سوالف للجميع - الي يبي جميع انواع التسارع للZ350 بالتجربه يتفضل:::

Black Chevy

14-07-2004, 05:05 AM

بسم الله الرحمن الرحيم
ـــــــــــــــــــــــــــــــــــــــــــــــــ

هاذي ارقام نيسان Z350 موديل 2004 بالتجربه من مجله EVO::::التجربه كانت ضمن مقارنه بين سيارات من فئات مختلفه منها::: GALLARDO و MITSU EVO 8 و البورش كايين و الهولدن مونارو و الاوستن DB9 و غيرهم وايد...

المهم انا حبيت اني احطلكم ارقام التسارع كامله بالتجربه للZ350:::

0-30= 2,5 ثانيه
0-40=3,7 ثانيه
0-50=4,8 ثانيه
0-60=6,1 ثانيه
0-70=7,9 ثانيه
0-80=9,8 ثانيه
0-90=12,2 ثانيه
0-100=14,8 ثانيه
0-110=17,8 ثانيه
0-120=21,9 ثانيه
0-130=26,6 ثانيه
ـــــــــــــــــــــــــــــــــــــــ
الربع ميل(400 متر)=14,7 ثانيه

السرعه القصوى=153,2::::

طبعا جميع السرعات تقاس بالميل:::

100كم=62 ميل

الارقام هاذي كلها بالتجربه على حلبات و السيارات تنساق من سواقين محترفين:::يعني خاليه من حسابات الكمبيوتر:::::

و الي بيتعرف اكثر على المقارنه خل يشوف مجله EVO اخر عدد..لانه المقارنه حلوه حيل و فيها مواتر وايد و معلومات تفصيليه لكل السيارات:::: هذا غير تجارب سيارت خارج نطاق المقارنه و منها الكرايسلر 300C.....

تحياتي

RED Chevy

14-07-2004, 06:12 AM

يعني اللومينا ممكن تطوفها مثل الماي:D وبتكون المنافسة بينهم قوية لكن وين اللي يقول راحت أيام اللومينا بالأتيما؟

خل يقدر الزد عليها أول:D

Black Chevy

14-07-2004, 06:28 AM

حياك الله اخوي RED Chevy و منو هذا الي يقول :anger: ان الزد اليديد يقدر على الومينا SS...اصلن بالكويت عندنه هذا يعتبر من اجحش السبورت.....تصور اصحابه يخافون من الاودي TT مع ان اضعف بوايد و اثقل....هذا شكله مثل الي قبله ما ينفع اله حق تخميس

مع العلم ان هذا يعتبر افضل تسارع لحد الان(بالتجربه)...مجله MOTOR TREND يابوا في 6,2....و الومينا SS 5,9 ثانيه بالتجربه

تحياتي

TOP-SECRET

14-07-2004, 06:31 AM

يعطيك العافيه اخوي وائل على الموضوع الجميل والتسارع بس ماقلت لي تسارع الومينا اس اس 5.9 للقير عادي ولا الأوتو؟;)

Black Chevy

14-07-2004, 06:42 AM

اخوي TOYOTA - OBAS الصراحه ما اذكر لانه المجله كانت عندي من زمان...بس اعتقد ان عادي...و بعدين مو مشكله لانه الومينا SS الي عندنه بالخليج اوتو يمصخر بالزد اليديد و هذا الشي شايفه بعيني بس مو مهم لانه ما عندي دليل عليه...لاكن انشاالله هذا الشي يكون بتصوير و اضمن لك ان الومينا راح تعطي فرق كبير ما يقل عن شبه كامله....

تحياتي

TOP-SECRET

14-07-2004, 06:50 AM

:o كل شي جايز انا عندي فيديو كرولا ضد لومينا اس اس وقامت الكرولا على الومينا:o :o

وانا بعد شايف زد350 مع لومينتين SS من جم يوم مرو علي هوى والزد كان جدام بفرق عامود يمكن:think: لكن كل سباق وقومه لها ظروفها;)

RED Chevy

14-07-2004, 06:55 AM

رد مقتبس من TOYOTA - OBAS
يعطيك العافيه اخوي وائل على الموضوع الجميل والتسارع بس ماقلت لي تسارع الومينا اس اس 5.9 للقير عادي ولا الأوتو؟;)

للأوتو يا حمد لأن العادي في 5.4:p

وواحد من الأعضاء هني قبل فترة جابها في 5.9 بعد:banana:

الشبابي

14-07-2004, 07:08 AM

اخوي بلاك شيفي ...
بس مجلة موتور تريند جابوا ال 100 خلال 5.34 ...فكيف يجيبونها هنا في 6.1 ؟
بعدين انت تتكلم عن الاوتو ولا العايدي ؟؟؟

اخوي ريد ...
هالمجلات اللي تقول ان الزد تجيب ال 100 ب 6 ثواني قالت ان اللومينا تجيبها خلال 6.5 ......

اخوكم الشبابي

RED Chevy

14-07-2004, 07:50 AM

رد مقتبس من الشبابي
اخوي بلاك شيفي ...
بس مجلة موتور تريند جابوا ال 100 خلال 5.34 ...فكيف يجيبونها هنا في 6.1 ؟
بعدين انت تتكلم عن الاوتو ولا العايدي ؟؟؟

اخوي ريد ...
هالمجلات اللي تقول ان الزد تجيب ال 100 ب 6 ثواني قالت ان اللومينا تجيبها خلال 6.5 ......

اخوكم الشبابي

هلا والله:D

من زمان ماتناقشنا معاك ياريال:D

اللومينا يابعد جبدي معقولة في 6.5؟

قلبها بعقلك وشوف تصير أو لا:D

موقع بونتياك الرسمي حاطين للGTO قير عادي 5.4:banana:

يعني ال5.9 للأوتو صح؟

دام الكابرس SS في 6.9 اللومينا تكون في 6.5 :D

هذي المسألة عقدتنا وايد...

بس الأكيد أحين إن الزد أوتو واللومينا أوتو نفس القوة 90% والباقي يعتمد على الضروف يعني ممكن اللومينا تتروح ويمكن الزد يروح:p

بس هالمشكلة مابتنحل إلا لما بلاك شيفي يجيب صور القومات:D

الشبابي

14-07-2004, 08:00 AM

اخوي ريد ...
اللومينا قالوا في 6.5 ومرة في 6 وكل مرة يجيبون ارقام مختلفة ...
اساسا العملية تخضع لظروف كثيرة ...
اما الزد اوتو فهو يجيبها خلال 5.8 حسب كلام التجارب ...
وانا ما انكر ان الومينا تجيب اقل من الارقام هذي ... بس اذا كان الكلام ينطبق على الومينا فأكيد ينطبق على الزد .....

اخوكم الشبابي

RED Chevy

14-07-2004, 08:01 AM

http://www.motortrend.com/roadtests/coupe/112_0310_frst_350z/index.html

هذي تجربة موتور تريند للكشف وقير عادي جابو ال100 في 6 ثواني;) ;) ;)

LUMINASS2003

14-07-2004, 09:38 AM

هلا شباب

انا عندي لومينا اس اس 2003 حسبت ليها الى 100 في 6.1 ثانية مع انها فحطت شوي يعني يمكن تجيبها في 6

بالنسبة لقومة الزد مع اللومينا اكيد بتكون القومة قوية ومثل ماقالوا الشباب احتمال يقوم الزد واحتمال تقوم على اللومينا وكل هدا يعتمد على السواق لان اللومينا اذا جت توماتيك يبي ليها سواق بعد مو بس الجير العادي يبي ليه سواق;)

انا اتوقع لو تصير القومة اللومينا بتروح لكن اذا راح الزد من القومة بتجي ليه اللومينا اول ما تبدل ثالث:glasses2:

Black Chevy

14-07-2004, 09:51 AM

اخوي TOYOTA - OBAS طبعا لكل قومه ضروفها لاكن اذا انت تعرف ان الموترين ستوك و الاثنين قياده والقومه صارت جدامك من اولها هذا شي ثاني...مو بس جذي عندك موستينغ lx ستوك طاف الزد سيارتين و ظل يسحب لولا ان راعي الزد منع....المشكله انت تقول مروا عليك يعني ما تعرف ضروفها..ممكن الومينات مطمرينه....و شنو الموتر هذا الي راعيه يخاف من اودي tt ... سلندر4 تيربو قد التفاحه:D...مع العلم ان الومينا يعطي الاودي اكثر من شبه..مع ذلك لكل قومه ضروفها;)

اخوي الشبابي التسارع ال6,1 هذا من مجله EVO و هاذي ما تقل شهره عن موتر تريند...اخر عدد و التجربه كانت لموديل 2004 طبعا....
و انا اذكر ان مجله موتر تريند يابت 6,2 اول ما نزل الزد(انشاالله ادور المجله و اقولك العدد)..

و بعدين ليش هامكم التسارع بس..التوب سبيد تبع الزد بالتجربه 260 تقريبا و روحوا سئلوا اي واحد عنده لومينا و سئلوا جم ياب الطبلوم...

تصدقون في شي واحد قاهرني...الحين مكينه الومينا اهي نفسها مكينه الكمارو و الكمارو يلعن خير الومينا و هذا كل بسبب القير..يعني الواحد يمكن يركب قير كمارو على الومينا؟؟؟؟!!!

يعطيك العافيه اخوي LUMINASS2003 على المشاركه

تحياتي

بوخالد

14-07-2004, 11:01 AM

هلا اخوي
اشكرك على الموضوع بس حبيت اقولك
ان تسارع الزد من 0الى 100 = 5.6

واذا حبيت تتأكد ترا هذا هو الموقع

http://www.edmunds.com/new/2004/nissan/350z/100282484/roadtestarticle.html?articleId=100347&tid=edmunds.e.roadtests.content...Nissan*

بوخالد

14-07-2004, 02:58 PM

حبيت اضيف بعد
ادخل هذا الموقع موتر تراند
وشوف تجربه الزد القريدي توين توربو والزد العادي
http://motortrend.com/features/performance/112_0308_tuner_350z/

وشوف تسارع الزد القريدي توين توربو والزد العادي

القريدي من 0 الى 100 في 4.61
والزد العادي من 0 الى 100 في 5.72

وهذا موقع اخر عطى تسارع الزد اقل من 6 ثواني
http://www.advanceautoparts.com/howtos_tips/automedia_html/pht/pht200304013z/index.html?page=/howtos_tips/automedia_html/pht/pht200304013z/pht200304013z.htm

والسموووحه

Crower

14-07-2004, 03:20 PM

اللومينا اثقل من الزد و هالشي مش في صالحها
انا من تجربتي مع الزد ( سياره اخوي)
كان بعده ما عدى 2000 كم و توه طالع من الوكاله للسرفيس و جربت مع اثنين من الربع الزد جير عادي و الشباب عندهم واحد 2002 و الثاني لومينا باب واحد 2003....... 2002 تقريبا الزد جدام بفرق سياره لين جير ما بدلت 5 بعدين خفينا السرعه..... الكوبي مالها امل ورا بفارق كبير
اللي يساعد الزد الوزن و عزم المحرك

infiniti

14-07-2004, 03:52 PM

رجـــــــــــــــــــــــــــــــــــــــــــــــــــــــــــــــــاء

لا احد يتكلم بدون واقع تجربه

يوم الاحد الموافق 11/7/2004

صارت ثلاث قومات
Z350 قير عادي مع لومينا SS عليها هدرز و اكزوزست سستم
القومه صفر /800 قدم الزد مسافه ثلاث سيارات و انا اللي اسوق الزد

و القومه مصوره لاكن صاحب اللومينا رافض انها تنزل في المنتديات و انا اعطيت صاحب السياره وعد اني ما انزلها لاكن

اللي يبي يشوف القومه ممكن يقابلني انا من الدمام و اخليه يشوفها بنفسه على الكاميرا و يتأكد ولا احد يقولي ارسل القومه بالايميل لاني وعدت الرجال .

ثانيا
القومه Z350 قير عادي مع لومينا SS كوبيه مكنسل الدبات الخلفيه و مركب مواسير بدال الدبات .
القومه صفر /700
قدم الزد مسافه الصدام مع العلم اني في وسط القومه طلع علي فورد كراون فكتوريا و خففت و كملت القومه و النتيجه

قدمت مسافه صدام .

هذي القومه صورها واحد من شباب سيهات و القومه صارت في كورنيش سيهات .

جربنا مع نفس اللومينا على حسب الاتفاق اننا نعيد القومه من صفر و بعدها نعيدها من سرعه 30 مسافه 700 متر

القومه الثانيه مع نفس هذي اللومينا الكوبيه
من سرعه 30 مسافه 700

قدمت اللومينا مسافه نص سياره .

و على حسب الاتفاق اننا نعيد القومه الاولى من صفر لانه في سياره ضايقتي .
لاكن صاحب اللومينا قال ان القير صار يفوت و رفض يعيد القومه من صفر و بعد محاولات اتفقنا نجرب من سرعه 70 مسافه 700 و قدم الزد مسافه نص سياره و قبل نهايه المسافه قدمت اللومينا لاني مابدلت الى الخامس و قدم اللومينا علي بفرق بسيط جدا.

القومه مع موستنج 97 عليه كرونا
المسافه صفر / 800
قدم الزد مسافه لمبه كامله .

جميع القومات مصوره و انا بنفسي اسوق الزد فأرجوا من الجميع انهم مايحكمون بدون اي تجربه و للعلم الزد ستوك جديد و اللومينات عليها شغلات خفيفه .

و هذا وزن اللومينا من موقع الشركه في استراليا 1600 كيلو
الموقع http://www.holden.com.au/www-holden/action/techdata?modelid=12001
و هذا وزن الزد من موقع نيسان الشرق الاوسط 1530 كيلو
الموقع http://www.nissan-me.com/350z/350z_specifications.htm

فرق القوة
اللومينا 1600 كيلو تقسيم 328 حصان = 4.87 للحصان الواحد
الزد 1530 كيلو تقسيم 294 حصان = 5.20 للحصان الواحد .

واضح تفوق اللومينا في معادله الوزن للقوه لاكن النتيجه على الارض اضهرت تفوق الزد.

TOP-SECRET

14-07-2004, 04:30 PM

رد مقتبس من Black Chevy
اخوي TOYOTA - OBAS طبعا لكل قومه ضروفها لاكن اذا انت تعرف ان الموترين ستوك و الاثنين قياده والقومه صارت جدامك من اولها هذا شي ثاني...مو بس جذي عندك موستينغ lx ستوك طاف الزد سيارتين و ظل يسحب لولا ان راعي الزد منع....المشكله انت تقول مروا عليك يعني ما تعرف ضروفها..ممكن الومينات مطمرينه....و شنو الموتر هذا الي راعيه يخاف من اودي tt ... سلندر4 تيربو قد التفاحه:D...مع العلم ان الومينا يعطي الاودي اكثر من شبه..مع ذلك لكل قومه ضروفها;)

تحياتي

هلا والله وائل :p كل سياره فيه الاقوى منها وانا ماعترف بعدد الاحصنه او اي شي الي اعترف فيه الواقع وهذا الشي جدام عيني الزد يجدم على لومينا اس اس وهو ستوك والومينا مادري اذا عليها شي ولا وكاله ,, والموضوع الثاني يتعلق بالدروله فيه شباب مشاء الله درولتهم ماعليها كلام وفيه شباب مايعرفون يشبكون في القير:Sad2: ..وبالنسبه للأودي ليش تعتبره خوف يمكن الريال مايبي ينزل مستواه;)
والأودي هذا ماعترف فيه وهو خمسه سلندر مش اربعه على ماعتقد:think:

الومينا اس اس قويه وماعليها كلام لكن انا انسان ماقدر اكذب عيوني:D ومع العلم اني شفت موستنق GT يقوم على SL55 AMG :Sad2: بس مادري شنو الي على الموستنق :cool:

تحياتي

King 4x4

14-07-2004, 04:31 PM

كلام أخوي انفنتي صحيح 100%.

وأوافقه بقوه. :anger:

واللي يقول اللومينا تطلع.

أقوله أحلق شنبي اذا ما جاك الزد من بعيد قدامها يقطع.

RED Chevy

14-07-2004, 04:34 PM

رد مقتبس من infiniti
رجـــــــــــــــــــــــــــــــــــــــــــــــــــــــــــــــــاء

لا احد يتكلم بدون واقع تجربه

يوم الاحد الموافق 11/7/2004

صارت ثلاث قومات
Z350 قير عادي مع لومينا SS عليها هدرز و اكزوزست سستم
القومه صفر /800 قدم الزد مسافه ثلاث سيارات و انا اللي اسوق الزد

و القومه مصوره لاكن صاحب اللومينا رافض انها تنزل في المنتديات و انا اعطيت صاحب السياره وعد اني ما انزلها لاكن

اللي يبي يشوف القومه ممكن يقابلني انا من الدمام و اخليه يشوفها بنفسه على الكاميرا و يتأكد ولا احد يقولي ارسل القومه بالايميل لاني وعدت الرجال .

ثانيا
القومه Z350 قير عادي مع لومينا SS كوبيه مكنسل الدبات الخلفيه و مركب مواسير بدال الدبات .
القومه صفر /700
قدم الزد مسافه الصدام مع العلم اني في وسط القومه طلع علي فورد كراون فكتوريا و خففت و كملت القومه و النتيجه

قدمت مسافه صدام .

جربنا مع نفس اللومينا على حسب الاتفاق اننا نعيد القومه من صفر و بعدها نعيدها من سرعه 30 مسافه 700 متر

القومه الثانيه مع نفس هذي اللومينا الكوبيه
من سرعه 30 مسافه 700

قدمت اللومينا مسافه نص سياره .

و على حسب الاتفاق اننا نعيد القومه الاولى من صفر لانه في سياره ضايقتي .
لاكن صاحب اللومينا قال ان القير صار يفوت و رفض يعيد القومه من صفر و بعد محاولات اتفقنا نجرب من سرعه 70 مسافه 700 و قدم الزد مسافه نص سياره و قبل نهايه المسافه قدمت اللومينا لاني مابدلت الى الخامس و قدم اللومينا علي بفرق بسيط جدا.

جميع القومات مصوره و انا بنفسي اسوق الزد فأرجوا من الجميع انهم مايحكمون بدون اي تجربه و للعلم الزد ستوك جديد و اللومينات عليها شغلات خفيفه .

.

دام زياد يسوق الزد ماقول غير الله يهدي اللي بيجرب معه:D

لكن يازياد لاحظ شي واحد بس:D

اللومينا الثانية حرام يطوفك:mad:

خلنا من ذي كله إحنا قلنا الزد أوتو يمكن مايمسك مع اللومينا( تطوفه بمعنى أصح) إنت قير عادي ولومينا بتعديل بسيط وقير أوتو يتقدم عليك ولو بملي واحد بعد حرام;)

ودي لو تجرب دز أوتو مع لومينا ستوك وهني نعرف منو أقوى;) ;) ;)

ووزن اللومينا 1580:banana:

ذي للسيدان....

TOP-SECRET

14-07-2004, 04:40 PM

عبدالرحمن بس ماتشوف ان السيارتين نفس الوزن وحتى لو كانو جنب بعض او قدمت الومينا على زد اوتو ماتشوف ان شي يفشل سياره ثمانيه سلندر و328 حصان مع سياره سته سلندر 287 حصان ونفس الوزن وجنب بعض هذا اذا ماقدم الزد؟:eek:

RED Chevy

14-07-2004, 05:09 PM

رد مقتبس من TOYOTA - OBAS
عبدالرحمن بس ماتشوف ان السيارتين نفس الوزن وحتى لو كانو جنب بعض او قدمت الومينا على زد اوتو ماتشوف ان شي يفشل سياره ثمانيه سلندر و328 حصان مع سياره سته سلندر 287 حصان ونفس الوزن وجنب بعض هذا اذا ماقدم الزد؟:eek:

قلت نمن قبل يابوشهاب...

النتيجة الصح مابنحصلها بالمواقع والأرقام...

تجارب شخصية مثل تجربة زياد...

آنا أقول لو نحصل زد أوتو ستوك( رفيج إخوي عنده زد أوتو بس مو ستوك:D فلتر وكزوز سستم وكم شغلة زيادة) ولومينا ستوك أوتو هني نعرف النتيجة...

كفاية إن الزد القير عادي مسكت معه لومينا أوتو شايل الدبات بس....

تخيل اللومينا تنزل قير عادي:shock2:

والقصد مو هني في ناس قالوا الألتيما بتنهي اللومينا لكن الزد ويالله يالله:D

TOP-SECRET

14-07-2004, 05:19 PM

رد مقتبس من RED Chevy
قلت نمن قبل يابوشهاب...

النتيجة الصح مابنحصلها بالمواقع والأرقام...

تجارب شخصية مثل تجربة زياد...

آنا أقول لو نحصل زد أوتو ستوك( رفيج إخوي عنده زد أوتو بس مو ستوك:D فلتر وكزوز سستم وكم شغلة زيادة) ولومينا ستوك أوتو هني نعرف النتيجة...

كفاية إن الزد القير عادي مسكت معه لومينا أوتو شايل الدبات بس....

تخيل اللومينا تنزل قير عادي:shock2:

والقصد مو هني في ناس قالوا الألتيما بتنهي اللومينا لكن الزد ويالله يالله:D

:D اول جمله مافهمتها:rolleyes:

وفعلا النتيجه الصح مانحصلها الا بالواقع .. لكن انا الحين اقول سياره 6 سلندر او وسياره 8 سلندر وبنفس الوزن وفرق كبير في عدد الأحصنه وكانوا الأثنين اوتو وتمت التجربه وكانو جنب بعض او حتى لو قدمت الومينا شوي هذا بحد ذاته يعتبر انجاز للزد;)

وللحين محد جرب الألتيما عشان نحكم عليها:think: يمكن صج يطلع كلامهم:glasses:

=====
والقصد مو هني في ناس قالوا الألتيما بتنهي اللومينا لكن الزد ويالله يالله
=====
هذا بحد ذاته انجاز..يعني في جملتك هذي تعترف بأن عزم الزد اقوى من الومينا :eek:

King 4x4

14-07-2004, 05:23 PM

شباب لا تخلوني أخش.

تراني بأحشركم حشر.

قد أعذر من أنذر. :anger:

Black Chevy

14-07-2004, 05:25 PM

للاسف انك ما تقدر تحط الفلم...ياخوك انا اصور من غير لا اقول يعني شغل خشاشي:D ..لانه اهو اكيد بيقولك لاتحط الفلم...

اخوي TOYOTA - OBAS الومينا مافيها عيب اهي سريعه لاكن عيبها القير الخايس....يعني الي عنده لومينا خل يرهملها قير عادي...اذا المكينه اهي مكينه كمارو يعني اكيد قير الكمارو يركب عليها..يعني لا تستغرب من ان قوتها مو راكبه على تسارعها::::هذا كل من القير::::و بالنسبه للاودي لحد يقولك 5 اهو اربع لاكن على المكينه يكتبون 5 لانه التيربو(التفاحه) معتبرينه سلندر و ايك ال6 و هذا من غير تيربو....اخوي ليش ما تعترف بالاودي..تدري ان من الصفر لي مسافه 600 متر نقدم على الهوندا s2000 يعني لي قمنه مع بوزويد من صفر يغسل ايده...اذا الكمارو ما يقدر...

تبون الصراحه انا كل ماشوف بوزويد كل متمصخر....و احس ان سبب انتشاره عندنه شكله الحلو..بوزويد من زمان حلو عكس السكايلن(لحد ايب سيره السكايلن تره مالنه خلق نجره خخخخ)

تحياتي للجميع

TOP-SECRET

14-07-2004, 05:32 PM

:o انا من اول يوم خذتها وقلت ان عيبها في القير :o

لكن محد ضربهم على ايدهم وقال لهم لاتنزلونها قير عادي او نزلوها بهذا القير:eek: :rolleyes: هذا يعتبر عيب في السياره

بعكس قير الزد الأوتو

والله مادري انه مقدم على S2000 :think: لكن انا مايعجبني من جميع النواحي بس من وين جبت هذا الخبر مع العلم ان تسارع الهوندا S2000 قير عادي اقل من 5.5؟؟(مش متأكد):think:

بعدين والله ربكه واحد ياخذ لهم سياره موديل 2003 ولا 2004 وينزل قير ويركب قير هذا بالكلام يصير لكن ماعتقد في احد بيسوي جذي:banana: حرام تكون السياره يديده ويغير القير :D

Black Chevy

14-07-2004, 05:34 PM

اخوي King 4x4 حياك الله....منور الموضوع....ليش تحرمنه من مشاركاتك ياخي...احنه بنفيد و نستفيد..يعني حرام عليك تحرمنه من معلوماتك و تخلينه من غير معلومات جذي بنصير عليميه....

يعني انا حطيت موضوع في تسارع الزد و صار بلي اهو عليه الحين..ماشاالله ماشاالله:D :D ...والله لو حاط تسارع الفيراري انزو ما صار جذي خخخخخ....

RED Chevy

14-07-2004, 05:38 PM

رد مقتبس من TOYOTA - OBAS
:D
وفعلا النتيجه الصح مانحصلها الا بالواقع .. لكن انا الحين اقول سياره 6 سلندر او وسياره 8 سلندر وبنفس الوزن وفرق كبير في عدد الأحصنه وكانوا الأثنين اوتو وتمت التجربه وكانو جنب بعض او حتى لو قدمت الومينا شوي هذا بحد ذاته يعتبر انجاز للزد;)

وللحين محد جرب الألتيما عشان نحكم عليها:think: يمكن صج يطلع كلامهم:glasses:

=====
والقصد مو هني في ناس قالوا الألتيما بتنهي اللومينا لكن الزد ويالله يالله
=====
هذا بحد ذاته انجاز..يعني في جملتك هذي تعترف بأن عزم الزد اقوى من الومينا :eek:

الزد يكفيه إسمه عشان يطوف اللومينا:D

بس لاحظ..
اللومينا SS طافت الزد...
إحنا توقعنا الزد يجي ويكسر راس اللي صنع اللومينا لكن في الآخر طلع إسم على الفاضي...

بالله عليك مو فشيلة لواحد ماخذ زد يجيه واحد بسيارة أرخص ب5000 دينار والمفروض هو راكب زد يعني محد قده ويطوفه؟

والله لو آنا سيده أوديه أرقب معرض وأبيعه:D

يعني مجلات قالوا الزد في 5.6 وناس تقول لك اللومينا في 6.6 يعني تصجقها إن الفرق ثانية واللومينا تمسك معه ويكون الفرق صدام بس؟

والله آنا اللي أعتبره إنجاز للومينا مو للزد:D

Black Chevy

14-07-2004, 05:40 PM

افا عليك اخوي TOYOTA - OBAS هاذي عاد انا مصورها و مع اكثر من s2000 لا ومساير 50 بعد ما يقدر....بس خويك توه بيتعلم شلون يرفع الافلام على الانترنت....لا تنسه ان الاودي دفع رباعي يعني الواحد يقدر يرفع الضغط من الصفر لي 6000 و ماراح يفرك التاير..على عكس الs2000 من غير لا يرفع يفرك.....من الصفر لي حد الان غير الامبريزه محد طافنه لا وبفرق صغير...(الامبريزه العادي مو الsti)...

King 4x4

14-07-2004, 05:49 PM

رد مقتبس من Black Chevy
للاسف انك ما تقدر تحط الفلم...ياخوك انا اصور من غير لا اقول يعني شغل خشاشي:D ..لانه اهو اكيد بيقولك لاتحط الفلم...

اخوي TOYOTA - OBAS الومينا مافيها عيب اهي سريعه لاكن عيبها القير الخايس....يعني الي عنده لومينا خل يرهملها قير عادي...اذا المكينه اهي مكينه كمارو يعني اكيد قير الكمارو يركب عليها..يعني لا تستغرب من ان قوتها مو راكبه على تسارعها::::هذا كل من القير::::و بالنسبه للاودي لحد يقولك 5 اهو اربع لاكن على المكينه يكتبون 5 لانه التيربو(التفاحه) معتبرينه سلندر و ايك ال6 و هذا من غير تيربو....اخوي ليش ما تعترف بالاودي..تدري ان من الصفر لي مسافه 600 متر نقدم على الهوندا s2000 يعني لي قمنه مع بوزويد من صفر يغسل ايده...اذا الكمارو ما يقدر...

تبون الصراحه انا كل ماشوف بوزويد كل متمصخر....و احس ان سبب انتشاره عندنه شكله الحلو..بوزويد من زمان حلو عكس السكايلن(لحد ايب سيره السكايلن تره مالنه خلق نجره خخخخ)

تحياتي للجميع

أخوي بأذكرك بكم نقطه مهمه ملاحظها بتعليقك.

1. طريقتك بالكلام يدل انك واحد تستهزىء باللي قدامك ولا تعترف فيهم و لا برأيهم.

2. انت تقول و تقول و كثر ما قال شيء لازم يصدقه حتى لو كان غلط زي كذا لا تكثر هرج الا و معك دليل.

3. كل حاله ولها ظرفها و كل تجربه ولها ظرفها و لا تجربه تخلو من شغلات يسمونها Randomness بمعنى فيه متغيرات ما يقدر يحكمها الشخص و لا تجربتين وحتى لو كانوا ورى بعض بساعات أو حتى خمس دقايق بينتجوا نفس النتيجه و لكن اتفقوا العلماء و المهندسين انهم يأخذون بالاعتبار ان نسبه الغلط 10% من الناتج النهائي بمعنى اما فوق الصحيح ب10% أو تحته ب10% وكلما قلت نسبه الغلط كلما كان أحسن.

ومعظم التجارب يكون فيها Sources Of Error (بمعنى مصادر الغلط) و هي زياده عن ال10% اللي فوق فلذلك ذي المصادر هي اللي تخرب التجربه و تخليها ما تسوى تسويها و أمثله على المصادر في عالم السيارات :

1. الكفرات و حيث ان كل مناخ له كفره اللي يناسبه و كل شارع له كفر يتمسك فيه و يكون فيه Traction حقيقي.

2. العوامل الخارجيه مثل الهواء و المطر و حتى الغبار يأثرون على مستوى السياره كليا و طبعا يقللهم نسبه انسيابيه السياره.

3. و أنا أعتبره أهم مصدر غلط و هو السواق وبحيث انه يعتبر من أكبر مصادر الغلط في عالم السيارات. ففيه فرق بين شوماخر اللي يسوق السياره و أخوك الصغير اللي توه يتعلم (خلوني أنا أسوق و أبشروا بخير مافيه الا Power Shifting يومين و الكلش محترق :black: )

وطبعا أنا أنذرتكم فوق بس شكلكم خربتوها. :anger:

فلذلك تقبلوها مني كامله و تراني انسان ما أزعل بس أحب الحق ينقال. :D

الشبابي

14-07-2004, 05:55 PM

اخوي بلاك شيفي ...
كلامك عين العقل .. فالمجلة معروفة لكن الارقام هذي دائما يصير فيها لخبطة .. على سبيل المثال عندك الباثفايندر ارمادا ال 5.6 الجديد بموقع موتور تريند جاب المية في 7.1 ... شئ يعتبر جبار ...
وفي نفس الموقع تجربة للنيسان تيتان اللي هو عبارة عن وانيت بنفس المحرك .. فالمفروض الوانيت يجيب تسارع اقل بكثير من حق الجيب لكن اختبروه وجاب ال 100 خلال 8 ثواني ... هل هذا معقول ؟؟

اخوكم الشبابي

TOP-SECRET

14-07-2004, 05:56 PM

الشفرات قامو علينا :rolleyes:

بخصوص الأخ عبدالرحمن(بوعوف:p )

شنو تتوقعون من سياره سته سلندر وبوزن 1570 وعدد احصنتها 287 تسوي اكثر من انها تحرج لومينا SS= سوبر سبورت:p والله ياعبدالرحمن سعر السياره مب بس على محركها يكفي اسم الزد بس:banana: ويكفي تصميمها ويكفي مواصفاتها:banana: ويكفي محركها الي جدام عيني احرج لومينات مب لومينا وحده والصج ينقال :banana: :banana:

بس الحين انت عبدالرحمن على اي اساس اعتبرته انجاز؟؟ السيارتين نفس الوزن المحركات حدث ولا حرج الزد 6 سلندر والومينا 8 سلندر الزد 287 حصان الومينا 328 حصان ويكفي انهم مسميينها SS يعني يخرعون فيها الناس:eek: مممممممم ليش انجاز؟

;)

TOP-SECRET

14-07-2004, 05:59 PM

رد مقتبس من Black Chevy
افا عليك اخوي TOYOTA - OBAS هاذي عاد انا مصورها و مع اكثر من s2000 لا ومساير 50 بعد ما يقدر....بس خويك توه بيتعلم شلون يرفع الافلام على الانترنت....لا تنسه ان الاودي دفع رباعي يعني الواحد يقدر يرفع الضغط من الصفر لي 6000 و ماراح يفرك التاير..على عكس الs2000 من غير لا يرفع يفرك.....من الصفر لي حد الان غير الامبريزه محد طافنه لا وبفرق صغير...(الامبريزه العادي مو الsti)...

يعطيك العافيه على المعلومات لكن انا ماقدر افتي بالموضوع لان ماشفت بعيني هذي السيارات تقاوم بعض الي شفته لومينات مع زدات;)

RED Chevy

14-07-2004, 06:25 PM

رد مقتبس من TOYOTA - OBAS
الشفرات قامو علينا :rolleyes:

بخصوص الأخ عبدالرحمن(بوعوف:p )

شنو تتوقعون من سياره سته سلندر وبوزن 1570 وعدد احصنتها 287 تسوي اكثر من انها تحرج لومينا SS= سوبر سبورت:p والله ياعبدالرحمن سعر السياره مب بس على محركها يكفي اسم الزد بس:banana: ويكفي تصميمها ويكفي مواصفاتها:banana: ويكفي محركها الي جدام عيني احرج لومينات مب لومينا وحده والصج ينقال :banana: :banana:

بس الحين انت عبدالرحمن على اي اساس اعتبرته انجاز؟؟ السيارتين نفس الوزن المحركات حدث ولا حرج الزد 6 سلندر والومينا 8 سلندر الزد 287 حصان الومينا 328 حصان ويكفي انهم مسميينها SS يعني يخرعون فيها الناس:eek: مممممممم ليش انجاز؟

;)

:laugh:

قاصرنا بلو شيفي بس:D

لكن آنا لسا أعتبره إنجاز للومينا وفشيلة للزد:corsair:

آنا قبل يوم كانوا ينزلون مواضيع " من يطوف زد أو لومينا" أدخل وأقول الزد بدون كلام واللومينا مالها أمل:D

أحين صار كلام ثاني:p

مافرقت كثير الزد 390 حصان واللومينا 325 الفرق كله على بعضه 4 حصان:D

يام مكسيمات ب220 حصان طافوا موستنجات ب260 حصان:D

اللومينا مستواها إنها تطوف( تطوف مو تنطاف:D ) مكسيما-أكورد-كامري-موستنج

يعني السيارات القواي بس مو تطوف زد:D

آنا لو كان عندي لومينا لا أرفع راسي فوق النخل إذا طفت زد:D

إسمها لومينا وإسمه زد:p

لكن لاتخاف اللومينا من آخر خياراتي تعرفني كابرساوي:D

Black Chevy

14-07-2004, 07:03 PM

افا افا اخويKing 4x4 بالله عليك وين استهزئت بلي جدامي..يبلي وين استهزئت بلي جدامي:headshak:

ثانيا انا ما تكلمت اله بدليل و سالفه القومات من الاول انا ذكرتها و قلت بنفسي لTOYOTA - OBAS مو مهم لانه ما عندي دليل عليها...

مو مهم انا الحين هاذي وجهة نظرك فيني

و بالنسبه للنقاط الي ذكرتها معروفه لاكن لازم تكون موجوده وله غير جذي خلنه على حسابات الكمبيوتر صح وله غلط....و حسابات الكمبيوتر ما تراعي الضروف هاذي..يعني مهما يكون لازم على الاقل نعتمد على ارقام التجارب

و حبيبي انا ما اقص عليك يوم اقولك ان جدام عيني الومينا طايفه شبه كامله و موستينغ lx طايفه سيارتين و اودي a6 صاف وياه..لاكن مو مهم كلامي هذا لاني ماعندي دليل....بالنسبه لي كل اشوف متمصخر..يعني يوم اشوف زد تونتيربو اي هذا شايفه يطوف الومينا لانه صج ممشاه قوي لاكن اليديد كل اشوف ينطاف..

و اخوي ماله داعي تحذر و تنذر..لانه احنه ديموقراطين(الرأي و الرأي الاخر):D

تحياتي للجميع

King 4x4

14-07-2004, 07:12 PM

الله يرجكم.

بس ترى شباب حقيقه.

السواق يفرق فرق السماء عن الأرض.

وطبعا ذا من واحد حرق كلش الربع مرتين و هو ما كمل ال60 ألف كيلو :laugh:

TOP-SECRET

14-07-2004, 07:21 PM

رد مقتبس من RED Chevy
:laugh:

قاصرنا بلو شيفي بس:D

لكن آنا لسا أعتبره إنجاز للومينا وفشيلة للزد:corsair:

آنا قبل يوم كانوا ينزلون مواضيع " من يطوف زد أو لومينا" أدخل وأقول الزد بدون كلام واللومينا مالها أمل:D

أحين صار كلام ثاني:p

مافرقت كثير الزد 390 حصان واللومينا 325 الفرق كله على بعضه 4 حصان:D

يام مكسيمات ب220 حصان طافوا موستنجات ب260 حصان:D

اللومينا مستواها إنها تطوف( تطوف مو تنطاف:D ) مكسيما-أكورد-كامري-موستنج

يعني السيارات القواي بس مو تطوف زد:D

آنا لو كان عندي لومينا لا أرفع راسي فوق النخل إذا طفت زد:D

إسمها لومينا وإسمه زد:p

لكن لاتخاف اللومينا من آخر خياراتي تعرفني كابرساوي:D

عبدالرحمن انت قلت لي من قبل انك تعتبره انجاز وفشيله للزد بس ماقلت لي شنو السبب؟انا ذكرت انه انجاز للزد وذكرت السبب;) ماعتقد يكون السبب خارج من المكينه يعني مثلا تقولي لان هذا اسمه زد وهذا الكلام اتمنى يكون سبب معقول;)

بعدين متى نزلت مواضيع عن الزد واللومينا:eek: :eek:

الزد 287 حصان متى وصل 390:Sad2: والمكسيما 227 حصان:D والموستنق 265 حصان:eek: لازم تدقق في الأرقام ههههه:banana:

وانت تقول الومينا مستواه تطوف الموستنق انزين انا دخلت موقع وحصلت تسارع الموستنق قير عادي 5.4 :help: طبعا GT لكن في الواقع عزمها نازل نفس اللومينا ههههههه:D :rolleyes:

:p والكابريس شيييييي انا شفت كابريس 8 سلندر بس مش SS قدم على لومينا اس اس:help: :help: والأثنين وكاله والأثنين 2004؟؟؟استغربت من القومه لانها بين اثنين اعرفهم:think:

NFS

15-07-2004, 11:54 AM

Black Chevy

رقم الربع ميل للـ350Z إللي أنت حطيته يعتبر أسوء رقم أنا شفته لهذي السيارة....

يمكن ضروف التجربة كانت سيئة ، إذا ممكن تكتب أرقام التسارع للسيارات الثانية في التجربة علشان نحكم .....

أنا بعطيك بعض الأرقام وقارنها مع الأرقام من المجلة إللي عندك :

http://www.350zmotoring.com/forums/timeslips.php

في هذا الموقع بتلاقي أن الـ350Z يترواح تسارعها في قطع الربع ميل ما بين 14.6 و 13.9 ثانية

أيضاً موقع Car And Driver جرب السيارة وأستطاعوا الحصول على زمن قدره 5.4 ثانية للتسارع من 0-60 ميل/ساعة وعلى 14.1 ثانية عند سرعة 101 ميل/ساعة لقطع مسافة الربع ميل.

http://www.caranddriver.com/article.asp?section_id=39&article_id=1858&page_number=2

الشيء إللي نقدر نستخلصه هو :

أما أن سائق التجارب في مجلة أيفو كان شخص هاوي.
أو
الظروف وقت التجربة كانت سيئة جداً والأرقام ما كانت تبرز أداء السيارة الحقيقي...

NFS

15-07-2004, 11:58 AM

معلش السيارة الأخيرة المجربة من قبل مجلة Sport Comact Cars كانت معدلة....

bashar_255

15-07-2004, 12:22 PM

الأرقام اللي عندكم للـ400 متر بس :OO:

و احنا قوماتنا كلها خط و ايش يصير بعد الـ 400 اكيد بلاوي و انا اذا ما كنت ناسي ان كان فيه واحد كويتي في المنتدى طلع على كابرس 2004 ثلاث لمبات :think:

تحياتي;)

RED Chevy

15-07-2004, 05:09 PM

رد مقتبس من TOYOTA - OBAS
\

بعدين متى نزلت مواضيع عن الزد واللومينا:eek: :eek:

الزد 287 حصان متى وصل 390:Sad2: والمكسيما 227 حصان:D والموستنق 265 حصان:eek: لازم تدقق في الأرقام ههههه:banana:

:p والكابريس شيييييي انا شفت كابريس 8 سلندر بس مش SS قدم على لومينا اس اس:help: :help: والأثنين وكاله والأثنين 2004؟؟؟استغربت من القومه لانها بين اثنين اعرفهم:think:

إنت ناوي علي نية شينة:D

المهم..

الزد خطأ مطبعي:D 290 حصان كان قصدي....

وعن إن اللومينا تطوف الموستنج شي طبيعي وإسأل الشباب شوف وش يقولون...

لأن المكيسما اللي هي المكسيما تطوفه:D

وعن الكابرس واللومينا ترى كل شي جايز( لاتغرني بالكابرس نجرب مع لومينا وتشرشحنا:D )

وعن السبب قلت لك:D لكن شكلك تبي تسوي لي قصة:D

الزد يعتبر سيارة رياضية وحشية بحته مهمته تكسير الروس وماينطاف إلا من مواتر أوحش منه مثل الSC430 وعيال عمه...

لكن النتيجة شنو؟

الزد سيارة رياضية بحته ولها إسمها الكبييييييييييييير وسمعتها إنها وحش:D

اللومينا سيدان عائلي منه فئة ؤياضية وصحيح سمعتها قوية لكن هل توصل إنها تطوف الوحش؟

آنا أشوف هالشي كبير على شي إسمه لومينا...

لو كانت كوبيه ممكن...

لكن عند حمودي راعي الSS بسيدان جاب 6.1 تخيل لو لومينا كوبيه؟

TOP-SECRET

15-07-2004, 05:34 PM

رد مقتبس من RED Chevy
إنت ناوي علي نية شينة:D

المهم..

الزد خطأ مطبعي:D 290 حصان كان قصدي....

وعن إن اللومينا تطوف الموستنج شي طبيعي وإسأل الشباب شوف وش يقولون...

لأن المكيسما اللي هي المكسيما تطوفه:D

وعن الكابرس واللومينا ترى كل شي جايز( لاتغرني بالكابرس نجرب مع لومينا وتشرشحنا:D )

وعن السبب قلت لك:D لكن شكلك تبي تسوي لي قصة:D

الزد يعتبر سيارة رياضية وحشية بحته مهمته تكسير الروس وماينطاف إلا من مواتر أوحش منه مثل الSC430 وعيال عمه...

لكن النتيجة شنو؟

الزد سيارة رياضية بحته ولها إسمها الكبييييييييييييير وسمعتها إنها وحش:D

اللومينا سيدان عائلي منه فئة ؤياضية وصحيح سمعتها قوية لكن هل توصل إنها تطوف الوحش؟

آنا أشوف هالشي كبير على شي إسمه لومينا...

لو كانت كوبيه ممكن...

لكن عند حمودي راعي الSS بسيدان جاب 6.1 تخيل لو لومينا كوبيه؟

ممممممممم توقعت منك هذي الرد خاصه يوم تقول ان الزد سياره قويه وووو لكن مثل ماقلت لك شتوقع من سياره سته سلندر ووزنها نفس وزن الومينا و287 غير انها تكسر راس اللومينا (جدام عيني) لكن مادري اذا في الكويت والبحرين العكس:D

بس بجملتك هذي عبدالرحمن.. ((اللومينا سيدان عائلي منه فئة ؤياضية وصحيح سمعتها قوية لكن هل توصل إنها تطوف الوحش؟))

ابي اسئلك ليش ماتطوفه دام كل العوامل تنصب لصالحها من ناحية الوزن نفس الوزن ومن ناحية الماكينه والعزم والقوه الحصانيه وووو غيره..؟

RED Chevy

15-07-2004, 05:54 PM

الكنج الله يذكره بالخير كان لما يسأله حد يقول له ليش ماركبت المكينة على كمورو أو كورفت عشان يكون الزن أخف والأداء أحسن...

وش كان يقول؟

كان يقول إن الإبداع إنك توصل بسيارة 4 أبواب لمستوى أقوى السيارات الرياضية...

يعني تخيل روحك عندك SL55 اللي إسمه يخرع أكثر من الزد:D

ويجيك سيدان 4 أبواب ولا كابرس بعد بحجمه الضخم ويطوفك هني الإبداع...

قصدي من السالفة إن الواحد يشتري الزد عشانه زد يعني موتر قوي وماينطاف بسهولة وله هيبته لكن للأسف اللي شفناه هو هيبة وإسم آنا الكلام ذي أقوله بعد إنصدام طكبير كنت متوقع مستواه فوق فوق فوق...
تذكر يوم تسألني من يطوف الزد أو التويوتا 430 قلت الزد بدون كلام صح:D

إسمه يكفيه:banana:

RED Chevy

15-07-2004, 05:57 PM

TOP-SECRET

15-07-2004, 06:19 PM

رد مقتبس من RED Chevy
الكنج الله يذكره بالخير كان لما يسأله حد يقول له ليش ماركبت المكينة على كمورو أو كورفت عشان يكون الزن أخف والأداء أحسن...

وش كان يقول؟

كان يقول إن الإبداع إنك توصل بسيارة 4 أبواب لمستوى أقوى السيارات الرياضية...

يعني تخيل روحك عندك SL55 اللي إسمه يخرع أكثر من الزد:D

ويجيك سيدان 4 أبواب ولا كابرس بعد بحجمه الضخم ويطوفك هني الإبداع...

قصدي من السالفة إن الواحد يشتري الزد عشانه زد يعني موتر قوي وماينطاف بسهولة وله هيبته لكن للأسف اللي شفناه هو هيبة وإسم آنا الكلام ذي أقوله بعد إنصدام طكبير كنت متوقع مستواه فوق فوق فوق...
تذكر يوم تسألني من يطوف الزد أو التويوتا 430 قلت الزد بدون كلام صح:D

من بدايه كلامك عبدالرحمن الموضوع طلع عن السيارات الوكاله فعلا هذي الجمله من الأخ احمد ماراح انساها لكن انا اتكلم عن السيارات وكاله

وبالنسبه لكلامك ليش الواحد يشتري الزد صحيح الواحد يشتريه لانه موتر قوي وماينطاف بسهوله والارقام الي يجيبها تنافس السيارات السبورت الأمريكيه الي من 8 سلندر مثل الومينا اس اس كوبي وحتى الكمارو يكفي انه يجيب الـ100 في 5.4 ثواني على كلام الأخ NFS وهذا بحد ذاته انجاز لسياره سته سلندر وبهذا الوزن

بس بذكرك بشي ان الزد القديم الي يجيك توين تيربو كان يجيب الـ100 في 6 ثواني وهو قير عادي وهذا من غير شواحن ويجيبها في زمن اقل هذا بحد ذاته انجاز

وهذا كلامي من غير تعصب تعرفني عبدالرحمن انا كله واحد عندي محثلها :D السياره الي فيها عيوب وايد وماتعجبني اقول الصراحه حتى لو كامري تخر ماي:D

ماعتقد فيه عيب واحد يذكر للزد الجديده كل شي فيها ممتاز من ناحيه الشكل والهيبه والقوه والتسارع ممتاز جدا

لكن انا واحد اقول الومينا اس اس سياره قويه وكل شي فيها قوي وممتاز حتى شكلها لكن من ناحيه التسارع المفروض تكون اقوى من جذي حتى لو كانت قير اوتو المفروض تكون اقوى من جذي

infiniti

15-07-2004, 06:25 PM

عبد الرحمن

تتوقع اللومينات اللي جربت معاهم كلهم ستوك ؟
مع انهم قالوا بعض التزويد اللي على سياراتهم الا اني اشوف بعضهم ماتقطع عند نهاية ال RPM اتوقع مبرمجين الكمبيوتر .

الشي الثاني الزد مابعد ياخذ التمرين كامل يعني السياره جديده .

الشي الثالث الزد اقل في القوه الحصانيه و فرق الوزن لايذكر .

294 للزد
328 لومينا
الفرق 34 حصان لصالح اللومينا .

في معادله الوزن للقوه تتفوق اللومينا بفرق كبير جداااااا.

اي انجاز اللي حققته للومينا في نظرك ؟

Black Chevy

15-07-2004, 08:09 PM

تبون الصراحه::: انا حته المجلات الالمانيه و الانجليزيه قمت اشك فيهم....لانه يا انا ما افهم او اهم ما يفهمون:) ......و انا اشك بالاثنين

بمجله EVO عدد شهر 7 يعني اخر عدد بالمقارنه كاتبين ان تسارع الZ350

6,1 ثانيه و هاذي صوره:::
http://members.lycos.co.uk/s9n/pic/123.jpg

و بنفس العدد بصفحات التجارب السابقه حاطين تسارع الZ350

5,9 ثانيه-----صفحه 165 بالضبط....و هذا كل بنفس المجله و العدد

و بمجله موتر تريند عدد شهر 7 يعني اخر عدد حاطين تسارع الZ350

5,3 ثانيه----- و انا متاكد ان بعدد سابق كانوا حاطين تسارع الZ350

6,2 ثانيه بس مع الاسف مو لاقي العدد(تدرون مسوي مكتبه خخخ) يعني تصوروا ذاك اليوم مجله موتر تريند متصلين علي يسئلون عن عدد موجود عندي مو موجود عندهم:D
__________________________

انا اشك بالموضوع(قاعد استعبط:D ) ان كثر ما تدفع حق المجله يزيدون بسرعه سيارتك....

لا و المشكله الاكبر ان بمجله EVO حاطين قوه الزد 276 حصان
و بمجله موتر تريند حاطين قوه الزد 287 حصان

يعني انا اقول ان مجله موتر تريند مسوين عرض زياده 10% على المشتريات:D....

لا و الشباب هني يقولون 295 و 294 و 290..يعني حته الشباب معقديني الصراحه....

انا خلاص برفع قضيه على المجلتين و يمكن على الشباب بعد...حته توب قير برفع عليهم قضيه:D

شباب كل كلامي الي قلته و الارقام تقدرون تشوفونها بالاعداد الي ذكرتها....للاسف كان ودي احطلكم كل الصفحات لاكن السكنر عندي قام يخرف....

و انا من اليوم و رايح بعتبر روحي جهة مسئوله..يعني كيفي بحط الارقام الي تعجبني..بس اهم يحطون على كيفهم...و زياده بالمصداقيه راح اجرب التسارع بنفسي....و بعد تجربتي للومينا SS اكتشفت ان تسارعها 3 ثواني اله ربع و كانت التجربه رائعه لاكن تجربه التوب سبيد لم تكتمل بسبب نوعيه الاطارات الرديئه فلم استطع سوى الوصول لسرعه 500 كم و من بعدها خفت على روحي فقلت لنفسي لاقوم بتجربه الهاند بريك على هذه السرعه فكانت السياره عند حسن ضني بثباتها و رساوتها...و التجربه تضمنت سباق مع بطل العالم مايكل شوماخر بسيارته الفيراري فقلت له روح يا ولد لك 4 عواميد فقال لي مو مشكله بس المسافه كيلو قتله تم و انا راعي الومينا..كان متقدم علي لي ال800 متر فقلت لروحي ياولد عشق سابع و اعشق السابع و اطوف شوماخر تطمير..

تحياتي للجميع

TOP-SECRET

15-07-2004, 08:15 PM

لوووووووول يعطيك العافيه وائل على التجربه :eek: تحمل تجرب زد يمكن تطلع معاك اتييب ال100 في عشر دقايق ولا شي :eek: :rolleyes:

انا من البدايه قلت 287 حصان:think: لان بالوكاله مكتوب في المعلومات عن السياره 287 حصان:rolleyes:

Black Chevy

15-07-2004, 08:49 PM

اخوي TOYOTA - OBAS انا كان ودي اسوي تجربه للزد اليديد لاكن اشغالي ما تسمح خصوصا ان الساعه الحين 3,30 الصبح و لازم اكون متواجد بطوكيو الساعه 6 الصبح لتجربه السكايلن GTR-35 اليديد الي يقولون ان 8 سلندر حته انا عند الاتصال الهاتفي لمن كنت اكلم مهندس سوزكي الي مهندس السكايلن كنت اقوله ليش ما تخربها بالمره تسوي 12 سلندر فرد علي قال احنه خل نترقع بال8 علشان نوصل ال10.. فضحكت عليه حته صكر السماعه بويهي..و راح اوافيك يا طويل العمر باخر الاخبار...و على طاري الزد انشاالله اجربه بعد صلاه العصر....

و لا تصدق ان قوته 287 حصان لانه حته الوكاله نصابين:D ....اهو قوته علشانك انت بس,,,خل اقوووول 200 حصان و علشان انك طيب نقول 300 و علشان انك غالي نقول الف....

NFS

16-07-2004, 06:04 AM

السلام عليكم

عندي تعليق على بعض النقاط إللي طرحت في الموضوع واللي أعتقد أنها عاملة لبس لدي بعض الأخوان المشاركين.

أولاً ((القوة الحصانية))

أغلبنا لما يريد يبحث عن القوة الحصانية فأنه يذهب إلى موقع في الأنترنت وياخذ القوة الحصانية من هذا الموقع ، لكن هنالك مشكلة:
أغلب المواقع هي مواقع أمريكية ، والمواقع الأمريكية تستخدم الـNET Horse Power (أو القوة الحصانية الصافية) في تقييم قوة المحرك ، بينما في منطقة الخليج العربي تستخدم الـGross Horse Power (أو القوة الحصانية الإجمالية) في تقييم القدرة الحصانية ، فأيش الفرق بين المعيارين؟

القوة الحصانية الصافية هي القوة المستخرجة من المحرك (عند الحذاف أو الـFlywheel) مع الأخذ في الأعتبار وجود العادم (الأكزوست) وفلتر الهواء في المكينة ، حيث أن العادم وفلتر الهواء يأثرون على القوة الإجمالية للمحرك.

القوة الحصانية الإجمالية ، هي القوة الحصانية المستخرجة من المحرك (عند الحذاف) بدون الأخذ في الأعتبار وجود عادم أو فلتر للهواء .

لذلك الرقم الناتج من القوة الحصانية الإجمالية (دائماً) يكون أعلى من القوة الحصانية الصافية ، وهذي حركة تسويقية يستخدمها وكلائنا في تسويق سياراتهم.

لذلك الرقم المعلن في أسواقنا للنيسان 350Z هي في الواقع القوة الحصانية الإجمالية...

تذكرون الهوندا أكورد V6 أول ما نزلت؟ كان الوكلاء يقولون أن القوة الحصانية هي 270 حصان "يريدون يستخدمون نفس الحركة التسويقية عند نزول موديل جديد لكي يستخدمها في مقارنة بين سيارتهم وسيارات منافسينهم " .

ونفس الشيء مع الألتيما الجديد ، فالقوة الحصانية المعلنة هي القوة الحصانية الأجمالية (وأنا شاهدتها بنفسي في البروشور تبع وكيل النيسان في السعودية عن طريق الاخ Infiniti).

طبعاً الحركة هذه حركة قذرة لأن فيها تضليل للناس بذكر مواصفات لا يتم الإستفادة منها إلا عند تعديل السيارة (في أحد يعرف أكزوست وفلتر هواء ممكن يستخرج الـ30 حصان المزعومة من الأكورد؟) ، طبعاً مستحيل أنك تجد مثل هذا الأكزوست والفلتر ولو كنت محظوظ يمكن تحصل على 20 حصان (بالكثير).

نقطة أخرى ، كل دولة لها قوانين مختلفة في السماح لدخول سيارات مستوردة ، وبعض الدول تفرض إجراءات وقوانين صارمة فيما يخص أختبارات أنبعاث الغازات من عوادم السيارات ، حتى أن بعض الشركات تورد سيارات لتلك الدول بقوة (أقل) لكي تجتاز قوانين أنبعاث الغازات.

أيضاً ولاية كاليفورونيا الأمريكية لديها أكثر الإختبارات صرامة مقارنة مع باقي الولايات الأمريكية لذلك تجد أن السيارات المباعة في تلك الولاية تكون عدد أحصنتها أقل مقارنة مع الولايات الأخرى.

كذلك بريطانيا لديها قوانين صارمة ، لذلك تجد بعض السيارات لديها بقوة حصانية أقل ، مثال: السوبارو أمبريزا STi والأيفولوشن والأنتيغرا تايب آر والـS2000 ، ولا نستغرب إذا كانت الـ350Z من ضمن القائمة.

ثانياً ((المونارو))

في البداية أريد أعرف من صاحب الموضوع ، كم القوة الحصانية للمنارو في هذي التجربة؟

وهل هي نسخة طبق الأصل من الموديل الخليجي أو الموديل الأمريكي (الـGTO)؟

إذا كانت مشابه للموديل الأمريكي أو الـGTO فأسمحوا لي أقول لكم أن الموديل الأمريكي مختلف عن الموجود عندنا.

على صعيد المحركات الـGTO أقوى من اللومينا SS بسبب وجود بعض التعديلات على المحرك ، لذلك أداء السيارة أفضل بكثير من أداء اللومينا عندنا....

فإذا كانت التجربة هذه على المنارو إللي هي الأخ التوأم للـGTO فأسمحوا لي الأرقام لا تنطبق على أداء اللومينا SS إلا بالتعديل.

RED Chevy

16-07-2004, 08:36 AM

شباب الموضوع مابينتهي هاللون...

نبي تجربة زد أوتو ستوك مع لومينا أوتو ستوك يعني السيارتين بدون تعديل...

بعد هالتجربة نشوف من أقوى..
:cool: :cool:

King 4x4

16-07-2004, 03:13 PM

رد مقتبس من RED Chevy
شباب الموضوع مابينتهي هاللون...

نبي تجربة زد أوتو ستوك مع لومينا أوتو ستوك يعني السيارتين بدون تعديل...

بعد هالتجربة نشوف من أقوى..
:cool: :cool:

يرضى راعي اللومينا يطلع ويا جيب باترول كربريتر ملغم و وموصل 300 حصان (وهو أصلا 200 حصان)

red-ss

16-07-2004, 08:17 PM

السلام عليكم.......
أنا عندي لومينا 2003 جربت مع أكثر من زد
كلهم يشدو معي أول و الثاني لاكن في الثالث أطلع عليهم

وشكراً

الأكورد العنيد

17-07-2004, 03:39 AM

رد مقتبس من infiniti
رجـــــــــــــــــــــــــــــــــــــــــــــــــــــــــــــــــاء

لا احد يتكلم بدون واقع تجربه

يوم الاحد الموافق 11/7/2004

صارت ثلاث قومات
Z350 قير عادي مع لومينا SS عليها هدرز و اكزوزست سستم
القومه صفر /800 قدم الزد مسافه ثلاث سيارات و انا اللي اسوق الزد

و القومه مصوره لاكن صاحب اللومينا رافض انها تنزل في المنتديات و انا اعطيت صاحب السياره وعد اني ما انزلها لاكن

اللي يبي يشوف القومه ممكن يقابلني انا من الدمام و اخليه يشوفها بنفسه على الكاميرا و يتأكد ولا احد يقولي ارسل القومه بالايميل لاني وعدت الرجال .

ثانيا
القومه Z350 قير عادي مع لومينا SS كوبيه مكنسل الدبات الخلفيه و مركب مواسير بدال الدبات .
القومه صفر /700
قدم الزد مسافه الصدام مع العلم اني في وسط القومه طلع علي فورد كراون فكتوريا و خففت و كملت القومه و النتيجه

قدمت مسافه صدام .

هذي القومه صورها واحد من شباب سيهات و القومه صارت في كورنيش سيهات .

جربنا مع نفس اللومينا على حسب الاتفاق اننا نعيد القومه من صفر و بعدها نعيدها من سرعه 30 مسافه 700 متر

القومه الثانيه مع نفس هذي اللومينا الكوبيه
من سرعه 30 مسافه 700

قدمت اللومينا مسافه نص سياره .

و على حسب الاتفاق اننا نعيد القومه الاولى من صفر لانه في سياره ضايقتي .
لاكن صاحب اللومينا قال ان القير صار يفوت و رفض يعيد القومه من صفر و بعد محاولات اتفقنا نجرب من سرعه 70 مسافه 700 و قدم الزد مسافه نص سياره و قبل نهايه المسافه قدمت اللومينا لاني مابدلت الى الخامس و قدم اللومينا علي بفرق بسيط جدا.

القومه مع موستنج 97 عليه كرونا
المسافه صفر / 800
قدم الزد مسافه لمبه كامله .

جميع القومات مصوره و انا بنفسي اسوق الزد فأرجوا من الجميع انهم مايحكمون بدون اي تجربه و للعلم الزد ستوك جديد و اللومينات عليها شغلات خفيفه .

و هذا وزن اللومينا من موقع الشركه في استراليا 1600 كيلو
الموقع http://www.holden.com.au/www-holden/action/techdata?modelid=12001
و هذا وزن الزد من موقع نيسان الشرق الاوسط 1530 كيلو
الموقع http://www.nissan-me.com/350z/350z_specifications.htm

فرق القوة
اللومينا 1600 كيلو تقسيم 328 حصان = 4.87 للحصان الواحد
الزد 1530 كيلو تقسيم 294 حصان = 5.20 للحصان الواحد .

واضح تفوق اللومينا في معادله الوزن للقوه لاكن النتيجه على الارض اضهرت تفوق الزد.

السلام عليكم ورحمة الله وبركاته

اخووووووووووووووووووووووووووووووووووووي infiniti ممكن تعمل لنا تجربة للزد اذا ما عليك امر :)

و ايهما في رايك احسن الزد الجديد او سكاي لاين 34

تحياتي :anger: