View Full Version : بنفسك: ركب مسجل MP3/كاست على اكورد 2003-2004 شرح+صور
بسم الله الرحمن الرحيم
الجزء الاول:
الموضوع هذا بشرح فيه بالتفصيل تركيب مسجل على الاكورد 2003-2004 بمواصفات عالية بدون ماتغيير الديكور وبمواصفات عاليه
أول شي تحتاج مسجل MP3 او كاست حسب المطلوب انا عندي مسجل MP3
ثاني شي تحتاج DASH & WIRING HARNESS KIT
اللي هو الوجه واسلاك ضفيرة السماعات
الوجه
http://www.autotoys.com/pics/accord2003kit1.jpg
افياش واسلاك
http://www.autotoys.com/pics/accord2003kit4.jpg
طبعاً سعره بالانترنت 70 ريال وتشريها من الحوشاني في الرياض ب 280 -300 ريال
==================================
نبدا في التركيب
طبعاً اغلب اسلاك المسجلات الاصليه :الباين-بايونير- كينود-سوني
تكون الوان موحده EIA standard وطبعا الاسلاك اللي مع الوجه مطابقة تماماً للالون
يعني ماعليك الا انك تجرح وتشبك كل لون مع نفس اللون
يبقى سلك واحد لونه سماوي ماتشبكه لانه مخصص للانتل الكهربائي
طبعاً هذي صوره الاسلاك بعد اللف
http://memimage.cardomain.com/member_images/8/web/608000-608999/608226_20_full.jpg
بعد كذا تذوب على نقاط التقاء الاسلاك لحام الكترونيات "غير ضروري"
واخيراً تلف عليها شريط لاصق
http://memimage.cardomain.com/member_images/8/web/608000-608999/608226_22_full.jpg
بعد تركيب المسجل في الوجه رح يكون شكله كذا
http://memimage.cardomain.com/member_images/8/web/608000-608999/608226_21_full.jpg ===================================
في رد جاي ان شاء الله راح اشرح طريقة تركيب المسجل في الديكور
وكذلك تركيب الكامل في السيارة
بس قبل كذا عطوني ردود تخليني اكمل ومايروح جهدي خسارة
DDesigns
26-07-2004, 12:20 PM
اعتقد اخوي 902 ات لازم راح تسويها صح !! :D :D :D
MuGeN
26-07-2004, 07:02 PM
السلام عليكم ...
أخوي 902 .. قبل فترة يمكن سنة كان في موضوع عن الأكورد الجديدة .. و كان عضو يقول إن من أكبر العيوب في الأكورد إن مسجلها مافيه كاسيت ... و هذا إنت حليتها :D ...
و مشكور على الموضوع ...
يعطيكم العافيه على الردود
:anger:
والله قهر اكثر من 80 قارئ وثلاث ردود بس
طبعاً رد DDesigns له مكانه خاصة
2k2
MuGeN
ماقصروا
بس ولا واحد معه اكورد 2003-2004 مهتم
هذي الصورة النهائية بعد تعديل المسجل ليتناسب مع الديكور كما وعدت
http://memimage.cardomain.com/member_images/8/web/608000-608999/608226_34_full.jpg
طبعاً تقدر تخشب الديكور والمسجل كذللك
الشرح ..... جاهز بس عطوني ردود اكثر..
رد مقتبس من 902
يعطيكم العافيه على الردود
:anger:
والله قهر اكثر من 80 قارئ وثلاث ردود بس
طبعاً رد DDesigns له مكانه خاصة
2k2
MuGeN
ماقصروا
:banana: :shock2:
عين خير يا الزميل :(
Third Eye
26-07-2004, 09:10 PM
الخشيت تقصد لصق!!
بالنسبة للوجه ذا أنتا مسويه ولا هوا جاهز؟؟
مدام أنو الموضوع حول المسجلات:D
بسأل أنا عندي مسجل خرف :D إذا جيت ضغطت ضغطتين ورا بعض
السيدي يطلع....!!!:shock2:
الى بسأله ممكن تصلح هذه المشكلة؟ (المشكلة الضمان انتهى)
شكراً على الموضوع الرائع وعذرا على الخروج عن الموضوع الاساسي
تحياتي
بوأربع
27-07-2004, 12:14 AM
مـــــــــــــــــــــــوضــــــــــــــــوع ثــــــــــمــــــــــيــــــــــــــــــــــن
TOP-SECRET
27-07-2004, 12:31 AM
موضوع رائع اشكرك عليه اخوي 902 ماقدر اقولك الا
كتبت فأبدعت
فعلا موضوع ممتاز ومهم للغايه
والله يوفقك يالغالي في باقي التعديلات:banana:
السلام عليكم ورحمة الله وبركاته
مشاء الله والله شغل اوووكية ماتوقعت راح يطلع بهالشكل
ومشكوور اخوي 902 واتمنى اصحاب الاكور يستفيدون منة
uae speed
27-07-2004, 01:02 AM
يعطيك العافيه اخوي وما قصرت :)
A7medo
27-07-2004, 01:46 AM
تسلم عزيزي على الموضوع المميز \
والله انا تعجبني هل اوادم الي مثلك
موضوع 100 % خطييييييير :):):)
السائق المثالي
27-07-2004, 03:51 AM
مشكور اخوي 902 والله جهد طيب ورائع ومميز وانا اطالب بتثبيت هذا الموضوع لأنه هو الأجدر بالتثبيت عن غيره
ACCORD-VETIC
27-07-2004, 05:41 AM
و الله انك خطيييييييييييييييير أخوي 902 و نفسي أركب المسجل على أكوورد 2001 ما عندك طريقة نفس الحلركات اللي عندك و ودي أسألك انت و اخواني العضاء عندي مسجل الوكالة كل ما أدخل الكاسيت يقعد يقلب فيه و بعدين يطلعه ممكن تدلوني على مصلح محترم و أنا من الشرقبة .ياليت شباب يكون مجرب و بسرعة الله يخليكم
مشكورين شباب على ردودكم
الجزء الثاني من الشرح:
http://memimage.cardomain.com/member_images/8/web/608000-608999/608226_35_full.jpg
شرح لك صورة بالرقم:
1- تفك غطاء القير بطريقة تحريكة من الجوانب بشكل بسيط بدون اي ضغط
2- تحت الطفاية يوجد مسمارين موضحة بالاسهم بعد كذا تسحب الطفاية
3- بعد ماترفع الطفاية يوجد مسمارين
موضحة بالاسهم
4- تسكر الدرج وتسحبه من تحت بعدين فوق ويوجد كلبس داخلي طبعاً القير لازم يكون نازل لان الدرج كبير شوي
الجزء الصعب
5- يوجد فيش خلف المسجل وطريقته كالاتي:
تدخل يدك فوق الفيش وتضغط القفل وتسحب
وبيطلع معاك
"يمكن يحتاج شوية مجهود"
6- ركب الفيش في الاسلاك والاسلاك في المسجل
=====================
رجع كل شي بتكرار الخطوات بشكل عكسي
وبكذا يكون تكملة الموضوع
==============================
موضوعي الجاي "اليوم او بكره"
موضوع:
لماذا يجب عليك تغيير زيت القير الاوتماتيكي حقائق بالصور+شرح >>
DDesigns
27-07-2004, 03:31 PM
هممممممممممم توني انتبه يا اخوي 902 ..! !!!
تعرف انا توقعت ان القطعه هذي اللي ربكونها لازم تفك المسجل الاصلي حق الوكاله يعني المسجل الجديد اللي راح تركبه يكون فوق ازرار المكيف بس طلع تحت لوووووووووووول
بس برضوا احسن من لا شيء .
موضوع مميز وتقرير رائع ومرتب...
ودي تكثر مثل هذه المواضيع في القسم.....
زين أخوي 902
أنت طلبت الكيت هذا من أي موقع؟
M.A.M
27-07-2004, 10:01 PM
ماشاء الله صراحة موضوع ولا كل المواضيع
وهذي المواضيع اللي تستاهل من يقراها ويشوفها
شغل ممتاز وشرح حلو وبسيط
يعطيك العافية يا 902
وعقبال ماتكثر المواضيع اللي مثل كذا
تحياتي
grandv8
27-07-2004, 10:33 PM
السلام عليكم ورحمة الله وبركاته
اخوي 902 ماشاء الله ابداع بكل النواحي وان شاء الله الى المزيد من التقدم،وان شاء الله اخوي بينزل اعلان من الشمرف العام عشان الابداع والاخترعات بالمنتدى وان شاء الله بنشرحك هناك وانجوف باقي الشباب ونشرحهم بعد.
تحياتي لك ونتظر موضوعك الثاني
:)
يعطيكم الف عافيه على ردودكم
ايه هذي الردود اللي تبرد القلب واللي تخليني استمر....
اخوكم 902
loolicpolic
28-07-2004, 01:34 AM
رد مقتبس من uae speed
يعطيك العافيه اخوي وما قصرت :)
بسم الله
بعد تجريب المسجل لمدة الحمد لله قدرت اشيل ال BASS عن التويترات والسماعات اللي قدام وخليته ورا
طبعاً الخاصية هذي مو موجوده في مسجل الوكالة
وكذلك تحسن الصوت بنسبة 40 % وارتفع 30% عن مسجل الوكالة
واخير سيديات CD_RW تقراء بشكل اسرع وبدون تقطيع
وكذلك سيديات اميشن اشتغلت وصافيه
=========اقدر ازيد
مبدل سيدي داخل التكاية "يوجد اكسسوار اصلي مماثل من الوكالة"
وتحكم في الدريكسون IR
واعادل الفل 6 سلندر في السستم
=======
و DDesigns مايقصر يشوف لي كروس اوفر اركب تويترات لتحسين ال Image
==============
فاوش رايكم شغل ال aftermark رخيص ورائع
والا OEM بمبلغ وقدره
ملاحظة حتى لو فكرت اركب مسجل الفل اللي 6 سيديات بيكلفني 5 الف ريال لا والشباب اللي ماخذينه متورطين ناس يقطع وناس يعلق
وبدون تحكم في الدريكسون 4 سلندر فل
تحياتي...902
Opirus
28-07-2004, 09:18 AM
يعطيك ألف عافيه 902
طبعا من المعروف إنه من عيوب الهوندا الأكورد 2003 هي المسجل
لانه يجي مع التكييف
بس زين لقيت له حل يا 902 ;)
الفكره موجوده عند معظم الشباب وفي المكان إلي حطيته فيه .... لكن مو مسجل الفكره كيف تركب شاشة دي في دي :D
بس المكان ضيق هناك لانه يضايق خروج الششه القير
مشكور على مجهودك 902 والشباب أكيد عجبتهم فكرتك مثل ما عجبتني أنا :rolleyes:
رد مقتبس من DDesigns
هممممممممممم توني انتبه يا اخوي 902 ..! !!!
تعرف انا توقعت ان القطعه هذي اللي ربكونها لازم تفك المسجل الاصلي حق الوكاله يعني المسجل الجديد اللي راح تركبه يكون فوق ازرار المكيف بس طلع تحت لوووووووووووول
بس برضوا احسن من لا شيء .
طيب هل فيه قطعه بلاستيكيه لتركيب مسجل كبير بعد مثل ال جي في سي شريط مع سيدي ؟
و هل لو مافيه ... هل ممكن قص البلاستيك عشان توسع الفتحه و تركب مسجل كبير ؟ اشوف انه تحت المسجل اللي انت مركبه فيه فتحه اصغر شوي .. هل ممكن نقص اطرافها و نخلي فتحة المسجل مفتوحه مع هالفتحه عشان نركب مسجل كبير ؟
مشكور :D
مشكورين شباب على مرروكم
مسجل الوكالة عندي اختراع له بس المشكلة اني طفرت
شي جديد مااحد قد سواه
بس يحتاج مبلغ جامد
Third Eye
28-07-2004, 10:22 PM
ننتظر "مهما كانت سيارتك اجعل نور الاشارة نور ضبابي بضغطة زر وعند الاشارة اشارة تومض "تغمز" دائرة كامله"
رد مقتبس من Third Eye
ننتظر "مهما كانت سيارتك اجعل نور الاشارة نور ضبابي بضغطة زر وعند الاشارة اشارة تومض "تغمز" دائرة كامله"
ان شاء الله قريباً
:cool:
رد مقتبس من 666
طيب هل فيه قطعه بلاستيكيه لتركيب مسجل كبير بعد مثل ال جي في سي شريط مع سيدي ؟
و هل لو مافيه ... هل ممكن قص البلاستيك عشان توسع الفتحه و تركب مسجل كبير ؟ اشوف انه تحت المسجل اللي انت مركبه فيه فتحه اصغر شوي .. هل ممكن نقص اطرافها و نخلي فتحة المسجل مفتوحه مع هالفتحه عشان نركب مسجل كبير ؟
مشكور :D
؟:D ؟
666
القطعة اللي مركبه قطعة مصنوعة في امريكا وهي مخصصه للمسجلات زي اللي عندي "وجه ينفك"ولو اني مركب الدرج الاصلي كان انواع الفضايح
طبعاً كل شي بالتوليف يضبط ممكن تنقص وتترهم قواعد مسجل كبير
واذا تبي طريقة احسن ركب مسجل كاست في الدرج اللي تحت
واشبكه عن طريق AUX في المسجل اللي فوقه
لووووووووول سيارة بثلاث مسجلات " هوندا ماقصروا"
=============================
اما اذا كنت من عشاق الدرج الاصلي وتبي تركب كاست بالغصب
في مكان تحت المرتبه يساعد والتحكم بريموت او داخل التكاية وايضاً التحكم بريموت
=====================================
طبعاً شباب في مسجل MP3 نازل في اصلي هوندا بس للاسف ماينباع الا بامريكا وسعره نااااااااااار
ACCORD-V6
30-07-2004, 04:51 AM
ماشاء الله
اول شي
اسف على تأخري في الرد على المبدع 902
وبصراحة لاني مادخلت النت من اسبوع
ثانيا ابداع
ومواضيع مب نحتاجها ولافقدنها الا جديدة ورائعة وفيها تعب وفائدة
ويستاهل صاحبها اكثر من شكره فقط
ماشاء الله عليك شغلك مضبوط وماعليه اي ملاحظات
واتمنى اني مثلك اقدر افكك واركب
لكن للاسف حاولت وماقدرت
عموما استمتعت بالموضوع
ولو كنت ناوي اركب كاسيت ولا ام بي ثري
كان هذا الموضوع بيكون اكثر من مرجع
بيكون خطوات رئيسية اتبعها في التركيب
عموما لي طلب صغير
كثر من هالمواضيع
لانها مفيدة وممتعة بصراحة
ولايهمونك اللي مايردون هذي العادة في سوالف
تحطيم في تحطيم
في احد مواضيعي الزوار اكثر من 500 والردود اقل من 15
يعني عااااادي
احس اني طووووولت مره
اسف جدا
ومشكور
ACCORD-V6
اشكرك بعنف على الرد
وردك هذا هو اللي يخليني اتعب واصور وانزل مواضيع
:)
ACCORD-V6
31-07-2004, 04:54 AM
رد مقتبس من 902
ACCORD-V6
اشكرك بعنف على الرد
وردك هذا هو اللي يخليني اتعب واصور وانزل مواضيع
:)
صدقني تستاهل اكثر من هالرد
وللرفع
ويستاهل التثبيت
حرام ينزل
رد مقتبس من NFS
موضوع مميز وتقرير رائع ومرتب...
ودي تكثر مثل هذه المواضيع في القسم.....
زين أخوي 902
أنت طلبت الكيت هذا من أي موقع؟
NFS
انا مع الاسف الشديد شريتها من الرياض ب 280 ريال :anger:
وفي الانترنت ب 100 ريال ..............قهر
وهذا الاصدار الثاني منها واللي انا مخطط عليه بس تتحسن الميزانية
http://www.autotoys.com/pics/accordkit2003yes2.jpg
http://www.autotoys.com/pics/accordkit2003yes1.jpg
ACCORD-V6
01-08-2004, 08:11 PM
يعني يتركبب مكان الاصلي ولا كيف
رد مقتبس من ACCORD-V6
يعني يتركبب مكان الاصلي ولا كيف
يركب مكان الاصلي صحيح بس للي خذو اكورد فل يعني تحكم في المكيف حرام
رغم ان الامريكان واللي مسوين القطعه يركبون على فل كامل
بالنسبة لي القطعة هذي تصلح لسياحي ولا يخسر مواصفات
ACCORD-V6
ماشاء الله عليك من اكثر الاعضاء اللي ارتحت لهم في المنتدى وكلما شفت اسمك ارتاح واحاول اقرى ردودك بكل اهتمام
شكراً اخوي
وشاكر مرروك
ACCORD-V6
03-08-2004, 09:43 AM
رد مقتبس من 902
ACCORD-V6
ماشاء الله عليك من اكثر الاعضاء اللي ارتحت لهم في المنتدى وكلما شفت اسمك ارتاح واحاول اقرى ردودك بكل اهتمام
شكراً اخوي
وشاكر مرروك
هلا بك حبيبي
والله كذا تحرجني وتكبر راسي
الله يخليك على الكلام العسل ياعسل
وبصراحة
انا من يحرص على البحث عن احدث مواضيعك
وعن احدث ردودك
وبصراحة اخر ثلاث مواضيع لك
تستحق التثبيت لمدة طويلة
وصدقني نفس الشعور
والله يعافيك ويوفقك
ومشكور على الكلام العسل
rui costa
04-08-2004, 10:51 AM
شكرا على الموضوع الحلو
الله يعطيك العافية