..
- تقدر تدفع في أي بنك من بنوك الامارات المعتمده من مرور دبي .. مثل بنك دبي الوطني .
- تقدر تدفع أون لاين من خلال موقع مرور دبي ، لكن انت عندك وايد مخالفات ، فالنظام ما يسمح لك تدفع اون لاين ، يعني لازم تراجعهم هناك ..
- أعتقد حالياً تقدر تدفع في بريد الامارات .. أي فرع لبريد الامارات .

بخصوص تحويل لوحة السيارة من الشارقة الى دبي .. الشغلة سهله ..
تروح لمرور الشارقه وتطلب نموذج تسفير سيارة الى دبي .. وبعد ما تدفع الرسوم
بيعطونك أوراق وبعدين بتراجع مرور دبي وهم بيكملون الاجراءات .. وبعدين بتدخل الفحص الفني بـ 50 درهم ..
واذا نجحت سيارتك في الفحص ، تروح لمرور دبي أو محطة ايبكو في القصيص فيها [ تسجيل ] للسيارة ..وتكمل باقي الاجراءات ..

على فكرة انا ملاحظ أغلب مخالفاتك على بلدية دبي ، وأكيد مخالفات المواقف والرسوم ..
فـليش ما تشتري لك بطاقة المواقف لأستخدام مواقف البلدية لمدة سنة .. وبتوفر فلوسك وبتريح عمرك :)
البطاقة متوفرة في بلدية دبي ..

تحياتي لك :)

[DDesigns]

يعطيك العافيه اخوي ..

يعني افهم من كلامك اقدر ادفع مخالفات دبي والشارقه وعجمان والبلديه كلها في مكان واحد .. والله تمام شيء ممتاز .

اما بخصوص مخالفات البلديه حسبي الله عليهم كلها من الجامعه صلخونا في المخالفات ما عسى تتاخر 10 دقايق الا وتلقى الورقه تنطرك ..

اما بخصوص البطاقه فا انا مخطط عليها بس خليني اسدد اللي علي لاني حسبتها البطاقه تكلف 2500 ريال في السنه اعتقد قسمها على 12 شهر يعني تدفع 200 درهم كل شهر هذا شيء طيب لاني احصل مخالفات اكثر من كذا بالشهر .

تحياتي لك .....