الكابريس كل كم سنة يتغير ؟

[الشبابي]

السلام عليكم ورحمة الله وبركاته


كيف الحال والاحوال ؟؟
استغربت من احد الموظفين في شركة كاديلاك اخبرني ان الكابرس يتغير كل سنتين وان الشكل الجديد ماهو الا امتداد للقديم ......... هل هذا صحيح ؟؟؟
مع العلم ان الكابريس نزل 2000 وتغير 2004 ... فهل هو يتغير كل 4 سنين وهذا الموظف دايخ ؟؟














اخوكم الشبابي

[FSM]

انا اشوف كل سنه يتغير :D

[X_RaYs]

الموديل الحالي جيل جديد مستقل عن الموديلات اللي قبله ( 2003 ونازل )

بس من جد الله يعين أي واحد يشتري كابرس

والسبب ..

الرويال الشكل الجديد نزل 2004 .. في الموديل اللي بعده ( 2005 ) غيروا الخلفيه خلوها LED .. سمعت انهم حطوله حساسات اماميه .. وغيرها اشياء ثانيه.. تغييرات جوهريه ماهي سهله ..

يعني وش ذنب اللي شرا 2004 ومبسوط فيه على اساس انهم اول موديل في الشكل الجديد وفجأة في السنه اللي بعدها علطول يتغير !!!!

يعني باختصار .. الكابرس واللومينا توقع فأي سنه تتغير اول على الاقل لمسات !!!

[Third Eye]

رد مقتبس من FSM
انا اشوف كل سنه يتغير :D

[المميز]

بسم الله الرحمن الرحيم

أنا أظن كل ما مسكت معهم... يعيني حسب المزاج اذا بغوا يغيرونه غيروه يعني تخاف وأنت جاي تشتريه...

[Dr cars]

أظن يا أخ حسب المزاج و هو يتعدل و يتجمل لكن ما يتغير جذريا إلا كل 8-10 سنوات

[Imaj]

طيب عشان كذا توجد خبرات يمكنك سؤالها..

أنا كان عندي خبر تغييرات 2005 أول لا نزلت دفعة 2004 لكن طبعاً ما كانت عندي كل التفاصيل.. :)

وعشانكم الجيل الجديد حيكون دفعة 2007.. يعني توقعوه نهاية 2006 :)

الجيل الجديد حيكون جديد في كل شيء.. بدءاً من الشاصيه ووصولاً إلى المحرك وناقل الحركة :)

وقد يصنع في أمريكا/أستراليا/بريطانيا/كوريا

يعني مو أكيد حيكون من أسترالياً.. والله أعلم :)

[CL-Class]

ياخي من يوم جا الاسترالي حاس الدنيا حوس...
الله يرضالي على التسعاوي والصوابين :damp:

[GoldMan]

وعليكم السلام ورحمة الله وبركاته ,,

هلا فيك اخوي الشبابي ,, أنا مطلع كابريس 2004 LTZ ,,,
2005 ما غيروا الشكل غيروا المكينة بس ,,,

تحس مخ استرالي ما تدري شلون يفكرون ,,,

على الأقل حطوا زر نضغطه يقفل كل الأبواب ,,, اللى الحين نفتح الدقمة أو الحبة اللي عند السواق عشان تفتح كل الأبواب ,,, والله فشلونا ,, حتى مع الرويال نفس الشيء ,,,

وعلى قولتهم صنعت للخليج والوكيل اللي هنا ليه ما يطلبون منهم هذا الشيء بس ,, محلك سر ,,

ولا حياة لمن تنادي ,,,

وان كان ودك تطلع كابرس اعتقد لو تستنى شوي افضل لك ,, لأن يمكن يغيرون شكله في 2006
أو 2007 عشان ما تندم بعدين على الشكل اللي معك ,,

تحياتي ,,

[الشرقاوي]

رد مقتبس من FSM
انا اشوف كل سنه يتغير :D

[الشبابي]

شكرا على الردود ياشباب ...
اخوي جولدمان ....
الكابريس مثله مثل اي سيارة له عيوب ومميزات ...
اول شي بالنسبة للمحرك فهو نفسه لكن موظفين الوكالة عليهم فلسفة .. المحرك زي ماهو الاهم تلاقيهم معدلين بالاكزهوست سيستم والا بالكمبيوتر وزايدين السيارة حصانين ولعلمك اعتقد ان السيارة بنفس قوتها لم تتغير ...
ازيدك من الشعر بيت الانوار اللي تنور اماكن الاقدام ( الله يكرمكم ) لونها اخضر غبي ... لكن لاننسى ان الكابريس يخدم فئة لامنافس فيها الا الكراون فيكتوريا الشديدة التخلف ...
وان الكابريس فئته السعرية نادرة .. يعني انا ممكن اشتري كامري جي ال 4 سلندر صناعة استرالية للعائلة مثلا فل كامل ب 82 الف ريال وممكن اشتري كابريس ال اس فل بنفس السعر ولكن 8 سلندر واوسع بكثير من الداخل ...
اعتقد ان السيارة تتغير كل 4 سنين تغيير جذري وكل سنة تغييرات بسيطة ....
واعتقد ان التغييرات على موديل 2005 الكثيرة بسبب موجة التجديد والتطوير لدي جنرال موتورز ..










اخوكم الشبابي