وش مستقبل هندسه ميكانيكا سيارات عندنا ؟؟

[striver]

السلام عليكم ورحمة الله وبركاته

شخباركم شباب ؟؟


انا افكر في المستقبل ادرس ميكانيكا سيارات .. لكن الكل يقول

ان ماله مستقبل عندنا في الخليج .. علما اني من البحرين ..

اخاف ادرس وفي النهايه اقعد في البيت او اشتغل في وكالة :damp:

ماهو مستقبل دراسة الهندسه الميكانيكية للسيارات ؟؟ يعني وش اقدر

اشتغل ؟؟ وويش الرواتب محترمة ولا ؟؟ :think:

[JUST CORVETTE]

السلام عليكم ورحمة الله وبركاته



هلا والله اخوي ..


انا كنت قبل ما ادخل قسم اداره الاعمال حاليا كنت ابي ادرس قسم ميكانيكا و دورت في الجامعات الخاصه كلها الي في مصر ..


للاسف ان النتيجه كانت النتيجه سيئه .. :(


اولا الدراسه بدائيه ، عدد والات قديمه و محركات قديمه ايضا تردرس بها و عدم معرفه بالتقنيات الحديثه و و و و طبعا انت تعرف ..


فكرت بالسفر ، وطبعا افضل الدول المانيا في هذا التخصص ، سالت علي الموضوع .. قالي صديق لي كان هناك ودرس هندسه ايضا


قال : تكاليف االدراسه 0 ، ولكن فقط تكاليف المعيشه هي الي انت تبيها ، هو كان يشتغل في مصنع بي ام دبليو عامل وكان يدرس في نفس الوقت ..

وبالطبع لو انت ممتاز ، بتشتغل بعد الدراسه مباشره ..


لكن في البلاد العربيه و في مصر افضلهم طبعا لان هنه في مصانع سيارات كثير ، ولكنك ما تقدر تحقق احلامك هنا للاسف طبعا


يعني بتشتغل في مصنع او وكاله .. :cry: :cry: :cry:


تحياتي لك اخي ، و بالتوفيق ان شاء الله


اخوك عبدالله

[RED Chevy]

إذا عندك واشطة بتحصل اللي تبيه:D

خصوصاً القوة...

[الفجر mtr البعيد]

رد مقتبس من RED Chevy
إذا عندك واشطة بتحصل اللي تبيه:D

خصوصاً القوة...
خير الكلام ماقل ودل اشكرك اخوي عبد الرحمن

[Black Chevy]

لا تخاف علاء انت ادرس خلص و بعدين تعال الكويت انا اشغلك بوكاله ابوي الزياني(جاقور-فيراري-ميزراتي-بنتلي)...لا اتغشمر معاك مو تزعل...

تبي الصراحه بالكويت عندنه مثلا الواحد يدرس هندسه ميكنيكا سيارات علشان يفتح كاراج او يشتغل بكاراج وزاره الداخليه حق يصلح الدوريات و يكون راتبه جيد او يشتغل بشركه البترول و هاذي يبيلها واسطه.....غير جذي ماله مستقبل اله ان يصممله سياره و بعدين ينقعها و يشرب مايها لانه لو يغسل ايده فبانزين ماراح يلقه حد يعطيه ويهه.....

اما بالنسبه لي انا فراح افتح كاراج بعدين انشالله يتطور و يصير مصنع سيارات انافس في مرسيدس و فيراري و ليمبورقيني و يمكن احط فبالي شركه لادا لانه منافستها جدا قويه...

يعني اذا انت تحب الميكنيكا علشان التلغيم فهذا الشي تقدر تتعلمه لاكن لا تحدد في مستقبلك...يعني شوفلك تخصص جيد له راتب محترم و العب بالفلوس لعب و يب الموتر الي يعجبك..او تقدر تسافر بفلوسك اي دوله لها سمعه بالمكينيكا و خذ عندهم دورات


تحياتي:D

[SLR]

بصراحة مستقبلها واضح...

يا في ورشة الوكالة .. او كراج في الصناعية...

وكلمة الحق تنقال...

[black scorpion]

عندنا في جامعة الملك عبدالعزيز في جدة في كلية الهندسة في تخصص اسمه هندسة الانتاج وتصميم النظم الميكانيكية (تخصصي) . اتمنى اني اخد دورات متخصصة بالسيارات في الدول اللي تصنع السيارات .اللي عنده معلومات لا يبخل علينا بخصوص الدورات:)

[حبوب بوظبي]

انا الحين ادرس هندسه ميكانيكيه ...

اللي اشوفه انك ممكن تاخذ هندسه ميكانيكيه ... وبعد ما تاخذها
انا اظمنلك انه ما يبقى اللا القليل لتصبح مهندس ميكانيكي للسيارات
وممكن تكمل فجامعه خاصه متوفر عندها هالمجال

فهالحاله إذا ما حصلت شغل كمهندس ميكانيكا السيارات( و هذا ما اتوقع يصير)
ممكن تشتغل بشهاده الميكانيكا .... في اي مكان و ابسطها ... مجال البترول او تحلية المياه (لأن الطلب على المهندسين الميكانيكيين زايد هالأيام)

[Dreams_Maker]

رد مقتبس من SLR
بصراحة مستقبلها واضح...

يا في ورشة الوكالة .. او كراج في الصناعية...

وكلمة الحق تنقال...

واضح جدا جدا بعد...مايبيلها


أخوي خذ لك تخصصات يطلبها السوق..

هندسة كمبيوتر
إدارة
تسويق


إنما ميكانيكا...فخذها على شكل دورات عشان بس هوايتك..

وتحياتي