كلللللللللل ماتريد أن تعرفه عن النوس بالصور

[MAX+300E]

السلام عليكم ورحمة الله وبركاته
حبيت أنقلكم موضوعي كااااااملا من منتدى السيارات لانه انسرقت الصفحه الاولى للاسف لكن هذا الموضوع كامل تلاقوه هنا ان شاء الله يعجبكم
واللي عنده سؤال او استفسار عن نفس الموضوع انا حاضر
الرابط
http://www.assayyaratnet.com/forums/showthread.php?threadid=39681

[BENZ]

عدد الزوار 50

عدد الردود 0

:laugh: لو خاش صاحب الموضوع وشاف هذي الشي وربي بيعصب :anger:


لاكن انا ببرد علية

مشكور اخو قلبي على هذا الموضوع وانشاء اللة الفائدة تعم للكل...:glasses2:

[HAMANN.de]

تسلم على الرابط اخوي صراحه انا احب هالاشياء المفيده واذا في اي شي زياده لاتبخل على اخوانك:p

THANKS

[الامير الاحمر]

الف شكر لك اخوي وكثر من هالشغلات :p

[grandv8]

السلام عليكم ورحمة الله وبركاته

MAX+300E
شكرا اخوي على المعلومات

تحياتي

[durango]

يعطيك الف عافيه اخوي MAX







EMO

[E_TYPE]

مشكور على الموضوع المفيد...وتشكر.

[MAX+300E]

ههههههههههههه صح ياقوي ياصقوري
ماشاء الله عليك الاعضاء يسمعو كلامك
انا مايهمني الردود
انا تهمني الاستفاده بدل مايجيني واحد يسالني ايش الدينمو وايش الديلكو شي يزعل بصراحه
على العموم الموضوع 11 صفحه الظاهر اني حنسخها وانزلها كامله للاستفاده (not now)
واللي عنده استفسارات علمية او مو فاهم شي نحنا حاضرين بس رجاءا يقرا الموضوع كامل اول
في امان الله

[B4_STI]

معلومات مفيده ومجهود تستحق الشكر عليه:banana:

[speedy turtle]

مشكور اخوي على الموضوع الشيق و المفيد
جزاك الله خيرا

[MAX+300E]

مشكورين اخواني جميعا على الردود لكن ماشفت احد رد الرد اللي ابغاه
ابغى احد يسال ويناقش ويغلطني ويصححني في المعلومات حتى لو يتفلسف شوية بس باسلوب علمي :think:
ولا الظاهر مافي احد مركب نوس في المنتدى :cry1:
وييييييين اصحاب الماكسيمات النوس يطلع حريقه خاصة sniper nitrous system يعطيك 100 حصان بالراحه على الماكس ورخيص
مايكلفك اكتر من 6 الاف بالكتير
وركبنا على ماكس 98 وعلى كونكورد قبل كده
انا ابغى اللي ركبوا اي نوع يدخلوا بس الظاهر مافي احد مركب

[MAX+300E]

up

[R32 HPA]

يعطيك ألف عافية على المعلومات القيمة والمفيدة جداً

ماشاء الله على اخويا شكلك خبير نيتروز :)

في نظري لوحطيت الموضوع كامل في سوالف كان أفضل صح إنه طويل :p

لكن ممكن المشرفين يثبتولك الموضوع :banana:

[MAX+300E]

راح انسخ الموضوع من منتدى السيارات وراح اعدل فيه شويتين بس
السلام عليكم ورحمة الله وبركاته
حبيت أضيف مالدي من معلومات حول غاز النوس
حبيت ادلو بدلوي وارجوووووووووو ان يتثبت الموضوع
وترى هذا الموضوع طويل شايفينه لكني اختصرته وحذفت معلومات النوس في الدبابات البحريه والعاديه وفي معلومات اكبر من كده وحتى الصور حطيتها صغيره ان شاء الله تعجبكم وتتعلموا

تاريخ النوس (باختصار):

النوس اوN2O او غاز النيتروزاوnitrous odixe system اول مااستخدم في الحرب العالميه الثانيه لاعطاء الطيارات سرعات عاليه في الطوارئ لكن مع نهاية الحرب وجدت البساتم وفقد النوس حاجته لكن من فتره لفتره كان يستخدم بسريه فائقه في سباق السيارات. في السبعينات خرج النوس للعلن واصبح حديث الشارع لكن اثنين من الخبراء برعوا في هذا المجال هما مارك ودايل ثم انشئوا شركتهم الخاصه سنة 1978 nitrous oxide system inc. التي اشتهرت باسم NOS (قلبي يتعب لمن يسمع هذه الكلمه نوس:eek
http://www.holley.com/HiOctn/ProdLine/Products/NOS/GenInfo/MikeDale.jpg
الشركه في سنواتها الاولى قدمت عروض للناس على النوس وانه لايؤثر على السياره وفي نفس الوقت اخدت تصنع القطع اللي تساعد النوس (كام شافت-قضبان ....) فانتشرت الشركه بسرعه واصبحت الى يومنا هذا في متربعه على عرش شركات التلغيم بالغاز

طريقة عمل النوس:

للنوس أنواع كثيره سيتم شرحها لاحقا اما طريقة عملها كالتالي
المعروف انه أي شي ليحترق يلزمه اكسجين، فعند تركيب النوس يتم اضاقه بخاخات قد تكون مباشره او غير مباشره للمكينه تصب مع البنزين وقت تشغيلها ومايحصل انه يكون الغاز مضغوط في الاسطوانه وبارد جدا والمكينه طبعا حاااااااااره
فعند بخ نيتروجين مضغوط مع اكسجين يحصل انخفاض مفاجئ في الحراره فتتفكك جزئيات الاكسجين عن النيتروجين ويزيد الاحتراق زياده كبيييره جدا (الاكسجين يساعد على الاحتراق والنيتروجين يسبب انفجار) فترتفع حرارة المكينه وتزيد دورات المحرك (بعض السيارات فوق 10 الاف دورة) فلهذا لايمكن تشغيلها لفتره طويله بدون وضع اجراءات معينه

[MAX+300E]

أنواع النوس:


للنوس أنواع لها نفس ميكانيكيه العمل لكن مع اختلافات بسيطه نوضحها الان:
1
-أنظمة مباشرة المنفذdirect port systems (النوس يضخ مباشرة في البستم مع البنزين)
ويندرج تحتها انواع هي:

أ-أنظمة حقن للمحترفينpro shot fogger nitrous systems
http://www.holley.com/HiOctn/ProdLine/Products/NOS/NOS_pics/02462NOS.jpg
http://www.holley.com/HiOctn/ProdLine/Products/NOS/NOS_pics/04430NOS.jpg
نظام الحقن سجل براءة اختراع حيث يتميز بالاحتراق الممتاز،التوزيع،القابلية للاضافه، مما يسمح لكل سلندر بأن يحقن بقدر محدد مكثف من البنزين مع الغاز المضبب (fog) من خليط النوس. وهذا يعطينا قوة خارقه ممكن تحديدها من 150 الى فوق ال500 حصان. مخصص لسيارات 8V المعدله للسباقات.

http://www.holley.com/HiOctn/ProdLine/Products/NOS/NOSNS/s04431NOS.jpg
يتضمن معه اسطوانه 10رطل(الموجود فيها الغاز)، حقن خاصة للنظام(بخاخ)، مضخة بنزين خاصه، خرطوش تحكم خاص يتحكم بالقوة من 250 الى 450 حصان مصنع من حديد خاص للطائرات واشياء اخرى بسيطه.
هذا النظام هو الذي حقق في الربع ميل اقل من 6 ثواني و200 ميل في الساعه اول مره.
ملاحظه: يجب وضع طرمبة بنزين تضخ من 5 الى 10 psi بواقع 0.1 جالون =0.37854 لتر في الساعه للحصان الواحد عند 6psi. أغلب الطرمبات عند 6 psi يقل ضغطها للبنزين بشكل واضح.
اذا زادت القوة 40% من قوة المحرك يجب ايضا تغيير البساتم الى بساتم اكثر تحملا وقضبان وكرانك شافت.
وهذه صوره لنفس النظام بمرحلتين
http://www.holley.com/HiOctn/ProdLine/Products/NOS/NOS_pics/02462-DNOS.jpg

[MAX+300E]

هذه طريقة عمله
http://www.holley.com/HiOctn/TechServ/TechInfo/PortSyst.jpg
**نظام حقن ثنائي pro twin fogger هوا أقوى نظام في العاااااااااالم يعطيك من 150 لــــ تدري لكم؟
فوق الالف حصان نعم قريت صح فوق الف حصان وهوا اقوى نظام مستخدم في العالم
http://www.holley.com/HiOctn/ProdLine/Products/NOS/NOS_pics/02462NOS.jpg
http://www.holley.com/HiOctn/ProdLine/Products/NOS/NOSNS/02463NOSa.jpg
ب-أنظمة ضبابيه للمحترفين في السباقاتpro race fogger nitrous systems:
http://www.holley.com/HiOctn/ProdLine/Products/NOS/NOS_pics/04462NOS.jpg
http://www.holley.com/HiOctn/ProdLine/Products/NOS/NOSNS/s04462NOS.jpg
http://www.holley.com/HiOctn/ProdLine/Products/NOS/NOSNS/s04463NOS.jpg
ماابغى اتكلم كتير عنه لأنه مايخصنا (للسباقات) لأنه يزود من 150-600+ حصان نعم فوق ال600 حصان (شي يفجع) وهوا نفس النظام اللي قبله مع شوية اختلافات لكن اسيبكم مع الصور وبس
**وطبعا موجود منه على مرحلتين ويعطي فوق 750 حصان وهوا اللي يخليك تجيب في الربع ميل اقل من 6 ثواني (الفايبر الستوك تجيب تقريبا 10.5 ثانيه) يعني اتخيل القوه لكنه للمحترفين فقط ويركب على بيج بلوك 8سلندر

[MAX+300E]

ج-أنظمة حقن للسيارات الرياضيه sportsman fogger nitrous systems
http://www.holley.com/HiOctn/ProdLine/Products/NOS/NOS_pics/05088NOS.jpg
http://www.holley.com/HiOctn/ProdLine/Products/NOS/NOSNS/s05040NOS.jpg
تتميز بالتوزيع المناسب لكل منفذ (بستم) مما يعطي من 50-150 حصان وهي مخصصه لسباقات الشوارع.
يعني انت ماشي عادي بس فك الاسطوانه واضغط الزر وقول للكورفيت باي باي (ينفعلي هذا هههههههه)

د- منفذ مباشر نوسزل noszle direct port
http://www.holley.com/HiOctn/ProdLine/Products/NOS/NOS_pics/08100NOS.jpg
http://www.holley.com/HiOctn/ProdLine/Products/NOS/NOSNS/sNOSzle.jpg
http://www.holley.com/HiOctn/ProdLine/Products/NOS/NOSNS/s08100NOS.jpg
نوع جديد صدر واحترت اخليه نوع رئيسي او فرعي لكن بما انه بخ مباشر قلت اخليه هنا وطبعا له براءة اختراع لانه اكثر نوع تعقيدا
يضيف من 75-300 قابله للتحكم من المستخدم. توزيع ممتاز للغاز على كل بستم بدون خسران بنزين (لأنه الخليط يتم قريب من الثروتل بوديthrottle body يعني مايطلع نار من الشكمان )ويضيف قوة كبيره بدون تعديلات كبيره على المكينه.
ميزة هذا النظام هي طريقة تسليم الغاز. نوسزل عباره عن قضيب من المنيوم ذو 3 اطراف يخلط البنزين مع النوس ويغطي البخاخ وهكذا نقلل خطر نظام الحقن المباشر.
طبعا يأتي معاه اسطوانه 10 رطل،بخاخات،زر تحكم من داخل السياره واشياء اخرى كثيره

ز-انظمة سوبر تشارجر وتوربو بالنوس supercharger and turbo nitrous system
http://www.holley.com/HiOctn/ProdLine/Products/NOS/NOS_pics/02520NOS.jpg
السوبر تشارجر يعطي قوة لكن بزيادة حراره والنوس عند ضخه تكون حرارته -127F ويخلط مع الهوا فتنخفض حرارة الهوا حوالي 75F مما يزيد كثافته فيعطيك 30-40% زيادة احصنه
بالنسبة للتوربو زي ماتعرفو مايشتغل الين يكون البوست فيه اسرع من دورات المحرك فهنا يجي دور النوس وبيزيل هذا التاخير في اشتغال التوربو وكمان النوس بيشتغل كمبرد للمكينه لأنه بارد

[MAX+300E]

-النظام الجاف او dry system :

ويتوفر تحتها انواع حسب القوة التي توفرها والمكينه التي تركب عليها (4،6،8 سلندر)
هذا متوفر للسيارات العاديه يعطينا من 40-75 حصان يأتي معها مضخه بنزين خاصة تفتح فقط عند تشغيل النوس.
لاتخلطوا في كلمة جاف مو معناه انه الغاز ناشف لأ ابدا
http://www.holley.com/HiOctn/TechServ/TechInfo/DrySyst.jpg
معناه انه البنزين اللي هوا سبب الاشتعال بيصب من البخاخات مع النيتروز من غير ماينخطوا قبل مايدخلو (اتذكروا البنزين هوا اللي بيعطي القوة لكن النوس بس يخليك تحرق بنزين زياده) زي منا شايفين في الصوره يبغالنا نخلي البنزين فوق جاف يعني مايوصل بنزين فوق وهذا يتحقق باحد طريقتين:
أ-بزيادة ضغط البخاخات للبنزين بالتحكم بضغط النوس فيزيد ضغط البنزين.
ب-نضحك على البخاخات ونخليها مفتوحه لفتره اطول كيف؟ نلعب ببرمجة الكمبيوتر ونخليه يشوف شي تاني فيضخ بنزين زياده.
بمجرد اضافة البنزين ينضخ النوس على طول ويعطينا القوة.

3-النظام السائل wet system:

يعطي 50—150 حصان ويستخدم في السيارات ذات السوبر تشارجر او التوربو بسبب زيادة تدفق الهوا وزيادة الحراره.
هنا البنزين يخلط مع النوس قبل دخوله للبساتم زي مهو موضح في الصوره
http://www.holley.com/HiOctn/TechServ/TechInfo/WetSyst.jpg
صنع قريبا نظام power fogger ل4،6،8 سلندر يعطي من 35-125 حصان حسب المكينه
ملاحظه:لاتستخدم شرائح chips او تغير برمجة الكمبيوتر تبع السياره لتزيد دورات المكينه لأنه يسبب انفجارها.

[MAX+300E]

4-أنظمة للكاربريتور باستخدام صفائح palte/carb systems:
في منها انواع هي:

أ- نوعين حقن قوية او حقن سوبر power shots& super power shots
http://www.holley.com/HiOctn/ProdLine/Products/NOS/NOS_pics/05004NOS.jpg
وهي لسيارات الكاربريتور 6 و8 سلندر فقط طبعا يأتي مع كل المتطلبات من اسطوانه وغيرها ويعطي من 100-150 حصان بضغطة زر. يأتي معه صفيحه سخيفه تركب بين الكاربريتور والانتايك مانيفولدintake manifold. في هذه الصفيحه توجد قضبان بها بخاخات خاصه تضخ مقدار مناسب من النوس والبنزين مما يعطي قوة سلسه على الطلب. واذا اصباعك بعيد عن زر النوس صرفية البنزين ماتتغير 
الفرق بين الحقن القويه والسوبر انه في السوبر يأتي معاها نظام تحكم ببخ النوس ممكن تاخد 100 او 125 او 150 حصان(يعني تبغى تفشخ كمارو تشغل قليل اذا جاك كورفيت تشغل اكثر وهكذا)
امثله على سيارات ركب عليها حقن سوبر 125 حصان في الربع ميل (زمن/السرعه القصوى)
1968 شيفيل 327 CID قبل 14.3ث/98.1ميل بعد التركيب 12.5/109.6
1977 نوفا 305CID قبل 14.9/91.4 بعد 13.4/102.5
1985 موستنج جي تي 302 CID قبل 15/92.7 بعد 13.7/105.2
1974 دستر 340 CID قبل 14.8/93.2 بعد 13.6/104.2
لإعطاء القدر المناسب من البنزين للكربريتور ونظام النوس يجب وضع طرمبة بنزين تشتغل بين 4.5 و7 PSI بواقع 0.1 جالون للحصان الواحد عند 6PSI يعني لو سيارتك 350 حصان بعد تشغيل النوس يبغالك طرمبة تضخ 35 جالون=132.49 لتر في الساعه على 6PSI (كتير؟ لاتخافو لأنكم ماحتشغلوه اكتر من 10 ثواني بس) طبعا القوة تعتمد على حالة مكينتك وممكن استخدام نفس القصبان والبساتم والكرانك شافت لكن اكتر من 140 حصان من الافضل تغير الاشياء السابقه الى ريجيد.
ج- نظام القناص sniper nitrous systems:
http://www.holley.com/HiOctn/ProdLine/Products/NOS/NOS_pics/07001NOS.jpg
أفضل نظام في السوق في دخول مرحلة النوس لأنه المهندسين في نوس اصابو عين الثور زي مايقولو بتصميم هذا النظام لأنه اقتصادي في البنزين والسعر كمان (افرحو في شي رخيص) ميزته انه مخصص للشوارع العامه لأنه مهو خطير على السياره ويعطيك من 100-150 حصان وحيعطيك اكتر مما تطمحله لنه في اختبارات الداينو على شيفي 355 CID بلوك صغير اعطانا 163 حصان زياده وزاد العزم 195 قدم.رطل ويجيك جاهز للتركيب من العلبه على طول مع علبه برتقانيه مو زي العاده وكل المتطلبات الاخرى
ملاحظه: للحصول على احسن قوة من النظام انتبه على عدادت البنزين والنوس وحاول تخلي النوس في درجة حراره مناسبه باستخدام سخان اذا الجو بارد او بطانيه خاصة اذا الجو حار (سوف اذكرها لاحقا)

د-انظمة نوس ذات حقن كبيره بمرحلة واحده big shot single stage nitrous systems :
http://www.holley.com/HiOctn/ProdLine/Products/NOS/NOS_pics/02102NOS.jpg
اقوى نظام في العالم ذو صفايح حقن احاديه يعطي من 200-400 حصان ويستخدم صفايح ضبابيه لتحسين تدفق النوس وفصل البنزين الى ذرات والخلط بين البنزين والنوس. الصفيحه فيها قضبان بخاخات خاصه ذات 88 فوهات صغيره موزعه توزيع مدروس لاعطاء قوة خارقه 400 حصان (يالطيف) وتجي معاه الاشياء المعهوده بزيادة 6 اسلاك توصيل غاز نوس لكن القوة المحصله تعتمد على المكينه المركبه عليها (طبعا 8 سلندر اقل شي)
تنفع لأصحاب الموستنجات 5 لتر (ركبوها وفشخو الفايبر)
**طبعا 400 حصان تجيك فجاه في يدك ماتقدر تتحكم بيها عشان كده ممكن تركبها على مرحلتين big shot dual stage زي ماقلنا فوق واصلا الكفرات والشاصيه ماتكون على مستوى ال400 حصان فنخسر سحبة السياره.
كيف حنشغل النظامين؟
النظام الاول من القومه خلينا نقول 200 حصان ناخد بس طبعا النظام هذا يكون شغال بزر (زي زر اللمبه يعني تقريبا) وبعد مانعدي ال120 او اكتر كمل ال400 حصان بضغط الزر الثاني او بتركيب مؤقت زمني نبرمجه قبل السباق انه يشتغل عند سرعه او وقت معين طبعا او مايشتغل النظام الثاني يطفي النظام الاول حتى لو ماغلق النوس عشان لاتنفجر المكينه.
http://www.holley.com/HiOctn/ProdLine/Products/NOS/NOS_pics/02402NOS.jpg

[MAX+300E]

ب-نظام الغشاش cheater nitrous system:
http://www.holley.com/HiOctn/ProdLine/Products/NOS/NOS_pics/02002NOS.jpg
تستخدم بخاخات قويه وكل القطع كبيره لأنها تعطي من 150-250 حصان في ثواني بسيطه وينطبق عليها كل الكلام اللي قلناه عن الصفايح.
حلاوته انه يجي على مرحله او مرحلتين لأنه يجي في سيارات مره قويه فما يمديك تستخدم القوة القصوى من البدايه لكن على مرحلتين ممكن وفي جهاز تحكم خاص للقوة سوف نذكره لاحقا. يعني عندك قوة من البدايه لخط النهايه
كل بخاخ(غشاش) ياتي معه 4 مراحل بخ ممكن عن طريقها اخد 150-180-210-250 حصان.
هنا لازملك طرمبة بنزين اقوى من السابقه والاهم لازم تغير بساتم لأنه الضغط عليها كبير،حط بساتم ريجيد
**زي ماقلنا فوق انه ممكن يجي على مرحلتين اسمها dual shot cheater
http://www.holley.com/HiOctn/ProdLine/Products/NOS/NOS_pics/02202NOS.jpg
لأنه النوس مره قوي ويخلي الكفرات تحفر مكانها من غير ماتتحرك السياره بسرعه ويغلق النوس لكن اذا حطيناها على مرحلتين الاولى ببخاخين تعطي من 100-150 حصان في القومه واول ماتوقف الكفرات من التفحيط يعني على 120 كيلو او اكتر شغل المرحله التانيه تعطيك بقية ال250 حصان لكن هذا يركب فقط على 8 سلندر وفوق 350 CID وبرضو اذكر في سيارات قوتها تكون مره قويه والسياره تلعب وماتقدر تتحكمبها من القوه فهنا تستخدم nitrous progressive control system وحذكره بعدين
5-أنظمة نوس المخفيه hidden nitrous systems:
هذه للي يبغى يلغم من غير محد يعرف انه ملغم

أ-بيتي المتسللsneeky pete

وهو نظام من نظام الغشاش يحسنلك القومه لكن فقط في اعشار الثانيه ويركب فقط على الكابريتور. سهل التركيب جدا ياتي مع اسطوانه 10 اونصه وحامل بطاريه 9 فولت واسلاك مغلفه واشكال من البخاخات.مكن تشيله معاك في شنطه وتركبه بنفسك عشان تروح تفشخ ناس وهما يحسبو سيارتك ستوك لأنه مره صغير النظام.
http://www.holley.com/HiOctn/ProdLine/Products/NOS/NOS_pics/05029NOS.jpg
ب-حقن علويه او top shot
اسهل قطعة تركيب من نوس ممكن تحطها لأنه تخفي القطعه في فلتر الهوا حيث انه البنزين ينضخ مع النوس مباشرة على الكابريتور وتحصل على 75-150 حصان
http://www.holley.com/HiOctn/ProdLine/Products/NOS/NOS_pics/05090NOS.jpg
ج-under manifold cheater systems:
له جميع مميزات البخاخ المباشر ويوفر مساحه كمان ويبخ مقدار محدد لكل منفذ ويركب ل6سلندراو 8 ويعطي من 100-250 حصان والاسلاك مره ماتبان (مخفيه)
http://www.holley.com/HiOctn/ProdLine/Products/NOS/NOS_pics/02620NOS.jpg

[MAX+300E]

الاكسسوارات مره كتير اتحملوني انا حذكر اغلبها (عشان تتلعموا)

1-مبرمج تحكم تصاعدي للنوس programmable progressive nitrous controller:
هذا اللي قلت اني حذكره وهوا مهم جدا لأنه يعطيك قوة بسلاسه مما يحسن من زمنك لأنه اسوا شي عند السواقين انهم يخسرو سحبة السياره traction بسبب عدم تحمل الشاصي والكفرات للقوة الجديده اللي جات .
المبرمج هذا يخليك تتحكم بضخ النوس من 0--100% والزمن المطلوب لزيادة ضخ النوس (يعني في القومه ابغى 20% بس بعد 3 ثواني اخليها 80% وبعد 6 ثواني اقله ضخ كل النوس الباقي) والجهاز هذا مره سهل الاستخدام كل الازرار موضحه عندك.
http://www.holley.com/HiOctn/ProdLine/Products/NOS/NOS_pics/15834NOS.jpg
2-نظام صفايح صليب مزدوجه double cross plate system:
يعطي من 250-500 حصان ميزته التوزيع الملائم للضخ لكل صمام والصور توضح
http://www.holley.com/HiOctn/ProdLine/Products/NOS/NOS_pics/02321NOS.jpg
http://www.holley.com/HiOctn/ProdLine/Products/NOS/NOSNS/s12665NOS.jpg
3-هذه صورة لعداد صغير سهل الاستخدام
http://www.holley.com/HiOctn/ProdLine/Products/NOS/NOS_pics/15913NOS.jpg
4- وهذا منظم بضغط البنزين
http://www.holley.com/HiOctn/ProdLine/Products/NOS/NOS_pics/15812NOS.jpg
5-وهذه قطعه عجبتني تتحكم بفتح الاسطوانه من بعيد
http://www.holley.com/HiOctn/ProdLine/Products/NOS/NOS_pics/16058NOS.jpg
هذه هيا اللي تعبي الاسطوانه بدل ماتطلب اسطوانه جديده
خلي هذه معاك وتعبي خلال دقيقتين بس
جاهزه معاها كل الخراطيش والاكسسوارات كمان ماعدا
ضاغط الهوا (80-100 psi) والاسطوانه طبعا لازم تكون معاك ومؤشر يبين ضغط الاسطوانه (هذا مهم) وفلتر عشان يعيش الجهاز
http://www.holley.com/HiOctn/ProdLine/Products/NOS/NOS_pics/14251NOS.jpg

[MAX+300E]

وهذه صورة المنظف اللي بعض الناس يحطوه ويقلك هذا يزود عزم ويعطي قوه
هههههههههههه مساكين
هذا للي مركب النوس يضمن انه نسبة الاوكتاين في البنزين تكون كبيره وكمان نظافة البخاخات تضمنها وبس
http://www.holley.com/HiOctn/ProdLine/Products/NOS/NOS_pics/12100NOS.jpg
لكن هذا هوا اللي يؤثر لكن مو كانه قطعه تلغيم لحالها
لكن يزود نقاوة البنزين وقدرة الاحتراق ويشيل اثار الرصاص في المكينه ومايؤثر على حساسات الهوا ابدا
كل 12 اونصه بتنظف 16 جالون من البنزين
وهذه الصوره
http://www.holley.com/HiOctn/ProdLine/Products/NOS/NOS_pics/12002_07_10NOS.jpg
اليوم ححطلكم صور الاسطوانات لأنها اشكال وانواع
بسم الله
الاولى هذه مصنوعه من كربون فايبر ووزنها خفيف جدا وشكلها مميز كمان
وعلى فكره وزنها قد وزن نص الاسطوانه العاديه وهيا فاضيه شفتو الفرق
وهذه الصوره
http://www.holley.com/HiOctn/ProdLine/Products/NOS/NOS_pics/14747NOS.jpg
طيب وهذه جميع المقاسات المتوفره متوفره اما بلون ازرق او بلون فضي لامع رهيب ومصنوعه كلها من خليط المنيوم ولها صمامات مخصصه للاسطووانات ذات ضغط عالي
وهذا اللون الازرق (للهلاليه)
http://www.holley.com/HiOctn/ProdLine/Products/NOS/NOSCA/s14700_14760.jpg

وهذا اللون الفضي (للي مو هلاليه)
http://www.holley.com/HiOctn/ProdLine/Products/NOS/NOSCA/s14700p_14745p.jpg
بالنسبة هل يركب على الديزل فالجواب و نعم وابشرك يكرب على الشاحنات كمان اذا تبغى هههههههه
بصراحه انا اضطريت اراجع موقع نوس عشان اتاكد وهذه صورة لكربرتور خاص بالنوس للونيت ينفعلك
http://www.holley.com/HiOctn/ProdLine/Products/FMS/Carb_pics/0-90670.jpg
هذه الصوره لكربرتور من شركة نوس نفسها ميزته انه تنفع في التطعيس
كيف؟
وانت بتطلع طلعه البخ للنوس مره ماينفع لكن في هذا الكربريتور يبخ حتى لو كنت على درجه 40 وفي النزول حتى لو كنت على درجة 30 يعني يكون الصدام مايل على تحت
وهذا نوع تاني منه
http://www.holley.com/HiOctn/ProdLine/Products/FMS/Carb_pics/0-90770.jpg

وفي معلومات كتير عن الكربرتور هذا لكن مانبغى نطول عليكم
اما بكم فالانظمه وليس بس الحقن (يعني كامل القطع) تتراوح بين ال2500 ريال الى 6 الاف هذه اللي تركب على سياراتنا والمعقوله يعني
بالنسبة هل يضر غالبا نعم لأنه اذا قريت الموضوع من البدايه يخفض درجة حرارة المكينه ثم يرفعها فجاه وممكن يفجر البساتم في بعض الحالات لكن ممكن تغير اليساتم الى ريدجيد عشان تضمن السلامه
ويفضل كمان انك تغير الكام شافت الى هذا النوع عشان تضمن التسارع اللي حيجيك فجاه وهذه صوره للشيفي بيج بلوك
http://www.holley.com/HiOctn/NewsInfo/NewsRels/s90350LUN.jpg
اذا كنت غشيم لاتجربه
نحنا جربناه في ماكس قبل كده وعلى كونكورد
الماكس بعد ال160 لو شغلته تلاقي السياره تلعب معاك (الشاصيه كله يتحرك) لأنه ركبنا سستم كبير عليه بس عليها تعديلات الماكس هذيك كانت
اما الكونكورد كانت ستوك مافيها شي وبس ركبنا عليها النوس ب 6 الاف من غير اي تعديل المهم صارت تاكل اللومينا الاس اس وقبل التركيب كانت الال تي زد تروح علينا بسهووووووووله
بعدين شلنا النوس من السياره صارت تطلع اصوات وخرابيط في المكينه يعني عاد انعدمت السياره

[MAX+300E]

ححطلكم كده على الماشي صور حاملات الاسطوانات
هذه الاثنين فضيه تنفع للاسطوانات الفضيه اللي حطيتها اول وقلت انها لغير الهلاليين ههههههه
http://www.holley.com/HiOctn/ProdLine/Products/NOS/NOS_pics/14130NOS.jpg
http://www.holley.com/HiOctn/ProdLine/Products/NOS/NOS_pics/14132NOS.jpg
وهذه سوده يعني مع الاسطوانات الزرقه (للهلاليين)
http://www.holley.com/HiOctn/ProdLine/Products/NOS/NOS_pics/14100NOS.jpg
http://www.holley.com/HiOctn/ProdLine/Products/NOS/NOSCA/sBracket.jpg
طبعا فايده الحوامل هذه مو بس عشان تثبت الاسطوانات لكن عشان تحسن تدفق النوس من الاسطوانه لأنه درجة ميلانها تفرق
هذه صور الfogger nozzle
http://www.holley.com/HiOctn/ProdLine/Products/NOS/NOS_pics/FoggerNzl-8.jpg
لل4 او ال8 سلندر يعني package كامل يعني اللي عنده 6 سلندر او 10 ياخد علبه ابو 4 واتنين مفرده وحتكلفه اكتر ههههههه
وهذه عداد لضغط الاسطوانه ماادري حطيت الصوره قبل كده ولا لأ
http://www.holley.com/HiOctn/ProdLine/Products/NOS/NOS_pics/15913NOS.jpg
وهذه صورة الصمام حق الاسطوانه وترى هذا ايدي ضغط اكتر ب 249% اكتر من الصمامات العاديه وسالت الشركه قالولي تتحمل الى 500 حصان وتركب لاسطوانات 5 باوند او اكبر
http://www.holley.com/HiOctn/ProdLine/Products/NOS/NOS_pics/16139NOS.jpg
حتقولو ايش دخل صمام الاسطوانه في القوة اقلكم ضغط الصمام هوا اللي بيعطينا تدفق النوس وبالتالي القوه

[MAX+300E]

وهذه صور جميع صمامات الاسطوانات ومكتوب فيها الجيل الاول والجيل التاني
http://www.holley.com/HiOctn/ProdLine/Products/NOS/NOSCA/RBVSG05.jpg http://www.holley.com/HiOctn/ProdLine/Products/NOS/NOSCA/RBVSG04.jpg http://www.holley.com/HiOctn/ProdLine/Products/NOS/NOSCA/RBVSG03.jpg http://www.holley.com/HiOctn/ProdLine/Products/NOS/NOSCA/RBVSG02.jpg http://www.holley.com/HiOctn/ProdLine/Products/NOS/NOSCA/RBVSG01.jpg
http://www.holley.com/HiOctn/ProdLine/Products/NOS/NOSCA/RBVSG10.jpg http://www.holley.com/HiOctn/ProdLine/Products/NOS/NOSCA/RBVSG09.jpg http://www.holley.com/HiOctn/ProdLine/Products/NOS/NOSCA/RBVSG08.jpg http://www.holley.com/HiOctn/ProdLine/Products/NOS/NOSCA/RBVSG07.jpg http://www.holley.com/HiOctn/ProdLine/Products/NOS/NOSCA/RBVSG06.jpg

[MAX+300E]

طيب دورت في المراجع الي عندي وابشرك لقيت التركيب بالتفصيل
وراح احط شويه دحين والباقي بعدين عشان الموضوع طويل مره


طيب هذه طريقة تركيب المنفذ المباشر للنظام السائل direct port wet NOS
موضحه على سيارة نيسان sx 240 se موديل 1990
http://home.nycap.rr.com/hhotspot/240_parked.JPG
http://home.nycap.rr.com/hhotspot/240_qrtrear.JPG
المكينه هي .2.4 لتر SOHC KA24E
http://home.nycap.rr.com/hhotspot/Image4.jpg
االادوات اللي حتحتاجها في التركيب ::::
مفاتيح ربط من جميع الاشكال والانواع (جيب الشنطه اللي فيها العده وريح نفسك)
هوا مضغوط -دليل استخدام النوس-مبرد-مفكات وغيره خلينا نختصر الموضوع
القطع ::::
4 بخاخات للنوس او 6 حسب السياره
2 solenoids (للنوس وللبنزين)
1 زر لاطلاق النوس
1 زر لتجهيز او اطفاء النوس
8 اسلاك او ليات 4 للبنزين و4 للنوس
جميع انابيب النوس
بكرتين توزيع مناسبه
خط للنوس للشنطه او المقعد الامامي حسب ماتريد
خط للبنزين على شكل حرف T
مثبت لليات
كتيب تعليمات عشان لاتجيب العيد
اسطوانه 10 رطل نوس
حاملات الاسطوانه
عداد للنوس لقياس الضغط
فلتر لنوس
قطع اخرى:::::
4 بخاخات ذات تحكم خاص للبنزين
Intake manifold-to-head gasket
Collector-to-intake manifold gasket
فلتر بنزين خاص
4 ليات للبنزين
وباقي القطع سهله ان شاء الله زي صواميل ومسامير واشياء زي كده
زي ماقلنا اول هذه مكينه sohc والمكينه معدله ونشيطه والتركيب على الDOHC حيكون تقريبا نفس الشي مع اختلافات بسيطه
بسم الله نبدا التركيب
**حنجرب تركيب الخراطيش بعد تركيب البخاخات حقت النوس مع توصيل الصواميل الحمراء والزرقاء
وفي هذه المكينه ركبنا الخراطيش خلف ال4 بخاخات وكان المكان ضيق مره ويادوب كفى لانابيب البنزين بعد الضغط وكمان اضطريبنا انه نخرط شويه من صواميل الضغط الزرقاء عشان تكفي انابيب البنزين
والبقيه مالها داعي للذكر بس تقدر توفر التعب هذا على نفسك لأنه نوس توفر خراطيش بزوايا متخلفه حسب ماتحتاج تكلفك حوالي 40 دولار
**اسحب فيوز طرمبة البنزين عشان تتخلص من ضغط البنزين (الفيوز موجود قدام في علبة الفيوز) وفك فلتر البنزين حتلاقي البنزين انكب شغل السياره الين يغلق البنزين كله وتنطفي السياره
** فك اسلاك البطاريه حقت السياره
**فك الخرطوش اللي يوصل المويه للرادياتور الين تنكب كل المويه
**فك جميع اسلاك الكهرباء عشان لاتحيب العيد وتتكهرب وحاول تاشر على الاسلاك عشان تعرف كل سلك تبع ايش
وانت بتفك الاسلاك احتمال تلاقي الاسلاك تتكسر في يدك اذا كانت السياره قديمه زي في حالتنا هذه بس اهم شي البخاخات لاتجيب العيد فيها انتبه
الHEAD BOLT تلاقيه ورا مضخة زيت الطاره وحيختلف طبعا النظام من سياره لسياره عاد انت شوف سيارتك
فك كل خراطيش الهوا ومويات الرادياتور للاحتياط لاتنسى تاشر على كل وحده عشان لاتلخبط بينها
Remove the collector from the manifold. There are 5 bolts, easy to get to
بعدها في اشياء اختصاصيه للفنيين وكنت ابغى اذكرها لكن لقيت انه مالها داعي ابدا ومحد راح يهتم بيها غير يمكن بس الفني فقلت بلاشي
واغلب التعليمات راح تلاقوها في الكتيب حق النوس
http://home.nycap.rr.com/hhotspot/Image1.jpg
دحين يبغالك تجيب الشنيور او المثقاب عشان في فتحات لازم تسويها بالنسبة للاملنيوم سهل الخرق بس انتبه الزاويه اللي بتثقب فيها عشان لاتجيب العيد
وكمان الفتحات لازم تكون قد خراطيش النوس لأنه لو كانت اكبر ممكن تخسر جزء من تدفق الهوا يعني حوالي 2-4%
اصعب جزء في التركيب دحين يجيك وهوا
فك الراس والثلاجه كامله المشكله هنا انه السيارات القديمه زي هذه حتطفشك ويبغالك ترش بخاخات وتنظف عبال تفك
ويبغالك تنظف الثروتل بودي والثلاجات وغيره وعاد الله يخلي منظف الكربريتور اشتغل شغل في كل شي وبعدها خليها تجف
بعدها ابدا حط fogger nozzleفي الفتحات ولف الين تمسك صح زي مهو موضح في الصوره
http://home.nycap.rr.com/hhotspot/Image2.jpg
نظف مادخل الهوا بهوا مضغوط او بخاخات من السوق
بعدها جيب البخاخات وحطها في الfogger nozzle في السياره هذه استخدمنا 22للنوس/16 للبنزين وصلنا ل80 حصان بعدين غيرنا وحطينا 24 بدل 22 وجبننا 100 حصان
بعدها حط الانابيب ولاتنسى الشنابر وبعدها شد عليها بالصواميل
غير كمان الo-ring والحشية راح تكلفك دولارين لكل بخاخ وماتاخد غير دقيقه من وقتك
وصل خراطيش البنزين من جديد بس انتبه لاتخلي شي يلمس معدات النوس وطبعا زي ماقلتلكم اول اشر على كل خرطوش عشان لاتنسى المكان
هنا حتشوف الفايده لأنه لو ماركبته زي الناس راح ينكب البنزين وتسوي حريقه
اذا في شي عصلق معاك (او طفشك) عاد اشتغل توليف وجيب مشرط وابدا قطع حسب المكان المتوفر عندك بس لاتقص اسلاك بنزين ولا اسلاك نوس انتبه
خلاص ربنا يسر الين دحين ابدا نظف المكان بالهوا من الزيوت والغبار وكل شي واستخدم بخاخات تنظيف عشان تنظف راس المكينه واللي حولينه
ونبدا نرجع الاشياء مكانها من جديد اللي هيا الgasket والmanifold intake والثوتل بودي وال torque bolt على حسب اللي مكتوب في دليل الاستخدام بالترتيب التالي
--فلتر الزيت
--الخطوط اللي رايحه للثروتل بدوي بعد تركيب الgasket الجديده بالترتيب التالي
*كل خراطيش وليات الهوا
*EGR tube لمدخل الاكزوس
*مضخة زيت الطاره والبكره
*كل التوصيلات الكهربائيه
*رجع خطوط البنزين
*ارجع عبي موية الرايداتور من جديد
*وصل البطاريه
*وصل الكيابل حقت اثروتل وكيابل التحكم بالسرعه ان شاء الله تعرفوها انا عندي تحت الفلتر حق الهوا (في المرسديس وليس النيسان)
*شغل السياره اذا استغلت مبرووووووووووك غلقت جزء كبيير بس لسه ماغلقنا لاتنبسط مره
اتاكد من انه مافي تهريبات للبنزين من اي مكان من البخاخات او اي مكان تاني وخد لفه بالسياره عشان تتاكد انه مافي اي مشكله
وكده غلق الجزء الصعب بس باقي توصيل النوس للاسطوانه في الشنطه راح اكملكم هوا بعدين ان شاء الله

[TOP-SECRET]

رد مقتبس من HAMANN 5.0
تسلم على الرابط اخوي صراحه انا احب هالاشياء المفيده واذا في اي شي زياده لاتبخل على اخوانك:p

THANKS

[JUST CORVETTE]

السلام عليكم ورحمة الله وبركاته


تسلم اخوي MAX+300E علي الموضوع الرائع


وشوف هالموقع يمكن يساعد شوي في الصور ..


هنـــــــا (http://www.musclemustangfastfords.com/tech/0309mm_nitrous/)




تحياتي لكم جميعا

[ALTIMA]

مشكووور وألف مشكور
على المعومات القيمة

يعطيك العافية

تحياتي

[bashar_255]

مشكور على الموضوع اللي يسوى صراحة ...

و استأذنك ان احط موضوعك ضمن مقالات الـ car teach اللي بنزلها في موقعي بعد فترة ان شاء الله

هذا قسم الغاز اللي عندي بالموقع الغاز (http://www.racing4e.com/categories.php?cat_id=8)

تحياتي :)

[MAX+300E]

السلام عليكم ورحمة الله وبركاته
مشكورين اخواني جميعا على الردود
هيا باقي صفحتين بس انسخها في وقت لاحق انشاء الله
اخوي just corvette مشكور على الموقع
اخوي بشار جاني موقعك وحاولت اشترك فيه بس مااستطعت!!!
على فكره الصور عندك حلوه لانها محليه بس في شي ناقصك
مافي شرح للقطع ومافي منتدى ولا كيف؟
لازم يكون في مناقشة للامور الموجوده عندك في المنتدى
والموضوع بيدك انقله لو حبيت بس باقي في التركيب صفحتين ارجع للموضوع الاصلي تلاقيها موجوده
في امان الله

[bashar_255]

السلام عليكم ورحمة الله وبركاته

اخوي الموقع ما فيه مكنتدى و لا اعتقد اني بركب منتدى على الأمد القريب على الأقل لأن الوضع العام لتحت الـ17 سنة منتشر في منتديات السيارات و شي يعور القلب:Sad2:

و مافيه اشتراك و بالنسبة للقطع انا كاتب اساميها و تعريفها عندي بالموقع و شرح بعضها المشكلة أكثر من 600 صورة لحالي يعني محد معي و الحمد لله مسيطر على الوضع تمام و القادم احلى من كذا بـ 1.000 مرة ان شاء الله بس آخذ فرصة فراااااااااااااااااااااااااااااااااااااااااغ من الجامعة اتوقع ابدأ الشغل 15 رمضان و كان المفروض انقح المواضيع مع الشباب بس ما فيه تفاعل فكذا بنزل المواضيع على مسؤلية الكتاب و كذا بتشوفو دروس عمل في شتى المجالات بالسيارة على شكل مقالات على صفحات الموقع ان شاء الله
بس ادعولي :)


تحياتي ،،،

[MAX+300E]

على العموم اذا محتاج مساعده نحنا حاضرين انشاء الله عندنا مراجع تفيدك