انصحوني يا شباب ترا الموضوع جد

[almusabi]

السلام عليكم واش حالكم يا شباب و عساكم بخير
الموضوع اني ناوي اشتري سياره اوروبيه و بسعر معقول
المهم بعد البحث و التحليل بقا عندي خيارين
الخيار الذي افضله: أوبل أوميغا وكاله فل اوبشن
الخيا الثاني: روفر 75 وكاله فل اوبشن

و تقريبا نفس السعر السيارتين

الموضوع هذا مؤورقني ويالس افكر فيه لي اسبوع
اروجو المساعده في الإختيار

[سنـاري]

الاوبل افضل بمراحل

و اذا انت في السعودية .. الله يعينك على الوكيل ( الجميح )

:glasses2:

[TOP-SECRET]

روفر75 قمه في الفخامه وشكلها جذاب ومواصفاتها كثيره :cool:

[E_TYPE]

رد مقتبس من TOYOTA - OBAS
روفر75 قمه في الفخامه وشكلها جذاب ومواصفاتها كثيره :cool:

:banana: :banana:

[عاشق الاكورد]

رد مقتبس من TOYOTA - OBAS
روفر75 قمه في الفخامه وشكلها جذاب ومواصفاتها كثيره :cool:

ترى الروفر اخذها ولاتفكر في اي شي

[Prelude 4 Life]

رد مقتبس من TOYOTA - OBAS
روفر75 قمه في الفخامه وشكلها جذاب ومواصفاتها كثيره :cool:


وفوق هذا بتكون متميز ..... الاوبل عند كل اشارة تشوفها

[A7medo]

وش رايك بالأودي A6

http://www.discountpartcenter.com/photos/12-18-03-01-Audi-A6.jpg

http://www.discountpartcenter.com/photos/02-19-04-04-audi-a6.jpg

[almusabi]

مشكورين يا شباب على الردود بس الاودي A6 كم سعرها
وانا من اهل الإمارات فمادري عن الوكيل مالنا هل زين او شين
انا ليش كنت محتار لأني شفت في بعض المواضيع الشباب يمدحون الأوبل والبعض الثاني ما يمدحه عشان كذه احترت اشتري و لا لا

[السائق المثالي]

مادامك من الامارات وبعيد عن الجميح فتوكل على الهل وخذ الاوميغا لانها سيارة بمعنى الكلمة

بالنسبة للرفور ياليت تعطيني صورة للسياراة لاني ما اعرفها

[ABD 911]

إذا الروفر البودي حقها مو من ألمونيوم .. حديد يعني .. فتوكل على الله ..وهي بصراحة جميلة جداً وفخمة ومميزة في نفس الوقت ..
...
لأن زي منت عارف الألمونيوم مايتصلح يعني لو جا الرفرف صدمه خفيفة تروح تغيره على طول ..


الأوميغا أتوقع يتغير شكلها قريبا جداً .. 8 مدري 9 سنوات ماجاها تغيير جذري .. فأتوقع تغييرها قريب ..

ولكن أنا سويت حركة قبل ما أشتري سيارتي وهو إني أعديت لسته بالأشياء الإستهلاكية بالسيارة والمعرضة للحوادث (ديسك بريك , فحمات , أنوار أمامية , إسطب خلفي ) ورحت للوكالات الي كنت محتار بينهم وسألت على الأسعار وشفت الي أنا قدها وخذتها ..


تحياتي لك ومبروك مقدماً

ABD 911

[almusabi]

http://www3.mg-rover.com/rover_GB_en/stellent/groups/public/@all/documents/htmlsnippets/mgr_018920.jpg http://www3.mg-rover.com/rover_GB_en/static/groups/public/@all/documents/htmlsnippets/mgr_019025.jpg http://www3.mg-rover.com/rover_GB_en/static/groups/public/@all/documents/htmlsnippets/mgr_018997.jpg http://www3.mg-rover.com/rover_GB_en/static/groups/public/@all/documents/htmlsnippets/mgr_019002.jpg

[almusabi]

صح ان روفر شكلها حلو بس موا صفتها نفس الأوبل
الفرق ان مكينتها 2.5 سته سلندر و دفع امامي
ان لاحظت شىء خاصه في المواضيع الي تتكلم عن الأوبل
لاحظت الي يحافظ عليها و ما يلعب فيها انه ماشيه اوكيه معاه
وان البعض الي يلعب فيها تجيه مشاكل
فمادري شو رايكم هل هذا له دخل

بالنسبه لتغير الشكل انا معاك بس ترا بيكون سعرها يبدأ من 150000 درهم

الحين الاوبل 2003 فل اوبشن وكاله ب87000 درهم
الروفر 2004 فل اوبشن وكاله ب 92000 درهم

[جلكسي]

اخوي انصحك بالأبتعاد عن الاوبل صح انها حلوة وقويه لكن وكيلها بالسعوديه يخليك تلعن اليوم اللي فكرت فيها وشريتها فيه

اما الرنج ما اعرف عنها شيء

انصحك تفكر الأودي واذا كنت تبغى سياره اوروبيه حلوه ورخيصه

عندك سكودا وكتافيا

او سكودا سوبرب

[mustang cobra]

رد مقتبس من السائق المثالي
مادامك من الامارات وبعيد عن الجميح فتوكل على الهل وخذ الاوميغا لانها سيارة بمعنى الكلمة

بالنسبة للرفور ياليت تعطيني صورة للسياراة لاني ما اعرفها
توكل على الله وخذها وبعدين دفع خلفي والماني وش تبي اكثر من كذا:)

[grandv8]

السلام عليكم ورحمة الله وبركاته

almusabi
هلا بك اخوي الكريم
بالنسبة لروفر خدمة الصيانة لشركة الطاير تعبانة وتحصل سيارات بكثرة امام ورشة الوكالة،وخاصة عادي توقف سيارة 5 الى اسبوع،وماادري من قلة اعداد العمالة بالداخل او صغر المكان او خدمة تعبانة.
اما وكيل اوبل وهو ليبرتي خدمة احسن وصيانته وضمان احسن.

وانت اخوي استخير وتقدر تجرب السيارتين عندهم.

تحياتى
:)

[180B]

الله يساعدك






اقول استخير قبل ما تشتري
:shock2:

[almusabi]

مشكور يا اخ grandev8 و مشكورين يا اخوان على النصائح
انا جربت السيارتين تقريبا مشيهم نفس بعض
الفروق الي و جدتها هي:
1- الروفر قير اتوماتيكي بخمس سرعات و الدفع امامي و المكينه 2.5 لتر سته سلندر.
2-الأوميغا قير اتوماتيك اربع سرعات و الدفع خليفي و المكينه 3.2 لتر سته سلندر.

لقد قررت ان آخذ الأوميغا و سوف اصلي استخاره و اتوكل على الله

سأخبرنكم بالنتيجه خلوكم معي

[TOP-SECRET]

بالتوفيق واهم شي الاستخاره:)

[زورو الامارات]

السلام عليكم ورحمة الله وبركاته


تبي نصيحتي ؟


اشتر لك لكزس إي اس 300 وخل عنك التفكير في الاوروبيات غير المرسيدس ترى مافي سياره عدله في اوروبا من ناحية الصيانه بالذات

[Crackjas]

انصحك اذا تبي اوروبية خذلك مرسيدس كد ومد
واذا تبي ياباني بمواصفات اوروبية لكزس او انفينيتي

[almusabi]

مش حرام ادفع 120000 درهم تقريبا على ياباني بدي كرتونه
بدل ما ادفع حوالي 85000 على الاوبل الماني
و المرسدس غالي

[حبوب بوظبي]

الأوبل زينه وقويه و ثباتها عالخطوط عالي
و اعتقد ان القير 5 سرعات مب اربع

- تشييك الوكاله (شغل زيت و ماي و... ) حدود الـ 120 درهم كل 5000 كم
- تشييك السفايف و مدري شو يغيرون بعد ...حدود 1200 تقريبا كل 30000 و الله اعلم
- وفيه Timing bilt لازم تغيره كل 50 الف هذا سعره 1800 درهم تقريبا

انا اعرف 3 عندهم اوبل
- واحد سواقته هاديه هاديه هاديه ... تقول هندي ( شكلي بنظرب اليوم)
:D :D
هذا ما يدفع شي على السياره غير هالأشيا اللي فوق
- صارت له مشكله مره مع القير (وصلحوها عالضمان)
- ومشكله مع شباك من الشبابيك وبعد عالضمان
و هذا و الله اعلم

- الثنين الثانيين سواقتهم طبيعيه ومرات شوية دعاس :eek:
عاد هنيه الكلام:
- واحد منهم كل يوم يتظارب مع الوكاله ... وكل شوي طالعله ليت فالطبلون

- الثاني كل ما يروح للتشييك يدفعله حدود الـ 1300 درهم كل مره
(و كل اسبوع او اسبوعين ... يخليني اوصله الوكاله ... مدري شو فالسياره ...)
اخر مره كان الرديتر ... منطر (منفجر) بسبب .... :confused: :confused: :confused: و هالمشكله صارت لكثيير ناس (هذا على كلام المهندس فالوكاله)
و طبعا صلحه (او بالأحرى غيره ) بالشي الفلاني

الأول سيارته الحين ماشيه حدود الـ 70 الف
الثاني حدود الـ 30 الف
الثالث حدود الـ 90 الف

[هشومي]

انا ما ادري عن الروفر
بس الاوبل
اعرف واحد عنده وحده وسواقته جيدة يعني قليل يدعس بس السيارة كل يوم في الوكالة
ومصاريفها مصاريف
انصحك تبتعد عنها

[RED Chevy]

تبي رايي السيارتين حلوين وزينين الأوبل مجربينها وماشفنا منها إلا كل خير...

الروفر مو مجربينه بس موتر فخم وراقي...
لكن نصيحتي لاتقرب من السيارتين خذ لك شي مضمونر مو كل أوروبي أوروبي...

;)

لو تلف شوي على المعارض وتشوف الباقي أعتقد بتغير رايك...

فمان الكريم:)

[almusabi]

انا اعتقد ان الي سواقته محترمه مابا يصير معه مشاكل

وبعدين انا بشتري موديل 2003 فاعتقد انهم صلحوا مشاكلها

الي هي الأوبل

بالنسبه للأخ الي نصحني للمعارض انا ما اومن بالسيارات المستعمله

[حبوب بوظبي]

رد مقتبس من almusabi
انا اعتقد ان الي سواقته محترمه مابا يصير معه مشاكل

وبعدين انا بشتري موديل 2003 فاعتقد انهم صلحوا مشاكلها

الي هي الأوبل

بالنسبه للأخ الي نصحني للمعارض انا ما اومن بالسيارات المستعمله

الموديلات اللي انا كلمتك عنها هي
- الاولى و الثالثه 2002
- الثانيه 2003

[T630]

مرحبا اخوي بلفت نظرك لسيراه حلوه بس محد يتكلم عنها مدري ليه بصراحه ...

انا اتكلم عن فورد مونديو مصنوعه في المانيا فيها لمسات حلوه مرررره ...
الفل كامل فيها نور زينون وفتحه وجلد وسي دي وحساسات ومرايا جانبيه تتقفل كهرباء وفيها حركات حلوه بصراحه مره بس 4 سلندر :( لكن عزمها فرق كبير عن الباسات 4 سلندر اقوى من الباسات ..
145 حصان ...

والسعر طبعا 69000 ريال ..;)

[almusabi]

ممكن يا أخ T630 تحطلنا صور للسياره

[T630]

عزيزي بتعبك شوي بس انت سوي بحث واكتب مونديو بس راح تحصل مواضيع في المنتدى هنا عن السياره وصورها ...

وهذا لنك بعد فيه صور للسياره ...
http://www.swalif.net/sforum1/showthread.php?s=&threadid=166665&highlight=%E3%E6%E4%CF%ED%E6

على فكره نسيت اضيف انه الفل كامل يجي فيها تراكشن وتسخين مراتب

[almusabi]

نفس الموصفات الي ذكرتها حتى التراكشن كونترول موجود في الأوبل
بس بدون تسخين كراسي:damp:

[Nas]

اخوي almusabi

انا بصراحه سقت السيارتين واثنينتهم تقدر اتقول عندنا في البيت.

بصراحة الأوبل ما جربت ادعس فيه لكن الروفر يوم انسوقه اندور اي حد عنده مكسيما علشان نتمصخر عليه لوووول.

لكن في شوية مشاكل مع قطع الغيار عندنا في الطاير الي في الشارجه لكن في ورشة دبي كل شي OK

و لعلمك ترى دوريات راس الخيمة الجديده معظمها روفر 75 فاعتقد انهم ما بيعتمدونها كدوريات إذا ما كانت تتحمل الكراف.

ومبروك مقدما لانه بصراحه السيارتين ما عليهم كلام

[T630]

عزيزي صح كلامك عن الاوبل بس بصراحه اكثر من زميل لي معه ويشتكي منها مشاكلها كثير عشان كذا ماانصحك فيها ...

على العموم انت حر اهم شي رايك انت احنا مجرد نعطيك اقتراحات والراي الاول والاخير ...

ونصيحه مني لاتتعب نفسك بالتفكير كثير اذا اقتنعت بسياره روح اشتريها ولا تفكر لانه لو لا قدر الله سمعت كلام احد واخذت سياره مو مقتنع انت فيها 100% وصار فيها مشكله ولا شي راح تندم كثير اما اذا اخذتها عن اقتناع كامل ماراح تندم ...

[almusabi]

بالنسبه للأوبل عليها ضمان سنتين بون تحديد الكليومترات
عندنا في الإمارات الي استفاد من هذا الضمان تاكسي الغزال
ويقولي المدير مال وكيل اوبل انه في خلال سنه ونصف مشت السيارات مشت 300000 كليو

[almusabi]

نسيت اخبركم الأوبل الفول اوبشون الكراسي مالها تجي تسخين
:anger: :anger: :anger: :anger: