يـا شباب الكاديلك والـSTS ,, قـربـوا

[Tareksadoon]

السلام عليكم

اولا احب اشيد بجهود منتدى سوالف , وبالذات منتدى السيارات .. لذلك الى الامام ..

انا رجال الله قدر علي وطحت بحب الكاديلاك STS .. الزبدة رحت معارض النسيم بالرياض ولقيت وحدة موديل 99 لونها اسود ماشية 85 الف , وعلى قولة راعي المعرض يقول نظيفة نظافة ما صارت .. وسعرها 35 الف..

المهم بغيت اسألكم ... هل هي سيارة مناسبة ؟؟ انا سمعت اعطالها كثيرة ومو عملية ابدا ..
بس على فكرة انا منب راعي خطوط ولا راعي هجولة :D يعني بالعربي سياقتي سياقة شياب ...

والسيارة مجرد للجامعة والبيت والمشواير الصغيرة .. بس حبيت اكشخ فيها .....

تنصحون فيها ؟؟؟ والي عنده معلومات سريعة عنها لا يبخل علينا ..


وتحياتي للجميع
:banana:

[RED Chevy]

السلام عليكم ورحمة الله وبركاته
لو بدالك مانزلت الموضوع على طول شرتها...

بس هل هي الشكل الجديد أو القديم...

إذا الجديد لاترد إلاا بصورتها في بيتك:D

السعر ممتاز وتستاهل والمشاكل الله وأعلم ماجربتها بس يكفيك إنك راكب كاديلاك:cool:

[Tareksadoon]

هلااااا وغلا RED CHEVY

ايه نعم اخوي الشكل الجديد .. وترى سعرها طايح الصيف هذا بشكل غير طبيعي ..

وابشر بصورة للسيارة وراعيها :D

بس والله وانا اخوك خوفي كله من الخرابات الكهربائية .. يقولون كل ما تركب تولع عليك لمبة جديدة :cry:

انتظر بقية الشباب
ويعطيك الف عافية على الرد

[TOP-SECRET]

:p يكفي انها نورث ستار:p

توكل على الله بس اهم شي تتأكد من الفحص وكل شي والكديلك لو فيه اي مشاكل بتكون في الكهرباء حق السياره ;)

[Tareksadoon]

هلا اخوي تويوتا
والله ردك يثلج القلب وانا اخوك :laugh:

وعلى قولتك يمدحون محرك النورث ستار ...
وسلمت يا الغالي

[TOP-SECRET]

حاظرين اخوي في الخدمه;) وعلى فكره احنا كان عندنا كاديلك بس مش STS كان نوعه ديفيل اعتقد كان نفس المكينه بالضبط وكان عزمه قوي جدا قومه وخط اذكر في مره كانت خلفنا ماكسيما وكان يمسك ذرى السياره وماقدر يقدم وتزيد المسافه مع طول المسافه في الخط:p والماكس كان قير عادي وطبعا الكاديلك اوتو وماكنا نرد فيه تعشيقات كان على الـD :)


بالنسبه لي سمعت ان فيه مشاكل بالكهرباء لكن السياره كانت عندنا كم سنه ماصادفتنا مشاكل في الكهرباء:)

[Tareksadoon]

ما شاء الله تبارك الله
شكله مدرب ذا الكاديلاك :D

بس تبطي الماكسيما تجيب كاديلاك .. لا وديفيل بعد
صراحة سيارات كاديلك لها سمعة قوية , بس مشكلتها في سعر اعادة البيع .. تصير رخيصة جدا وتخسر على الاقل 80 الف :cry:

واذا كانت على مشاكل الكهرباء , تهون انشالله

ما قصرت حبيب البي , كفيت ووفيت
ولك مني خالص تحياتي

[TOP-SECRET]

بس نصيحه لو بتفكر تاخذ كاديلك لاتفكر تبيعه لانك 100% ماراح تربح فيه;)

[Tareksadoon]

خخخخخخخخخخخخخخخخخخخ
نصحية بذهب , صحيحة 100%

سلمت :o

[comondor--GTSR]

ذابحني ذبح


حقي موديل 97 وماشي 66735 كم



وامس انفجر اللي تبع الموية :cry: :cry: :cry:


بس الشكل الجديد من 98 وفوووووووووق اعتقد ان مشاكلة قليلة بس اهم شيء المحافظة



سلملم

[Tareksadoon]

اممممممممممم
الله يعينك على المشاكل والله ...
بس ممكن اعرف وشهي نوع المشاكل ؟؟

وهل انت متأكد ان الشكل الجديد خرباته قليلة ؟؟
مع شكري لك

[VW Passat]

السياره حلوه وكشخه ومحركها قوي .. لا ولونها اسود بعد

سعرها مناسب جداً .. خذها والله يوفقك فيها يا طارق :)

خالي عنده ديفيل D-Elegance موديل 98 او 99 وماسمعته يشتكي منها .. الله يباركله فيها.

------------------
بس على فكرة انا منب راعي خطوط ولا راعي هجولة يعني بالعربي سياقتي سياقة شياب ...
------------------

اكيد اذا شريتها بتتغير سواقتك ;) :D

[Tareksadoon]

هلا والله بالباسات
يا عسى دوم الخال يتهنى بسيارته

بس حلوة اذا شريتها بتتغير سواقتك :D
لا الله لا يقوله .. :D

ويا زين الكحل على الباسات
>>> ضيع

يسلمو حبيبي