محركات الـ low pressure

[bashar_255]

السلام عليكم ورحمة الله وبركاته

حبيت اكتب لكم موضوع تقني نستفيد به شوي بعد قناعتي الشديدة ان مواضيع المقارنات قام يحسبها الأعضاء إهانة شخصية يعني المفروض يا اعضاء قسم السيارات ما تتكلمو بالسيارات عشان ما تؤدو الى هواش!!

فبنتكلم عن المكاين اليوم يعني مهي بمشكلة اللي مو عاجبتنه السيارات ممكن يشتر مكينة و يحطها بالغرفة و كذا كفينا للمؤمنين شر القتال ...

الموضوع :

- هل كل المكائن تحتاج الى ان انزل ضغطها لما أجي اركب عليها شاحن هوائي ؟
- ايش القطع اللي راح تتبدل أو تتغير اذا ما تحتاج توضيب ؟
- ايش هي السيارات اللي مكاينها low pressure و كيف اتعرف عليها؟
- لأي حد ممكن تستحمل المكينة الضغط الجديد ؟



محركات الـ low pressure



هذا النوع من المحركات بالعادة تقنيتة توفره الشركات بمحركات الـ 1.6 حتى الـ 2.0 في بعض الأحيان و تكمن ميزة هذا المحرك امكانية تركيب التيربو بدون توضيب المحرك يعني عدم لزوم تغيير بساتن و شنابر و سبايك المحرك الى قطع تستحمل الضغط الجديد الا اذا تعديت الحدود المسموح بها ...

تكلمت مع الإرهابي من قبل على الماسنجر و قلت له انه فيه احد قال لي ان التيربو يركب على البيجو 1.6 بدون توضيب و طبعاً لصقنا فيه شهادة مجنون رسمي و قعدنا نضحك لاكن السالفة طلعت جد و ترى فكرتها جديده ان تجهز مكينة بكل شئ للتيربو بس بدون قطعة تيربو !!! بريلينت :D

من الشركات اللي لاحظنا وجود هذه المكاين عليها ...

بيجو 307

http://www.kakaku.com/game/report/images/307.jpg

محركات الـ 1.6 و الـ 2.0

مازدا 3 و فورد فوكس 1.6 ( كلاهما نفس المحرك حسب علمي )

http://researchyourcar.com/pictures/Mazda/MAZDA3%2007.jpg
http://www.tuning2003.wz.cz/akce/brno-jaro/ford-focus-02.jpg

سبيكة تيرسل !!! :shock2:

http://memimage.cardomain.net/member_images/2/web/554000-554999/554747_59_full.jpg

http://www.cardomain.com/memberpage/554747

و الكثير من المحركات مثل بعض محركات فلكس و محرك فورد ايسكب و نيسان بريمرا و غيرها ...

هذي المكاين لما تم صنعها حطو سياسة الأفتر ماركت تبعها بحيث ان يكون استعمالها ذو حدين ( سيارة بدون عزم تقطع من الصفر للمئة في حدود الـ 10 الى 14 ثانية أو انك تحلها بتيربو سستم رخيص من الشركة أو شركة تزويد تجيب سارات قوية بالراحة ) ...

المهم ...

كيف اعرف انا ان السيارة لو برشر مد برشر نورمل :confused:

1. من موقع الشركة نفسها .
2. دليل المستخدم و اللي انا متأكد انه 99% مو مكتوب فيه شي عن الموضوع .
3. فك الراس و النظر الى البستم اذا كان محفور عميق للأسفل مثل ذا فالعملية سالكة ...

http://www.racing4e.com/data/media/17/44563.jpg


أساساً من سواقتك أو استعمالك بالأصح بتحس انها تستحمل ضغط اعلى من كذا و لو تلاحظ ان الفوكس على طول مكربن ويش ما تطلع خطوط !!

ايش الشغلات اللي تتبدل عشان اركب التيربو اصلاً ؟؟

يختلف الموضوع على حسب كل محرك ...

كل محرك مصمم علي شئ و يحتاج لشئ معين بس الشئ المشترك بينهم انك ما راح توضب ..

المحركات المذكورة بتحتاج لقطعة التيربو مع الإنتر كولر مع عطاس الهوا

http://www.racing4e.com/data/media/10/463369_29_full.jpg
http://www.racing4e.com/data/media/12/intercooler.jpg

طب ايش الضغط اللي ممكن اخلي التيربو يعطيه بدون ما يضر المحرك ؟؟

بالنسبة للي أعرف عنه فمحركات البيجو 1.6 و الفوكس و المازدا الـ1.6 أيضاً قادرة للتحمل حتى 14 PSI :shock2:

اما محرك البيجو الـ 2.0 و الفلكس الـ 1.8 و البريمرا الـ2.0 فيتقبلو حتى 9 PSI بشكل طبيعي جداً و كأنها صممت و في بطنها تيربو ( محرك الفلكس الـ 1.8 القديم 98 نفس المكينة هي هي وحدة تجي بتيربو و الأخرى لا لاكن فرق رقم صفر لإسم المحرك :damp: - أكبر دليل على الموضوع - )

نجي لمحركات نسميها محركات الـ MED pressure

مثل البي ام تبعي الـ 325 :D <<<< لازم أجيب طاري البي ام :D

تخيلو معي كيف ان السلندر لما يسبب انفجار بالمحرك ألا يشكل ذلك ضغطاً ؟؟؟

اي بلى نعم :glasses:

و ابشركم يقاس بالـ PSI

ضغط محرك سيارتي يتراوح بين 200 حتى 210 PSI و تستحمل حتى 7 PSI ليستقر ضغط المحرك الى 220 PSI :damp:

لا تسألوني في هذي هذي شركات تزويد و تفهم بالجمع احسن منى و هذي من موقع احدها:o

المهم طبعاً سيارتي انا اخترعت اسم لفئة محركها و صنفتها لحالها بمحركات الـ MED pressure
:D

طب الكت التيربو مالها ايش يحوي؟

لما فتحت الموقع شفت الكت كالتالي :
تيربو

http://www.racing4e.com/data/media/10/463369_29_full.jpg

انتر كولر

http://www.racing4e.com/data/media/12/intercooler.jpg

انجكترات

http://www.racing4e.com/data/media/1/374820_31.jpg

BOValve أو الـ WASTGATE


http://www.racing4e.com/data/media/19/deltagate.jpg

و المبلغ هو 6995.05$ فقط لا غير :D

ثكلتكم الآلهة :anger: !$%@$!@$$

أشتري الكمبيوتر و الإنجكترات من عندهم و الباقي من التشليح ما بتكلفني على بعضها أكثر من 2.500 - 3.000 ريال مع التركيب :corsair:


طبعاً للي يبي يسأل مجرب عندكم واحد إسمه الفني في منتدى السيارات قسم الورشة عنده بريمرا و هذا اللي خلاني أفكر في الموضوع و أبحث فيه لين ما وصلت لهذه النتايج :rolleyes:



أنتظر تعليقاتكم :)


تحياتي ،،،

[Imaj]

أنا من شفت الشغلة ما فيها مكاين GM ما قريت الموضوع..

ايش رايك بالـ LT

يركب فيها تيربو؟ :D

[R32 HPA]

مشكور اخويا على الموضوع الرائع :p

[ZOOM _MPS]

طيب ما عندك فكره محرك المازدا 2,0


يتصنف من ايه نوع



















ZOOM_MPS

:cool: :cool: :cool:

[Crower]

المحركات هاي مش اغلبها تكون في الفئة الصغيرة (4 سلندر) و لكن موجودة في 6 سلندر و 8 سلندر وحتى بعض 12 سلندر....

ثانيا المحركات هاي لم يتم تصنيعها علشان لها الافتر ماركت مثل ما تفضلت عزيزي.... المحركات هاي تصنع لبضعة اسباب.. منها عدم استهلاكها للوقود مقارنة مع الضغط العالي, طول عمر المحرك, هدوء و نعومة المحرك.
تقدر تعرف المحركات هاي بطريقه بسيطه جدا جدا... دايما تسمعون عن نسبة انضغاط المحرك.. مثلا يقولك المحرك الفلاني نسبة ضغطه 10:8:1 او غيره.. باختصار كل ما نزل الرقم هذا كل ما كان المحرك لو بريشر... و كمثال شوفوا الام 5 الجديدة و الهوندا الفيتك تايب لانهم ضغط مرتفع... و شوف الاي55 و اللاندكروزر 8 سلندر كمثال للضغط المنخفض.

[مكيكان]

هههههههههههه عنوان الموضوع ضحكني


في بون شاسع بين pressure و compression
يا عزيزي المحركات اللي ما تجي من بلدها بتيربو او سوبر
اغلبها الضغط فيها 10 و فوق
لاحظ السوبارو و الفلكسويجن 1.8 20 v بخاخ و محركات الهوندا فتيك و غيرها كثير
ضغطها من البدايه عالي و تستخدم انظمه fuel و ignition معقده عشان تقدر تستخدم بنزين كحيان مثل المتواجد في معظم الدول و طبعا تشمل هالاشياء knock sensing و ion sensing اللي توها ساب تطبقه على سياراتها و طبعا الECU يحول لmap او table مختلف تبعا للinput اللي يجيه خصوصا من الwide band O2 sensor الي صارت بعض السيارات تستخدمه من بلدها

و بعدين حتى لو كان ضغطها متوسط شوي
هالمحركات ما صممت للبوست
و لو تشوف الفرق بين محرك السوبرا 2Jz التيربو و اللي مو تيربو على سبيل المثال
بتفهم اللي اتكلم عنه

و من اهم الاشياء
البساتم مصنوعه من مواد خفيفه و ضعيفه يعني شويه صرقعه و البستم يطلع من الشكمان
الذرعان و بلوطها ما تتحمل
السلندرات ما تتحمل
او البلوك يجي فيه sleeves من مواد composit مصممه لتخفيف استهلاك الزيت و اطاله عمر المحرك و تخفيض الضجه و الصوت و لو جيت و حطيت عليه بستم forged أو بوست بيقوم و ياك :banana:
هذا غير عن نظام الزيت و التبريد و البلوف و غيرها

شي اخر
الكمبيوترات مو شرط تتقبل البوست
على سبيل المثال جماعه الGM و من زمان عرفوا يحوسوا في كمبيوترات سياراتهم و ادوات التعديل رخيصه جدا و متوفره
مع ذلك الكمبيوتر اللي جاي على سياره ما فيها بوست من الاصل ما يتقبله لو تطير
فتلاقيهم يجيبوا كمبيوتر رقم 749 من جمس سايكلون او تايفون و يبرمجوه على 8 سلندر و يا دار ما دخلك شر و في ناس وصلوا لل700 حصان مع كمبيوتر سايلكون على 8 سلندر شفر

و ان حصل و تقبلت بوست و صار شي مو طبيعي الكمبيوتر بيدخل في limp mode و تصير السياره ابطأ من السيكل الى ان يروح لحاله او تسوي له ريست او تفصل البطاريه لفتره معينه :eek:

بعدين ان مشى معاك كل شي تمام
لازم تزبط fuel system كامل عندك و بشكل محترف
و الا انصاف الحلول مع التيربو ما تنفع
مثلا ناس كثير يستخدموا FMU على fuel pump و injectors ستوك و يخلوا الboosr referencing ratio حتى الى 1:12 و هذا شي بيعدم لك الpump و الinjectors لإي فتره بسيطه وانت مستانس بعد :sleep:

و لازم تغير البواجي الى بواجي ابرد بكم درجه

بعدين الcylinder pressure تتحكم به عوامل كثيره
مثل الduration و الoverlap في الكامات و الكمبرشن و غيره
و تصورك ان 7 psi بوست ما لها تأثير كبير على ضغط السلندر غلط
لان هذي ال7 psi مع كمبرشن 10 او اكثر بتخليك كل يوم تغير head gaskets
و يمكن مع شويه صرقعه ضغط السلندر بيصير كانه ضغط سلندر ديزل و اما ياكل البستم و البلوف او يفقع لك المكينه كامله

و ان صارت معجزه و شغلت محركك اللي ضغطه فوق ال10 الى 1 مع تيربو او سوبرشارجر و صار كل شي تمام بتلاقي ان القير و العكوس ما تتحمل المصيبه اللي وقعت عليها
you are living on spare time

بعدين يا عزيزي الصور اللي حاطها مغلوطه
البستم هذا فيه dome يعني يرفع الكمبرشن و لا يخفضه
و الBOV شي مختلف تمام عن الwastegate


و من ناحيه التيربوات التشليح
في السعوديه ما اعتقد تحصل لك تيربو تشليح بحجم مناسب لل4 سلندر

don't try to cut costs in such important things


peace

[bashar_255]

بسم الله الرحمن الرحيم

مكيكان :

الأنوع اللي تكلمت عنها مش هي المقصودة بالموضوع :)

فيه انواع كثيرة ممكن يركب عليها تيربو بدون توضيب و لو قريت إفادة كرور بالموضوع ففي حتى الـ 12 سلندر لو برشر و لما تجي تشتري من النت تيربو كت صغير لواحد من الأنواع اللي انا ذكرتها ما راح تشوف قطع خاصة بداخل المحرك و محرك الفلكس اللي ذكرته انا الـ 1.8 تراه 16 V و موجود و متوفر لدينا اذا تبي تعاينه حتى ذكرته بالمديل 98 :D

بالنسبة لمحرك السبيكة 1JZ فهو محرك من شد بلاده ما يعمر بالتيربو اللي فيه فما أنصح أي واحد يفكر يركب على محرك اللكزز اللي يجي 6 LINE تيربو لأنه أصلاً مجهز من الداخل غيييييييييير

اذا كان المحرك من المحركات المذكورة فما راح تعمل لك صرقعة بالبلوف اللي نسميها ديتونيشن (Detonation ) أو الإنفجار العكسي :glasses:

و بالنسبة للصور البستم انا اللي ادري عنه ان اصحاب الزد 300 يخرطو البستم لداخل بفرق بسيط اذا جو يكبرو التيربو عشان ينزلو ضغط المحرك :think:

و الBOV شي مختلف تمام عن الwastegate

انظر للوصلتين أخر سطر من الأولى...

http://images.google.com/images?q=WASTGATE&hl=ar

http://images.google.com/images?q=BOValve&hl=ar


و اذا على التيربو فما مكتوب هنا بصورة التيربو مخصص لكم سلندر :eek:

http://www.racing4e.com/details.php?image_id=61

غاية التيربو انك تضغط هوا يدخل الثروتل بدي بعدها مالك دخل باللي داخل احنا ركبنا تيربو تريلة على RB20 و إذا تبي اسم الشخص انا واثق 100% انك تعرفه :D

تيربو بس أهمشي تعرف كم الضغط اللي يعطيه قص الفلنجه و ركبه على واحد من هالمحركات ...

اذا مو عاجبك ارفع قضية على شركات البي ام و النيسان و البيجو لأن هذول اللي قريت منهم وثائق رسمية من الشركة بالكلام ذا :eek:

اذا عندك تعليق أو اضافة فأنا اتقبل الإنتقاد مش مثل شلنة كارل بنـ....

:D

NO WAR

:p

[bashar_255]

Imaj : ما فيه شي ميكانيكي ما يركب عليه تيربو حتى الدفرنش :eek: <<< الأمريكان شافو سالفة تيربو الدفرنش فاشلة :corsair:

المهم ايش للي تحتاج السيارة عشان تجهز به :cool:


R32 HPA : شكراً على المرور :)

ZOOM _MPS : لا للأسف :(

Crower : أشكرك جداً جداً على لإضافة الحلوة على الموضوع :)

[مكيكان]

ان المحرك يجي من بلاده ضغطه منخفض و انه يركب عليه تيربو هذا شي مختلف
طلعا في علاقه بين البوست و الكمبرشن لكن يجيك محرك الكمبرشن نازل و ضعيف ولا يتقبل بوست
و يجيك محرك الكمبرشن فيه عالي و تحط فيه بوست و انت مستانس
و على سبيل المثال محركات الLS1 و من التجربه ممتازه مع التيربو او السوبرشارجر مع ان الكمبرشن مرتفع نسبيا
حتى محرك الLS6 اللي الكمبرشن فيه قريب من ال10 : 1 حطوا عليه بوست و باستخدام Pump fuel

انا ما تكلمت عن ال1 Jz
راجع ردي و شوف انا وش كاتب
الا اذا كنت ما تفرق بين ال1 و 2
وش جاب طاري اللكزس هنا ؟

اما سالفه الصرقعه حتى لو تجيب محرك مجهز ليتحمل بوست و لاكثر من 1000 حصان و الكمبرشن فيه اقل من 7 ممكن تصير فيه صرقعه و لاسباب كثيره

الخلاصه الكمبرشن القليل ما يعني انه ما بيصير عندك صرقعه

لو تلاحظ الصور اللي حاطها لي من محرك البحث يمكن تقول انهم متشابهين
لكن اللي تسمونه العطاس شي مختلف تماما عن الوستقيت في الوظيفه و مكان التركيب

شي ثاني
انا ما قلت ان التيربو يجي مكتوب عليه 4 سلندر او 6 سلندر
و لا بتصير مثل الهنود اللي تعطيه البارت نمبر و يقول لك ايس سيارا سديق ؟
اولا حدد حجم المحرك و الredline له
ثم حدد هدفك ... كم حصان ؟ و على اي مستوى بوست ؟
بعدين تعرف ان هذا التيربو مناسب او لا

تيربو بس أهمشي تعرف كم الضغط اللي يعطيه قص الفلنجه و ركبه على واحد من هالمحركات ...

معرفه الضغط اللي يعطيك التيربو ما هو مهم ابدا
اهم شي معرفه الضغط مع الflow و pressure ratio و الكفائه
و الاشياء هذي تقدر تطلعها من الcompressor map

مثلا تيربو الRB حقك ممكن يعطيك 30 psi
لكن هل في فرق بين ال30 psi بين تيربو الRB و 30psi من t106

و لو فهمت هالاشياء ما بتستغرب اذا شفت ان تيربو بحجم 76 ملم مثلا يعطي 1100 حصان على محرك سوبرا او سكايلاين بينما يوصل لحده chock line عند 900 حصان على محرك 5.7 لتر

غاية التيربو انك تضغط هوا يدخل الثروتل بدي بعدها مالك دخل باللي داخل
اذا كان هذا فهمك للتيربو
ارجوك اذا ركبتوا تيربو على اي مكينه و طبقتوا هذي النظريه كلمني عشان اجي
من زمان ما شفت مكينه تنفجر من الصرقعه :D :laugh:

[oil_HKS_lio]

اشكرك على الموضوع

[bashar_255]

السلام عليكم ورحمة الله وبركاته

اخوي...

لعل الصور تقنعك ...

تيربو كت للفوكس كامل يبيعوه بدون بساتن !

http://focus.c-f-m.com/ProductImages/pre-turbokit.gif

و هذا طقم كامل للكزز بدون بساتن توني شايفه يدل على ان معلوماتك يبيلها تعديل :rolleyes:

http://www.importperformanceparts.net/imports/fmax_lexus.html

إعذرني ما قريته برد عليك بكره :sleep:

[مكيكان]

رد مقتبس من bashar_255
السلام عليكم ورحمة الله وبركاته

اخوي...

لعل الصور تقنعك ...

تيربو كت للفوكس كامل يبيعوه بدون بساتن !

http://focus.c-f-m.com/ProductImages/pre-turbokit.gif

و هذا طقم كامل للكزز بدون بساتن توني شايفه يدل على ان معلوماتك يبيلها تعديل :rolleyes:

http://www.importperformanceparts.net/imports/fmax_lexus.html

إعذرني ما قريته برد عليك بكره :sleep:

و الله ان امرك عجيب

شوف هذا الموقع
http://www.proturbokits.com/

اذا شفت تيربوكت تبعه بساتم و ذرعان و كرنك قابلني
بعدين على كلامك ما باقي الا يجيبوا لك البساتم و الشنابر حتى تلبيس حق الكراسي و تظليل و معطر للسياره

عزيزي ما عمري شفت شركه تبيع تيربو كت يشمل حتى البساتم و غيرها الا HKS او يمكن انا متخيل

قياسا على كلامك نقدر نقول
ان محرك التيرسل الصغير يتحمل 500 حصان غاز
و انك تقدر تستخدم مضخه البنزين الاصليه الصغيره مع هالغاز كله
لان شركات الغاز لما تبيعه ما تبيع معاه بساتم و مضخه بنزين
حتى قير التيرسل يتحمل 1000 حصان لان شركه الغاز ما ضمنت القير مع بقيه الاغراض

عموما لكل شخص قناعاته الخاصه

و اكرر رجائي لو حصل و ركبتوا تيربو كت على سياره كلمني لاني من زمان ما ضحكت

واحد تيربو كت زياده شطه :eek:

[mr_z]

و الله الموضوع حماس و يا ريت ياشباب تعطونا من خبرتكم وتعلمونا شوي .:blink:

[مكيكان]

رد علي الحين و لا تنحش

[SLR55]

شوي شوي يا مكيكان

ترى الرحال حالته مثل حالتي فا شوي شوي عليه

أنا ماعرف شو الفرق بين الكمبرشن و البرشر

وثانيا هو قصده إذا كانت عندك سيارة لو برشر

تقدر تركبلها تيربو وتمشي عمرك :banana:

بس ما تدر تركب تيربو حجم كبير :help:

هذا إلي فهمته

سلااااااااام

[Crower]

كلام مكيكان صحيح.. معنى ان المحرك لو بريشر مش معناه انه مصمم للتوربو.. بس يقدر يستحمل بوست اكثر (مع توفر جميع العناصر من نظام وقود و كمبيوتر و غيره) , و بعدين مافي توربو كت ينباع مع بساتن و غيره.. هذا يعتمد على الشخص اللي بيعدل سيارته و مافي اصلا توربو كت ينباع مع بساتن و لا حتى مع HKS ,تقدر تركب توربو على محرك هاي برشر بس علشان تروح بوست عالي تحتاج برمجه ممتازه و تحتاج وقود عالي الاوكتين.

[مكيكان]

رد مقتبس من SLR55

وثانيا هو قصده إذا كانت عندك سيارة لو برشر


ما في شي اسمه سياره لو برشر
انتو تتكلموا عن سيارات و لا مضخات مويه :eek:



بعدين ما عمري سمعت عن شركه تصنع سيارات للانتاج التجاري و تحط في بالها وقت التصميم ان المحرك بيتعدل بقطع aftermarket

الا اذا فتحتوا شركه تعتمد على هذا المنطق و بتعطوا ضمان بالرغم من التعديل
انا اول واحد يوميا على بوابه الصيانه :D