View Full Version : صور خاصه من دبي اوتودروم
Crower
09-09-2004, 09:11 PM
اول تجربة للحلبة من قبل شباب الاوتوكروس
دعوة خاصه قبل افتتاح الحلبه نهائيا
http://www.bentriliquist.com/uploader/uploaded_pics/mh5.jpg
http://www.bentriliquist.com/uploader/uploaded_pics/mh6.jpg http://www.bentriliquist.com/uploader/uploaded_pics/mh7.jpg http://www.bentriliquist.com/uploader/uploaded_pics/mh8.jpg http://www.bentriliquist.com/uploader/uploaded_pics/mh9.jpg
كل الشكر لقروب Dubai_turbo_dreams على توفيرهم للصور
الشظيه
09-09-2004, 09:21 PM
سيارت ابداع .
الى الامام انشاء الله
Crower
09-09-2004, 09:29 PM
NFS : شوف كيف الهوندا لها عشاقها...... الشي الثاني بتشوف سيارتين بيعجبونك لاحظ عدل
grandv8
10-09-2004, 12:03 AM
السلام عليكم ورحمة الله وبركاته
Crower
ماشاء الله عليك يااحمد اكيد انت مشارك معاهم بالحلبة ،بس هي الحلبة الي مسوينه بدبي قريب من جبل علي.
وماعندك صور اكثر من هي بعد.
اشكرك اخوي احم على الخبرية
تحياتي
:)
Crower
10-09-2004, 12:08 AM
مشكورين على الردود
محمد: لا و الله انا ما كنت موجود بس الشباب طرشوا الصور ما قصروا, وهاي الحلبه اللي على شارع الامارات........ انا ما كنت مشارك بس ان شاء الله بعد ما نخلص دراسه بنبدأ بتجهيز سياره للحلبة ان شاء الله
اسمحلى هاي الصور المتوفره حاليا
grandv8
10-09-2004, 12:12 AM
Crower
مسموح اخوي احمد وماتقصر وان شاء الله عقبالكم بالفوز والتوفيق بهي الحلبة وشدو الهمة وبيضو الويه
تحياتي
:D
TOP-SECRET
10-09-2004, 12:34 AM
رد مقتبس من الشظيه
سيارت ابداع .
الى الامام انشاء الله
uae speed
10-09-2004, 01:20 AM
ما شاء الله .. مواتر حلوة والله .. :)
اخوي crower وين موقع الحلبة بالضبط ..
ممكن بالتفصيل الله يخليك ..
grandv8
10-09-2004, 01:32 AM
السلام عليكم ورحمة الله وبركاته
uae speed
اخوي عبدالله على شارع الامارات وكأنك ساير على ابوظبي بعد دوار منطقة البرشاء وراء مضمار الشيخ احمد للخيول قريب منه.
تحياتي
هذي سيايير مالقووم ولد الخااالة سيفيك مينزل فيه هيدرز وكااام.... :D
هلا و غلا
روعه الصور حلوه وخاصه السيفك الاصفر و ال S2000 وياريت لو نشوف المزيد من الصور الخاصه بتلك الحلبه لاتنسى اخ كراور :banana:
VIP_GTS
10-09-2004, 02:42 AM
:banana: :banana: :banana:
ممتاز اخوي .... والله مدري وش اقولك :think: :think:
ما شاء الله عليك ..... ::):):):)
للأمام اخوي وننتظر تقرير مفصل :D
ويعطيك الف عافيه
Crower
10-09-2004, 04:08 AM
SLR : تعرف ان في سباقات اوتو كروس محد قدر عليهم...... لانهم وزنهم خفيف و مكاينهم قويه, و شوي تعديل على انظمه التعليق و يسوون مشاكل, الهوندا الصفرا اخر وحده سيارة واحد روسي محترف سواقة. تعرف الكاترهام ما يسويلها سالفة في الاوتو كروس
شي جميل .. مشكور عالصور Crower. .. السوبرا الأولى شفتها في كراج Performance من حوالي سنه .. روعه ...:rolleyes:
Crower
10-09-2004, 06:20 AM
سياف: مشكور على المرور, بس ما اعتقد هي الي عند خالد....... يمكن تقصد التوب سيكرت الاصلية
خالد عنده بس سيارتين ذهبيات في الجراج, التوب سيكرت الاصلية و السوبرا تاكسي الخليج اللي عنده البيج:D :D
رد مقتبس من Crower
SLR : تعرف ان في سباقات اوتو كروس محد قدر عليهم...... لانهم وزنهم خفيف و مكاينهم قويه, و شوي تعديل على انظمه التعليق و يسوون مشاكل, الهوندا الصفرا اخر وحده سيارة واحد روسي محترف سواقة. تعرف الكاترهام ما يسويلها سالفة في الاوتو كروس
بصراحة اخوي مافهمت شي عن هالنوعية من السباقات.... بس ممكن تفصل بالتعريف .. اول مرة اسمع عنه اوتوكروس وغيرها...
واشكرك:)
SLR
رد مقتبس من Crower
سياف: مشكور على المرور, بس ما اعتقد هي الي عند خالد....... يمكن تقصد التوب سيكرت الاصلية
خالد عنده بس سيارتين ذهبيات في الجراج, التوب سيكرت الاصلية و السوبرا تاكسي الخليج اللي عنده البيج:D :D
ياخوي نفس اللون هذا بالضبط ... بس أعتقد الكور مال المكينه كان نفس لون الموتر و البولي لونهن أزرق ... حتى كان حذاله RX-7 .... و نيسان يركبون عليه تيربو ... ... بس هذا اللي أذكره .. حتى أذكر صورت مكينته بالموبايل ... بس ضاع الموبايل :D
شباب ... في الصوره كنه في أنتيقرا و لا أنا غلطان ؟ اللي قدام الستيرلت ... ولا مارك 2 هذي ؟
Crower
10-09-2004, 05:40 PM
SLR: افا عليك, هذا نوع من السباقات يقام على مضامير الكارتينغ او في موقف سيارات كبير و الحين ان شاء الله بتصير في الحلبة عقب ما يفتحونها, الفكره الاساسية هي سباق رخيص التكلفة ( الدخول حوالي 100 درهم) و بامكانك تستعمل اي سيارة الا الفورويل (نيسان و غيره) و احسن ميزه انك تقدر تشارك بسيارتك الخاصة, و الهدف انك لازم تقطع اللفه في اسرع زمن ممكن, و السباق في العاده كله لفات صغيره و مسافته قصيره و هالسبب اللي يخلي السيارات الصغيره تكون لها الافضلية.
هاي مجموعه من الصور بتوضحلك الامور.http://www.uaqboost.com/gallery/albums/13/DSCI0019.psd.jpg
http://www.uaqboost.com/gallery/albums/13/DSCI0030.psd.jpg
http://www.uaqboost.com/gallery/albums/13/DSCI0029.psd.jpg
http://www.uaqboost.com/gallery/albums/13/DSCI0001.jpg
Crower
10-09-2004, 05:42 PM
سياف: صح هاي انتيغرا تايب ار اليديده
beast2001
10-09-2004, 07:11 PM
السلام عليكم ورحمة الله وبركاته
Crower
مشكور والله يعطيك العافيه على هالموضوع
سيارات روعه ماشاءالله و السوبرا ابداع والله
تحياتي
السلام عليكم ورحمة الله وبركاته
سلامي عليك يا Crower هذه المواضيع الي تفتح النفس.
Preformance Group دايما متألقين بسياراتهم الحلوة و خدمتهم الأحلى:banana:
مشكور و ما قصرت
أخوك راعي عيمان :D
رد مقتبس من SLR
هذي سيايير مالقووم ولد الخااالة سيفيك مينزل فيه هيدرز وكااام.... :D
يا خوي وين هذيل عن قوم ولد الخااالة
هذيلاك بس مينزل:D و دبة صوت, و فلتر كروم(لا تسألني شو هذا, أهم شيء أنه كروم:D ) من عند اليرانية الي في الشارجة و لا سوق نايف. و يحطون ووفرين JEC:laugh: في سوق الرولة و ليتين تحت السيارة صوب أزرق و صوب أخضر.
السيفيكات الي اتشوفها في الصورة الله يكرمها عن سيفكات قوم ولد الخاااااااااالة:D :D , هني أتشوف فن مب شيء كشرة:p
ماشاء الله ... شغل عدل ...
رد مقتبس من SLR
هذي سيايير مالقووم ولد الخااالة سيفيك مينزل فيه هيدرز وكااام.... :D
عيال الخاله مسوين أوتوكروس في أم خنور
uae speed
11-09-2004, 04:00 PM
رد مقتبس من سياف
عيال الخاله مسوين أوتوكروس في أم خنور
ههههههههههههههههههههههههههههههههه
حلوة :D
حتى عالممزر يوم الخميس بالليل تلقاهم يالسين عالشارع ويلعبون ورقه .. :D
كل واحد صافط موتره ويالس فوق البونيت .. يعني شوفوني منو قدي ..:D
<<-- شو خانته عيل المتحدث الرسمي لمحاربة الـ Rice :D
مشكور على الصور وسامحنا على التاخير :laugh: :laugh: شو تسوي الماكسيما بينهم
Crower
11-09-2004, 10:35 PM
AMG : كل حد يسابق على قد ميزانيته
خليل أبو سمرة
11-09-2004, 11:04 PM
أولا ما أعتقد ان في حد ممكن يفيدنا عن هذه السباقات أكثر عن Crower لأن خبير في التزويد و أذكر من التجمع الوحيد اللي شفته فيه كيف كان يتكلم عن الاوتوكروس و المناسبات هذه
ثانيا وين مكان هاي الحلبة بالضبط
ثالثا سمعت ان في سباق قريب راح يصير !!!! ممكن معلومات زيادة عن الموضوع هذا
رابعا لا تنسى التغطية المستمرة لهذه المناسبات
خليل
Crower
12-09-2004, 01:18 AM
شكرا يا خليل..... الحلبه موقعها على شارع الامارات و اسمها اوتودروم,لين الحين الحين تم تنظيم يوم مفتوح لمالكي سيارات بورش و التجمع الثاني لهواة الاوتو كروس...... و الباقي في الطريق, سباقات اوتو كروس بتكون دايما هناك ان شاء الله, بيتم تنظيم بطولات رينو فورملا ان شاء الله, سباقات هولدن, السباقات الاسبوعية, و الباقي في الطريق و احسن شي ان الحلبة مش مبنية على اساس ان بيتم تنظيم بطولة فورملا1 و لكن لتلبية رغبات عشاق هالرياضة
HAMANN.de
12-09-2004, 09:56 AM
يعطيك الف عافيه اخوي Crower على جهودك في التصوير والشرح :banana:
Crower
تصوير ومعلومات جيدة جداً ، وهذه خطوة تستحق الأهتمام والثناء.
مع وجود منشأت وتنظيم مثل هذا يكون عند الفرد طموح أنه يعدل ويهتم في الأداء لكن لما يكون الموضوع (ما لك أحد) فالأفضل هو الـ......... :help:
أخوي Crower
أنت تكلمت عن سباق الأوتو كروس ، لكن في الصور إللي فيها السوبرا والهوندا أنا أشوف أنها واقفين في Race Track المشابه للفورمولا واحد ، هل هناك فعاليات بحيث أن المشاركين يتسابقون في الحلبة الكبيرة هذي؟
لأني أشوف أن سباقات الأوتو كروس ما تعطيك الحماس الكامل لأنها تفتقر للسرعة العالية.
Crower
13-09-2004, 03:21 AM
شكرا للرد جاسم
قبل كانت الاماكن ما تسمح الا بالاوتوكروس اما الحين اغلبها بتكون في الحلبه ان شاء الله