View Full Version : أتحدى أي سياره ارمريكيه أو حتى ألمانيه تتحمل زي الياباني
King 4x4
24-01-2005, 10:46 PM
شباب أنا جايب لكم مقطع حق سياره هوندا هاتشباك أتحدى أطلق شنب في الامريكي يتحمل زي اللي جاها و يشتغل في النهايه.
بالهنى و الشفى :
http://www.kamikazenipponracer.be/a_media/angelo/civicdavdodu2.wmv
طبعا المقطع حجمه كبير شوي حدود ال16 ميجا بس يسوي وزنه ذهب. :D
B.M.W X5
24-01-2005, 11:29 PM
ياخي فعلا سيارة غريبة أعتقد أنها مسكونة
بس مو خايف على عمره تنفجر فيه السيارة
بعدين كنه حط ماي في الماكينة بدال الزيت!!!!!!! :think:
الصراحة تحملها فظيع
ههه قويه السفك ههه سوبرميني جودزيلا
ماني منزله>>>>كذاااااااااااب :D
يا حبيبي ما في مثل مكاين الشفر سمول و بيج بلوك أيرون كاست! فلا تكثر الهرج! هذي واحد مشى بها من جدة للدمام بدون زيت!! المكينة مشى بها بدون زيت!!
وصل للدمام ولكن المحصلة النهائية المكينة انقسمت نصين!
صحيح مكاين ليست الأفضل في القوة والعزم و إستهلاك الوقود ولكن تتحمل كرف غير طبيعي >>>
المحصلة النهائية!
أمريكا 1
اليابان صفر
saymyname
25-01-2005, 12:41 AM
صحيح الامريكي القديم قوي بس......
لما تركبه تحس انك راكب عربة يجرها حصان (مفككة) :blink:
واصوات تحس ان المسامير كلها طاحت :confused:
لكن اشوف الياباني او حتى الاوروبي متماسك
اما من ناحية المكينة والقوة فانا متحفظ :sss:
:p
الغامدي عبدالله
25-01-2005, 01:05 AM
king
العـــــــــــــــــــــــــــــــــــــــــــــــــــــــــــــــــــــــــــــــــــــــب بعيــــــــــــــــــــــــــــــد
أنا بأعطيك إياها بالحرف الواحد وأرجو أن تفهمني!
أمريكي بعد 71 تلقاه متفكك!
خذ لك كاديلاك 54 ولك اللي تبي لو لقيت الديكور متفكك!!
جودة ديكورات GM طاحت بعد 71.. ركزوا على الكم وخفض التكاليف أكثر من الكيف والنوعية!
السلام عليكم
الو مشكور على الفديو الغريب
وصراحة الهوندا تحمل واللى اثبت كذا تشغيلها بدل الزيت مويه :blink:
مستحيل اي سيارة ثانية تتحمل كل هذا
المحصلة النهائية ..
الصناعة اليابانية اثبتت وجودها وجودتها على كل سيارات العالم
تحياتي
محمد
عين الحر
25-01-2005, 02:33 AM
احترم السيارات اليابانيه كثير
واثبت جودتها بقوه سواء كانت بالتويوتا او اللكزس او النيسان
ولكن
السيارات الامريكية تعتبر من السيارات القوية ايضا وبشدة وخصوصا المحركات
ولكن عزيزي انت اضفت الالمان وهنا نقطة خطر لان الالمان عندما تتحدث عنهم فأنك تتحدث عن القوة والجودة والسرعة والفخامة
وهذا راي شخصي
شوف أتحداك تطلع عيب في المحركات الأمريكية! مشكلة السيارات الأمريكية في الإكسسورات! لكن الجوهر وهو المحرك من الأشياء المضمونة وتتحمل كرف ولعن!
تلقى شكواي عالسيارات الأمريكية مثل المكيف (أنا شخصياً ما أشغله لأنه يصرف بنزين) أو طرمبة البنزين أو لمبات الشيء الفلاني أو الكهرب الفلاني ولكن مستحيل (أو نادراً) تسمع عن مشكلة في المحرك نفسه!
إذا محرك يمشي من جدة إلى الدمام بدون زيت.. ما أدري شأقول أكثر من قوة!
King 4x4
25-01-2005, 02:53 AM
مشكورين شباب على الردود.
أخوي IMAJ
جيب لي مقطع شباب مسوين زي كذا في شفر أتحداك :D
تراهم حطوا مويه بدال الزيت :D
بمعنى لو تشتغل بدون زيت أرحم من المويه 1000 مره :smart:
أخوي عين الحر
الألمان خلهم على جهه و أنا قصدهم مب عبث خلنا نشوفهم ينتجون شيء في متناول الجميع مب مخصصه للناس اللي عندهم $$$ كثيره.
أخوي 922
مشكور على الرد و ما قصرت.
أخوي saymyname
مشكور على الرد و ترى القوه مب كل شيء فيه شيء اسمه تحكم بعد (قد شفت ربع نيسان يخش لفه و هو يمشي 200 الكابرس ما يمديه يشخها وهو يمشي 120 و اسأل IMAJ كان وياي و أنا السواق :bomb: ).
أخوي ERT
هع لا تخاف فيه ميني بعد :D
أخوي B.M.W X5
لا تخاف بنكب عليها مويه زمم و نقرى عليها شوي :m:
until the end
25-01-2005, 03:05 AM
كلامك حكم :eek:
أنا لا أقلل من الياباني حبيب قلبي ملك الأربعة في أربعة!
ولكن أيضاً لا تقللوا من الأمريكي.. وإذا كنت تعاير الأمريكي إن ما فيه تحكم ببساطة نعاير الياباني إنه غير مريح!
وبعدين عندك سيارات أمريكية فيها رساوة لا بأس بها مثل الكاديلاك CTS و STS وهي فقط بداية المشوار.. :)
شوف أتحداك تطلع عيب في المحركات الأمريكية!
الكل يعلم ان المحركات الامريكية تتميز بل تتعيب بكبر محركاتها وان كان في هذا ايجاب وميزة وهو توفر العزم الكبير وفي دورات منخفضة ...
لكن لب كلامي هو المحرك العتيق لدى GM..5.7Lمحرك كان ومارزال من اشره المحركات صرفلا وبلعا للوقود ..لماذا ؟؟؟مع ان الشركة نفسها تملك محركا اكبر منه ويسع 7.4للسوبر بان القديم .اقول ومع ذلك فان المحرك هذا يقل بكثير في صرفه للوقود عن المحرك 5.7لتر والكل يعلم ان هذا المحرك هو مخصص كان ومازال للكابريس SSمن موديل 95 الى 2002 ولكن مع بعض التعديلات الكبيرة فيه مع العام 2000
انا كنت ممن يملك هذه السيارة كابريس SSموديل 96 ..وقد قارنت صرفه للوقود مع المحرك 7.4 المخصص للجمس انف الذكر ومع ذلك وجدت ان صرف محرك الكابريس اكثر من محرك الجمس رغم الفارق الكبير في الحجم
هل جنرال موتورز تريد المكسب الكبير من وراء هذا المحرك الفقير للتقنيه الكبير السعة والقوة الحصانيه ؟
ومع ان المحرك المذكور قد طور تماما الا انه بقي على نفس استهلاكه للوقود بل اكثر مع عزم اقل من الجيل القديم لنفس المحرك ..يعني ان الشركة استغلت السعة في الزيادة الحصانيه واهملت العزم وهو الاهم ..قمه التخلف ان تزيد تقنيه المحرك وقوته الحصانيه ويقل عزم دورانه
لنأخذ مثال بسيط على المحرك الالماني الصنع سنجد ان المحرك في المتوسط لا يسع اكثر من 3لتر ومع ذلك نجد القوة الحصانيه مرتفعة مع عزم دوران مرتفع وفي نفس الوقت انخفاض استهلاكه للوقود
ماذا يدل هذا ؟
انما يدل على ان الصانع يهمه في الشان الاول هو المستهلك ..الزبون ..العميل ,,مما يولد للعميل سمعه طيبه للصانع تجعله يستمر في اقتناء سيارة من سيارات هذا الصانع
اما الصانع الامريكي فان مايهمه بالدرجة الاولى هو ان يكسب الكثير بدفع القليل حتى وان اثر ذلك على العميل فانه لا يهمتم بذلك مادام ان المال قد وصل اليه
فلماذا لانرى الصانع الامريكي يتعامل مع التقنيه المتقدمة للمحركات في التقدم بصنعها وتقليل حجمها الكبير وذلك سيكون في مصلحته اولا قبل العميل
اللومينا V6محركها سعته3.8لتر وقوته 215 حصان ومع هذا نجد ان المكس مثلا محركها 3لتر وقتوته 227 حصان مع عزم دوران متقارب جدا للسيارتين ؟
شوف أتحداك تطلع عيب في المحركات الأمريكية!
إذا محرك يمشي من جدة إلى الدمام بدون زيت.. ما أدري شأقول أكثر من قوة!
:knight: اسمحلى بحط هالجملة في توقيعي
RED Chevy
25-01-2005, 03:19 AM
عادي :D
آنا اخوي راح بالأمبالا كويت والدفريشن خراب
في الرجعه ودع عليه
وصله لي البحرين بسلام ويوم بطله صحيح تنتف لكن وصله 400 كيلو رايح راد وهو مودع :banana:
الاكورد بدون زيت 20 كيلو صارت جنها دبابة وتبدل ثلاثة ارباع المكينة :-)
King 4x4
25-01-2005, 03:26 AM
بديتوا بشغل الفهلوه ؟؟؟؟؟؟؟
نبغى فيديو يا حلووين ما نبغى كلام.
أنا خلاص.
بأقول "شغلت الربع و حطيت صاروخ في الشكمان و رحت الشمس و بسطت فرشه و شربت عصير تفاح مبرد و لعبت كوره بعدين دقيت سلف و رجعت البيت في نص ساعه"
هل فيه أحد بينكرني ؟
كل واحد بيقول وين الدليل.
RED Chevy
25-01-2005, 03:32 AM
اذا انعدمت الثقة بين الشباب في القسم مايحتاج نجيب ادلة ونشارك بعد...
اذا صرنا مصدر مشكوك فيه وكلامنا مايتصدق والكنج يبي فيديو ل400 كيلو منقول الا انا لله وانا اليه راجعون
King 4x4
25-01-2005, 03:46 AM
والله يا أخوي ريد شفي
شوف أنا ما جبت كلام من عندي.
الفيديو يتكلم.
بس اذا كنتوا ما اقتنعتوا بذا من صالحكم بس لا تحاولون تغيرون اللي يشوفونه الشباب.
922 الله يسمحك!
أنا قلت لك قد لا تكون الأفضل في إستخراج القوة (مع أنها كذلك) ولكن تتحمل كرف ولا حتى حمار!
راح أرد على تهجمك على المحرك العريق ولا نستغرب من هونداوي هذا الشيء فركضك وراء الـHigh Rev والـLow Displacement أنساك جوهر الموضوع و هو No Replacement for Displacement
دائماً تتفاخرون بأن محرك فلاني يستخرج مليون حصان لكل لتر ولكن تتناسون أن محرك أخر يستخرج نفس القوة من لترات أكثر و إقتصادي أكثر.. بالعقل تختار أيهما؟
أعطيتك جسم سيارة ومحركين! أحداهما 3 لترات 300 حصان ومسيره 15 ميل لكل جالون والآخر 6 لترات 400 حصان و يحقق لك 17 ميل لكل جالون!
أرجو أن تجيب وبكل بساطة وعقلانية!
وطبعاً سيكون جوابي أنا المحرك الآخر لأنه يحقق لي قوة أكبر و إستهلاك إقتصادي أكثر وعدا ذلك المحرك الثاني أرخص!
ليس مهماً كيف تصل المهم أن تصل! ليس مهماً عندي من كم ليتر ولكن كم يستخرج وكم يستهلك!
بأعطيك مثال أكثر فظاعة! محرك 3.5 في الماليبو 2005 يستهلك وقود أقل(حط ألف خط تحت أقل) من محرك الماكسيما 3 لترات.. وعزم أكثر ولكن أحصنة أقل!
ببساطة أيهما تختار لسيارة عائلية وإقتصادية العزم مع الإستهلاك المنخفض أم الأحصنة مع الإستهلاك المرتفع؟
ردك المقتبس من S8 يدل ببساطة على إفلاسك! لأن S8 مع إحترامي له أثبت جهله بـGM في أكثر من مناسبة!
نعود لمحرك 5.7 هذا المحرك إقتصادي مقارنة بقوته وعزمه وكون محرك 7.4 إقتصادي أكثر (إن كان هذا صحيحاً لأن لم أتعامل مع محركات 454) فهو يعود لأنها ببساطة أقل قوة وعزمها على دورانات منخفضة! ومعروف أنك لازم تحرق بنزين أكثر إذا احتجت تستخرج قوة أكبر!
أرجووووك رد بعقلانية وإذا كنت ترغب في أدلة وإثباتات أنا جاهز ولكن إلىحينها جاوبني كيف محرك S2000 يستهلك وقود أكثر من محرك موستانج V6 وهو طبعاً 3 لترات؟
طبعاً جاوب على ما سبق أيضاً..
King 4x4
25-01-2005, 04:03 AM
الحين أنا أتكلم Realiablilty و تروحون Performance.
أقول لا تكثرون هرج كثير.
أخوي Imaj تبغى مكاين Performance شوف مكينه الانفنتي الVK45 ومكينه التيتان اللي سعتها قريبه من سعه محبوبتك ال5.7 وشوف كيف اشتغلت عندكم في امريكا.
هق هق هق هق.. فرحان بالتايتان! هذه تعاني من مشاكل جودة وتصنيعية وحصل لها إستدعاء بسبب مشاكل تصنيعية!
ومحركها صنع وصمم في أمريكا من قبل أمريكان "مستعبدين من قبل نيسان"..
وبعدين 5.6 305 - 315 أحصنة وإلا 5.7 295 - 405 حصان؟؟؟؟
جاوب!
King 4x4
25-01-2005, 04:18 AM
تبغاني أعد كم مره استعدت جي أم بس بدون هولدن سياراتها ولا ما تبغاني :D
لا جنرال موترز اعتدنا هالشيء منها لكن نيسان! أقولك نيسان بدت تطيييييييييييييييييييييييييح جودتها!
هق هق هق هق ههههههههههههههههه!!! >>> تراني فاقع من الضحك!
وبعدين جنرال موترز ما نلومها أغلب مصانعها تعود لخمسين سنة مضت لكن نيسان ومصنع جديد ومشاكل هههههههههههههههههههههههههههه..
King 4x4
25-01-2005, 04:28 AM
الحين توك مفصل ثوب جديد لازم في أكثر الحالات يكون طويل أو ضيق في مناطق صح ولا لا ؟
لازم ترجعه للمحل عشان يضبطونه لك بس بعدين خلاص المحل يعرف مقاسك ولا لا ؟
بس المصيبه اذا كنت دايم تروح لمحل اللي يفصلون فيه لازم ترجع لهم كل مره عشان يصلحونه لك صح و لالا ؟
ما تتنرفز و تحلف انك ما تجيهم مره ثانيه صح و لا لا ؟ :think:
من متى نيسان تصنع ثياب؟
Nissan Clothing Division
هق هق هق هق
ههههههههههههههههههههههههههههههه
King 4x4
25-01-2005, 04:37 AM
ذا يدل على مدى طول نظرك أخوي Imaj وبدون زعل أشوفه قصير حيل.
السلام عليكم
ردك المقتبس من S8 يدل ببساطة على إفلاسك! لأن S8 مع إحترامي له أثبت جهله بـGM في أكثر من مناسبة
من جاب طاري S8 :blink:
كاتب هذا الرد STS احد ملاك الامريكي ومجربيه
وهذا رابط الموضوع
الإستغباء المستفحش في صناعة السيارة الامريكيه (http://www.swalif.net/sforum1/showthread.php?t=143976&page=1&pp=25)
لى رجعة بعد مااتاكد من ارقام ومع الادلة
مع التحية والتقدير
طيب برضوه مع إن أنا راح بالي S8 لكن حتى لو STS ما رديت على ردي بالمرة! و أنا اللي أعرف إن S8 هو كان عنده كابريس SS 96..
وعلى فكرة أفضل لو كان عنوان الموضوع الإستغباء المستفحش في فهم السيارات الأمريكية!
وبأضيف حاجة ثانية للإفادة وهي صرفية محرك الشيفروليه 3.5 V6 هي نفسها صرفية محرك الكامري ليترين أربعة إسطوانات!
وطبعاً واضح أيهما عزمه أكثر..
أضع ردي السابق للإفادة!!
922 الله يسمحك!
أنا قلت لك قد لا تكون الأفضل في إستخراج القوة (مع أنها كذلك) ولكن تتحمل كرف ولا حتى حمار!
راح أرد على تهجمك على المحرك العريق ولا نستغرب من هونداوي هذا الشيء فركضك وراء الـHigh Rev والـLow Displacement أنساك جوهر الموضوع و هو No Replacement for Displacement
دائماً تتفاخرون بأن محرك فلاني يستخرج مليون حصان لكل لتر ولكن تتناسون أن محرك أخر يستخرج نفس القوة من لترات أكثر و إقتصادي أكثر.. بالعقل تختار أيهما؟
أعطيتك جسم سيارة ومحركين! أحداهما 3 لترات 300 حصان ومسيره 15 ميل لكل جالون والآخر 6 لترات 400 حصان و يحقق لك 17 ميل لكل جالون!
أرجو أن تجيب وبكل بساطة وعقلانية!
وطبعاً سيكون جوابي أنا المحرك الآخر لأنه يحقق لي قوة أكبر و إستهلاك إقتصادي أكثر وعدا ذلك المحرك الثاني أرخص!
ليس مهماً كيف تصل المهم أن تصل! ليس مهماً عندي من كم ليتر ولكن كم يستخرج وكم يستهلك!
بأعطيك مثال أكثر فظاعة! محرك 3.5 في الماليبو 2005 يستهلك وقود أقل(حط ألف خط تحت أقل) من محرك الماكسيما 3 لترات.. وعزم أكثر ولكن أحصنة أقل!
ببساطة أيهما تختار لسيارة عائلية وإقتصادية العزم مع الإستهلاك المنخفض أم الأحصنة مع الإستهلاك المرتفع؟
نعود لمحرك 5.7 هذا المحرك إقتصادي مقارنة بقوته وعزمه وكون محرك 7.4 إقتصادي أكثر (إن كان هذا صحيحاً لأن لم أتعامل مع محركات 454) فهو يعود لأنها ببساطة أقل قوة وعزمها على دورانات منخفضة! ومعروف أنك لازم تحرق بنزين أكثر إذا احتجت تستخرج قوة أكبر!
أرجووووك رد بعقلانية وإذا كنت ترغب في أدلة وإثباتات أنا جاهز ولكن إلىحينها جاوبني كيف محرك S2000 يستهلك وقود أكثر من محرك موستانج V6 وهو طبعاً 3 لترات؟
طبعاً جاوب على ما سبق أيضاً..
أمريكا 2
اليابان صفر
السلام عليكم
هذي قائمة لافضل 10 سيارات اقتصاداً للوقود ......
1. Honda Insight (hybrid-electric, manual) 61/66
2. Toyota Prius (hybrid-electric) 60/51
3. Honda Insight (hybrid-electric, automatic) 57/56
4. Honda Civic Hybrid (automatic, lean burn) 48/47
5. Honda Civic Hybrid (automatic) 47/48
6. Honda Civic Hybrid (manual, lean burn) 46/51
7. Honda Civic Hybrid (manual) 45/51
8. Volkswagen New Beetle/Golf/Jetta (diesel, manual) 38/46
9. Volkswagen Jetta Wagon (diesel, manual) 36/47
10. Honda Civic (manual) 36/44
7 طرازات من هوندا من ضمنها
بس مااشوف سيارة امريكية معاهم
مصدر القائمة هذي من EPA and the U.S. Department of Energy
لاحظ اني جبت مصدر
اليابان 7
أمريكا 0
cruiser2000
25-01-2005, 11:40 AM
:headshak: :headshak: :headshak: :headshak: :headshak: :headshak: :headshak: :headshak:
:headshak: :headshak: :headshak: :headshak: :headshak: :headshak: :headshak: :headshak:
يعني لازم تخلون من الحبة قبة
واحد تكلم عن سيارة معينة الثاني بيعتبرها كأنها سبة موجه له
ياخي والله شي ما يرزى جان الا يارة
ياخي السيارة بتنتهي وقت ما يخلص البترول والكهرباء والماء
وبعدها شو فايدة الكلام
والله شي تافه مثل سيارة
ما صار موضوع صار برنامج "الاتجاه المشاكس" :D
يا حبيبي كل السيارات المذكورة بمحرك هجين أي محرك وقود و محرك كهرباء!
وسعات المحركات لا تزيد عن 2 لتر..
أبيك تجرب محركات بنزين (غير هجينة) وتحطها ضد المحركات الأمريكية ونشوف من بيطلع!
أنا المعلومات اللي جبتها من EPA وتقدر تتحقق منها!
طبعاً إنت ما رديت عليها لكن هربت للسيارات الهجينة..
إلى الآن ما رديت وقلت لي ليش صرفية الكامري أربعة سليندر مثل صرفية الماليبو ستة سلندر وهنا المصدر:
قارنت بين ألتيما 2.5 و كامري 2.4 و ماليبو 3.5
Fuel Economy
*****Malibu LS *** Camry LE *** Altima 2.5 S
City (mpg) 23 ****** 24 ********* 23 - 24
Highway (mpg) 32*** 33 - 34****** 29 - 31
شوف الماليبو مع إنها V6 و 3.5 صرفيتها ما فيها فرق كبير عن الألتيما 2.5 و كامري 2.4! وعدا ذلك فهي أكثر قوة وعزم
هذا الرابط وما أدري بيعمل معاك أو لا؟
http://autos.msn.com/research/compare/default.aspx?src=compare&c=0&n=3&i=0&tb=0&ph1=t0&ph2=t0&dt=0&v=t99191&v=t99558&v=t98894
وبس عشان ما تقول msn وكلام فاضي! msn تأخذ أرقامها من EPA !!
وهذي مقارنة بين لاندركروزر 4.7 و يوكن 5.3
Land Cruiser 4WD *** Yukon 4WD
City (mpg) 13 **** 15 - 16
Highway (mpg) 17**** 19 - 20
^^^^^^
شايف بعيونك 5.3 حق اليوكن إقتصادي أكثر وأقوى من محرك 4.7 حق تويوتا!
طبعاً ما راح تصدقني شيء متوقع من واحد مثلك.. وراح تتهمني بالحماقة وأن لا أتعلم من أخطائي، إلخ...
عندك msn.com أدخل وتحقق بنفسك وأرقامهم مأخوذة من EPA !!!
هدفي أنا من هالنقاش ليس جعلك تحب السيارات الأمريكية أبداً فأنا لا أهتم لذلك ولا أهتم لك.. ولكن هدفي أن لا تنتقدون ولا تتهجمون على حبنا لها!
هدفي أنا من هالنقاش ليس جعلك تحب السيارات الأمريكية أبداً فأنا لا أهتم لذلك ولا أهتم لك.. ولكن هدفي أن لا تنتقدون ولا تتهجمون على حبنا لها!
__________________________
والحب على بذره
ما فهمت قصدك؟! اكتب عربي
_____
شكلك ما عندك شغل 24 ساعه بالمنتدى
grandv8
25-01-2005, 07:34 PM
السلام عليكم ورحمة الله وبركاته
اخوي حسين
بالنسبة(المشاركة الأصلية بواسطة Imaj
هدفي أنا من هالنقاش ليس جعلك تحب السيارات الأمريكية أبداً فأنا لا أهتم لذلك ولا أهتم لك.. ولكن هدفي أن لا تنتقدون ولا تتهجمون على حبنا لها! )
واضحة ومفهومة والنقاش يكون بالحوار بكل شي وحتى انك متعصب لسيارة معينة.
اخوي ترى بكل شي يكون الرد بالمزح ،ترى المزح يكون مرات فيها زعل.
شكرا لكم اخواني
سياف : خلصنا الجامعة وبأنشب لكم>>> فاضيييين :D
grandv8 : لازم الواحد يكون عنده هدف للنقاش، هدفي واضح.. الأرقام والجدال هذا كله فقط عشان لا يأتي أحد ويتهجم على السيارات الأمريكية ويصف مشتريها بالنفاق(حصل هذا من قبل في سوالف)..
Dentist
25-01-2005, 10:23 PM
أنا معاي سيارة ياباني
الياباني 25 :knight: :knight: :knight:
االامريكي 0
:D :D :D :D :D :D :D :D
أقول ما كأن الموضوع انقلب فوق تحت
الله يهديك يا Imaj انت السبب :D
grandv8
25-01-2005, 10:42 PM
السلام عليكم ورحمة الله وبركاته
Imaj
لا يأتي أحد ويتهجم على السيارات الأمريكية ويصف مشتريها بالنفاق(حصل هذا من قبل في سوالف)..
اخي الكريم لااحد يتهجم على احد الا واحد يحب يسوي بلبلة بالموضوع ،مواضيع كثيرة ماله داعي تدخل فيها نقاش لايترتب عليه اي شي من الردود.
والتهجم مب شرط انه امريكي ولا ياباني ولا الماني ولاانجليزي ولاكوري.
كل واحد الي يحب شغله مب شرط انه لازم كل واحد يحبه غصب.
يعني كل واحد له سوقه ومشتراها ،وانت بتكون خسران اذا كنت بجادل على شي مايخلص ،
اما شركات السيارات ماتخسر بالعكس وهي ربحانة وهم يضحكون عليك بعد.
والي قبل صار تحول وننساه ونحول نفتح صفحة جديدة ونحن نبغي المستقبل والماضي راح بماضيه وانتهى ومابقى الاذكرى.
وان شاء الله هي مواضيع بالمناقشة نتقبل به بصدر رحب كبير.
جزاك الله خير
اخوك
محمد
oil_HKS_lio
26-01-2005, 10:25 AM
اشكرك محمد
اشوف الدنيا قايمه فوق تحت مساكين الامريكي
مؤيد اف1
26-01-2005, 07:28 PM
شي طبيعي تتحمل السياره لهادرجه للاسباب التاليه..
الجو باين ان عندهم بااااااااااارد مره..وهذا اكثر عامل اثر..
السياره فيها زيت والزيت يعمل مثل الطبقه على الجدار الداخلي للمكينه يعني الماي ماراح ياثر فيها..ومع الحراره الماي يتبخر مثل ماشفتو في آخر الفيديو..
ولما يحط الماي داخل كانه المكينه (خالطه) واعرف ناس بخيلين ومو متهمين في السياره حتى الزيت مايعرفوه سياراتهم تخلط ويمشو عليها وهي خالطه في (الصييييييف) ومكاينهم ماقالت شي (شفر) بس الي حصل لان السياره تخلط بعد فتره قليله (القطع مستعمله وورش معفنه) صارت السيارات تحرق زيت على خفيف..وبعد كم سنه طقت :banana:
والمفروض الشفر تقدر تمشي على مكاينه وهي مبوشه(مشبره) اقل شي سنه اذا كنت تهتم بمستوى الزيت..
الي خلى مكينة السفك تطق انها حرقت الزيت كله مابقى الا الماي وتبخر كله وزادت الحراره بشكل كبير وتعرفو ويش يصير في الحديد لما يحتر(يتمدد وزيد الاحتكاك)
يعني لو الجو حاااااار عندهم كان طقت من اول الفيديو :eek:
تقبلو تحياتي
King 4x4
27-01-2005, 12:57 AM
أها عشان الجو عندهم برد بس طولت المكينه.
أموووووووت على التحليل.
وتراها ما طقت المكينه دقق في النهايه دقوها سلف و اشتغلت و بيكملون المشوار (انتظروا الجزء الثاني).
وعلى كلمه ان فيه مكاين شفر ما يهتمون فيها أصحابها.
مين اللي قال لهم ما تهتمون ؟؟؟
وياما شفت راعين دداسن ما يغيرون زيت من أول ما يطلعون السياره من الوكاله و كله زيده اذا نقص و كملت سياراتهم فوق ال400 ألف كيلو. :m:
مؤيد اف1
27-01-2005, 04:04 AM
اجل الحراره مالها دخل ؟؟؟؟
بتقول لي بتكون حراره المكينه في جونا الحار مثل الحراره عندهم في الجو البارد..؟
والمكينه اصلا ماتطق الا لما يكون فيها احتكاك اكثر من اللازم والاحتكاك يولد حراره..ومع الحراره المكينه تطق مادام مافي حراره قويه على المكينه ماراح تطق :sss:
King 4x4
28-01-2005, 02:37 PM
زين ياخي.
انت قلتها اذا ما كان فيه احتكاك. :D
السياره حاطين فيها مويه :bomb:
أنواع الاحتكاك :blink:
ولازم تشنبر لأن المويه بيلعب في الرنقات حقت البساتم. :smart:
ولا فيه أي نوع تبريد للمكينه شوف كيف المويه قاعده تتبخر من المكينه في النهايه تقول نافوره مويه متبخره :m:
مؤيد اف1
28-01-2005, 06:32 PM
فيها زيت في الاصل حتى لو اختلط الماي وياه :D
البخار هذا يطلع من داخل المكينه من غطا الزيت لان آخر شي ماركبه مع حرارة المكينه تبخر
صحيح في احتكاك قوي بس فيها زيت حتى لو كان قليل ..اتوقع الزيت اكثر من الماي والماي يصير فوق الزيت في الكارتير واذا السياره تسحب الزيت من تحت خلاص السياره وصلها زيت كافي :D
ماعدا في نهاية المقطع السياره اعتمدت على الماي في تبريد البساتن :D لان خلاص الزيت انحاش من المكينه على الدورات العاليه والحراره..رغم ان بروده الجو اثرت واجد والسياره مكينتها مكشوفه :think:
بصراحة .. وفي هذه الأيام .. أنا أعتقد أن السيارات الأمريكية .. أكثر ردائة من الكورية .. والياباني أفضل بكثير من الأمريكي .. ومتطور عنه بمراحل.
فأنا أقول للي يدافع عن السيارات الأمريكية ... الله يفتح علينا وعليك .. وإلا ما يجي يوم وتفهم كلامنا ... وبعدين وش جاب الماليبو .. للكامري والا الألتيما .. إذا من ناحية الإقتصاد في الوقود ... جرب وخل عنك كلام الجرايد .. وبتعرف من الأقتصادي .. ومن ناحية الجودة .. أنت عارف إنها السيارات الأمريكية تتكسر بعد أسبوع من شرائها .
وبين البايع والشاري .. يفتح الله
تحياتي ... KeN
Mitsubishi Luver
bugatti veyron
29-01-2005, 10:49 PM
ما تحكي هن التحمل بالذات ما يطلعلطك تحكي السيارة الياباني تقعد سنة وسلامتك وتعيش شطببب
أخوي Bugatti veyron لو تلاحظ ... أنا أتكلم عن السيارات الأمريكية .. وماتكلمت على الألمانية .. لأن السيارات الألمانية .. شي ثاني .. بمعنى .. إن الألمان ما يحطون يدهم في شي إلا ويبدعون فيه .. وإذا كنت منحاز للسيارات الألمانية .. فأنا أكثر منك .. أنا ألماني قلباً وقالباً ... لكن مو نـــــــــازي :) .
على العموم تظل السيارة الأمريكية .. رديئة .. مهما حصل .. وكلٍ ينام على الجنب اللي يريحه.
وسلامتكم
oil_HKS_lio
31-01-2005, 08:41 AM
بصراحة .. وفي هذه الأيام .. أنا أعتقد أن السيارات الأمريكية .. أكثر ردائة من الكورية .. والياباني أفضل بكثير من الأمريكي .. ومتطور عنه بمراحل.
فأنا أقول للي يدافع عن السيارات الأمريكية ... الله يفتح علينا وعليك .. وإلا ما يجي يوم وتفهم كلامنا ... وبعدين وش جاب الماليبو .. للكامري والا الألتيما .. إذا من ناحية الإقتصاد في الوقود ... جرب وخل عنك كلام الجرايد .. وبتعرف من الأقتصادي .. ومن ناحية الجودة .. أنت عارف إنها السيارات الأمريكية تتكسر بعد أسبوع من شرائها .
وبين البايع والشاري .. يفتح الله
تحياتي ... KeN
Mitsubishi Luver
KeN انا اشهد انها سياره تتفكك وتتكسر
قسم بالله ابوي من شرى السوبر 2004 جلسنا سبوعين او بلكثير 3 اسابيع فيه قطع بلاستك تكسرت تحت الكرسي
خامه البلاستك ردييييييئه كئنه صطل مويه اقسم بالله اني ماطنز ولا قصدي تهجم بس هاذا الي شفته بعيوني
زين انا ساكنين في الدمام ودايم السياره في الكراج واذا رحنا الاحساء تقوف في الشمس تقريبا يومين او بلكثير 3 ايام حرم بالله ما اخذنا 3 شهور من طلعنها من الوكاله الا قطعه البلاستك الي عند الراكب ذابت من الشمس لو ماكان عندنا كراج ايش صار في السياره؟؟؟؟؟؟
خبير نيسان
03-02-2005, 12:55 PM
السلام عليكم ورحمه الله وبركاته
ايمج جنرال موتورز مليون مره استدعت سياراتهه الا استكثرت مره على النيسان
غير البيئم ومشاكل المرسيدس في الكهرباء وغيرها الا جيت لمره استدعت نيسان سيارتها تيتان
الامريكي مايتحمل حراااق وانت قلت جوده كاديلاك وانا اقول جوده كاديلاك في الارض ولد
عمي عنده وحده واسمها CTS دمااااااار ما تتحمل تخميس {تفحيط} على طول انكسر قيرها
السياره موديل 2004 وانا مجرب لكسز اقوى بـ1000 مره
سياره جديده يخترب قيرها اكو النياسين موديل 83 كله تخميس ولا يتاثر القير الا هذي ؟
واتقول جوده نيسان تقل لا بالعكس يقول المثل كل شيئ زاد عن حده انقلب ضده والشفر
زاد عن حده في الاستدعائات