هل هذه البطاريات في الرياض ؟؟

[hosam2000]

وين اقدر احصل بطاريات Optima في الرياض ؟ وهل فعلا لها اسم ثاني هو TSUNAMI ؟

[S8]

حبيبي ممكن اعرف وش هالنوع من البطاريات؟

ياليت لو توضيح اكثر

تحياتي :)

[فـهـد]

رد مقتبس من S8
حبيبي ممكن اعرف وش هالنوع من البطاريات؟

ياليت لو توضيح اكثر

تحياتي :)


شرح مفصل هذا النوع من البطاريات
انواع بطارية السيارة (http://www.swalif.net/sforum1/showthread.php?s=&threadid=188140&highlight=Optima)

[DDesigns]

نعم هذه البطاريه موجوده في الامارات اما في السعوديه فا مو موجوده انا دورت عليها وما لقيت قالوا لي انها موجوده بس غاليه يمكن 1200 ريال .

هذه صوره اللي عندي :

http://images.cardomain.com/member_images/6/web/402000-402999/402953_59_full.jpg

انا شريتها ب 620 درهم ..

اذا ما تبي تروح بعيد فيه لها موزع في قطر بس ما ادري عن اسعاره لان مشهوره هناك يستخدمونها حقين 4x4 والجيوب لانها قويه .

..


اذا بغيت وحده من الامارات وما عندك احد تعرفه انا اروح اشتريها لك واشحنها بس اخذ عموله بسيطه حسب ما انت تتفضل يعني شوف تعبي والطلع والحر يعني انت بكيفك .

في نوع احمر واصفر وازرق كلهم نفس السعر 620 درهم .


ولا اقولك صحححححححححححح

خويي موجود في عمان هو الحين سياحه مدري وين في صلاله جاي هو مع شباب من الرياض في السياره وراح يمر علي في دبي ويقعد كم يوم بعدين يرجع بس ما ادري اذا الشباب بيظلون ولا لا يعني هو بيرحع بسياره ولا طياره ..

لان اذا بيرجع في طياره ما اقدر ممنوع تدخل البطاريه الطياره اما السياره اقدر ادزها معاه .



تحياتي .......

[الأنصاري]

اذا ماحصلتها في نوعيات منافسة لها

اسم الشركة اكسايد

[DDesigns]

نعم صح Exide ايضا تنتج بطاريات زينه انا اذكر اني حصلتها في الخبر يعيني مو موجوده في المحل بس قال لي اجيبها لك 750 ريال ..

شوف اهم شيء تكون البطاريه Deep Cycle وتشوف كم crank amper حقها يعني لازم تكون فوق 900 امبير .. وتشوف reverse كم قيمته كل ما يكون عالي كل ما يكون احسن .

[الأنصاري]

انا مستعمل بطارية اكسايد النوع العادي البيسط على سيارة قديمة والحين بتكمل السنتين بدون اي مشاكل انصحك فيها

تدري عبدالله عبد الغني وكيل تويوتا في قطر صار وكيل حق هذة البطارية وصايرة تخرب سوق البطاريات الثانية:D :D

[hosam2000]

تسلمون اخواني على تفاعلكم

------------------------------------------

اخوي (ابو عبود) بادور عن الاكسايد ومشكور على النصيحه و على الله احصلها


------------------------------------------

اخوي( DDesigns )مشكور على المعلومات واذا ما حصلت الاكسايد بيكون بيننا اتصال اكيد.

[hosam2000]

نسيت اقول لكم بانه مرت علي بطارية Optima على موقع Amazon باسم Tsunam

هنا صفحة البطارية على الامازون (http://www.amazon.com/exec/obidos/tg/detail/-/B0002FR2CC/qid=1093702236/sr=8-6/ref=sr_8_xs_ap_i6_xgl23/102-6007786-0126517?v=glance&s=electronics&n=507846)

قلت ممكن تنزل عندنا بالاسم الثاني. عموما بابدا جولتي اليوم :) وان شاء القى الي ادور عليه مع نسبة نصب منخفضة :anger:

[DDesigns]

صراحه اول مره اشوفها !!

يعني هي تشبه اللي عندي بالضبط بس ما ادري عن المواصفات هل نفس الشيء ولا لا .. بس سعر 149 دولار ه1ا سعرها الاصلي في امريكا ..

[hosam2000]

اخوي DDesigns ما الذي تحتاجه بطارية OPtima هي يتم شحنها كل فترة او تترك الى ان تتوقف لوحدها.

[DDesigns]

اخوي بطاريه اوبتيما بطاريه حاله كحال البطاريه العاديه تشبكها بالسياره والدينمو يشحنها متا ما فرغت ..

طبعا هي ليثيوم يعني مثل بطاريه الجوال فا تقدر تركبها فوق تحت عادي ما فيها ماي ما تخرب ..

هي تشحن فول خلال ساعتين ..

انا عندي الحمراء خليتاه مقطوطه في البيت حوالي سنه وجيت شغله السياره مع البطاريه العاديه بعدين فصلتها وركبت الاوبتيما ورحت كورنيش الخبر اخذت فره وحده بس وانا ماشي طفيت السياره علشان اشغلها مره ثانيه حتى لو ما اشتغلت انتعها مع القير ولكن على طول من اول سلف اشتغلت .


اذا كنت راعي ريس وجيوب ومضايقك الدينمو فا فيه ناس في امريكا يسونها ..

يحط البطاريه في البيت ويشحنها فول بعدين يطلع يركبها بالسياره ويدق سلف يروح يسوي الريس حقه بعدين يرجع البيت يركبها ويشحنها من جديد عادي مثل اللعبه البطاريه ما تموت في سهوله حتى لو فضت على الاخير ..

ضمانها في امريكا 3 سنوات بس هنا يعطونا سنه ما ادري ليش .

طبعا لو فكيت البطاريه وخليتها بالبيت وهي مشحونه فول عادي تقعد 6 او 7 شهور فيها طاقه ترد تقركبها وتدق سلف عادي .

بكره بروح اشتري وحده حق خويي يشتكي من البطاريه اللي عنده لان عنده سيستم والبطاريه كل شوي تفضا ما تتحمل .