مشكله مع المكيف اكوورد ؟؟

[DDesigns]

السلام عليكم

شباب انا عندي اكورد 2000 ودائما طاير يعني دائما ما ابدل الا من فوق 3500 او 4000 دوره ما ادري متعود كذا المهم فجأه خلال هاليومين تفاجأت في شيء..

المكيف يفصل كثير يعني حتى لو اني مو مسرع يعني مثلا بعز الحر احط المروحه على 1 يعني المفروض انه ما يفصل لان الحراره عاليه بس اشوفه يفصل وبعد 10 ثواني يرد يشبك صرت هذه الايام اضطر اني اخليه على مروحه 3 علشان الحق مع الحر شوي ..

رحت وعبيت فريون وبرضو نفس المشكله !!

فا يا شباب ايش المشكله تتوقعون ؟

يعني فيه مفتاح يفتح ويسكر يكون خربان ؟؟

ولا فيه ثورمستات تكون ما تقيس الحراره عدل ؟؟

ولا الكومبريسر خربان ؟؟


تحياتي ..........

[NFS]

السلام عليكم

بغض النظر عن فصلة الكومبريسور ، هل الهواء بارد يخرج بارد أو حار؟

وهل الحالة هذي تصير وقت الظهر فقط أو في جميع الأوقات؟

[bahrainlove]

هلا خوي

انا صارت عندي نفس المشكلة مع الهوندا CRV ويوم رحت الورشة قالو لي لازم تتنظف القطعة اللي تحت الداشبورد (نسيت اسمها):( والحين صار الدفع أقوى وما يفصل بسرعة .... ليش ما تجرب؟

[RED Chevy]

أعتقد الخلل بالكنترول اللي يتحكم بالمكيف..

[DDesigns]

اخوي NFS

الهواء يكون بارد ولما يفصل يصير بارد نسبيا بس مو حار ..

الحاله تصير 24 ساعه سواء صبح ولا بالليل .

اخوي bahrainlove

صح فعلا لاحظت قوه الدفع قله شوي في رقم 1 و ورقم 2 !! ..

ان شاء الله اجرب طريقتك بس شو اقولهم بالضبط ؟؟


اخوي RED Chevy

اي كنترول تقصد ؟؟ يا ليت لو اسامي القطع علشان اروح الورشه واقوله ايش المشلكه ..


تحياتي للجميع ............

[M.A.M]

مااقدر ازود على اللي قالوه الشباب
بس انا حبيت اسألك اخوي DD اذا كنت خلصت اختبارات وفضيت لي ولا لسا لاني صراحة صبرت صبر مايصبره احد وانا ماسك فلوسي حقت السب ووفر بدون فايدة فماادري هل انت خلصت اختباراتك وبتشوف لي السب ووفر المناسب ولا مطول ؟؟
تحياتي لك
وتحياتي للجميع

[RED Chevy]

والله القطعة بالظبط مو عارف إسمها بس هي اللي تتحكم بطريقة الدفع( لاتاخذ كلامي 100%) :D

[922]

السلام عليكم ورحمة الله وبركاته



ماشاء الله تغيير على 4000 وانا اقول ليش الرجال شارط قير عادي

انصحك تركب فيتيك وتصير :eek:

=====================


أسئلني عن المكيف فانا تبهذلت فيه حتى دخت

اولاً لازم تنظف الثلاجة اللي تحت الطبلون لانها بتكون مليانه غبار واوراق شجر

ثانياً : فيه صمامين -"بلوف"- valve

واحد عند المكينه وواحد في الثلاجة تأكد منهم

واخيراً الثرموستات ويكون جنب الطبلون


واذا بغيت المكيف يبرد بشكل جنوني غط فتحات الثرموستات بشريط لاصق


==================

[DDesigns]

اخوي M.A.M انا راح اخلص اختباراتي بالضبط يوم 31 من هذا الشهر يعني بعد 10 ايام بالضبط وان شاء الله اشوف لك كل شيء .. انا داري اني عذبتك وخليتك تنتظر كثير بس تحمل شوي يمكن في الصبر تحصل شيء احسن .


اخوي 902 ..


ههههههههه والله انا اموت في القير العادي مع اني ما اغير الا فوق ( مصدق نفسي معاي سبورت لوووول ) شسوي والله متعود من زمان كذا الزيت ما يقعد معاي لازم اغيره دائما ..

وبعد منت ما انت شايف الوضع عندنا في الامارات ابو الزحمه زهقت كل شوي اول ثاني اول ثاني اول ثاني خلاص خليه يوصل على 4000 والا فوق شوي وبعدين غير هههههههههه .


ما عليك الفيتك جايه جايه في الطريق لو على جثتي حاليا دبرنا نصف مبلغ التكلفه وباقي شوي ونحطها واعتقد راح اكون اول واحد في الخليج يحط في تيك على اكوورد من الجيل السادس لانه مو مرغوب لانه ثقيل بس شسوي يا اخي احب شكله :D :D .

اوكي خلاص انا راح اروح واسوي اللي قلت لي عليه وارد لكم خبر ..


شكرا ............

[Pure_Intimidation]

Try changing the Microfilter under the dash (usually located there)

[مؤيد اف1]

يمكن كلش الكمبريسر:)

[DDesigns]

جيد الحين جمعنا احتمالات كثيره خلاص راح اروح بكره او بعد بكره واشوف ايش المشكله .

[الفجر mtr البعيد]

اخوي DDesigns انت ماانتبهت لحاجه مهمة وهي كالتالي
هل الجو عندكم رطوبه :help: اذا رطوبه ترى هذي صايره معاي في اكثر من وقت واكثر من سياره والمشكله با ختصار ان الثرموستات الي اهو موجود في الداشبورد عادةً يكون بارد جداً بسبب قربه من المبخر (الثلاجه) ومثلك عارف ان الرطوبة مع البروده يسوون تكثف الماء فيروح الثرموستات يخربط في تحديده لدرجة الحرارة لأنه يحسب ان الماء المتكثف هو جو المقصوره فيروح يفصل الكمبرسور فالحل
انك تجرب تعزل الثرموستات بكيس بلاستك مثلاً
او مثل ماقالوا الاخوان يمكن يحتاج تنظيف
ارجو انك فهمت فكرتي
تحياتي
الفجر MTR البعيد

[DDesigns]

ايه والله الرطوبه موت هنا بس اليوم راح اشوف ايش المشكله ..

شكرا لك ...

[Third Eye]

فين مكان الثرموستات ؟

بعدين إذا عزلتها هل ممكن تصير مشاكل؟

[922]

رد مقتبس من Third Eye
فين مكان الثرموستات ؟

بعدين إذا عزلتها هل ممكن تصير مشاكل؟

له وصله قريبة للطبلون او حسب تصميم الطبلون

واذا عزلته او كتمته زي حالتي بيصير الكمبرسر يشتغل ضعف المدة

اذا سيارتك تويوتا او هوندا او متسبوشي "كمبرسر دينسو" بتعلق

المروحة من الثلج .....:laugh:

[Third Eye]

902

أنا سيارتي كامري موديلات 98-2002

تعرف فين مكانها بالضبط

أو ياليت لو تحط صورتها

ناوي أقلبها فريزر:D