عندي مشكله في السيارة واريد لها الحل

[فرو]

السلام عليكم ورحمة الله :)




سيارة نوعها 400 LS لكزس موديل 1991 .

بس فيها مشكلة ظهرت من فترة وهي ان السيارة تكون قومتها تعبانه لدرجه ان راعي الدرجه الهوائيه لو بيمشي جنبي بيروح عني :shock2: والريس يوصل 6 وماتبدل بسرعه .

جربت وشلت فلاتر العادم الي تحت المنفول (وكانن يريدين تغيير ) ونفس العله بعدها .

(ما بقت ورشه الى ورحتها وهاي النتيجه)
حد قال من القير(مع انه تبديله ناعم ومشيته زينه) وحد قال من الانجكترات(احتمال كبير وخاصه اني اشم ريحة بترول يوم اوقف بجنب السيارة وهي شغالة والصرفية مالت البترول مايحتاي بلهبل تشرب بترول) وحد قال انه سير المكينه الداخلي يريد شد وحد قال الولات تريد عيار (واخوكم محتاس وماعارف شو يسوي ) مع العلم ان آخر سرعه لسيارة بشد النفس على خط 140 بس
:Sad2:



لو حد يفيدنا من الاخوان الي عنده معرفة جزاكم الله خير .

[CL-Class]

المشكلة في القير....... لكن عندي لك حل مبدئي...... شف لك قير مستخدم من التشليح واشرط عليه انه لو ماضبط راح ترجعه وتاخذ فلوسك ( طبعا انت خذه عشان تجربه وتقطع الشك باليقين ان قيرك الأساسي ماشي حاله والا لأ ) اذا استمرت نفس المشكلة فالمشكلة مو من القير واذا راحت المشكلة أعرف ان قيرك تعبان..... وسلامتك

[Dr cars]

مثل ما قال الأخ CL-Class الإحتمال الأقوى الجير

[922]

السلام عليكم ورحمة الله وبركاته

راجع موضوعي

الرابط

http://www.swalif.net/sforum1/showthread.php?threadid=192930


ولاتنسى تدعيلي.......


تحياتي

922

[عاشق التضبيط]

والله ياخوي انا صارت لي نفس هالسالفه بالضبط في ماكسيما موديل 2002 واكثر الشباب قالولي قير انا قفلت معي قلت اما قير :mad:

المهم وديتها الوكاله وقالولي احتمال يكون القير :cry: بس قالو خلها عندنا يومين نشيك عليها ونرد لك خبر خليت عندهم السياره بعد اربع ساعات دقوا علي وقالولي المشكله من منظم الهوا (او حساس الهواء ) ما اتذكر بالضبط المهم السالفه بسيطه وماتكلف

وان شاءالله تكون مشكلتك زي مشكلتي بسيطه

خلني اشرح لك مشكلتي بالضبط

اول شي لما تدعس الدعسه كامله السياره ماتتحرك كانك حاطها على الإن عداد الضغط يتحرك والسياره ماتتحرك

ثاني شي انك لما تشيل رجلك عن البنزين السياره تنفض نفضه خفيفه وتحس كانك ضاغط بريك

ثالث شي انها ماتعدي ال 140 كان اخر العداد 140 لما توصل 140 تنفض نفضه كان العداد فصل


يعني مر على الوكاله وشووف

[فرو]

مشكورين اخواني على الردود والمرور:)


بنسبة للقير انا مبدل له زيت وفلتر ومنظف مكانه بس مادري نفس العله (يمكن صحن كلتش محترق ).


مشكورين وجزاكم الله خير على المرور والنصيحه .




تحياتي

[فرو]

عرفنا السب وبطل العجب :D

روس الانجكترات كانن يحتاجن لتبديل بس ....وماشاءالله السيارة على احسن مايرام .:)


(وهقه لو كان القير :blink: )




مشكورين مرة ثانيه وجزاكم الله خير على مشاركتكم الفعاله :)



تحياتي
:) :) :)