وش رايكم في الكابريسv6 2004

[GoldMan]

السلام عليكم ورحمة الله وبركاته ,,,

ودي آخذ رايكم صراحة ,,انا طلعت كابريس قبل فتره 2004 LTZ سلندر 6 ,,

واحس اني استعجلت يوم خذيت 6 سلندر ,, تعرفون كان عندي 8 سلندر وذبحنا البنزين ,,

عشان كذا ما كنت افكر الا بالستة ,, لكن ما دريت انا المكينة والقير تبع لومينا ,,, ومحور الدفرنش بعد

يعني بس الهيكل حق كابريس ,, واللي يقهرك انا ما فيه فرق كثير في السعر 6 آلاف ريال ,,

السيارة عندي من فتره وما واجهت فيها مشاكل ماشيه حوالي 16000 بس أخاف بعدين يكون فيه مشاكل بالقير ,, مع ان الفلبيني اللي شغال في الورشة ,,يقول ان الستة قير كابريس مو قير لومينا ,,

يعني 204 حصان بس تحس ولا شي ,, والحين احتمال ينزل محرك Alloy حصان 230 ,,

ابي اعرف وش رايكم ,,,
:think:

[AMG]

ما دامك خذيتها خلاص توكل على الله ولا توسوس :o

[سنـاري]

اسوأ شيء الواحد ممكن يحس فيه هو الندم بعد شراءه لسيارة جديدة

سيارتك ماشاءالله عليها روعة و صرفيتها جدا ممتازة

و ربنا يعطيك خيرها و يكفيك شرها

سيبك من هذه الهواجيس

و بخصوص الفرق بين المحركات و الجيربوكس مالي خبرة فيه

لكن ما اتوقع انه تكون هناك اي مشكلة ابدا ان شاء الله


على العموم : انت التزم باذكار الصباح و المساء و ادعية الخروج من المنزل و ركوب السيارة و توكل على الله

و ربنا ييسر امرك و يسهل طريقك يارب

:p

[RED Chevy]

رد مقتبس من AMG
ما دامك خذيتها خلاص توكل على الله ولا توسوس :o

والموتر 100% ولاتفكر بالمشاكل لأن اللي صنع السته صنع ال8:D

المكاين والقيور كلهاةتجي من أمريكا يعني كله واحد وماقط سمعت حد يشتكي من ال6 سواء لومينا أو كابرس من معارفي:p

[corvette indiana police]

^
^
^
تقصد من استراليا :D

[RED Chevy]

رد مقتبس من corvette indiana police
^
^
^
تقصد من استراليا :D

من أمريكا:D

[الأنصاري]

مممممممم سيارتك حلوه وجيده خلاص شريتها لاتفكر في شئ ثاني

عندي رفيج عنده نفس سيارتك ومرتاح معاها واجه بعض المشاكل بس تصلحت على الضمان

[CRX]

هلا و غلا


ما اقول الا الله يساعدك على مشاكل السياره و خاصه الوكيل

الله يعطيك خيرها ان شالله

[Super SS]

السيارة حلوة

واحد من ربعنا ماخذ نفس موترك وللحين ما طلعت له مشاكل واخذها من اول دفعه

وبعدين من قال لك ان اللومينا الستة فيها مشكلة قير او ماكينة او دفرنش

ولد خالتي عنده 2001 ومايوم اشتكى منها بالعكس مريحته على الاخر

واخوي وولد اختي وولد خالتي عندهم 2002 ونفس الكلام

وانا عندي 2003 ونفس الكلام

وصاحبي عنده 2004 ونفس الكلام بعد............ز


والله يعطيك خيرها ويكفيك شرها


:black: :black: :black:
:black: :black:
:black:

Super SS

[Porsche GT2]

أولاً الله يعطيك خيرها ويكفيك شرها ..

وماشاءالله موترك حلو وفخم ..

واحد من اخوياي معاه 6 سلندر 2002 وماشي معاه زي الحلاوة وما اشتكى منه الحمدالله ..


الله أعلم يمكن ربي هداك لذالموتر عشان تبعد عن السرعة .. وعسى ان تكرهوا شيئاً وهو خير لكم ..


توكل على الله وابعد عن الوساوس ..


تحياتي لك ..

[GoldMan]

مشكورين أخواني كلكم على الردود الطيبة وما قصرتوا ,,

وزي ما قال الأخ Porsche GT2 ,, الله هداني لهذا الموتر عشان ابعد عن السرعة ,,

ومع ان 204 حصان تعتبر نوعاً ما قليلة ,,,لو زيادة قوة العزم 305 كان ودي لو هي أكثر ,,

بس انا مقتنع بالسيارة الحمد لله ,, ومشكورين على الردود مرة ثانية ,

والأخ corvette indiana police ,, ترا القير والمكينة كلها من امريكا بس تصميم السيارة في استراليا ,,


تحياتي للجميع ,,