استشاره ......ابيع ولا لا !!!!!!!!!

[أمير أبوظبي]

بسم الله الرحمن الرحيم
السلام عليكم ورحمة الله وبركاته

انا ناوي ابيع سيارتي ... LS 430 موديل 2003
ماشيه 40000 كيلو وحالتها ممتازه
حتى قراطيس الوكاله فيها
لونها أبيض لؤلؤي

وعطوني فيها 170000 الف درهم .. شورايكم ابيع ولا ... :think:

[Dentist]

إذا سيارتك نظيفة واستخدامك الشخصي ومرتاح فيها فليش تبيعها ؟ :blink:


حتى لو جابت لك 190000

تظل انت خسران اذا كنت شاريها جديدة

وفي نفس الوقت هالسيارة ماشالله ممتازة جدا ومركبها فخم ومريح وما بتلاقي بالـ170 اللي بتاخذها مركب نظيف وأفضل منه أبدا



عموما بالنسبه للسعر اشوف انه حق 2002

أسعار الـ2003 من الـ 180000 الى الـ 200000 حسب نظافة السيارة

يعني حتى السعر مايشجع على البيع




وجهة نظر :rolleyes:

[أمير أبوظبي]

كلامك طيب ياخوي .. بس انا ناوي على الانفنتي FX45 ...اذا الله وفق

[© MATCHLESS]

وعليكم السلام ورحمة الله وبركاته

والله السعر نازل شوي

لا يغيب عن بالك ان لونها مطلووب ,, يعني لو جابت لك 190 ممتاز ,,

واذا مزاجك تغيرها وملزم تبيع ,, فلا تبيع باقل من 180 :cool:


واهنيك على اختيارك للانفنتي ,,

سياره قليله في السوق ,, وبتحس فيها بالتميّز :)

[خبير نيسان]

قراطيس الوكاله فيها واتبيعها بهالسعر
لاااااااااااااااااااااااااا اتبيع خل يجي واحد بسعر اعلى

[أمير أبوظبي]

هلا بوغاده ...

معاك حق السياره مميزه .

. انا رحت الوكاله وسالتهم عن السياره ..وقال لي مندوب المبيعات .. انهم يستوردونها من امريكا على دفعات .. كل مره 10 سيارات .....

حتى انهم يبيعونها بدون ضمان :)

[الأنصاري]

السيارة تجيب اكثر بيعها على صديقو لاتبيها على معرض

هو يشتريها 170

وبيعها ب190

وترى سيارتك لكزس مو اي سيارة تمسك قيمتها لو ايش

[RED Chevy]

مثل ماقالوا الشباب تجيب لك سعر أحسن:p

لاتتسرع:cool:

[Dr cars]

أقل شئ يا أخ أمير أبوظبي 180000 ..أقل يعني خسارة:headshak:

[HAMANN.de]

والله اخوي انا ماعندي خبره عن الكزس لان اهتمامي في الالماني فقط يمكن مثل ماقالوا الشباب سعرها نازل شوي بس المشكله احيانا تصنف على تغير السياره وتظرب في بالك سياره ثانيه والناتج
1- بتبقى السياره الجديده في خاطرك
2- واذا كان فيك هالطبع مثلى انك بعد ماتتعلق في سياره جديده تكره السياره الي معاك مهما كان مديلها ونوعها

ونصيحتي لك سو اللي انت مقتنع فيه واللي يريحك

[TOP-SECRET]

والله اخوي انا انصحك تصبر شوي واتوقع تجيب لك 190 او 195 خاصه انها لكزس مش اي سياره والسوق مرتفع والكل يبيها وهي مثل الجيك في جيبك الغالي انت لو تصبر اتوقع تجيب لك سعر افضل بعشره او 15 الف درهم

على العموم اختيارك مميز للإنفنتي ومميز وانصحك تصبر عليها:)

[بن ممدوح]

170000 سعر نازل شوي اصبر بتجيب لك اكثر
والانفنتي FX45 حلوة واختيار موفق انشاءالله

[Dentist]

ونعم الاختيار أمير ابوظبي


اذا كذا معاك حق والله


وييستاهل تخسر في الـLS كم ألف

وبتعوضهم لما تركب الـFX وتحس بالتميز والهيبة اللي يفرضها هالتحفة



وبالتوفيق


الا على فكره بكم قالولك يجيبونه ؟

[Saleen_UAE]

السلام عليكم ورحمة الله وبركاته

هلا أمير أبوظبي

أمنوه عطاك السعر هذا؟؟

أذا بتبيع 170 أن بشتري تراني :rolleyes:


تحياتي لك

[أمير أبوظبي]

خبير نيسان

الأنصاري
RED Chevy
Dr cars
HAMANN 5.0
TOP-SECRET
بن ممدوح
Dentist

شكرا علىمروركم ونصيحتكم ... بس الاسعار ماتشجع .. احسن سعر لقيته 170000 درهم ....

قررت أجل عمليه البيع شوي ....

Saleen_UAE
اذا قررت ابيعها 170000 درهم .. بتكون من نصيبك الغالي ... بس في الوقت الحالي ... ما أعتقد ابيعها ....

تحياتي :)