View Full Version : نقاش :: فتح ملفات وكلاء السيارات فالخليج
لون الليل
02-09-2004, 02:55 AM
السلام عليكم ورحمة الله وبركاته
اليوم حبيبت أطرح موضوع عن وكلاء السيارات فالخليج وفالسعودية خاصة لكثرة الشكاوي عليهم :damp:
وأرجوا من جميع الاعضاء المشاركة في هذا النقاش المفتوح ...
وذلك بالاجابة على الاسئلة واضافة ما يرونه مناسبا لجو الموضوع :cool:
الوكلاء اللي عليهم الكلام هم ( الجميح - بالبيد ) >> هذول اللي اعرفهم بس مع انه في أكثر
بس اللي مستغرب منه ليش فالسعودية بالذات يكثر الوكلاء السيئون ليش مب في الامارات ولا قطر ولا الكويت ولا أي مكان ثاني ... أكيد في شي غلط
يعني معقوله يكونون كلهم نصابين :(
وبهالمناسبة ياريت من أي عضو " تعامل " مع أحد الوكلاء في الخليج وكانت المعامة التي عومل بها سيئة أو حسنة أن يذكر تفاصيل هذه الحادثة :cool:
( مب ايي واحد ويقولي انا سمعت ... ولا خبروني لأننا نبا حقائق )
تحياتي
:black:
تم التعديل لعيوووونك يا S8 :D
الراجحــــــــــــــــــــــــــــــــــــــــــــــــــــي؟!!!؟
هذا بنك وليس وكيل سيارات ....
اما بالبيد والجميح فحدث ولا حرج انا متعامل مع بالبيد
لي رجعه انا الان مستعجل
سلام :)
لون الليل
02-09-2004, 03:27 AM
ههههههههههههه استر علينا ياخوك :D
شدراني انا فالوكلاء اللي عندكم :laugh:
فضيحة بالبيد يكفي انك تحط الوصله بس :cool:
uae speed
02-09-2004, 03:48 AM
مرحبا .. :)
انا من الامارات .. دبي بالتحديد .. :)
بالنسبة لي فأحنا كل مواتر البيت من تويوتا !
لاند كروزر الوالد - كامري (سيارة البيت واستخدمها حاليا) - راف 4 -
كورولا (سيارتي القديمه واقفه حاليا) - بيك اب للعزبه :D
وطبعاً محد فاضي للوكالات غيري انا في البيت ..
كل فتره أودي موتر للوكاله .. :D
طبعاً وكيل تويوتا في الامارات هو الفطيم ..
وبصراحه معروف عنه في الصيانه ما عليه كلام ..
يعني اخر مرة من شهر تقريبا وديت كروزر الوالد للصيانه تقريبا الساعه 11 الصبح ..
واستلمته العصر نفس اليوم ..
قبل لا استلمه اتصلوا فيني وخبروني عن نتيجة فحص السياره والسعر ..
ويوم رحت استلمه .. لقيت دبدوب صغير حاطينه ورى :D وميدالية .. وقوطي ريحه :D
لا وبعد يوم كنت انتظر في الاستقبال عشان يجيبون لي السياره .. قدموا لي شاي .. :D
يعني الفطيم في الصيانه ما عليه كلام ..
هذا من واقع تجربتي .. والسموحه على الاطاله .. :)
لون الليل
02-09-2004, 03:59 AM
هلا أخوي UAESPEED صراحة الفطيم ماعليه كلام مثل ماقلت :)
وشكرا على مشاركتك الغالي :p
بـــ{{جراح}}ـــو
02-09-2004, 05:00 AM
السلام عليكم ياشباب و أشكر أخ لون الليل على موضوعه الشيق والذي يفتح النفس ...
الفطيم من ناحية الصيانه ممتاز ومالعيه كلام .. لكن مواصفات السيارات التي يقدمها و أسعارها .. هذا الأهم .. وشكرا
لون الليل
02-09-2004, 02:56 PM
بوجراح ... الاسعار لا يجب مقارنتها بباقي الدول وذلك لإختلاف اسعار الجمارك على السيارات
ولو كانت الاسعار غالية فإن الخدمة الممتازة تخليت تشتري السيارة وانته مطمن حتى ولو دفعت
كم ألف زياده :p
TOP-SECRET
02-09-2004, 03:22 PM
سياراتنا ياعبدالله من وكالتين
1- عبدالله عبدالغني
2- المناعي
بالنسبه لوكيل تويوتا تعامله مشاء الله حدث ولا حرج 100% من افضل الوكلاء في التعامل مع الزبون خلال فترة الضمان ومن غيرها والموظفين اخلاقهم رفيعه ومحترمين ماتحصلهم رافعين راسهم على العالم نفس وكالة (المانع):)
المناعي ينطبق عليه نفس الكلام ولكن مع تحفظ قليل للتعامل مع الزبون في فترة الاصلاح او التشييك على السياره يعني في بعض الاوقات تطول السيارات عندهم والسبب قطع الغيار
ويعطيك العافيه على الموضوع الجميل :)
لون الليل
02-09-2004, 03:27 PM
حلو حلو
الموضوع قام يتحرك شوي
بس وينهم السعوديين :(
UAE-Warrior
02-09-2004, 04:10 PM
السلام عليكم ورحمة الله وبركاته
بخصوص الوكلاء احب اخبركم على وكيل مرسيدس عندنا بالعين وابوظبي صراحه مصخره ولاعبين لعبتهم.
الاستقبال ماعليه كلام شاي وقهوه وكبتشينو ورطب وحاضر وتامر وعيونا وبعد هالشي السيارة نفس مادخلت طلعت ولا شي منه انا كانت عندي E-320 موديل 2004 واخوي عنده C-class موديل 2002 والله من اول رحت للخدمه وانا راسي يعورني السيارة طلعت من عندهم فيها اعطال ماكانت فيهم ورديت عليهم اكثر من مره ويقولون بس برمجه واكثر من مره تطلع السيارة من عندهم متوسخه من داخل الجلد بيج وعليه نفس بقع زيت :cry: والله كل شهر كنت ادخلها الوكاله ويقولون نحنا بدلنا قطعه ب 5000 ونحنا سوينا وسوينا بس السياره نفسها.
تعرفون في مره رحت اشتكي من فتحت السقف اكثر من مره تعلق واكثر من مره يبرمجونها تعرفون شوه قال مال الاستقبال :D قالي الفتحه تفتح لين النص عسبت هذا نظام امان حق الاطفال :blink: انا عيوني حمرة ونتفخت فوق ما نا منفوووخ وخاف الهندي وقال مافي مشكل انا بيسوي ترتيب.
والقير عندي فيه دقه بسيطه ورحت عندهم وركب عندي مختص الصيانه وشاف العطل وسالته هذا عطل في القير ولا طبيعي قال هذا عطل وبنصلحه ويوم حاولو يصلحونه اكثر من مره بس ماشي فايده اعطوني السيارة وقالو هذا شي طبيعي :cry1:
المكيف المفروض الكتروني يعني كل راكب له ترجه حراره مستقله يومين والسيارة في الوكاله ولا عرفو يصلحونه وعطوني السيارة على اساس مصلحينها ولكن هي هي
ماره رحت وكالة ابوظبي عسبت الصيانه الدوريه 30000 كم المفروض ان الصيانه 1350 مع زيت موبيل حسبو على 1800 يوم سالتهم ليش الزياده قال لاني ركبتلك بلاكات اصليه ؟؟!!! قتله مب انتو و وكالة العين واحد؟ قال نعم قتله اسمع واتصلت على وكالة العين جدامه على السبيكر وسمع الريال يقول الصيانه الدوريه حق 30000 كم ب 1200 من غير موبيل الخاص و 1350 مه موبيل. تعرفون شوه رد على قال انا مركبلك بلاكات اصليه ووكالت العين ماتركب بلاكات اصليه .
والله اني مت قهر ودخل عليهم وسبيتهم واحد واحد من مدير الورشه البريطاني الين هاك الهندي الي مايفهم شي ورحت نفس اليوم وبعت السيارة.
خلاصة القول انه وكاله المرسيدس بالعين وابوظبي مصخره واكثر من مره احصل ناس معصبين ويسبون وهم طالعين من الوكاله بالعكس من وكالة دبي.
الله المستعان .
لون الليل
02-09-2004, 04:19 PM
هلا أخوي UAE-Warrior
مشكوووووووووور على هالرد .. والله مهزله سيارة يديده وفيها كل هالعلل :OO:
على فكرة شباب وكيل المرسيدس فبوظبي والعين هو EMC (شركة الامارات للسيارات )
وفي دبي ( قرقاش ) الذي يقال أن خدمته افضل من الـ EMC بكثير لكن ليس لدينا دليل
فياريت حد يكون مجرب صيانة قرقاش ويقول لنا كيف المعامله عنده :think:
وايضا باقي الوكلاء
black scorpion
02-09-2004, 04:31 PM
افضل صيانه و استقبال شفتها في شركة لكزس في جدة ما كأنك في شركة كأنك في فندق
هههههه مقابل ما تدفع تلاقي خدمة ممتازة ولا ايش رأيكم؟؟؟؟:D :D
لون الليل
02-09-2004, 06:26 PM
ههههههههههههاااااااااااااااااااااااي
بفلوسك تقدر تسوي اي شي وانته بمكانك :cool:
حتى هالايام طلعت موضه يديدة لتشييك السيارة
اييك الريكفري لجدام بيتك ويشيل سيارتك يوديها الوكاله ويوم تخلص يرجعونها لجدام بيتكم :glasses2:
مجنون بورش
02-09-2004, 07:11 PM
العيسائي تعاملهم زفت
انا عندي ماجنا 2002 فيها مشكلة في الجربكس دخلتها يوم الاثنين ورحت اليوم اخذتها وهم ما طلعوا التقرير
قلتلهم ابغا السيارة خلاص قلوا الحساب 250 ريال
قلتلهم على ايش وكلمت المدير وخلها 195 ريال
ودفعتها وانا مقهور لانهم ما عملوا شي في السيارة
ولمن اعطوني السيارة اعطوني هي مفكفكة منها قطع من الطبلون
سويت لهم مشكلة وركبوها
وليا مشاكل اكثر معاهم بس هذي سارت لي اليوم:anger: :anger: :cry:
لون الليل
03-09-2004, 12:22 AM
195 بسسسس يا بلاش :D :D
الله يعينكم على الوكلاء اللي بهالاشكال :cool:
انا أفحص سيارتي عند قرقاش والصراحة معاملتهم للزبون تمام وما فيها اي مشكلة بس مرات يتأخرون في تسليم السيارات :cool:
لون الليل
03-09-2004, 12:44 AM
حتى قرقاش :cry: اللي كنا تمدحه :cry1:
شكرا عالمشاركة أخووي AMG