موضوع للنقاش:::الي مو عاجبه السبورت الامريكي:::

[Trans-Am RAMAIR]

بسم الله الرحمن الرحيم

بالموضوع هذا حبيت اناقش الشباب بالسبورت الامريكي في بعض النقاط المهمه:::

طبعا بما ان نتكلم عن سبورت فهذا يعني السرعه و اهم شي و الي اهو السعر و من اهم الاشياء الي اهو الشكل:::و هاذي النقاط الي اتمنه من الجميع ان يركزون عليها...يعني رجاء هذا سبورت يعني اذا احد بيقارن خل يقول تسارع مو تكييف و صرفيه مثلا...

انا هني راح اطرح 4 امثله..3 من الامثله هذول يتوفرون عندنه بالخليج و واحد منهم لا...

ملاحظه الامثله الي راح اطرحها لموديلات طرحت حديثا او موديلات مؤكد طرحها خلال الفتره القليله القادمه::

::1:: dodge viper(متوفر)
::صور::باين على راعي السياره راعي قومات الي ملبس السياره برقع:laugh1:
http://www.ta7meel.com/up/43/1092442328.jpg
http://www.ta7meel.com/up/43/1092442527.jpg
http://www.ta7meel.com/up/43/1092442612.jpg

المكينه:10 سلندر بقوه 500 حصان.
التسارع:3,8 ثانيه
توب سبيد:323+
السعر:29 الف دينار كويتي.

::2:: Chevrolet Corvette(متوفر قريبا)
::صور::
http://www.ta7meel.com/up/43/1092443040.jpg
http://www.ta7meel.com/up/43/1092443134.jpg
http://www.ta7meel.com/up/43/1092443191.jpg

المكينه:8 سلندر بقوه 405 حصان
التسارع:3,9 ثانيه
توب سبيد:320+
السعر:18-20 الف دينار

::3:: ford mustang(متوفر)
::صور::
http://www.ta7meel.com/up/43/1092443683.jpg
http://www.ta7meel.com/up/43/1092443744.jpg
http://www.ta7meel.com/up/43/1092443794.jpg

المكينه:8 سلندر بقوه 395 حصان
التسارع:4,6
توب سبيد:-----
السعر:16 الف دينار

::4:: dodge srt-4(غير متوفر)
::صور::
http://www.ta7meel.com/up/43/1092444269.jpg
http://www.ta7meel.com/up/43/1092444343.jpg
http://www.ta7meel.com/up/43/1092444393.jpg

المكينه:4 سلندر+تيربو بقوه 230 حصان
التسارع بالتجربه:5,3 ثانيه
التوب سبيد:153 ميل
السعر:7000 دينار للفل اوبشن
تعليق::لاحضوا هذا الوحش الامريكي الصغير بقوته البسيطه (230) لاكن يتفوق على منافسيه من الطرف الياباني (سبارو امبريزه_لانسر افلوشن) التي تتراوح قوتهم بين ال276-290 حصان...و ايضا يتفوق عليهم من ناحيه السعر بفارق كبير و من ناحيه المواصفات و الشكل الخارجي....لاكن مع الاسف لا يتوفر بالسوق الخليجي.
و هذا رابط لتجربته(مجلهcaranddriver)
http://www.caranddriver.com/article.asp?section_id=16&article_id=7871

الان اتمنه من الجميع المشاركه من خلال ابداء ارائهم بالوحوش الاربعه..حته لو كان من خلال طرح مقارنات بين سيارات اوربيه او يابانيه:::

تحياتي للجميع

[A7medo]

بس يالحبيب نسيت سيارات وايد ما ذكرتها

اولها ال بونتياك GTO

الكماروا

الفايربيرد

والشيلبي ما جبت طاريه خير شر

http://www.us-cars.lu/uscars/photogallery/photos-2003/shelby-series.jpg


المهم ارجو انك فهمتني

و مشكور على الموضوع

[MR.FERRARI]

مشكور حبيبي
أنا بصارحة مش من محبي السيارات الأمريكية ولاكن الثلاث السيارات الأولى هي أكثر سيارات أحبها في السيارات الأمريكية ......
حبيت أقلك أن السيارات قوية وسريعة ولاكن المشكلة فيها أنها ثقيلة الوزن والوزن من أهمل مميزات السيارة الراياضة وفي شي مهم بالغ الأهمية وهو السيطرة على القوة الهادرة في السيارات الأمريكية وهذا هو أهم أسباب فشل السيارات السبور الأمريكية في العالم خارج أمريكا وإذا كانت مهما كانت سرعة أو قوة السيارة لابد من أن يكون على مقدور أي سائق عادي السيطرة عليها وهذا هو مايميز السيارات السبور الأوربية وخاصة الألمانية و الإيطالية عن غيرها من اسيارات السبور مع العلم أن الطاقة الحصانية والتسارع في السيارت التي ذكرتها قريب من السيارات الأوربية...........
وإيضاً بالنسبة للقدرة الحصانية في السيارات الأمريكية تعتبر زائدة ب 20 % من قدرة السيارة الحقيقية
بسبب أن الأمريكان يحسبون القدرة الحصانية للمحرك في ضروف مساعدة بعكس الأوربييين يحسبو قدرة السيارة ككل في أشد الظروف
وفي النهاية أقول أن السيارات اللي موجودة سيارات ممتازة وقوية ولها محبينها ومؤيديها
وأتمنى أن رأيي ما يزعجك أخوي العزيز

[Trans-Am RAMAIR]

اخوي A7medo مشكور على المشاركه و يعطيك الف عافيه....بالنسبه للسيارات انا حبيت احط اشهر 3 وحوش و سياره صغيرونه حطمت جميع المنافسين....اما الي ذكرتهم انت سيارات مو طبيبعيه و اولهم الشيلبي 10 سلندر 600 حصان و الوزن ريشه:D اكيد اداء تحلم فيه حته السيارات الاوربيه...

اخوي MR.FERRARI انا معاك ان السبورت الامريكي صعب السيطره عليه و اولهم الفايبر و من بعده الموستينغ لاكن الكورفيت قمه بالثبات...اما من ناحيه الوزن فسمحلي ماكوا على خفه الامريكي..وزن الكورفيت 1405 و وزن الفايبر 1490....و اخوي رايك بموضوعي اسعدني و ما ازعجني:) ليش يزعجني اصلا

و تفضل الموضوعين هذول اهداء لك

http://www.swalif.net/sforum1/showthread.php?s=&threadid=194330
http://www.swalif.net/sforum1/showthread.php?s=&threadid=194329

تحياتي

[Imaj]

السبور الأمريكي ثقيل :damp:

طيب ايش تقول في الكورفيت البودي كل أبوه فايبر جلاس.. (مثل بودي الخزانات :D )


لكن طبعاً الياباني أخف منه.. لكن الأوروبي أثقل.. قارن وزن الكورفيت بالفيراري،الليمبورغيني، الأستون مارتن أو البورش..








سلام :banana:

[W351]

موضوع جميل وطرحك لنقاط المنافسه مناسب :

السرعه
الشكل
السعر

من وجهة نضري وكمحب للعضلات الامريكيه فأنا ارى ان السيارات الامريكيه كسرعه ممتازه (وبا الذات

القومه) وكشكل اراها ممتازه , ولولا الاذواق لبارت السلع , وكسعر اكثر اكثر من ممتازه وهناك نقطه

بودي ان اضيفها وهي سهولة الصيانه , حتى الفايبر ابو 10 سيلندر لما تفتح مكينته تلاقيها سهله وما

تحتاج فك رموز وحتى تصاميم المكاين يمكن ما طلعت منه الا فورد باستخدامها الكامات العلويه , وحتى

لو جيت الى قطع التزويد فهي ارخص بكثير من مثيلاتها من الصناعات الاسيويه او الاوروبيه واذا كان من

مأخدعلى السيارات الامريكيه فهو استهلاك البنزين لكن عموما (اللي يبغا الدح ما يقول اح;) )

[GTO MR]

السيـارات الأمريكية برأي سيارات رائعة بس ملاحظات ..


* سعـة المحرك تجي عالية والمحركات غالبا ثمانيه سلندر ..

* دفع خلفي للسيارات السـبورت او دفع امامي .. فورويل قـليل

* اصـوات السيارات كأنه غليون :D .. الي يشرب معسل او قدو يعرف وش اقصد ..

* المحركات تجي بدون تيربو بكثرة ..


السيارات الامريكية رائعة ولكن انا عندي السيارات اليابانيه افضـل .. :cool:


وحبيت اصحح لك الخطأ عن الكورفيت الجديد



0-60 mph: 4.3 sec
0-100 mph: 10.2 sec
Quarter Mile: 12.7 sec @ 112 mph
Skidpad: .95g
Top Speed: 186 mph
Braking, 60-0 mph: 110 ft
Slalom Speed: 66.2 mph

والمصـدر
http://www.fast-autos.net/chevrolet/chevroletc6.html



:)

[Imaj]

اصـوات السيارات كأنه غليون

الناس أذواق وفي نظري هذا أحسن شيء في السيارات الأمريكية..

لمن تسمع صوت غرغرة الماكينة كأنها معسل :black: وبالأحرى وحش :black:

التيربو ما له داعي ويعقد الصيانة..

بدل ليترين بتيربو يحطون 5 بدون :glasses2:












سلام :banana:

[MR.FERRARI]

عزيزي اللومينا العنيد أنا أشكرك على تقبلك لرأي
وأحب أشركك على الهدايا بس حسافة في وحدة منهم مصدومة!!!:cry: :cry: :cry:

وعلى العموم ألف شكر لك عزيزي

[Trans-Am RAMAIR]

مشكور اخوي Imaj على المشاركه

مشكور اخوي W351 على المشاركه ...و كلامك صحيح بالنسبه للصيانه و هم قطع الغيار تلقاها متوفره بالبقالات و الجمعيات التعاونيه:D ...و الي يبي الدح ما يقول اح:cool:

مشكور اخوي GTO MR على المشاركه..كلامك صحيح لاكن الامريكي لو نحط عليه تيربو يصير طياره و اكبر مثال الكورفيت و الفايبر تون تيربو:) ...و يعطيك العافيه على التصحيح

اخوي Imaj كلامك صحيح و الناس اذواق و انا يعجبني صوت الموستينغ كوبرا من دقه السلف لي دوسه البانزين:cool:

اخوي MR.FERRARI..احله شي المصدومه:D ...بس ماعليه عوضها بالانزو:D



تحياتي

[Trans-Am RAMAIR]

افااااا الحين انا متعب روحي و فاتح موضوع للنقاش و ما عجبكم:think:

يعني لازم افتح موضوع ذم وسب بالامريكي علشان اشوف المشاركات واصله 10 صفحات:bomb:


انا زعلت:mad1: :mad1: :mad1:

[WRX]

السلام عليكم ورحمة الله وبركاته

انا اعترض بس مو على كل شئ على كم حاجة بس:)

اول شئ الموستينج مو كأنها 260 حصان بس!!!واذا كنت تقصد الكوبرا ليش ما قلت انها سوبر تشارجر ....بصراحة ما ادري انت على ايش تقصد بس الي اعرفة اني احب االسيارة هذي:cool:

الشئ الثاني الدوج الصغير هذا المفعوص الي تقول انه تفوق على الأمبريزا والأيفو!!!
بصراحة رفعت ضغطي بالكلمة هذي بس نمشيها لك....اكيد ما تعرفهم على حقيقتهم:rolleyes:

عيوني الأيفو تجيب من صفر ال 100في 4.7والأمبريزا رقمها قريب جداً من رقم الأيفو.....156ميل
مع اني اجزم لك ام الأمبريزا تجيب اكثر

لكن طبعاً الياباني أخف منه.. لكن الأوروبي أثقل.. قارن وزن الكورفيت بالفيراري،الليمبورغيني، الأستون مارتن أو البورش..
انا بصراحة ما ادري عن السيارات هذي كلها إلا البورشة من جد اسمحلي اقلك ان معلوماتك غلط!!!
انا كنت في وكالة بورش قبل فترة واكتشفة ان الـGT2 وزنها بس 1200كيلو!!!
بالمقارنة بمحركها الجبار 475حصان تخيل اش تسوي هذي السياره في المورسليجو مثلاً؟؟؟
انا باقي السيارات الي ذكرتهم فا ماني متأكد عشان كذا ماراح اتكلم عنهم....

وسلامتكم....:)

[Trans-Am RAMAIR]

مشكور اخوي WRX على المشاركه.....:)

اخوي الموستينغ انا نسيت اكتب ان كوبرا لاكن من قوته و الصور واضح ان كوبرا:) ...و مافي مشكله اذا عليه سوبر المهم ان قوته 395 حصان:)

و بالنسبه للمفعوص...تره حته اللانسر و الامبريزه اشكالهم اصغر من جذي:D

و انا يوم قلت ان متفوق عليهم فأهو متفوق عليهم بعده نقاط مهمه...على الاقل تهمك انت اذا بقيت تشتري سياره!!!

خل ناخذ مواصفات كل الموديلات:)

1- impreza sti
القوه=276 و بعض الاحيان يقال 290 و على حسب motor trend فقوتها 300 حصان طبعا مزود بتيربو جارج
التسارع=4,9 ثانيه
الربع ميل 13,2 ثانيه
السعر=32 الف دولار

2- lancer evo 8
القوه= 276 و بعض الاحيان يقال 290 و على حسب motor trend فقوتها 271 و مزود بتيربو جارج
التسارع=4,6 ثانيه
الربع ميل=13,1 ثانيه
السعر=30 الف دولار

3- dodge srt-4
القوه=230 حصان فقط في جميع المصادر و مزود بتيربو جارج
التسارع=5,3 ثانيه
الربع ميل=14 ثلنيه
السعر=21 الف دولار فقط

الان بالنسبه للاداء يعتبر قليل بالنسبه لفرق القوه:) يعني فرق 50-70 حصان و يكون هذا الفرق البسيط بالتسارع..هذا يعتبر تفوق للdodge انا اقولك ليش و اهو فرق السعر الي ما يقل عن 10000 دولار....يعني انا مثلا افكر في سياره من بين الثلاث الي فوق طبعا بعد التفكير من جميع الجوانب راح افضل الdodge اولا كقوه مافي فرق كبير و كسعر في فرق كبير لصالح الdodge .....مثلا انا عندي المبلغ الي يخليني اقدر اشتري evo و اهو 30 الف دولا..اروح اخذ في الdodge و يزيد 10000 دولا اقدر ازود فيهم السياره بشكل كبير....وكتها(بالنسبه للسرعه) خل يني الي عند ايفو او امبريزه و دافع فيها 30 الف دولار و يدوس معاي:D

و في شي ثاني الdodge كمواصفات اقوه بكثير و كشكل ايضا....تدري ان الevo ما يتوفر بمسجل وله حته بنوافذ كهربائيه..يعني ادفع 30 الف دولار بسياره نوافذها يدويه و من غير مسجل....ليش السياره سياره فورملا الي مافيها مسجل!!!!!

و اخوي يمكن انت الي ما تعرف الdodge عدل وله شايفلها دوسات و افلام مع مواتر اقل ما تقول عنها supercar ...

و بالنسبه للوزن فسمحلي اقولك بالنسبه للsuper فالسيارات اليابانيه تعتبر اثقل السيارات..خذ مثال السكايلن gtr وزنه يقارب ال1600 كيلو و الميتسو gt3000 وزنها اكثر من 1700 كيلو و حته السوبرا..اما الامريكيه عندك الكورفيت وزنه 1400 و الفايبر وزنه 1490...و بالنسبه للاوربي فما بين الاثنين يعني مثلا البورش معروف بخفته لاكن الليمبو معروف بثقله.....و بالنسبه للgt2 و المورشيلاقو فسمحلي اقولك ان الgt2 ما يصف مع المورشيلاقو(وزن المورشيلاقو 1650) و هاذي مثبته بالارقام و عندي لها دوسه ستاندر بستاندر لو تبيها انت تامر....

ملاحضه: جميع الارقام الي ذكرتها اهي ارقام تجارب مو كمبيوتر.


تحياتي و سامحنه على الاطاله:laugh1:

[Trans-Am RAMAIR]

و حبيت اضيف نقطه مهمه بالنسبه للsrt-4 و اهي ان اهو في تطور مستمر يعني بالنسبه للموديل اليديد تم زياده قوته 15 حصان و هكذا مثل ماهوا حاصل لجميع موديلات dodge....

[SLR]

الفايبر والكورفيت احلاهن..

اما الباقي ماعترف فييه ابد....

هذي وجهة نظر فقط:)

والناس اذواق


SLR

[TOP-SECRET]

:p الصراحه ماشوف وحوش اشوف وحش واحد وهو اول سياره:)


وجهة نظر خاصه لحد يناقشني فيها :cry1:

[WRX]

السلام عليكم ورحمة الله وبركاته

اول شئ الله يهديك دخلتنا في اشياء غريبة!!!
بس انا باتم وياك
على فكرة انت يوم قلت ان الدوج متفوق على اللنسر والأمبريزا باين من صياغتك للكلام ان قصدك على الأداء.....ولا اقلك بلاش خلينا ندخل في المهم
بأحاول اخذ كلامك وحدة وحدة وأجاوب على كل شئ.....:mad:

الان بالنسبه للاداء يعتبر قليل بالنسبه لفرق القوه يعني فرق 50-70 حصان و يكون هذا الفرق البسيط بالتسارع
انا ما أدري اذا كنت تعرف فرق 0.9 ثانية اش تعني في عالم السبقات بس انا اقلك ان 0.1تفرق وتفرق واجد كمان ومستعد اثبتلك يعني تقدر تقول ان هذا الفرق يعني عمود وزيادة....في رأيك هذا مايمثل فرق؟؟؟؟

و في شي ثاني الdodge كمواصفات اقوه بكثير و كشكل ايضا....تدري ان الevo ما يتوفر بمسجل وله حته بنوافذ كهربائيه..يعني ادفع 30 الف دولار بسياره نوافذها يدويه و من غير مسجل....ليش السياره سياره فورملا الي مافيها مسجل!!!!!
انا ما ادري اش الموصفات الي تترجها من سياره رياضية وحتى لو تبغى موصفات زيادة ابغى اعرف اش الي زيادة في الدوج!!!يعني مراح يكون فيها تدفئة للمقاعد مثلاً وهذا وزنها:blink:
وغير كذا مين قلك ام مافيها مسجل والنوافذ هندل؟؟؟؟
شوف انا ما اجزم لك على الأيفو لاكن اجزم لك على الأمبريزا ان الي قلته غلط × غلط وسايبلك ترى هدية تحت لاتنسى تشوفها....

تصدق ماني شايف له اي فلم إلى الأن بس انا عارف السيارات الي اتكلم عنها زين......:mad:
تصدق فيه فلم اتمنى من زماااااان انزلة هنا لأمبريزا اقلك استناه هل اليومين.....

و بالنسبه للوزن فسمحلي اقولك بالنسبه للsuper فالسيارات اليابانيه تعتبر اثقل السيارات
تصدق انا اول مرة اسمع واحد يقول الكلام هذا عن الياباني!!!
اذا كان مصدر قوة الياباني هوة نفس مصدر ضعف الأمريكي إلي هوة الوزن!!!
بس سؤال انت ليش ما قارنتها مع الأيفو ولا الدبليو ار اكس الي وزن الواحدة مايتعداء 1350كيلو؟؟؟؟

و بالنسبه للاوربي فما بين الاثنين يعني مثلا البورش معروف بخفته لاكن الليمبو معروف بثقله
اول شئ قلي ويش هي الليمبو هذي وبعدين ارد عليك...:)

بالنسبه للgt2 و المورشيلاقو فسمحلي اقولك ان الgt2 ما يصف مع المورشيلاقو(وزن المورشيلاقو 1650)
وبالنسبة للبورش والمورسليجو هذا كلام اثنين الأول KingSS ((اعتقد انك تعرفه)) وعلى فكرة اول ماسمعت هذا الكلام منه برضوا ماصدقت((بصراحة شئ مايدخل المخ)) بس نفس الكلام قالوا ليه شخص جرب السياراتين وهوة يشتغل في وكالة بورش (ساماكو) بعد ما كان شغال عند وكيل المورسليجوا عندنا
يعني اعتقد ان الأنسان هذا لمن يقول شئ المفروض يكون واثق منه.....ولا اش رايك؟
على فكرة لو كنت من جدة ممكن اعطيك اسمة وتروح تساله بنفسك......






تحياتي لك ولسيارات العضلات

[TOP-SECRET]

رد مقتبس من اللومينا العنيد
بسم الله الرحمن الرحيم







::4:: dodge srt-4(غير متوفر)


المكينه:4 سلندر+تيربو بقوه 230 حصان
التسارع بالتجربه:5,3 ثانيه
التوب سبيد:153 ميل
السعر:7000 دينار للفل اوبشن
تعليق::لاحضوا هذا الوحش الامريكي الصغير بقوته البسيطه (230) لاكن يتفوق على منافسيه من الطرف الياباني (سبارو امبريزه_لانسر افلوشن) التي تتراوح قوتهم بين ال276-290 حصان...

تحياتي للجميع

:) احس اني اعرفك من قبل بس مو متأكد

على العموم خلنا ندخل في هذي النقطه طبعا سياره قويه ومنافسه للميتسوبيشي الانسر ايفو ولكن!!

مايتفوق على الايفو لان تسارع الايفو من 0-100 في 5 ثواني بالضبط والربع ميل في 13.3 وهي 271 حصان :) لكن يكفي شكل الايفو واسمه وانه بعد ينزل الخليج:)

http://www.supercars.net/cars/2003@$Mitsubishi@$Lancer%20Evolution%20VIIIg.html



:cry1: تحياتي

[WRX]

اسف على نسيان الهدية


http://up.eqla3.com/upimg/show.php?id=1513

وعلى فكرة اخوي تايوتا وبس الأيفو تجيبها في اقل من 5كمان....النوع الي انت حاطة ننوع ماهوة معدل المعدل 300حصان:cool:

وصعب اننا نقارن سيارة معدلة من srt مع غير معدلة لولا اش رايك؟

[TOP-SECRET]

صحيح كلامك اخوي WRX بس حبيت اوضح حق الاخ اللومينا العنيد انه حتى لو السياره وكاله ومش معدله فهي اقوى من تعديل SRT على السيارات الامريكيه:) فحـبيت اني الفت انتباهه انه مش متفوق لا على الWRX ولا على الايفو:) والصوره الي منزلها اخوي توضح ان السياره النوافذ اوتو وكل شي اوتو في الداخل والمسجل ب2000 ريال يجي MB3 وجوده عاليه وضمان بعد:)

[Trans-Am RAMAIR]

اخوي SLR مشكور على المشاركه.....و طبعا الفايبر و الكورفيت احلاهم:)

اخوي TOYOTA - OBAS مشكور على المشاركه...رايك و انت حر في:)

اخوي WRX انا مو ما افهم للدرجه هاذي علشان اقولك الsrt-4 اقوه من الايفو و انا عارف ارقامهم.....لاكن وله مره شفتلهم تجربه مع بعض يعني الله اعلم..الارقام تقول شي و بالواقع نشوف شي ثاني....يعني من يصدق ان من الصفر الهوندا سيفك تايب ار يطوف الs2000 مع ان ارقام التجارب تقول عكس جذي:)


المهم اخواني انتوا هامتكم السرعه بس الضاهر..:) انتوا تامرون..انا بحطلكم جم فلم بس الsrt-4 يقطع بالامبريزه و الايفو تقطيع:) و جم موتر غيرهم...انتوا بس حملوا الافلام و راح تعرفون الوحش هذا عدل:cool: ....و عندي له فلم بعمان يمصخر بفايبر بس مع الاسف ما عندي رابط له

و اخوي بالنسبه للوزن فانا ذكرت لك اقوه المواتر اليابانيه و وزنهم و قلت لك بالنسبه للsuper و اما بالنسبه للمازدا فهذا اصلا مو سريع مع ان وزنه خفيف:)

و كنت اقصد الليمبو يعني الليمبورقيني و هذا شي معروف بالمنتديات الاجنبيه يعني اختصار:)

و اخوي بالنسبه للمواصفات (الايفو) انا اذكر حطيت موضوع بمنتدى السيارات عن الايفو 8 و اكثر الشباب عابوها بسبب الشغله هاذي و كانوا من قطر و الامارات...و في فرق يوم المواصفات تتوفر بشكل قياسي و اختياري:) انا اقدر اشتري هونداي و اخلي الجام مالها دبل بمبلغ اضافي بمكان محترم...

و بالنسبه للgt2 و المورشيلاقو فيا حبيبي انا اقولك بكل صراحه...انا ما يهمني راي الKingSS و ما يمهني راي الشخص الي يعمل في ساماكو..كثر ما يهمني راي الخبره من motor trend و كثير غيرهم و ما يهمني كثر الفيديو الي شفته....المورشيلاقو يطوف الgt2 :)
يعني تبيني اجذب motor trend و القومه الي شفتها و اخذ بكلام الKingSS و الشخص الي في ساماكو:)

و مشكور اخوي على الهديه



تحياتي و انتظرو الافلام :D

[Imaj]

للإخوة الذين يقولون الأمريكي ثقيل :cool:

الكورفيت : 3118 رطل (هذا C5 الـC6 طبعاً أخف)

XLR : 3647 رطل

فايبر : 3357 رطل

SLR ماكلايرن : 3897 رطل

911 توربو : 3395 رطل

911 كاريرا : 2965 (أخف من الكورفيت)

911 GT2 : 3174 رطل (أثقل من الكورفيت)

جيارادو : 3152 رطل

360 مودينا : 3064 رطل




يعني الأمريكي ليس بذلك السبور الثقيل في أثقل منه


























سلام :banana:

[WRX]

السلام عليكم ورحمة الله وبركاته

اخوي WRX انا مو ما افهم للدرجه هاذي علشان اقولك الsrt-4 اقوه من الايفو و انا عارف ارقامهم.....لاكن وله مره شفتلهم تجربه مع بعض يعني الله اعلم..الارقام تقول شي و بالواقع نشوف شي ثاني....يعني من يصدق ان من الصفر الهوندا سيفك تايب ار يطوف الs2000 مع ان ارقام التجارب تقول عكس جذي
اول شئ حاشاك مين قال انك منت فاهم!!!
واذا على السيفيك والأس 2000 فا ماتدري تحصل في احسن العائلات
بس بصراحة انا مضطر اصدق الارقام الي قدامي لحد ما القي تجربة لهم ... بس ماقلتلي كم وزن الأر اس تي 4؟؟؟؟بالكيلو هااااا:cool:

المهم اخواني انتوا هامتكم السرعه بس الضاهر.. انتوا تامرون..انا بحطلكم جم فلم بس الsrt-4 يقطع بالامبريزه و الايفو تقطيع و جم موتر غيرهم...انتوا بس حملوا الافلام و راح تعرفون الوحش هذا عدل ....و عندي له فلم بعمان يمصخر بفايبر بس مع الاسف ما عندي رابط له
حطلها افلام....اصلاً انا فاضي هذي الأيام بس لتحميل الأفلام:p بس ما راح تغير من موقفي في شئ لأنك انت بنفسك تقول انها تنصخر بفايبر!!! تبغها توقف قدام سيارة ضعيفه كلها على بعضها 2لتر!!!
بس هذا كم دافع عليها عشان يخيلها تمصخر بفايبر؟؟؟

اخوي بالنسبه للوزن فانا ذكرت لك اقوه المواتر اليابانيه و وزنهم و قلت لك بالنسبه للsuper و اما بالنسبه للمازدا فهذا اصلا مو سريع مع ان وزنه خفيف
انا ما ادري مين قلك ان هذول اقوى سيارات اليابان؟؟؟
عزيزي لو لاحضت ان السيارات اليابانية في الغالب ماتزيد عن300حصان يعني كلها تقريباً بنفس القوة وعوامل الوزن واذا كانت AWDاو لا هية الي تحدد السيارة الأقوى....
مع كذا اقلك فيه سيارات يابانية ((سيدان))وزنها مايزيد عن 1350كيلو...
وبعدين لمن تحب تختصر اكتب لي الأختصار بالأنجليزي عشان افهم عليك


و اخوي بالنسبه للمواصفات (الايفو) انا اذكر حطيت موضوع بمنتدى السيارات عن الايفو 8 و اكثر الشباب عابوها بسبب الشغله هاذي و كانوا من قطر و الامارات...و في فرق يوم المواصفات تتوفر بشكل قياسي و اختياري انا اقدر اشتري هونداي و اخلي الجام مالها دبل بمبلغ اضافي بمكان محترم...
يا اخي انا ما ادري اش الي يخليك تتوقع انها ما تجي بالمواصفات هذي قياسية؟؟؟
طيب شوف الصور هذي لأكثر من ايفو وباين فيها كل شئ

http://www.fast-autos.net/mitsubishi/evo811.jpg
هذي باين فيها بوضوح الشبابيك الكهرب والسي دي...بس معاك حق في هذي ليش مافيها كاسيت؟؟

http://www.fast-autos.net/mitsubishi/evo812.jpg
لقطة ثانية للسي دي
http://www.fast-autos.net/mitsubishi/evo810.jpg


بالنسبه للgt2 و المورشيلاقو فيا حبيبي انا اقولك بكل صراحه...انا ما يهمني راي الKingSS و ما يمهني راي الشخص الي يعمل في ساماكو..كثر ما يهمني راي الخبره من motor trend و كثير غيرهم و ما يهمني كثر الفيديو الي شفته....المورشيلاقو يطوف الgt2
والله تصدق مين هذا شئ يرجع لك انا شايف كون واحد جرب بنفسة هذا يشكلي قناعة ان هذا الشئ صحيح بس ما دام انه مو مثبت بارقام او فديو فأحتفض فيه لنفسي مع انك لو تفكر في الموضوع تلاقيه قريب من لو تجاكر رينو كليو سبورت او سيات ليون ولموينا اس اس
الرينو مكينتها 180حصان و وزنها حوالي 1100كيلو والومينا مايحتاج اقلك كم الفرق بينهم
ومع كذا معروف انها تقوم معها الين 150او اكثر ليش؟؟؟
صحيح ان عامل القوة لصالح الومينا بس في القومة الوزن هوة المسيطر على الجولة هذي ....زي لمن قام السيفيك على الفايبر بالضبط


اخوي Imaj من زود الثقافة عشان تحط لنا الأوزان بالرطل

ومشكور اخوي تويوتا وبس على المساندة:glasses2:

[bashar_255]

اتحدى سيارة في العالم تنافس الـ GT40 في سعرها و قوتها :corsair:

[Imaj]

bashar_255 الفورد GT شيء خيالي ما له مثيل:black:



WRX مو مهم بالرطل وإلا بالكيلو أهم شيء تشوف من الأخف ومن الأثقل..

وإن شاء الله اقتنعتوا إن في أثقل من الكورفيت على الصعيد الأوروبي..

على فكرة يا WRX أنا كانت ولا زالت الـWRX STi من أفضل سيارات السبور عندي.. والوحيده المميزة من بين كل الياباني:glasses2:















سلام :banana:

[WRX]

السلام عليكم ورحمة الله وبركاته

بصراحة الجي تي فورتي من السيارات الي كانت سابقة عصرها أيامها سيارة من جد تقدر تقول عنها اعجوبه أو نقطة تحول في صناعة السيارات....

بس اذا على الرخص فلا تدور في شركات كثير الحين في العالم تصنع سيارات قوية ورخيييييييصة بس....ماتضمنها ابداً

WRX مو مهم بالرطل وإلا بالكيلو أهم شيء تشوف من الأخف ومن الأثقل..
على فكرة اخوي امزح معاك...اعرف احول بينهم بس كنت ابغى شوية وقت اتأكد من معلوماتي...لأن بصراحة برجلت عقلي!!!
لأن انا سأل بنفسي عن وزن الجي تي 2 في الوكالة في جدة وقالوا لي 1200كيلوا ورجعت أتأكد من كاتلوج لبورش عندي وبرضوا لقيت فيه نفس الكلام كيف تصير الحين اثقل من الكورفت؟؟؟


ومشكور عللى الأطراء بالنسبة للسوبارو:glasses2:

[Imaj]

لا ما عليك السوبارو ما عليه كلام!!

من بين كل الياباني اللي جربت قيادته لاحظت إنه مختلف متميز!!

فرامل وتحكم ودعس وثبات وكل شيء ومتعة قيادة!!>>> ما أتذكر سيارة مماثل إلا الـCLK .. قيادة الليجاسي خلتني أحس كأني في الـCLK (أتكلم عن الموديل القديم مو الجديد)

من جد تفوق مذهل لسوبارو.. :black:





طبعا رأي شخصي ما في داعي يجيني كاسر النسر ويسوي لي مشكلة!!
















سلام :banana:

[WRX]

السلام عليكم ورحمة الله وبركاته

يعجبني فيك حقانيتك.....((فهمتها ولا اترجمها))

وبالفعل هذا الي خلاني اعشق السوباروا.......يعني شباب من جد الي مو مقتنع بالسوباروا يسوقها

سيارة مشاء الله من الأرسى والأقوى في فئتها ورغم الكلام الي ينقال عنها بس برضوا تخليك تعشقها غصبن عنك.......يعني ليه فترة عمري ماسمعت واحد عنده سوباروا وما يحبها بالعكس الي يبغى يغير سياراته كمان يروح يشتري وحدة ثانية جديد.......وسلامتكم

[Trans-Am RAMAIR]

السلام عليكم

اولا اشكر جميع الي شاركوا بالموضوع و ثانيا سامحوني على التأخر بالرد لاني انا الحين ساكن فبيت ولد عمي صارلي اسبوعين:) و باجر انشاالله راجع و بتفاهم معاكم:D


تحياتي لكم