وكالة النصب ( الجفالي )

[الشبابي]

السلام عليكم ورحمة الله وبركاته

اولا اعذروني لأختفائي لفترة طويلة ولكن كانت لي ظروف معينة ...
المهم موضوعنا اليوم هو وكالة النصب ولما نقول وكالة النصب فأحناكأننا نقول وكالة مرسيدس اللي هي الجفالي ...
هذي الوكالة التي عانينا منها الامرين ....
المشكلة وما فيها انه كل فترة تظهر لنا مشكلة في سيارة اخوي وكل ما نوديها الشركة يدعون اصلاحها وتظهر مشكلة غير واخر مشكلة يعني اخر نصبه كانت صيانه لسيارة اخوي اخذوا عليها اضعاف الاضعاف على مشاكل وهمية ولما طلعنا السيارة اكتشفنا بعد اخراجها عدم وجود اشياء كثير بالسيارة وتفأجات بعدم وجود مخزن السيديات الخلفي فتخيلوا وصل بهم الاستهتار بالزباين بسرقتهم ... مو كافيهم سرقة الفلوس بس بل انتقلوا الى سرقة الممتلكات التي بداخل السيارة وهذي المشكلة كوم والمشكلة الثانية كوم ... المكينة بدأت تطلع صوت مخيف وعالي ويبدو انها من البساتم ... ويا خوفتي ان المكينة بدأت تخبط .....
الان هل هذا وكيل ؟؟؟؟ كلمة وكيل حرام فيه ........ سبحان الله كل ما مدحنا وكيل يخيب ظننا ........
ما هو الحل ؟؟؟؟؟
















اخوكم الشبابي

[AU (TT) DI]

السلام عليكم ورحمة الله

حياك الله أخوي الشبابي :) ..من طول الغيبات جاب الغنايم

أول شي ...بقولك عن تجربة ..إن ما فيه وكيل في السعودية بكبرها ...يخاف الله في الزباين ((إلا من رحم الله ))

لسبب وجيه ....عدم وجود حماية للمستهلك ...

صدقني الموضوع بهالبساطه

ثانيا...ليه ما تكون عين بالسيارة ؟؟؟

والله كان عندي أودي مجنني بآخر فترة

يطلع من باب الوكالة ...يطلع في عطل جديد لمدة 4 أشهر وانا على هالحال إلين بعته ...

بصراحه الألماني إن بدى بالمشاكل أنا أنصح ببيعته على طول


والله يوفقك

:)

[ABD 911]

طيب أخوي ماذكرت وش نوع السيارة و موديلها ..

يمكن تكون الأ‘عطال فيها شائعة ...

[RED Chevy]

ماقول غير الله يعينكم:mad:

وموبس إنتوا تعانون من وكيل مرسيدس في البحرين ناس من معارفنا مدخلين السيارة باقوا التيلفون:D

لكن هو وش وراه عنده المرسيدس لو يضرب الزباين الناس بتروح تشتري من عنده:p

[MuGeN]

والله هالمرض ينتشر بصورة جداً سريعة و سيئة ...


ما توقعت الجفالي يحتاج بعد ؟؟

يا تحت السواهي دواهي :headshak:

[Third Eye]

تصدق أنو اليوم واحد سألني عن المرسيدس اس والوكيل حقها

مدحت فيه الظاهر دحين بروح أصحح معلوماتي له

بس أما توصل أنو يسرقوا شي من السيارة...!!!!!!فضيحة هذي

[666]

بسم الله الرحمن الرحيم

جرب اتصل بالاداره حق الصيانه في الدمام اشوف معاملتهم ممتازه 038322444

غريبه ان الجفالي تطلع منهم هالحركات :think:

انت اتصل و هاوش دافع عن حقوقك بس لا تسب احد:D









حيو

[الشبابي]

مشكور على تفاعلكم يا شباب ...
السيارة موديل 2002 اس 320 ... الله يعين ......
هم للأسف يعتقدون ان اللي يشتري السيارة الفخمة بيدفع فلوس لهم بدون ما يسأل ... يعني في ناس لو قالوا لهم ان سيارتكم اساسا ما فيها تيليفون كان دفع وهو عارف ان سيارته بتيليفون ... لكن لكل شئ حدود ...
وللأسف حتى الناغي لهم حركات زي كذا .. لكن الناغي ما يسرقون اشياء من السيارة وانما يدعون بوجود قطع خربانه ويخلونك تدفع عليها .. .. والله شئ مؤسف يعني ... والله يعين ...















اخوكم الشبابي

[CRX]

هلا و غلا
ما اقول الا الله يعني والسبب الاول والاخير انه ملا يوجد قانون حمايه المستهلك يعني انا ادكر وديت سياريت للوكاله وطلعت منها وكانه دفتر كشكول ويقولو مش احنا الي علمان الحراكت دي من الشخبطه على البدي
بس شنو الواحد يسوي ادا ما في قانون يوقفهم عند حده طالما هناك في معاملاكت من تحت الطاوله يقبل بها من هم اصحاب المراكز الكبرى لكي يسترو على فضائحهم
الله يعينك وزي ما قال AU (TT) DI انا معاه في كلامه

[السائق المثالي]

الجفالي ما يهتم إلا بسيارات الأمراء والشخصيات الهامة

أما اللي مثلي ومثلك فيا غافل لك الله :headshak:

[الشبابي]

اخواني crx و rx مشكور على ردودكم ...
والله شئ يحزن ..
وفعلا كلام اودي تي تي صحيح فالشركات هذي اصحابها ما يخافون الله .... لكن ما هو البديل ؟؟؟
هل تعتقدون ان الواحد افضل له يتعامل مع ورشة يثق فيها ويجيب القطع بنفسه ؟؟؟؟؟؟
لكن حتى هذي صعبة لأن طلبت مرة زيت مكينة للمرسيدس من الوكالة وما كان عندهم لكن قالوا لي لو دخلتها عندنا ندبر لك زيت .... يعني كأنهم يقولون دخل السيارة صيانة .... وتغيير الزيت ب 480 ريال مع ان سعره خارج الوكالة 200 ريال .....













اخوكم الشبابي

[DraGGeR]

والله ياخوي انا اتعامل مع الجفالي

لاقيت قذارة موظفين ولقيت طيبة موظفين

ما أقدر أكذبك لأن لدي صديق جده اشترى اس 500 من عندهم و وجد صدأ على الباب..... و صديق أخر دفعوه قيمة قطع على اساس انها خربانة.... اخدها الى ميكانيكي مرسيدس في الصناعية و قاله القطعة لم يحن وقت تبديلها ........ يعني سليمة 95 بالمية


المشكلة ليست منهم و لكن من مكان ما في حماية للمستهلكين

:anger:


الله يفرجها و انشوف يوم بكل ظالم

سلام

[mill_955]

فعلا حكاية سرقة الاغراض من السياره صحيحه

حنا قبل ماندخل السياره عندهم حذرني احد الموظفين هناك عشان اشيل مخزن السيديات وسماعات التلفون

لان احيانا مخزن السيديات يشيلونه ويبيعونه اما التلفون احينا يكلمووووووووون فيه عل كيفهم ( طبعا مكالمات دوليه الفلبين ومناطق بعيده جدا...) وبعد مايخلصون ياخذون السماعه ويبيعونها

والمدير الالماني الدايخ (مدير فرع جده) اتصل علي اكثر من مره وانا كل ماشوف الرقم افرح على بالي السياره خلصت ويبغاني استلمها .... ويجي يقول :

sorry , wrong number

:headshak:

لكن الحمدلله طحنا في مهندس شامي ممتاز وصرنا اذا نبي نودي سياره عندهم مره ثانيه نطلبه هو بالذات واذا كان مب موجود نطلع السياره

[666]

رد مقتبس من الشبابي
اخواني crx و rx مشكور على ردودكم ...
والله شئ يحزن ..
وفعلا كلام اودي تي تي صحيح فالشركات هذي اصحابها ما يخافون الله .... لكن ما هو البديل ؟؟؟
هل تعتقدون ان الواحد افضل له يتعامل مع ورشة يثق فيها ويجيب القطع بنفسه ؟؟؟؟؟؟
لكن حتى هذي صعبة لأن طلبت مرة زيت مكينة للمرسيدس من الوكالة وما كان عندهم لكن قالوا لي لو دخلتها عندنا ندبر لك زيت .... يعني كأنهم يقولون دخل السيارة صيانة .... وتغيير الزيت ب 480 ريال مع ان سعره خارج الوكالة 200 ريال .....













اخوكم الشبابي


وش العيب ؟ عادي

دخل سيارتك ورشه موثوق فيها و شغلهم ممتاز و فاهم الشغل و ينصحك

اذا انت في الشرقيه انصحك بورشة الفردوس في الخضريه الدمام

اشوفها تمام و سمعتها طيبه .. وعندهم بعض قطع الغيار الأصليه .. فلاتر زيوت بواجي .. اشياء ثانيه اصطبات حوت 2003 و اكسسوارات .. عندهم كمبيوترات برمجه بعد ..

عندك اذا بتشتري قطع غيار اصليه فيه محلات قطع غيار واجد للمرسديس عندك الحداد موثوق فيه القطع أصليه و ارخص من الوكاله بشويه .

عندك ورشة الحداد الكبيره في الخضريه بعد معروفه و شغلهم 90% مثل الوكاله يعني مستوى الورشه مايحتاج في الميكانيكا و الكهرباء )) بالنسبه للسمكره والصبغ مادري عنهم .. روح شوفها ان شالله تقتنع فيها و ما تروح الوكاله بعدين وشغل اليدّ عندهم ارخص من الوكاله بنسبة 30% 40% .. بس مشكلتهم دايما زححححمه .


تحياتي

[الشبابي]

اخوي mill_955 ..
مشكور على ردك .... ابيك بعدين تعلمنا عن هالسوري اللي تقول عليه .....


اخوي 666 ...
انا للأسف بجدة وان شاء الله بأشوف لي ورشة زينه نتعامل وياها ونفتك من القرف ......











اخوكم الشبابي