كامريV6 (مزود) VS اكورد(H22a) مزود

[beast2001]

السلام عليكم ورحمة الله وبركاته
كيف حالكم شباب

قبل يومين صارت قومه بيني وبين اكورد عليه مكينة H22a
طبعا انا سيارتي كامري V6 معدله على خفيف, عليها:
اكزوز كامل من الهيدرز
رام اير
بواجي
بدون مكيف
بدون باور ستيرنغ
موسع الثلاجه والثروتل بودي

الاكورد عليها مكينة H22a والتعديلات الي عليها:
اكزوز كامل من الهيدرز
رام اير
بوجي واسلاك رياضيه
شبكة كهرباء MSD
برمجة كمبيوتر
بكرة كرنك

طبعا السيارتين قير عادي

القومه كانت دحدره من سرعة 30 الى مسافة 500 متر

بغيت توقعاتكم عن القومه ,بعدين راح احط لكم النتيجه:think:

[mr_z]

أظن الكامري تطرح لأن تعديلاتك أكثر و لأن سيارتك أخف .

[TOP-SECRET]

الكمبيوتر لو انه موزن صح بيسوي شغل في عزم الاكورد

بس اتوقع الكامري قدام

تحياتي

[بن ممدوح]

الكامري بالراحة قدام ....:banana:

[CAMARO4EVER]

اكورد ... اذا مظبوووط .

[abu_nasser]

اخوان هذي ما يبيلها اذا صاحب الموضوع يقول صارت فيه قومة بيني و بين واحد أكيد هو اللي فايز :D

لذلك انا أقول الكامررري

[Qatif_Altima_Hks]

الاكورد:D

[عاشق الهوندا]

اكيد انت لان مستحيل بتحط موضوع وموترك مطيوف :OO:

[SLR]

دامهم مزودين اثنينهم ماعليهم زود...:D

[DDesigns]

والله انا كنت مره اصور قومه بين اكورد قديم عليه H22a حق واحد من الاعضاء هنا وكان يتقاوم مع كامري قراندي موديل 2000 كلهم قير عادي ...

ما فيه مجال للمقارنه الاكورد راح بعييييييييييييييييييييد يعني اكثر من لمبتين عدنها م=كم مره ومن الزيرو ودحدره كل ه نفس الشيء ..

الرجال تحطم يوم شاف مستوى الكامري مع انها سته سليندر ونشيطه ..

ولكن ما دام الكامري حقتك معدله شوي انا اقول راح تكون معاه بس ما عتقد تطوفه .

[Imaj]

والله صعبة :D

معروف إن مكاين الهوندا أقوى من التويوتا..

لكن الهوندا قديمة..


أعتقد إذا كان اللي يسوق الهوندا جاسم.. فأكيد بتفوز وأعتقد بفرق عمود ونص.. :D

إذا اللي يسوق الهوندا NFS ما أعتقد إنك حتفوز.. :D


إذا ما كانت الهوندا اللي على بالي.. فماحد بيفوز :D


بس برضوه أتوقع الضغط الجوي يلعب دور وكذلك إتجاه الرياح.. ولا ننسى التوقيت المحلي.. فاللي في الشرق حيصل قبل الثاني لأنه في توقيت زمني (فعلي) قبله..




وإذا تبي أي تحليل أخر من HighTimes أنا جاهز :D

[boos_2005]

أتوقع أنا شفت القومة في الكورنيش لليلة الخميس أنت صاحب الكامري الأخضر
وطلعت معا الأكورد البيض 93 كبوت أسود بس أنا شفتك مقدم على الأكورد يعني نطيت عليه نطه جامدة


معا أحترامي للكامري لكن لو الأكورد فيتك صح وعليه أغراض ما رح تطلع في وحدة سوداء
مدري صاحبة من (التركيا أو المنيرة ) هذيك صح جرب معاه وتشوف

:D :D :D :D

[الامير الاحمر]

اتوقع الكامري..

:p

[Leôn]

^^^^
^^^^
^
هع هع هع فضحك


اناقووووول الكاامري :D

:banana:

[FSM]

الكامري....

و ياليت فيه فيديو ...:help:

[bahrainlove]

لوكان الأكورد جديد لكان هو اللي طاف

لكن 93 أكيد تعبان ....

[HaKeM]

اذا كانت الهوندا تبع العضو NFS

فأعتقد القومه لصالح الأكورد

لأنه شفت فيديو لها مع مكس 2004 والفوز لصالح الأكورد


:cool:

[beast2001]

مشكورين شباب على توقعاتكم والله يعطيكم العافيه
ملاحظه:الاكورد الي دست معاها مو حقت العضو NFS

بالنسبه للقومه فهي زي ما قلت كانت دحدره من سرعة 30 الى مسافة 500 متر والنتيجه كانت لصالح الكامري بفرق سيارتين تقريبا

وفي نفس اليوم دست مع اكورد كوبيه اسود عليه مكينة H22a وقير H22a معدل وعليها نفس الاغراض الي على لاكورد الاولى وزياده والنتيجه كانت لصالح الاكورد بفرق سياره

boos_2005
وبالنسبه للاكورد الي في التركيه الي يقولوا عليه كامات انا حاضر ادوس معاه ما عندي مانع بس حسب كلام صاحب السياره يقول ان الموتر مو حق دوس

[TOP-SECRET]

الف مبروك اخوي حسين تستاهل القومه والتويوتا طول عمره قدام:cool:

[beast2001]

TOP-SECRET
Thank you :p

[FSM]

مبروك على الفوز ...


واذا كنت بتطلع قومة خبرنا ... علشان نصور.. ونحط القومة للأعضاء :D

[beast2001]

FSM
الله يبارك فيك
وابشر في القومات الجايه انشاءالله اخبركم علشان التصوير