سوالف للجميع - وداعا يا سوالف

King 4x4

11-09-2004, 02:17 PM

شباب أنا أعتزمت أترك المنتدى لفتره غير محدده. :cry1:

ولذلك بسبه ردود بعض الأعضاء و عدم المعرفه بأقل آداب الحوار. leep:

واذا الله كتب بنرجع لكم في فتره ثانيه بعد الراس ما يلين شوي :D .

AMG

11-09-2004, 02:20 PM

استهدى بالله وخلك بالمنتدى :black:

king_prelude

11-09-2004, 02:21 PM

ليش أخووووووك خليك أكبر منهم

حلالالالالالالالالالالالالات المنتدى بأعضاءه الممزين

R32 HPA

11-09-2004, 02:23 PM

تعوذ من الشيطان الرجيم وخليك ويانا سوا مستانسين بيك وبمواضيعك :cool:

خليل أبو سمرة

11-09-2004, 02:25 PM

أولا شو الموضوع

ثانيا لو فعلا انت مقرر تترك المنتدى كان ما نزلت هذا الموضوع

لذلك اطرح الموضوع و المشكلة على المشرفين أو على الجميع و انشالله بتلاقي حل لمشكلتك

اسمحلي على صراحتي الزايدة

خليل

NFS

11-09-2004, 02:26 PM

في أمان الله.

إلا أنت فينك ألحين؟

الأنصاري

11-09-2004, 02:28 PM

راجع نفسك ودافع عن قضيتك

ولا تهتم بهذو النوعية الي ماتعرف اداب الحديث

Dreams_Maker

11-09-2004, 02:34 PM

حياك الله...

:D

إلا بسألك...عدلت جدولك ولا لسه :laugh:

بيب

oil_HKS_lio

11-09-2004, 02:44 PM

والله مالومك هنا بعض المخلوقات ماعندهم اداب

يبة هاذي القضايه التافه شنو استفدنا اصلا ماحد بيوصل الى قرارا كل واحد راسه يابس

تدرون وش مستفيدين؟
الاعضاء المتميزين شوي شوي يمشون وهاذي مو اول مره ياما وياما اعضاء مشت والعداد يمشي

اقول تعوذ من بليس واحقر الي قدامك خليه يقول ويصدق حاله

الامير الاحمر

11-09-2004, 03:14 PM

رد مقتبس من oil_HKS_lio
والله مالومك هنا بعض المخلوقات ماعندهم اداب

يبة هاذي القضايه التافه شنو استفدنا اصلا ماحد بيوصل الى قرارا كل واحد راسه يابس

تدرون وش مستفيدين؟
الاعضاء المتميزين شوي شوي يمشون وهاذي مو اول مره ياما وياما اعضاء مشت والعداد يمشي

اقول تعوذ من بليس واحقر الي قدامك خليه يقول ويصدق حاله

TOP-SECRET

11-09-2004, 03:51 PM

لوووووول خربها بوناصر وين يارجال خلك معانا بعدين وين الردود والاعضاء الي ضايقوك؟:think:

اقول استريح بس واترك عنك المهايط:)

الارهابي

11-09-2004, 04:45 PM

الباب يوسع جمل :o

تبغى تطلع اطلع ما احد بيمسكك :D

ولا اقول لك
دقيقه بطلع وياك :D :eek:

TOP-SECRET

11-09-2004, 04:51 PM

:anger: بوحميد حتى انت شالكلام هذا كل واحد يبي يطلع الحين بوناصر عرفنا السبب انت ليش تبي تطلع بعد:anger:

SS_Z06

11-09-2004, 04:54 PM

رد مقتبس من الارهابي
الباب يوسع جمل :o

تبغى تطلع اطلع ما احد بيمسكك :D

ولا اقول لك
دقيقه بطلع وياك :D :eek:

:D بدل ما تهدي الموضوع اتشعللة

Ammaretor

11-09-2004, 04:57 PM

بسم الله الرحمن الرحيم

لو كل واحد عمل ذلك زيك و ساب الحتة الى بيحبها يبقى انت مش هتعد و لا تكمل فى اى حتة!

فى فى كل المكان الكويس و الوحش و انت عضو راجل و نافع و محترم يبقى المفروض تعد يا باشا وتحط صوباعك فى عين الميعجبكش و تسيبك منه :banana:

اخذى الشياطان و اقعد الله يهديك

و تحياتى للجميع

mini s

11-09-2004, 05:01 PM

ياخوي والله مايسير الكلام دا

بس الصراحة معاك حق

في بعض الاعضاء لسانهم طويل وردهم جارح على الواحد

المفروض ياخي ماعجبك الموضوع لاترد وتتفلسف

يالله الله يعين الجميع

لاحول ولاقوة الا بالله

cruiser2000

11-09-2004, 05:53 PM

السلام عليكم ورحمة الله وبركاته

اخوي كنج

واحد كان يمشي فوق الجدار وطاح تدري ليش؟

راسه كبير :D :D
:laugh: :laugh: :laugh: :laugh:

انت ماعليك من هالسوالف

اوكيه الزين وبعدين

قالك انت قليل الادب اوكيه شو صار؟

طاح نصك؟

نقص ضلع من عندك!!!!!!!!!!!

ماصار شي الله يهديك

خلك قوي

نحن وايد ما وصلنا مثل هالكلام

قول الله يسامحك وخلاص

تحياتي لك

اخوك

خالد

CRX

11-09-2004, 07:03 PM

هلا و غلا

الاخ الكريم 4X4 اعتقد ان يجب عليك ان لا تتسرع في اتاخد هدا الحكم الغير مناسب فنحن كاعضاء لمسنا منك كل ما هو مفيد ول تبخل علينا في اي شي نطلبه منك مهما كان الطلب
ولكن ان تاخد الحكم بنفسك و ان تترك المنتدى وذلك لوجود ناس كما قلت لا تعرف الادب ولا تعرف ما هو الاحتترام لان من وجه نظري يا اخي االكريم كل واحد ويعمل بأصله و انت اصلك طيب و معدن كالذهب وليس مجامله او مدح فيك ولكن اعتقد ان الاغلبيه توافني فيما اقول
اخي الكريم انت بذلك تجعل الحقاد ان يشمتو فيك و تجعلهم منتصرين عليك وانا اوفق اخي cruiser2000 و انا احب اظيف من عندي مثل اطبقه في حياتي وهو يا جبل ما يهزك ريح واحب ان اضيف على المثل وهو من تاليفي يا جبل ما يهزك واحد وضيع ولا شنو رايك في كلامي
اعق وهونها وتهون وواستعذ بالشياطن الرجيم
اتمنى لو نشوف وسنوي استفاء على من يريد لوجدت ان نسبه كبيره تريدك معنا و انا اولهم

وشكرا والسموحه على الاطاله

grandv8

11-09-2004, 07:09 PM

السلام عليكم ورحمة الله وبركاته

King 4x4

ماشاء الله الشباب ماخلو شي بقول لك.
اخوي المناقشات بين الشباب ماتخلص ،وخاصة المناقشة على سيارة معينة وخاصة تحبه اكثر.

اما من خلال موضوك ومناقشتك بموضوع شباب--ابي اعرف في اقوه من الsupercars الامريكي--او التعديل الامريكي(ستريت).

كانت ردود عادية ومافي اي منطق خارج عن الادب نالا يمكن اختلاف بالاراء فقط والتعمق والخروج عن الموضوع تارة اخرى.

اخوي انت ماقلت لنا شو السبب عشان افهم وتقول لنا.

تحياتي
:)

King 4x4

11-09-2004, 07:19 PM

مشكورين شباب على الردود و ترى مب أنا الوحيد اللي بينفقد من سوالف بس :cry1:

اللي مخليني أطلع من سوالف هو كثره المواضيع اللي مالها هدف أصلا سوى المشاكل و قله الحياء.

تبغى تتكلم في موضوع حط له شروط و حددها أما انك تعمم وتسوي نفسك فاهم فذا لا.

وبيني و بينكم أنا حولت على المنتديات الأجنبيه لأن أكثر كلامهم نافع مليون مره من كلامنا (تقني أكثر ينفع الواحد في حياته).

و أي واحد في خاطره شيء يقوله لأني أصلا أحترم رأي اللي قدامي و أقدره ولا فيه أي زعل. :cool:

أخوي AMG : يارجال المنتدى مليان مواضيع اما مكرره أو غير بناءه نهائيا و أجزم لك ان متوسط أعمار اللي بالمنتدى من ال16 الى ال17 سنه (ياالله عنده رخصه)

أخوي الارهابي : وش رايك نسوي منتدى واقعي (مكان نجتمع فيه بالجامعه و نضبط أمورنا فيه و لا وش رايك و تراني جهزت الجدول خلاص وهو علم المواد و علم الحركه الحراريه و كم ماده ثانيه و كلهم جنبك في 23 و 24)

أخوي Top Secret : يارجال خلها على ربك أنا كرهت المنتدى لدرجه اني ما قمت أشارك الا قليل بسبت الحزازيات.

أخوي الامبراطور : رغم انه كان فيه شويت حزازايات الا أني أحترم طريقتك بالنقاش لأنك تحترم اللي قدامك (الا اذا خربتها طبعا و لاكن تصير بالنهايه) و بيني بينك كانت وناسه نقاشتنا بحيث اني فهمت شغلات كثيييييير في مواضيع متفرقه من الصناعه العالميه للسيارات و عرفت كل دوله و قوتها في ذا المجال.

شباب الثانين : أنا ما أنزل من قدركم من شيء بس شباب والله ان سوالف طاح من عيني في انحدار مستمر و شباب كثير مخهم نظيف قاموا يطلعون منه و الله يعين.

CL-Class

11-09-2004, 08:10 PM

أخوي الكنق

اذا تركت المنتدى أنا راح أتركه ......... وش قلت ؟؟؟

الأنصاري

11-09-2004, 08:21 PM

خسارة كبيرة جدا :Sad2: :Sad2:

على العموم اتمنالك كل خير وخسارة كبيرة للمنتدى

واتمنى انك تسير على المنتدى من حين الى اخر ترى باكتب مواضيع من الي يحبهم قلبك :D :D

وبنشتاق حق هذا النك الي يمدح الكروزر:D :D

سياف

11-09-2004, 09:29 PM

King 4x4: .... ياخوي إذا دخلت نقاش مع حد .... خذ اللي يعجبك من كلامهم و الباقي قطه بحر ... و في سالفة إن معظم المشاركين في المنتدى من صغار السن أنا معاك فيها .... بس شنسوي لازم نوجهم عشان ما ينحرفون :D .... يالله عاد ياخوي ترى الموضوع ما يستاهل ... عندك مثلاً الإرهابي ... ما يكتب إلا في حالات نادره ... بس لا زال يفيد المنتدى بخبراته وقت الحاجه ...

و الله يعطيكم العافيه

CRX

11-09-2004, 09:35 PM

هلا و غلا

اخ كنج كلامك كله في محله ولكن شنو الحل في اعتقادك يعني مهما قلنا فلن ينفع

على فكره راح اعمل لي منتدى خاص بي وسوف ارسل للكل دعوه لاني اريد مشرفين ذوي خبره في جميع الاقسام <--------------------- قاعد يسوي دعايه بالمجان :D

اتمنى ان ترد في قرارك يا اخي وانسى الماضي وخليه وراء ظهرك يا عم

bashar_255

11-09-2004, 10:52 PM

السلام عليكم ورحمة الله وبركاته

اخوي King 4x4

انا ما اقدر اقول لك اترك المنتدى و لا اقدر اقلك كلامك غلط:help:

بس اذا تحس فيه في المنتدى اطفال ( للأسف بي ام و مرسيدس و لا عندهم اسم الرخصة و لا ربع قيمة ارخص وحدة فيهم ) عندك مواضيع تستاهل خذ عندك مثال ...

انا من الناس اللي ما القى الا موضوعين ثلاث ارد عليهم طول الإسبوع يستاهلون و غير هذول انا مغصب حالي :Sad2:

اذا شفت موضوع يستاهل رد عليه و اذا ما فيه خل رايك لنفسك:rolleyes:

beast2001

11-09-2004, 10:56 PM

:headshak: :headshak: :headshak: :cry1:

TOP-SECRET

12-09-2004, 12:48 AM

يابوناصر شالكلام الي تقوله:anger: تقول ان اكثر اعضاء المنتدى اعمارهم من 16 الى 17 ياخي فيه ناس متزوجين هنا وفيه ناس عندهم عيال وفي ناس انت تعتبر مثل ولدهم وهم الاكثريه في المنتدى ومب بسبب نقاش واحد تترك المنتدى والاخ سي ال الله يهديه بعد بيترك المنتدى يوم تصلحت اوضاع المنتدى وتضبطت كل واحد بيطلع ياخي شالكلام :mad:

بوناصر الوعد في الماسنجر ولا اذا تطلب الموضوع الجوال عندي رقمك بدق لك رنه ماعندي رصيد:mad:

uae speed

12-09-2004, 12:53 AM

الله يحفظك .. :)
سلم لي على المواقع الأجنبيه .. :)

لون الليل

12-09-2004, 01:34 AM

هلا أخوووووووووويKing 4x4

مثل ما يقولون

الكبير كبير

وانته كبير :cool:

ارجوا انك ما تتركنا يالغالي

وماعليك من كلام العذال :D

ERT

12-09-2004, 01:42 AM

:confused: :confused: :confused: :confused:

الله يحفظك اخوي

Trans-Am RAMAIR

12-09-2004, 05:10 AM

السلام عليكم

اخوي King 4x4 ادري انك بتترك المنتدى بسبب موضوعي و ادري ان المقصود بالاطفال الي عمرهم 16 و17 و ما عندهم رخصه اهو انا لاكن ماشي ابلعها لانه في احترام ...لاكن هم اقولك انت ما تعرفني وله تعرف عمري حته وله تعرف انا منو اصلا!! و حته غيرك الي يتخيلون انهم يعرفوني ما يعرفوني عدل وله حته يعرفون اسمي

و اذا على الاسلوب و الحزازيات ياريت توجه الكلام هذا حق روحك...موضوعي(شباب--ابي اعرف في اقوه من الsupercars الامريكي--او التعديل الامريكي(ستريت).) لو اي واحد من الاعضاء الموجودين الحين يروح يقراه من اول شي لي اخر شي راح يشوف ان مافي اي استهزاء او استصغار لاي احد من قبل جميع الاعضاء الي بالموضوع اذا كان في شويه غشمره و ضحك و انت تبي تزعل فهذا شي يخصك و طبيعتك لتقبل الامور.....الحمدلله محد بالموضوع قال حق الثاني يا غبي او ما تفهم او يعايره بجنسيته او اتهم الثاني بالجذب او ان مو امين بمعلوماته بالعكس كل شي واضح كان بالموضوع وخالي من الامور هاذي و حته المعومات الي في كلها صحيحه...

اما اذا تبي مواضيع كان فيها الاستهزاء واصل درجه تفوق قله الادب فتقدر تروح تراجع نقاشاتك انت مع امريتور و الاستهزاء الي اي منك انت مو ياي تتكلم على خلق الله و تسميهم اطفال و ما عندهم رخصه و مو شايف اسلوبك وله في احد يزعل علشان مو قادر يناقش عدل بسيارات و حديد...والله انا لو مكانك استحي انزل الموضوع هذا.....

و رجاء من جميع الاعضاء لحد يقول ما كان يقصدك لانه ذكر الشي هذا بموضوعي

تحياتي

B4_STI

12-09-2004, 05:58 AM

اخوي فكر عدل وانشالله بتغير رايك:cool:

RamAir

12-09-2004, 06:52 AM

والله King 4x4 صادق المنتديات الاجنبية مفيدة مرة فيها (((((صور كثير ))))

اسمحلي اخوي بدال ما تفتخر بأن عندك منتدى مثل سوالف تقول المنتديات الاجنبية اصرف ومفيده بدال ما تفيد الغرب انا اولى انك تفيدنا بخبرتك اذا كان عندك :headshak: :headshak: :headshak:

RED Chevy

12-09-2004, 07:14 AM

وش تتوقع ردي؟

فاهمه أكيد صح....

خلاص مايحتاج أكثر كلام...

grandv8

12-09-2004, 01:11 PM

السلام عليكم ورحمة الله وبركاته

اللومينا العنيد
اخوي الكريم والله هالمواضيع ناقشناه اكثر من مرة ،وانا نزلت موضوع عن احزاب السيارات عشان اتناقش معاهم ويتناقشون معي انا.
وطلعنا بحل يرضي للجميع،لاتخلي اسمه السياره يثير الفتن او المشاكل او التعصب او قلة الحياء بين الاعضاء والاخوان والحبايب على شي اسمه حديد بحديد.

بصراحة والله مااقول غير الله يهديكم ان شاء الله.

واحب اقول لاخونا King 4x4 مافي زعل بين الاخوان ونحن مسلمين واخوان وعلى قلب واحد ويد وحدة وان شاء الله مايفرق بينا اي شي ان شاء الله.

اخواني كل الامور تنحل وتتبسط بالهداوة والكلام الحلو والمقنع.

تحياتي اخواني لكم

grandv8

12-09-2004, 01:11 PM

grandv8

12-09-2004, 01:11 PM

King 4x4

12-09-2004, 05:46 PM

أخوي GrandV8 : أنا أشكرك على اهتمامك بالأعضاء و على حسن نيتك بس لو تراجع الموضوع اللي ذكره لك أخوي اللومينا العنيد بتلاحظ عده نقاط أنا ذكرتها في ثاني مشاركه لي بالموضوع ذكرت فيها شروط النقاش و شوف رد أخوي علي و بتشوف ليش أنا غسلت يدي من سوالف. :blink:

أخوي اللومينا العنيد : أخوي اذا كنت بتناقش بأي نقاش حدد شروط النقاش من أول الى آخر و لا تروح تتكلم في شيء General و للمعلوميه فقط ترى عالم السيارات وسيع و باستطاعه أي شخص لو تكفلت عنده الموارد الصحيحه و التهيئه السليمه انه يطلع مستويات جباره من أي مكينه بالعالم.

أعطيكم بعض الأمثله :

1. بلوك مكينه كامله من التياتنيوم المقوى أو من البلاتينيوم و اللي يخلي المكينه تتحمل ضغوطات غير طبيعيه لدرجه اني شفت أرقام توصل الى ال43 بي أس أي أو حتى 4 بار. :glasses:

2. مكاين سعتها 2 لتر يستخرج منها قوه تزيد عن ال1500 حصان بمساعده شواحن و قد شفت مكاين بدون شواحن (ولكن ذات ضغط كبيييير جدا). :glasses:

أزيد عليك نقطه ان الخبره لها دور في مجال السيارات أكبر بكثير من انك تسمع كلام الصحف و المجلات و تشوف النت.

أبغاك تروح تشوف الReports حقت الشركات من حيث المشاكل اللي واجهتهم خلال تجربه السياره و كيف تم حلها و كيف قاموا بتطوير نفس السياره في ذا المجال.

وترى فيه فرق بين الMass Produced و الCustom Or Fine Tuned ويبين الفرق في المضمار بشكل لا يوصف. (لا تصدق كل ما قالوه في الجرايد و المجلات).

وطبعا نسيت أقول لك انه فيه فرق بين فكر التصنيع في العالم في كل من دول العالم و أذكر لك ثلاث أمثله :

1. الأوربيين :

A. يهمهم :

1. بشكل يفوق المتوسط..
2. توازنها في كل جهاتها من حيث القوه و الفخامه و الثبات..
3. جودتهاعامه.

B. يتجاهلون :

1. السعر اللي يتعدى المتوسط.
2. المشاكل اللي قد تتعرض لها السياره أثناء الاستخدام.

2. الامريكان :

A. يهمهم :

1. السعر المعقول.
2. الفخامه المتوسطه.
3. قوه المكينه اللي تتعدى المتوسط.

B. يتجاهلون :

1. المشاكل اللي قد تتعرض لها السياره أثناء الاستخدام.
2. عدم توازن السياره في كل الجهات (اما قوه عاليه و عدم ثبات أو قوه عاليه بوزن ثقيل).

3. اليابنيين :

A. يهمهم :
1. السعر المعقول.
2. المشاكل اللي قد تتعرض لها السياره أثناء الاستخدام.
3. جودتهاعامه.

B. يتجاهلون :

1. الفخامه.
2. قوه المكينه اللي ما تتعدى المتوسط.

وطبعا في كل فكره تصنيعيه طفرات (تغير) في الاتجاه بحيث نلاحظ ان الأوربيين قاموا يصنعون سيارات معقوله السعر و لكن بجوده مقبوله و اليابانيين قاموا بتصنيع مكاين جباره خلال الفترات اللي فاتت (خلال ال10 سنوات اللي فاتت) و لكن هل الامريكان تغيروا في تفكيرهم ؟؟ هذا السؤال أطرحه لك يا أخوي اللومينا العنيد.

durango

12-09-2004, 05:48 PM

رد مقتبس من AMG
استهدى بالله وخلك بالمنتدى :black:

EMO

King 4x4

12-09-2004, 05:59 PM

أخوي RamAir

اسمح لي أقول لك ان ذا التفكير اللي ذكرته (فيها صور كثير) ياكثره عندنا. :laugh:

بس لو أبغى صور أروح أدور Gogle Images وبس.

أنا اذا جيت أتكلم عن فايده أتكلم عن تجارب ناس و خبرات متنوعه يفيدوني فيها (أنا بأفيد زي ما يفيدون ولا بس أنا أفيدهم ؟؟؟).

يكفيك ان واحد منهم طلب Service Manual لسياره معينه و راح صوره لهم و حطه بالنت (تصور كتاب 800 صفحه و حجم 20 ميجا) يحطه لهم ببلاش على حسابه بالنت ؟؟ (ذولا كفر مب احنا أولى بها ؟).

وقليله فيها المواضيع المقارنات و أكثر كلامهم عن كيفيه حل مشكله معينه و طرق حلها وذا اللي يفيد الواحد. :corsair:

King 4x4

12-09-2004, 06:07 PM

أخوي Top Secret

دقق على نقطه "متوسط".

الحين عرفت ليش تجيب العيد بالرياضيات :laugh:

Trans-Am RAMAIR

13-09-2004, 06:30 AM

السلام عليكم

:) اخوي King 4x4 انا ماعرف المنتديات الاجنبيه الي تدخلها:) لاكن اذا كنت تعتقد ان مستواهم و تفكيرهم بمجال السيارات افضل من المنتديات العربيه فهذا على حسب نظرتك.....

و بعدين النقاشات عندهم اكثر من عندنه بأضعاف المرات و توصل للشتايم اغلب الاحيان يعني عادي تشوفه يقولك--شفيك ما تفهم شنو سكران انت-- يعني ابلعها عندهم عادي او اذا خاطبك بلهجه حلوه يعني ابن ال--- كاتب الموضوع شي حلو الصراحه......لا و تلقه نقاشاتهم تكون بالطريقه التاليه::::

اسم الموضوع::::ميزراتي vs بورش

المحتوى::::انا اليوم شفت قومه بين ميزراتي اخضر و بورش احمر و احنه نعرف ان الميزراتي تسارعه و قوته.......الخ و البورش الجحش تسارعه......الخ.....و تصير هوشه وسب و تمصخر لاكن هم تلقاهم اخوان و حبايب مع بعض!!!!!:D

و طبعا من غير فيديو وله صوره بس كلام و يبي يناقش....!!!!

او تبي مثال على مستواهم ابيك الحين تروح تختار واحد من المنتديات المشهوره و تدخل و حط موضوع مع الفيديو عن السكايلن الاصفر الاماراتي و قومته مع الهايبوسه يعني فيديو و صور و كل شي....و قولهم ان قوته 1000 حصان و شوف ردودهم شلون تمصخر الي يخلونك تفقد اعصابك طبعا شوي يمصخرون بكاتب الموضوع و شوي بالسكايلن و شوي بصاحبه و شوي بديرته يعني كلش اهم فاهمين و محترمين:D

انا ما اقول اغلبهم جذي لاكن مستواهم بالنقاش منحط و نقاشاتهم كثيره و من غير اي دليل او معنى و طبعا بينهم ناس خبره و فاهمين و تحس انهم ناس واصله بالسيارات و يحللون الاخبار و القومات و البرامج التلفزونيه مثل توب قير و موتر تريند بشكل مو طبيعي:) و احنه طبعا ما نقصر نروح ناخذ منهم و اني يعني فاهمين لوووووول:D

و هذار رابط لمنتدى دش و اضحك على نقاشاتهم و خصوصا الي من غير فيديو و معلومات بس مزاج....و كان عندي رابط لموضوع بمنتدى كار اند درايفر يتكلم عن برنامج توب قير والله لو ادشه تلوع جبدك من السب:D

http://www.m5board.com/vbulletin/archive/index.php/f-7

..............

Trans-Am RAMAIR

13-09-2004, 07:52 AM

رد مقتبس من King 4x4
أخوي GrandV8 : أنا أشكرك على اهتمامك بالأعضاء و على حسن نيتك بس لو تراجع الموضوع اللي ذكره لك أخوي اللومينا العنيد بتلاحظ عده نقاط أنا ذكرتها في ثاني مشاركه لي بالموضوع ذكرت فيها شروط النقاش و شوف رد أخوي علي و بتشوف ليش أنا غسلت يدي من سوالف. :blink:

أخوي اللومينا العنيد : أخوي اذا كنت بتناقش بأي نقاش حدد شروط النقاش من أول الى آخر و لا تروح تتكلم في شيء General و للمعلوميه فقط ترى عالم السيارات وسيع و باستطاعه أي شخص لو تكفلت عنده الموارد الصحيحه و التهيئه السليمه انه يطلع مستويات جباره من أي مكينه بالعالم.

أعطيكم بعض الأمثله :

1. بلوك مكينه كامله من التياتنيوم المقوى أو من البلاتينيوم و اللي يخلي المكينه تتحمل ضغوطات غير طبيعيه لدرجه اني شفت أرقام توصل الى ال43 بي أس أي أو حتى 4 بار. :glasses:

2. مكاين سعتها 2 لتر يستخرج منها قوه تزيد عن ال1500 حصان بمساعده شواحن و قد شفت مكاين بدون شواحن (ولكن ذات ضغط كبيييير جدا). :glasses:

أزيد عليك نقطه ان الخبره لها دور في مجال السيارات أكبر بكثير من انك تسمع كلام الصحف و المجلات و تشوف النت.

أبغاك تروح تشوف الReports حقت الشركات من حيث المشاكل اللي واجهتهم خلال تجربه السياره و كيف تم حلها و كيف قاموا بتطوير نفس السياره في ذا المجال.

وترى فيه فرق بين الMass Produced و الCustom Or Fine Tuned ويبين الفرق في المضمار بشكل لا يوصف. (لا تصدق كل ما قالوه في الجرايد و المجلات).

وطبعا نسيت أقول لك انه فيه فرق بين فكر التصنيع في العالم في كل من دول العالم و أذكر لك ثلاث أمثله :

1. الأوربيين :

A. يهمهم :

1. بشكل يفوق المتوسط..
2. توازنها في كل جهاتها من حيث القوه و الفخامه و الثبات..
3. جودتهاعامه.

B. يتجاهلون :

1. السعر اللي يتعدى المتوسط.
2. المشاكل اللي قد تتعرض لها السياره أثناء الاستخدام.

2. الامريكان :

A. يهمهم :

1. السعر المعقول.
2. الفخامه المتوسطه.
3. قوه المكينه اللي تتعدى المتوسط.

B. يتجاهلون :

1. المشاكل اللي قد تتعرض لها السياره أثناء الاستخدام.
2. عدم توازن السياره في كل الجهات (اما قوه عاليه و عدم ثبات أو قوه عاليه بوزن ثقيل).

3. اليابنيين :

A. يهمهم :
1. السعر المعقول.
2. المشاكل اللي قد تتعرض لها السياره أثناء الاستخدام.
3. جودتهاعامه.

B. يتجاهلون :

1. الفخامه.
2. قوه المكينه اللي ما تتعدى المتوسط.

وطبعا في كل فكره تصنيعيه طفرات (تغير) في الاتجاه بحيث نلاحظ ان الأوربيين قاموا يصنعون سيارات معقوله السعر و لكن بجوده مقبوله و اليابانيين قاموا بتصنيع مكاين جباره خلال الفترات اللي فاتت (خلال ال10 سنوات اللي فاتت) و لكن هل الامريكان تغيروا في تفكيرهم ؟؟ هذا السؤال أطرحه لك يا أخوي اللومينا العنيد.

اخوي King 4x4 طبعا الواحد لازم يحدد شروط لاكن ما توصل لدرجه ان تكون من صالحك بشكل كبير ....يعني مالك حق تقولي تعال ناقش بال6 سلندر لانه الصناعه الفلانيه مستواها واصل بال6 سلندر و انا صناعتي واصله بال8 سلندر و العكس صحيح يعني حته انا مالي حق اطلب منك الشي هذا و لهذا السبب يكون النقاش مفتوح لاكن مقيد بفئات معينه يعني سوبركار,gts,كوبيه,صالون, ....الخ يعني مثال بسيط البورش gt2 6 سلندر و الاوستن مارتن فانتج 12 سلندر لاكن نشوفهم بفئه وحده و اهي الsupercars و هذا شي وضعه ناس فاهمه اكثر مني و منك محد فيهم قال سعه او تيربو او عدد سلندرات.او سعر!!!

و اسمحلي اناقشك فبعض الامثله.... اوكي تقول بلوك تيتانيوم و انا معاك ان التيتانيوم ماده قويه و تتحمل وله ما كان انصنع منها بدي الطائرات المقاتله...لاكن خل نشوف سعرها مقارنه مع الذهب راح تشوف الذهب سعره تافه بالنسبه للتيتانيوم....و هذا الي احنه نشوفه بالبوقاتي فيرون 16 سلندر و وضع عليهم 4 شواحن و سعر و اداء كان ممكن يكون افضل لو كان على الاقل بنفس طبيعه محرك المكلارين او الفيراري انزو...يعني شي حلو بس ماينفع

و بعدين الوصول الى انجاز غير مفيد هذا تسميه استعراض عضلات لا اكثر....مثل الي قلت عن مكينه 2 لتر و يستخرجون منها 1500 حصان و شنو الفايده من المكينه هاذي و هل مهم عند استخراج القوه هاذي مثلا صرفيه المحرك؟؟؟ما اعتقد لانه مافي احد محتاج القوه هاذي اصلا اله للسباقات او الدراق و وليش اصلا صناعه محرك تحت الضغط هذا كله؟!! صعبه عليهم مثلا يصنعون محرك بضغط مرتاح و من غير سالفه 2 لتر و 1500 حصان..انت تتوقع مثلا الامريكان او الالمان مو قادرين على عمل الشي هذا؟؟؟ طبعا قادرين على عمل اشياء ما منها فايده اكثر من اليابانين...

انا بقولك قصه قالي لها دكتور اعرفه...كان في شغله مجهريه نسيت اسمها الشغله هاذي تكون مثل جسم مجهري طبعا يتم ادخالها بجسم المريض و يتحكمون فيها من الخارج بواسطه جهاز كمبيوتر يعني تقدر تقول روبورت مجهري و طبعا الشي هذا يعتبر انجــــــــــــــــــاز طبي خطيــــر و ثوره بعالم الطب و بواسطته مثلا يستطيع الجراح تدمير الخلايا السرطانيه او الوصول الى اماكن بالجسم ما كانوا يقدرون الوصول لها بالمنظار مثلا....الي اخترع الروبرت هذا على ما اذكر دكتور الماني و طبعا من بعدها قامت البحوثات بعده دول و من بينها اليابان...اليابانين استطاعوا اول مره عمل الروبرت على شكل اسطوانه و اعتبروا هذا انجاز عظيم بأنهم قدروا يشكلون الروبرت المجهري بشكل اسطوانه!! و طبعا تم ارسال عينات من الانجاز هذا لعده جامعات بعده دول و من بينهم المانيا صاحبه الاختراع تعرف خلال فتره قصيره شنو ارسل الالمان لنفس الجامعه اليابانيه المغتره بأنجازها؟؟؟

الله يسلمك ارسلوا لهم نفس الروبرت مالهم الي على شكل اسطوانه لاكن بفرق بسيط و اهو ان مثقوب من الوسط و تم ادخال خيط مجهري بداخل الثقب يعني كأنهم يقولون حق اليابانين هذا الروبرت الي قدرتوا تشكلونه بشكل اسطوانه احنه قدرنه نثقبه و ندخل في خيط مجهري او بمعنى اصح قالولهم ياريت مره ثانيه تسون شي منه فايده...و اخر خبر اكيد مر عليك بالجرايد و اهو نفس الاختراع هذا لاكن اليابانين المره هاذي شكلوه على شكل ثور!!! انا اتوقع ان رد الالمان راح يكون ثور مجهري و بقره و عيالهم!!

و هذا الي تقدر تشوفه بنظام الفتك مثلا من هوندا طبعا نظام صرف عليه الكثير و يمدح بشكل كبير حته للي ما يعرف شنو فتك تلقاه يقول فتك و فتك قوي و فتك احسن محرك.....اوكي انا لي صديقي عنده s2000 اولا شاريه بسعر غالي ب12 الف دينار و الحين سعره واصل 14 الف....اوكي شوفه مثلا لو كان عنده قومه(مطارحه) لازم يرفع الضغط لي rbm 8000 او rbm9000 و انتوا تتوقعون ان هذا هوندا و نظام فتك و لذلك يتحمل الشي هذا لاكن بالحقيقه صاحب السياره متأذي و مثل ما تعرفون هوندا قطع غياره غاليه حيـــــــــل نــــــــــــــــار و اذا احد بيقول السياره سريعه انا اقول سريعه لاكن بفئتها يعني اودي تي تي و بورش بوكستر حته ما يوصل للبوكستر s و اقوه منهم بفرق ملحوظ لاكن بسعره تعرفون شنو اقدر اشتري!!!!!و هل نظام الفتك يعطي الحق لهوندا بعمل محرك 3,2 لتر ويستخرجون من قوه رهيبه اكثر من 350 حصان على الداينو و طبعا المقصود nsx و نشوف سعره يقارب ال30 الف دينار يعني بسعر الفايبر الي يقدملك اداء افضل و حته قطع غيار تقدر تقول على الاقل متوفره عندنه بالكويت صحيح ان سعه مكينته كبيره لاكن من يهتم اذا عنده فايبر بالصرفيه الي دايما تحتجون فيها اكثر من اصحاب السياره نفسها على الاقل اهو مو محتاج يرفع الضغطك لي ال8000 كافي يعطي اداء روعه على ضغط 4600 لاكن اداء متوحش...

و على طاري الصرفيه...حبيت اسئل سؤال و اكيد راح القه الجواب عندك انا الي اعرفه عن التيربو بكل بساطه ان يزيد الاحتراق داخل السلندرات بواسطه ادخال الهواء و طبعا الهواء يزيد الاحتراق..اوكي السؤال الحين و انا عارف جوابه لاني معايش التجربه....الاودي tt في منه ثلاث موديلات للاربعه سلندر اول واحد 4 سلندر 1,8 لتر ويولد 150 حصان و الثاني 4 سلندر 1,8 لتر+تيربو يولد 180 حصان و الثالث 4 سلندر 1,8 لتر+تيربو يولد 225 حصان يعني الي نعرفه ان المحركات وحده لاكن الفرق التيربوات ابي اعرف الحين الصرفيه للموديلات الثلاثه وحده و نفس الصرفيه؟؟؟؟لانه ياخوك اهم نفس السعه و نفس المحرك يعني الي ابي اعرفه هل التيربوات تسبب صرفيه؟؟؟؟

المهم انا جني مصختها بالرد بس شسوي هذا منتدى مو مسنجر!!

تحياتي

NFS

13-09-2004, 05:52 PM

السلام عليكم ورحمة الله وبركاته

Knig 4X4

يحق لك تطلع من المنتدى لانه لا يوجد سبب يخلي الواحد يستمر في الكتابة هنا .

إذا كانت أغلب المواضيع ماهي إلا صور سيارات وردود أغلبها "مشكور ما قصرت" أو " صور حلوة مرة" أو .......... ، فلا يوجد داعي أنك تجلس في هذا المكان.

المشكلة أن أبسط الأسس عن السيارات غير معروفة لدى أغلبية الأعضاء ، لذلك الشخص ليش يضيع وقته هنا إذا كان هدفه البحث عن المعلومة الموثوقة؟

أنا لازلت أعتقد أن المنتديات العربية لم تصل لمرحلة النضج الكافية للأستفادة الكاملة من أمكانيات منتديات الحوار ومنافعها ، وأغلب ما يتم كاتبته إما نقل من أماكن أخرى أو كلام مشابه للـChat.

اللومينا العنيد

تركيز أهتماماتك حول قوة المحرك فقط بأهمال الجوانب الأخرى جعل تفكيرك محدود ، وأصبحت تنظر إلى السيارات بمنظور التسارع فقط.

صاحبك الذي يملك الـs2000 أخطأ في شراء السيارة ، تعرف لماذا؟ لأن السيارة مخصصة لحلبة السباق الدائرية وليس الدراق رايس.

عطني سيارة واحدة من هوندا كان الهدف الرئيسي منها هو الدراق ريس أو السير بسرعات عالية في طرق مستقيمة؟

ورغم ذلك أداء السيارة في الخطوط المستقيمة يضاهي كل السيارات من فئتها .

في مقارنة أنت ذكرتها بين الفايبر والـNSX ، الفايبر تتفوق على الـNSX فقط في قوة المحرك ، فيما عدى ذلك ، الـNSX تتفوق على الفايبر في كل شيء!

في التماسك ، التوازن ، الفرامل ، الأنسيابية (أسوء معامل للجر رأيته في حياتي هو للفايبر "drag coefficient 0.55") ببساطة السيارة سيئة في كل شيء ما عدى التسارع ، الصراحة كثير عليها الفايبر هذا السعر ، لو كنت من عشاق الدراق فني أشوف أني أشتري كمارو وأعدله بيكون أبرك من شراء الفايبر وأرخص ).

grandv8

13-09-2004, 06:08 PM

السلام عليكم ورحمة الله وبركاته

NFS
هلا اخوي جاسم
والله كلامك صح ،مشلكة الاعضاء مافي شي يتحكم بالتعصب للسيارة او بين الاعضاء بالكلام او الدليل القاطع.
صح المنتديات الاجنبية عندهم مواهب وافكار حلوة وتجارب بس بعد شي منتديات عربية تتهتم بشؤن السيارات والمعلومات عنه وكيفية الشرح عن هي السيارة.

والله احبي كل واحد يجلس معي ومااحب ازعل الناس ،والله المنتدى مفتوح لللجميع وكلنا اخوان وحبايب .

ان شاء الله تفكر اخوي Knig 4X4 ونحن نتظر بااي وقت.

تحياتي لك

عاشق التضبيط

13-09-2004, 08:19 PM

لقد سعدت بهذا الخبر

روحه بلا رجعه :laugh: :laugh:

طرطع ابو الشباب :D

لا من جد Knig 4X4 ترى زي سوالف ماراح تلقى وبكل مكان تلقى فيه الزين وتلقى الشين

يعني حتى بين الشباب اخوياك تلقى واحد كرييه كله مسوي نفسه الفاهم وكله يتفلسف واذا حاولت تحاججه مايرضى يقتنع كلامه هو الصح والباقي غلط يعني تترك اخويام عشان هالكريه ؟

وحتى بالحاره لازم تلقى شايب مسوي لك قلق كل مامريت يزلع لك تترك الحاره عشان هالشايب ؟

انت شوف الايجابيات والسلبيات اذا كانت الايجابيات اكثر فاقعد واذا كانت السلبيات اكثر فتوكل حتى بدون ماحد يدري

وبالنسبه للاخ جاسم اذا انت غسلت يدك من المنتدى وفقدنا خبرتك ومواضيعك والارهابي غسل يده والكنج غسل يده وكرور غسل يده كيف تبغانا احنا يالمبتدأين نتطور ونتثقف ميكانيكيا :D

انا ادري انه في ناس مضايقينكم ومسوين نفسهم فاهمين وهم من جنبها ويناقشونكم وكل معلوماتهم غلط بس هذولا لاتعطونهم وجه

Lumina LS

13-09-2004, 09:36 PM

أخوي King 4x4 شوف .. ترى ان تركت المنتدى انا باضرب عن الطعام :anger: وبيكون ذنبي في رقبتك :cry1:

أنا اقول خلك ياخوي ولا تحرمنا من مواضيعك وصير مثل المثل اللي يقول "ياجبل ما يهزك رييييييح"

ومن ناحية ثانية إذا سمحت لي .. أنا أشوف أن أعضاء منتديات سوالف يتميزون بحبهم لبعض ولاحترامهم لبعض بس يمكن تكون طرحت موضوع فيه شوية تعصب وحبوا الاعضاء انهم يعبرون عن آرائهم كل بطريقته بس هذا مو معناه انهم ما يحبونك او انهم متفقين على انهم يعصبونك او يحقرونك أعزك الله .. ومثل ما يقولون "اختلاف الرأي لا يفسد للود قضية " خذ الدنيا بهون .. ترى الشباب يحبونك والدليل ردودهم على موضوعك ..

Lumina LS

TOP-SECRET

14-09-2004, 01:00 AM

السلام عليكم ورحمة الله وبركاته

شباب انا كلمة محمد صاحب الموضوع

وهذا نسخ لبعض كلامه

R32 RB26DET With HKS TB76 ==========> Best Street Racer:
من جد ياحمد تبغاني اطلع من سوالف هذا احسن منتدى عربي عندي بس كنت اقصد في موضوعي اني احسس بعض الشباب انهم بيفقدون صاحبهم بسبب حديد وتعصب ماله داعي
R32 RB26DET With HKS TB76 ==========> Best Street Racer:
تراني مب طالع حمد
R32 RB26DET With HKS TB76 ==========> Best Street Racer:
بس أبغى البشريه يفكرون شوي ليه كتبت مثل هذا الموضوع وسلم لي على شباب سوالف وقول لهم ان موضوع المحل حق التزويد للحين اكمل فيه المعلومات وراح انزل موضوع كامل عليه

:banana: تحياتي:banana:

ZR-1

14-09-2004, 01:23 AM

المحل حق التزويد للحين اكمل فيه المعلومات وراح انزل موضوع كامل عليه
بانتظار الموضوع .. وأنا آسف إذا قلت لك مره شي ولا شي :rolleyes:
وخليك هنيه وعن الربشه :D

922

14-09-2004, 01:46 AM

رد مقتبس من NFS
السلام عليكم ورحمة الله وبركاته

Knig 4X4

يحق لك تطلع من المنتدى لانه لا يوجد سبب يخلي الواحد يستمر في الكتابة هنا .

إذا كانت أغلب المواضيع ماهي إلا صور سيارات وردود أغلبها "مشكور ما قصرت" أو " صور حلوة مرة" أو .......... ، فلا يوجد داعي أنك تجلس في هذا المكان.

المشكلة أن أبسط الأسس عن السيارات غير معروفة لدى أغلبية الأعضاء ، لذلك الشخص ليش يضيع وقته هنا إذا كان هدفه البحث عن المعلومة الموثوقة؟

أنا لازلت أعتقد أن المنتديات العربية لم تصل لمرحلة النضج الكافية للأستفادة الكاملة من أمكانيات منتديات الحوار ومنافعها ، وأغلب ما يتم كاتبته إما نقل من أماكن أخرى أو كلام مشابه للـChat.

كلام عميق جداً وهذا الحقيقة اللى نحاول نخفيها

تخيلو معاي مواضيع الصوتيات ثلاث اجزاء ولا رد واحد بس يطلب طريقة تركيب ولا واحد ناوي يركب بنفسه اصلاً طرحت اكثر من موضوع تركيب ولا رد يطلب شرح تركيب -موضوع القير تبهذلت فيه بهذله ولاواحد طلب شرح تركيب

يعني لو حطيت الموضبع هذي بالمنتدى العام كان وصلت نفس الردود ولكني حاطهم في منتدى سيارات

ياليت الادارة تحط الجمل هذي وتكون جاهزة على الاقل مانتعب الا يدخلون المواضيع ولا يردون :

مشكور ماقصرت
يعطيك العافية مجهود تشكر عليه
مشكور على الصور

تحياتي
محمد

ميكانيكي

14-09-2004, 03:15 PM

افففففف :anger:
كل واحد كاتب لي موضوع تعبير :anger:
في البداية كنت مندمج مع السالفة بس لما دخلت الصفحة الثانية بديت اشوف المواضيع اللي بالسطور :anger:
قسم بالله ماقريت ولا رد من الصفحة ذي .. زين :anger: >>>>> تبريد للحرة
.................................................
عموما يا الاخ اللي بتطلع
اقول بس لايكثر هرجك وخليك معانا بدون نقاش ودلع وكلام فاضي خخخ خخخ خخخ :D
قال لك ايش مافي اسلوب حوار ..ليش الاخ قاعد في مؤتمر قمة والا اجتماع دولي :D