View Full Version : ماهو رأيك في سيارة سكودا
Maxima_2001
10-01-2005, 03:27 AM
ماهو رأيك في سيارة سكودا
وهل تنصح بالديزل أو البانزين
Super SS
10-01-2005, 05:07 AM
السلام عليكم
انا جربت سكودا اوكتافيا (بنزين 2.0) بصراحة سيارة
ثبات على الطريق
وقوة
وهيكل قوي
وهدوء
وسريعة التجاوب
وغيرها الكثير..........ز
ما بالنسبة للبنزين او الديزل
من المعروف ان الديزل ارخص من البنزين
واقل في الاستهلاك
ولكن فلتر الديزل يجب تغييره كل فترة قصيرة
واذا ما في فرق خذ بنزين
وهذا رايي
وانت على راحتك:rolleyes:
JUST CORVETTE
10-01-2005, 05:38 AM
السلام عليكم ورحمة الله وبركاته
مثل الي فوقي :rolleyes: ^^^^ :D :D
اولا لانك تركب سياره المانيه ( محرك وشاسيه وكل شئ فولكس فاجن :cool: )
والسياره اكثر من رائعه فعلا
mustang cobra
10-01-2005, 09:42 AM
سياره حلوه ولكن الوكاله ماعرفت تسوقها عدل والصيانه لك عليها
TerroRx7
10-01-2005, 10:28 AM
جربت سوبيرب ديزل 1.9 تيربو قير عادي
عزمها ما شاء الله حلو :D كأنه قريب من عزم الليون :D
و تصميمها من داخل و برا ممتاز و البلاستيك في الداخل قوي
بالنسبه للصيانه ما ادري عنهم
لاني حتى سيارتي الليون ( ماشيه حول ال80 الف ) ما دخلتها الصيانه الا مرتين او ثلاث :D
عندهم عرض حلو هو انك تدفع مبلغ زياده و يعطوك ضمان لمده 5 سنوات او 500 الف كيلو
عيبها الشرعي اذا جيت تبيعها بعدين ما لها قيمه في السوق
بس اذا ما كنت ناوي تبيع فكر فيها
سياره عمليه واقتصاديه
بس المشكله الصياااانه زفت
يخربونلك السياره مايصلحونها:anger:
TerroRx7
10-01-2005, 10:58 AM
:D
البريطاني الدب اللي في الصيانه حبوب :D
بس نسيت وش اسمه :D
:D
Trans-Am RAMAIR
10-01-2005, 11:38 AM
انا اشوفها حلوه و منتشره بشكل حلو عندنه
عموما اهي من الشركات الي انرزت من بعد ماشرتها اودي (فولكس) مثل ليمبورقيني و سيات و الحين سكودا و باجر ميزراتي:D و سكودا شركه تشيكيه مو المانيه.
و تتوفر فيها مواصفات قويه بالنسبه لسعرها.
ES 300
10-01-2005, 12:10 PM
عندنا سيارتين سوبرب superb سكودا 2004 ... وكلهم ديزل ..
تخيل السياره تعبيها بـ22 ريال تمشيك داخل المدينه حول الـ700 واذا راعي خطوط بتمشيك السياره بالراحه 900 كيلو مقابل 22 ريال ديزل فقط .. !!!
باقي الأمور ما جربناها من وكاله لان تونا شارين السيارتين .. انصحك فيها وبقوه اذا تحب الشكل الممتاز والصرفيه القليله خذ لك سوبرب ديزل .. :banana:
http://www.skoda-auto.com/NR/rdonlyres/803000EC-0DF9-4FF2-BD1A-0CFE7DB852A3/0/gallery03.jpg
Maxima_2001
10-01-2005, 02:00 PM
الله يجزاكم خير جميع
اذا كانت ديزل هل صوت المكينه قوي ومزعج؟
ومالفرق بين اوكتافيا و سوبرب؟
ES 300
10-01-2005, 04:43 PM
هلا اخوي مكسيما ...
صوت المكينه ما اكذب عليك فيه فرق عن البانزين ... يعني بيبين واضح ان المكينه ديزل للي يسمع صوتها ... بس ما يصل الي مرحله الازعاج عادي ...
اما الفرق بين الأوكتافيا والسوبرب فرق بالشكل كامل لانهم سيارتين مختلفه ... وتعتبر السوبرب قمه سيارات سكودا الصالون وهي الأفضل
لكن سوبرب تحصل التجهيزات الداخليه للديزل اقل شي دائما وايضا اذا كنت بتاخذها اوكتافيا بتحصلها اقل شي يعني مافي امور ثانويه كثيره والي عندنا قير عادي .. بس ما ادري هل يتوفر ديزل توماتيك ؟؟ يبغالك تسأل بنفسك ..
وبالنهاية السوبرب اغلى من الأوكتافيا .. وبتحصل السوبرب تقريبا بـ79 الف او بهالحدود .. الأوكتافيا ما عندي خلفيه عن سعرها بس اكيد اقل ..
انشالله ما طولت عليك وتحياتي ..
Maxima_2001
10-01-2005, 06:19 PM
ES 300
الله يجزاك خير
.
.
.
.
.
.
.
.
.
نريد رأي الجميع في هذه السياره
sayedco
10-01-2005, 06:38 PM
شباب ممكن أسعار السيارة السوبيرب
لأني شكلي ناوي على السوبيرب الديزل لأنه ما يصرف وايد
بس إذا حصلت مع التجهيزات فل كامل لأنه يقولون تجي بدون أي مميزات(الديزل فقط) يعني لو أوبشن بس مادري عن القير هل آخذ عادي أو أوتو لأني أحب العادي بس يقولون مو زين للبيع لأنه محد بياخذه
و اللي عاجبني فيه:
السعر
الصرفية الخارقة للديزل
زينون
تميز!!!أهم شي عندي
جودة الصنع
الأمان
و بعد عناء طويل و بعد تجربة السيارات القوية لمدة 3 أشهر إقتنعت أني لازم أمش بوزي منهم لأن الصرف كثير و ما في فايدة في السرعة (حق الإستعمال العملي) بس حق السباقات هذا شي ثاني!!
سامحوني وايد طلعت من الموضوع
المهم:
*******************
أخي ES300
:
هل السيارة ما فيها مشاكل أو أي شي صغير جداً مو عاجبك؟؟
و هل البودي قوي مثل الأمريكي أو مثل الكورولا (قشر بصل)
***************************
للمعلومية سكودا سيارات شيكوسلوفاكية
(التشيك)
و مشكورين
Maxima_2001
12-01-2005, 02:03 AM
sayedco
للمعلومه
تشيكسلوفاكيا انفلصلت
وأصبحت سلوفاكيا دوله مستقله
والتشيك دوله مستقله
:) :)
Fire_Ball
12-01-2005, 04:49 AM
أولا أريد توجيه الشكر لكل الأعضاء والمشرفين على منتدى سوالف للسيارات, و هذه أول مشاركة لدي .. :banana:
أنا من سوريا وكما يعرف البعض منكم على ما أعتقد أسعار السيارات في سوريا هي من الأعلى في العالم إن لم تكن أعلاها على الإطلاق ( قد تصل الرسوم على بعض السيارات للـ 500 % )
ثانياً بالنسبة لسيارة السكودا أنا أمتلك سيارة سكودا أوكتافيا Octavia 1.6 Elegance Auto
مواصفات السيارة كتالي :
موديل 2002 - 2003
1.6 Liter
8 Valve
Automatic Transmission
اللون فضي
التجهيزات:
فرش قماش Premium أسود و رمادي
ABS
Dual srs Airbags
الفرامل الأمامية ديسكات أما الخلفي طبلات
الجنوط 15 إنش الإطارات bridgestone
الأنوار الأمامية هالوجين Osram Cool Blue إضافي
مساحة زجاج خلفية مع مرذ ماء
مرايا جانبية كهربائية مدفئة
مكيف عالي الفعالية Climatronic
راديو سيدي و كاسيت Symphony 6 CD Changer/8 speakers RDS System
المسجلة موصولة على التليفون و تقطع الموسيقا في حال ورود مكالمات و يمكنك التحدث بدون رفع اليدين لوجود ميكروفونين على جانبي المسجلة ويستفيد الهاتف من هوائي السيارة :D
إضافة لتجاوب الصوت مع سرعة السيارة Gala System لحدود 8 مستويلت للحساسية
المقود إلكترو هيدروليكي
كمبيوتر للرحلات\المسافات المقطوعة\كمية الوقود الكافية\الحرارة الداخلية ضمن السيارة و خارجها\انسبة المختارة :banana:
سنادة لليد اليمنى تحتوي على جيب للنحميل و قابلة للحركة
Gears D 3 2 1
حساسات رجوع للخلف - منبه سمعي فقط -
أحزمة أمان ثلاثية نقاط التثبيت
جهاز إنذار ضد السرقة مع قفل مركزي عن بعد\ مفتاح مشفر
Dead Locks
Antitheft Audio System
عزل صوتي ممتاز - يماثل الموجود في Audi A3 2003 - عن تجربة -
صرفية ممتازة ضمن المدينة و الطرقات المفتوحة - علبة السرعة 4 غيارت أوتوماتيك -
240 - 200 كيلومتر بالتنكة - التنكة 21 ليتر -
كشافات ضباب مدمجة بالأنوار الأمامية
فتحة سقف 3 وضعيات - زجاج فقط من دون فتح - فتح كامل - ميلان من الأمام ونحو الخلف.
تحكم بارتفاع المقود و عمقه كذلك مقد السائق و المجاور له.
زجاج أمامي مرشح للأشعة فوق البنفسجية \ زجاج سيارة غامق
ستارة خلفية يدوية - إضافي -
المحرك : على ذمة ورشة الصيانة 103 حصان :cry1:
هناك موديل 2003 وارد ألمانيا
1.6 Liter
20 Valve
xenon Headlights Low Beam only - Hella Projector Type
Electric Leather Seats with memory up to 3 positions
Heated Seats With Massage
ESP/ABS
16" wheels
Ventilated Front Disk / Rear Disk
Electochrome Merrors
مرشات ماء للأنوار لأمامية
وشكراً
:cool:
السعر !!!!! ما يعادل 32000 دولار !!!!:shock2: :shock2: :cry: :cry:
إذا أردتم صور أبلغوني و سأضعها لكم بس الصور بموبايل ...
Maxima_2001
12-01-2005, 07:29 PM
Fire_Ball
شكراً
مارأيك بالديزل وهل هي مزعجه
Dr cars
14-01-2005, 01:59 PM
سيارة روعة بس مو عملية للخليج بسبب عدم وجود السمة و غلاء قطع الغيار وسوء التسويق من الوكلاء:headshak:
infiniti
14-01-2005, 02:11 PM
للامانه
عندنا سكودا اوكتافيا ديزل موديل 2001 ماشيه تقريبا 170 الف
كلفت صيانتها حتى الان ما يقارب 10 لاف ريال والان تحتاج الى تغيير طرمبه الديزل
تخيلوا كم سعر طرمبه الديزل ؟؟
12000 ريال اثنا عشر الف ريال في وكاله سفاري !!!!!!!!!!!!!!!!
توضيب طرمبه الديزل عند الجفالي لانه وكيل بوش و الطرمبه من صنع بوش يكلف 4600 ريال و تخلص بعد شهر يعني شهر كامل و السياره واقفه على الفاضي.
بالاضافه الى ان السلف خربان و سعره جديد 2700 ريال .
و يمكن نبيع السياره على خرابها او اغير لها مكينه و احولها بنزين الله يخلي SR20DE
infiniti
15-01-2005, 10:03 PM
ابشركم
التيربوا خربان :laugh: و سعره بس 7000 ريال و الدينمو خرب و سعره 4300 ريال بس و التشليح احسن مكان يبيعوا فيه السياره اللي مثل هذي .
والله السياره هذي خساره فيها ريال واحد :cry:
Maxima_2001
21-03-2005, 08:19 PM
مارأيكم بسكودا اوكتيفيا بانزين ؟
السياره حلوه جدا ... لكن هل سريعه التجاوب قصدي الديزل ؟ :smart:
Maxima_2001
22-03-2005, 01:46 PM
ERT
شكرا لك
Maxima_2001
09-04-2006, 12:29 AM
infiniti
الله يعوض عليكم
560SEL
09-04-2006, 02:02 AM
السلام عليكم ورحمة الله وبركاته
أولا أشكر جميع الاعضاء على ابداء آرائهم و لكن انا بقول كلام مختلف
ممكن تمون الحاله استثنائيه و لكن هذا اللي حصل مع واحد من أخوياي
كان معه سكودا أوكتافيا بنزين 1.8 SLX
لو تبي أحلف حلفت
انه دفع عليها أكثر من 30 الف ريال خلال 3 سنوات تصليحات و لا فيه أي فايده
*القزاز يطيح و بكثره يعني كل ما يغير زيت يغير مكاين القزاز معه
*منظم الهواء خرب مرتين في أقل من 3 شهور و سعره 1025 ريال (الله يديم الرخص)
*العكوس غيرها 3 مرات و رجعت خربت
*القير من يوم اشترى السياره و هو يفضي نفسه يعني تعشيقته مضروبه صلحه على الضمان و رجع خرب ثاني
*المكينه خبطت معه ثلاث مرات
*الرديتر غيره مرتين
*فتحة السقف من يوم اشتراها و هي مع كل غسيل للسياره تدخل مويه
و بلاوي الله يبعدنا واياكم عنها
آخرتها الرجال باعها تشليح لان ما وده يورط أحد فيها
تصوروا انه باعها ب 8000 ريال
و قريب صاحبها بيكتب موضوع مفصل عنها و عن التكاليف اللي تكلفها عليها
VW-609
09-04-2006, 03:40 PM
:D
البريطاني الدب اللي في الصيانه حبوب :D
بس نسيت وش اسمه :D
:D
من زمااااااااااااااان شالوه :D
UAE_CLUB
09-04-2006, 04:23 PM
سيارة ممتازة و اقتصادية و تحصل مواصفات ممتازة بالنسبة للسعر...
ومعروف ان سيارات سكودا الديزل هي الأفضل بالقوة و الصرفية... أنا عندي سكودا و السيارة ما ينقصها شي قوق و ثبات و جودة المواد الداخلية ممتازة... و لو تبي سيارة قوية و مصروف قليل خذلك الفابيا VRS بمحرك ديزل توربو 1.9 و 130 حصان.. 0-100 : 7.8...
http://www.skoda.co.uk/skoda3g/content/microsites/fabiavrs/images/2_13.jpg
أبو حسين
09-04-2006, 04:40 PM
الموضوع مغبر..
من سنة وشهرين..
أغلق يا مشرف :p
Abu Omar
09-04-2006, 04:52 PM
السلام عليكم ورحمة الله وبركاته
أولا أشكر جميع الاعضاء على ابداء آرائهم و لكن انا بقول كلام مختلف
ممكن تمون الحاله استثنائيه و لكن هذا اللي حصل مع واحد من أخوياي
كان معه سكودا أوكتافيا بنزين 1.8 SLX
لو تبي أحلف حلفت
انه دفع عليها أكثر من 30 الف ريال خلال 3 سنوات تصليحات و لا فيه أي فايده
*القزاز يطيح و بكثره يعني كل ما يغير زيت يغير مكاين القزاز معه
*منظم الهواء خرب مرتين في أقل من 3 شهور و سعره 1025 ريال (الله يديم الرخص)
*العكوس غيرها 3 مرات و رجعت خربت
*القير من يوم اشترى السياره و هو يفضي نفسه يعني تعشيقته مضروبه صلحه على الضمان و رجع خرب ثاني
*المكينه خبطت معه ثلاث مرات
*الرديتر غيره مرتين
*فتحة السقف من يوم اشتراها و هي مع كل غسيل للسياره تدخل مويه
و بلاوي الله يبعدنا واياكم عنها
آخرتها الرجال باعها تشليح لان ما وده يورط أحد فيها
تصوروا انه باعها ب 8000 ريال
و قريب صاحبها بيكتب موضوع مفصل عنها و عن التكاليف اللي تكلفها عليها
أزيدك من الشعر بيت الجير بوكس دائما يخرب فيها :bomb:
وقد إعترفت سكودا بمشاكل الجير بوكس في الاكتافيا حتى موديلات 2003 أنا أتكلم عن سياره كانت معنا لمدة سنة ونص والحمد لله فكينا منها _ صرفنا عليها أكثر مما أخذنا :ranting:
سبحان الله - كنت أقرأ مجلة What Car الانجليزية وفعلا أكدو على مشكلة الجيربوكس فيها
بالنسبة لوكيلها في السعوديه سيء للغاية :ranting:
بحكم عملي الصيف اللي راح كان عندي شغل في شمال إيطاليا -3 أشهر - أعطونا اكتافيا الجديدة A5 - زي اللي في الصورة فوق بس بنزين - أول ماشفتها استغربت :blink: .. قلت يمكن هذي الجديدة... :m:
لكن عرفت عقب ان السيارة فيرجن اخر من الاكتافيا وينزل في الأسواق الأوربية وشمال أفريقيا بمسمى ( أكتافيا A5) وان الفيرجن الحالي الذي نراه في شوارعنا سيظل ينتج حتى عام 2009 بمسمى تجاري ( اكتافيا A4)
فوجئت حينما رجعت للسعودية انهم نزلو الـ A5 بمحرك ديزل وسموه سوبرب؟؟؟؟ :damp:
ليس هذا فحسب رحت الوكالة وشفتها عندهم وصدمت حينما شفت انهم شالو نص الأوبشنز اللي تنزل في الأسواق الاوربية .... :ranting:
قلت يمكن عشان وكيلنا بالسعودية نصاب حبتين ... لكن للأسف اكتشفت بمرور الأيام أن معظم السيارات الاوربية اللي كنت أشوفها بإيطاليا وسويسرا - تنزل بأسواقنا بنصف الأوبشنز اللي تنزل عندهم _ ماعدا مرسيدس مادري عن الBMW _
الصراحة إذا شفتو السيارات الي تمشي بشوارع اوربا مرررررة نظيفة تلقى السيارة موديل BMW325 موديل 95 تقل توها طالعة من الوكالة ولا الأودي عندهم _ ياعيني_ :eek: الصراحة أصبحت أعشق السيارات اوربية الصنع خاصة الألماني ... المهم
تدرون وش اللي قهرني زود إني سافرت مصر _ بحكم العمل _ وشفت السيارة الأكتافياA5 توها نازلة عندهم بنفس الاوبشن اللي كانت معي بإيطاليا صحيح ان سعرها مررة غالي 180 ألف تقريبا لكن عرفت ان وكيلهم هنا محترم مو زي ناس ....
على فكرة أهم شيء الخدمة بعد البيع هناك يتفننون في إرضاء العميل .. وعندنا بعد يتفننون ...
abn_salman
09-04-2006, 10:13 PM
السلام عليكم ورحمة الله وبركاته
اخوي Maxima_2001 انا ماانصحك فيها
ودخل هالموضوع يفيدك
http://www.swalif.net/sforum1/showthread.php?t=220404