تجمع شباب سوالف في الشرقيه يوم الخميس 17-6-2004

[King 4x4]

زي ما شفتوا الموضوع على العنوان.

المكان بيتم تحديده اما اليوم أو بكره بالكثير.

بيكون عاده اما عند شارع روز أو عند مواقف مكتبه جرير.

وما نبغى زي الاسبوع اللي فات.

أربعه بس جوا :laugh:

[الفجر mtr البعيد]

اوكي ولا يهمك انشالله من اول الحاضرين بس كم الساعه يبتدي التجمع

[عاشق التضبيط]

ان شاءالله نشرفكم بحضورنا الكريم :laugh:

طبعا مايحتاج تكلفون على نفسكم وتسوون لي حفل استقبال سجاده حمره وورود والاشياء هذي لا لا

خلو الامر طبيعي كاني اي واحد عادي :cool:

على فكره انا ما اجلس على فرشات :banana: كل واحد يجيب كرسيه معه انا عندي ثلاث كراسي :D

ويالله حددوا الوقت والمكان (مع انه الرطوبه بدت تشوف شغلها بس يالله اهم شي شوفتكم)

انا اقترح عليكم الشارع اللي مقابل بسمه شارع وسيع ومافيه ذيك الزحمه يعني خلي بسمه على يمينك بتلقى فتحه على اليسار روح معها يسار (لاتديور) ووقف على اليمين

طبعا هذا اقتراح لا اقل ولا اكثر ان عجبكم كان بها ماعجبكم انا راضي باي شي تتفقون عليه


بس ياليت نشوف حماس اكثر من الشباب

[mustang cobra]

خلاص قدام بس حددو الوقت والمكان ويليت المكان يكون مو معروف عند الدوريات انه مكان تجمع عشان ماتنحشنا اما بالنسبه للكرسي لي سنه وانا ابس اشتري لحد الحين ما شريت بس الحين معزم:D

[King 4x4]

الوقت يستحسن انه يكون بحدود الساعه 9.

الحين.

بيانات الجمعه :

المكان : مواقف جرير بكورنيش الدمام

الوقت : الساعه 9 بالليل (لا يجي واحد الصباح :laugh: )

التاريخ : 17-6-2004

وخلنا نشوف رأي الشباب. :glasses:

[mustang cobra]

اتفقنا:banana:

[Golden Stang]

اممممم في مواقف جرير بالدمام ...احم احم ..انا مااندل

ويـــــــــــــــــش الحل ؟؟؟:help:


:anger: بس لو تكون في الكورنيش بالقطيف يكون احسن
لان اكثرهم سيارات معبثة و حليوين وسبورتات في القطيف

و السبب الثاني انني ماقدر اطلع بسيارتي مشوار ..لان تخرب الدعامية




هذا رأيي في الكورنيش بالقطيف و يكون في النهار افضل ...يعني الساعة 5 عصر


بصراحة لو في الدمام مابيجي احد الا لومينات بس

و نشوف رأيي آخرين

[oil_HKS_lio]

قدااام بس اهم شي قومات

[beast2001]

تمام انا راح اجي وياكم


oil_HKS_lio

شوف لي سياره و انا حاضر :)

[SeSo2003]

التوقيت حلو ان شاء الله اكون موجوووووووووود

[محمد دريهم]

خلاص انا بحاول اجي ان شالله..


و و و و و


ويصير خير

[king_stratus]

السلام عليكم ورحمة الله وبركاته

من زمان انا انتضر جمعه زي هده وتسلم اخويي على الموضوع الحلو

[الأكورد العنيد]

رد مقتبس من عاشق التضبيط
ان شاءالله نشرفكم بحضورنا الكريم :laugh:


على فكره انا ما اجلس على فرشات :banana: كل واحد يجيب كرسيه معه انا عندي ثلاث كراسي :D



احجز لي كرسي عاشق التضبيط :D

























خلاص حجزت الكرسي :laugh:

[السائق المثالي]

ليش ما تكون بالخبر؟

[الغامدي عبدالله]

السلام عليكم
انا انشاء الله جاي
بس عندي ملاحظه




ان وقت تواجدنا في مواقف جرير يتوافق مع وجود زبائن مكتبه جرير




ودنا بمكان معزول تقريبا


وياليت حد يتكلف وينطم فقرات للاعضاء

ما نبي وقفه وكثره كلام وثرثره

عندي كم اقتراح


1- يتكفل واحد من الشباب ويعطينا شرح مبسط وعملي على عده مواضيع مختلفه للسياره نستفيد منها

2- توزيع استبيان لمعرفه حاجه شباب الشرقيه واقتراحاتهم

3- ترتيب ( اذا امكن ) برنامج صيفي مبسط لقتل الفراغ

وهذا الي في بالي

واذا انتم رايقين نجيب انترنت لاسلكي ونبث تجمعنا لاعضاء سوالف خارج الشرقيه


وسلامتكم

الغامدي عبدالله

[King 4x4]

والجائزه الأولى تروح للغامدي عبدالله. :banana:

كل واحد فيكم يقول أحسن محل غير مكاتب جرير.

و انا أبدى.

المكان : الشارع الأصفر (شارع القومات) اللي مقابل مكاتب جرير.

ما يكون فيه أحد و عاده بعد الساعه 11 يكون مليان قومات و انشاء الله ندبر لكم قومه تثلج قلوبكم (أو تخليها تصير نااااااااار)

[mustang cobra]

رد مقتبس من King 4x4

المكان : الشارع الأصفر (شارع القومات) اللي مقابل مكاتب جرير.)

المشكله الدوريات تجي تنحشنا تقول ممنوع الوقوف هنا:mad:

[King 4x4]

رد مقتبس من ذئب مجروح
ليش ما تكون بالخبر؟

أخوي الخبر زي ما تعرف ززززززززززحححححححححححمممممممممممممهههههههه

ذاك الوقت.

واحنا نبغى مكان صاد ما فيه أحد. :sleep:

[عاشق التضبيط]

امممممم الشارع الاصفر ماينفع

<<<< توه مشحوت منه

اليوم الاحد وفاضي مافي غيرنا مع ثلاث سيارات وجات الدوريه نحشتنا

اجل الخميس كيف ؟ وبعدين معرووف شارع ميرا مار قوة الزحمه

وجرير زي ماقال الغامدي وقتها يكون جرير مفتوح ومافي مواقف للزباين كيف بيكون لنا مواقف ؟

طيب ماقلتوا لي رايكم باقتراحي ؟ مقابل بسمه ؟ ترى يصير بالتقاطع تخميس يعطييك :cool:

الاكورد العنيد صف بالدور الله يخليك :laugh:

على فكره انا بجيب كاميرة فيديو ان شاءالله

[King 4x4]

خلنا أستكشف موقعك اليوم أخوي عاضق التضبيط و أرد للشباب خبر. :corsair:

[beast_camaro]

السلام عليكم ورحمة الله وبركاته

مثل ما قال ليكم Golden Stang

وفوق كل هدا كرنيش القطيف تاخد راحتك فيه مافي دوريات تنحشك ولا لهم دخل فيك تجمع فاي مكان تبغاه ومكان على الكرنيش حلو وبين الناس والسبورتات والقومات والزحمة


فانا اقول احسن مكان كورنيش القطيف وانا بكون معاكم انشالله:black:

[nismo]

والله فكره حلوه يالله نبغا نشوف زحمه

انا اقترح كرنيش سيهات

[ss nightmare]

السلام عليكم ورحمة الله وبركاته

مراحب بالشباب الطيبين;)

انا انشاءالله اكون معاكم بس اتمنى المكان يتحدد بسرعة

وانا افضل يكون التجمع بالدمام او سيهات

وزي ما قالو الشباب شارع القومات بالدمام ما ينفع ابداااااااا:confused: كله دوريات و مشاكل

ومكتبة جرير بعد الدوريات تحوم حولها:mad:

تحياتي للجميع:banana:

[CoRolla_04]

افضل مكان كرنيش القطيف

[شرقاوي فله]

اوكي نحضر بس نبي يصير فيه تنضيم ونبي تصوير
على شان الصور تنحط في المنتدى

[oil_HKS_lio]

يارجال انتو تجمعو عند الموقع الي كل مره نتجمع فيه عند الالعاب الناريه المواقف وبعدين تفاهمو وين تروحون

[skylineHKS]

افضل مكان كرنيش القطيف:banana: :eek: :banana:

http://alsafa.net/vbb/pic/DSC02004.JPG

مع تحيات مصوركم ابو جاسم:cool: :cool: :cool: :cool:

[skylineHKS]

ســـــــــــلام عليكم .....
سمعت بتجمع اللى تقول به الموقع مناسب والموعد هم مناسب بس لو يكون وقته غير الليل يكون افضل الى ....
السيارات ويكون احلى الى التصوير بيكون بشكل جميل جــــــــداًاًاً....
افضل من الليل بوايد...وانشالله يعجبكم اقتراحي...وكما اتمنى ان يكون في العصر احسن....
انتظر ردكم شباب وانشالله ماكثرت عليكم في الحشي...
وهاذي صور من التجمع صار قبل فتره في كرنيش القطيف... شوف التصوير كيف يكون جميل وانتون عطونه رايكم.....
مـــــــــــع تحيات مصوركم ابــــــو جــــــــــاســــــــم
:shock2: :shock2: :shock2: :shock2:
:banana: :banana: :banana: :banana:
http://alsafa.net/vbb/pic/DSC02004.JPG

http://alsafa.net/vbb/pic/Dsc01701.jpg

http://alsafa.net/vbb/pic/Dsc01696.jpg

http://alsafa.net/vbb/pic/Dsc01697.jpg

http://alsafa.net/vbb/pic/Dsc01699.jpg

http://alsafa.net/vbb/pic/Dsc01698.jpg

http://alsafa.net/vbb/pic/Dsc01695.jpg

http://alsafa.net/vbb/pic/Dsc01687.jpg

مع تحيات ابوجاسم

[skylineHKS]

:(

[skylineHKS]

2

[mustang cobra]

رد مقتبس من oil_HKS_lio
يارجال انتو تجمعو عند الموقع الي كل مره نتجمع فيه عند الالعاب الناريه المواقف وبعدين تفاهمو وين تروحون

مقفلينه ما ادي شيسون قاعدين يحفرون المكان كله ومسكرين المداخل مالتها:mad:

[شرقاوي فله]

الضاهر التجمع ماهو صاير كل واحد يتشرط

انا برايي يكون في المحطه الي عند جرير الي على يسار جرير الي عند الدوار

او قدام محل اخر فرصه هناك هناك مواقف ومافيه احد حولك والشارع وسيع

وياليت التجمع يكون منضم تبي التحديد بسرعه قبل يوم الخميس

[oil_HKS_lio]

ياشباب مايصير باقي يوم ويصير التجمع حددو مكان خلوها عند جرير وفكو حالكم

[ss nightmare]

يا شباب باقي على التجمع يومين و المكان ما تحدد ليش:confused:

مفروض كاتب الموضوع يحدد الموعد باسرع وقت

وحتى لو كان المكان مؤقت بس اهم شي نتلاقى و نحدد المكان بعدين

[محمد دريهم]

انا اشوف اننا نتقهوى في بيت صاحب الموضوع:D




اسمعوا نبغى كلمة واحترام للمواعيد..



انا من رأيي ان الاجتماع يكون في الخبر...مقابل الدكتور كيف...



لان هناك دايم يتجمعوا الشباب..ولا يكون فيه دوريات ولاهم يحزنون.,,



يعطيكم العافيه...


واللي يوافق يكتب موافق..واللي معارض يقول ليه معارض..



وشكرا

[mustang cobra]

رد مقتبس من شرقاوي فله
الضاهر التجمع ماهو صاير كل واحد يتشرط



او قدام محل اخر فرصه هناك هناك مواقف ومافيه احد حولك والشارع وسيع

وياليت التجمع يكون منضم تبي التحديد بسرعه قبل يوم الخميس

مكان حلو:glasses2:

[Dreams_Maker]

رد مقتبس من شرقاوي فله
الضاهر التجمع ماهو صاير كل واحد يتشرط

انا برايي يكون في المحطه الي عند جرير الي على يسار جرير الي عند الدوار

او قدام محل اخر فرصه هناك هناك مواقف ومافيه احد حولك والشارع وسيع

وياليت التجمع يكون منضم تبي التحديد بسرعه قبل يوم الخميس

أنا معاك...

في الرأي


King V6
الخبر زحمه ماتنبقى...خصوصا اللحين وقت اجازات وكل السعوديه في الخبر تلاقييهم :D

وإن شاء الله أقدر أجي


إحترامي

[King 4x4]

الموضوع خلاص تقفل.

التجمع بيكون عند مطاعم هارديز بكورنيش الدمام جنب بنك الرياض أظن :glasses:

و حياكم جميعا.

ولا تخافون.

الشاهي علي.

و أخوي King V6

حياك ببيتنا.

بس الله يعينك على اخواني.

تراهم يعضون :laugh:

[Dreams_Maker]

الساعه كم؟

[FSM]

السلام عليكم ورحمة الله وبركاته...

أنا اقول الشارع الي عليه القرية الشعبة ....

شارع فاضي جداً,,, ومافيه دوريات ,,,

و الشارع كبيييير ويصلح للقومات ,,,




:black:

[King 4x4]

رد مقتبس من FSM
السلام عليكم ورحمة الله وبركاته...

أنا اقول الشارع الي عليه القرية الشعبة ....

شارع فاضي جداً,,, ومافيه دوريات ,,,

و الشارع كبيييير ويصلح للقومات ,,,




:black:

احنا بنجتمع عند هارديز بعدين نتحرك الى المكان اللي ذكرته.

وترى فيه احتمال كبير بتكون قومه حلوه بكره.

بين موتر واحد من الشباب و الهرش :black:

[oil_HKS_lio]

السااااااااااعه كم؟

واي هرديز الي تقصده؟

[King 4x4]

الهارديز اللي عند مكتبه جرير :D

الساعه 9 بالليل.

[عاشق التضبيط]

رد مقتبس من FSM
السلام عليكم ورحمة الله وبركاته...

أنا اقول الشارع الي عليه القرية الشعبة ....

شارع فاضي جداً,,, ومافيه دوريات ,,,

و الشارع كبيييير ويصلح للقومات ,,,




:black:

احلى مكاااااااان انا موافق بقوه مكاان فاضي ووسيع ومايضيع

وفيه نقدر نعرف بعض لان مابيكون غيرنا موجودين واحنا مانعرف اشكال بعض والله برايي احلى مكان نجتمع فيه الين الساعه 10 - 10.30 وبعدين نحرك اي مكان


King 4x4 كم مره اقولك ماينفع هارديز :anger: ياخخي زحمه شباب كيف بتعرف شباب المنتدى ؟ بتخش على نااس تقولهم ها شباب سوالف ؟ بيقولون وش يبي ذا ؟ ايه قاعدين نسولف وش دخلك :laugh:


انا خلاص وافقت على موقع FSM وبكون هناك منتظر حتى لو اقعد لوحدي :anger:

واللي ما عرف المكان خلي ميرا مار على يمينك بيجيك دواار كبير روح يمين معاه ووقف مكانك لاتتحرك

او انت بالاشاره على يسارك كنتاكي وهارديز وقدامك الشيراتون روح مع الاشاره يسار بيجيك دوار كبير نفس اللي قبل شوي :D اول فتحه يمين خلها ثاني فتحه خش معها ووقف مكانك

انا ان شاءالله بسوي كروكي سريع بحطه بعد شويه

يالله ياشباااااب اتفقنا على المكان ؟

قولو اوكي :anger:

الا صحيح وين الزعيم NFS ? لازم يجي اذا احد يعرفه خله يكلمه

[عاشق التضبيط]

هذا الكروكي للي مايدل بالدمام زين


http://www.alkaleej.com/upload/files/058/80-0.jpg


انا انتظركم هناك اول واحد بكون متواجد ان شاءالله وسيارتي موستنج ازرق عليها استكرات كاني اوصل طلبات :laugh:

سي يوو

[الغامدي عبدالله]

السلام عليكم

انا مع عاشق التضبيط وموافق

تقريبا هذا ابعد مكان عن الدوريات واماكن تجمع الشباب
وطبعا ما نحبذ يخنلط تجمعنا بتجمع شباب بشكل عشوائي حتى ما يصير احتكاك بينا وبينهم

والي حظر اول تجمع لل فولكس واجن وكيف كانت نهايه التجمع لما جو الشباب من عند ماكدونالز وبرقر كينغ ود.كيف عندنا وخربوا علينا الموقع

وسلامتكم

[oil_HKS_lio]

خلاااااااااااص شباب صحيح كلام اعاشق التضبيط وFSM الشارع فله يصلح للقومات ولا يمر فيه ولا قطو لادوريه ولا بطيخ خلاص مدام الكروكي انحط الكل يعرف الموقع اتفقنا شباااااب تعالو هناك واذا تلاقينا لكل حادث حديث مثل ماقال الكنج الساعه 9 نشوفكم

[oil_HKS_lio]

على فكره ياخواني كل واحد يعرفنا بئسمه في المنتدى مثل التجمع الي راح ماعرفنا الا كم واحد الكنج وانفنتي وماكسيما 20 اما الباقي ولا نعرفهم

[FSM]

السلام عليكم ورحمة الله وبركاته

أولأ نشكر أخونا عاشق التضبيط على الكروكي المتقن.

عندي ملاحظتين
الأولى وهي إن كل واحد من الأعضاء يحط نوع سيارته عشان نعرف بعض .. لأنه في التجمع السابق كان لما يجي واحد جديد يحتار هل حنا أعضاء سوالف ولا لأ .. لأنه تخيل شكلك لما تسأل واحد ماله دخل بالسالفه ... تطلع نكته :D ...

السيارة الي بجي فيها هي BMW 525 أخضر ورح يكون معاي العضو ABD 911 ومعاه فياقرا سماوي 2004 S 600

الملاحظة الثانية هي الوقت ... الصراحة أشوف إن الوقت جداً متأخر ... المره الماضيه إجتمعنا في نفس الوقت تقريباً وماخلصنا إلا حدود 3 ونص الفجر .. يعني التجمع إستغرق حوالي 6 ساعات كامله مع العشاء) ويومها ماجاء غير 20 عضو تقريباً وماشالله هالمره شكل العدد أكثر بكثير ورح ناخذ وقت أكثر ..

إقتراحي هو أن يتم تقديم الوقت للساعه 4 و نص العصر يعني ماتجي 12 بالكثيييييير إلا حنا خالصين ...

[King 4x4]

FSM و الغامدي عبدالله و عاشق التضبيط.

مشكورين على مجهودكم.

بس أحسن وقت للتجمع بيكون الساعه 7ونص المغرب لأن أكثر الشباب اللي أعرفهم عندهم دوامات و ما يخلصون الا الساعه 5 و لازم يريحون شوي.

الجو يبرد شوي و لا يصير فيه شمس ولا لا.

المكان الشارع الأصفر (شارع القومات).

ياالله شباب ذي معلومات الجمعه.

المكان : شارع القومات بالدمام (اللي ما يدل يشوف الكروكي)

الوقت : الساعه 7ونص بالليل.

الناس اللي بيجيون و مع ذكر سياراتهم :
عاشق التضبيط بموستنج أزرق من الداخل أزرق و قير تماتيك :D

الغامدي عبدالله (بالمناسبه ذا اسمه بعد :D ) بجولف فضيه عليها سايكرات سوداء.

FSM بيجي ببي أم 525

ABD911 بيجي بفياقرا.

oil_HKS_lio بيجي بكابرس نصيحه لأي واحد ما يتحرش فيه (ما يتفاهم D ويدف سيارتك :black: )

Infiniti وسيارته بريمرا.

King4x4 وسيارتي جيب نيسان ربع. :o

ذولي اللي أعرفهم.

وكل واحد يذكر خوياه اللي بيجون وسياراتهم.

النشاطات اللي بتكون بذاك اليوم :

1- أول ما يجتمعون الشباب بيتم توزيع اسطوانات كمبيوتر من انتاج شركه الKing4x4 بيكون فيها فلم الDrift Bible وهو عباره عن فلم وثائقي عن كيفيه الدرفت و بيكون معه مقطع فيديو تشوفون فيه الدرفترس المحترفين شنو يسون :laugh: ويستحسن واحد من الشباب يجيب لابتوب عشان يمدينا نشغل الفلم لهم في وقت التجمع.

2- أي واحد عنده سؤال عن مكينه سيارته يبغى فيها تلغيم أو أي سؤال عن طريقه عمل قطعه بالمكينه أو عن أحسن كفرات للسياره أو أي شيء ثاني له دخل بالسيارات (أحسن منظفات) بنعطيه راينا و بدون تحيز.

3- انشاء الله بتكون فيه قومات و اللي يبغى يجرب الجيب جاهز وياه.

4- الشباب اللي حضروا آخر تجمع لازم يذكرون المسابقه اللي صارت وهي مسابقه الSalaom (آخذت الثالث و أنا أسوق جيب :black: ) و انشاء الله بتعيدها ذي المره بس بنكون شوي أدق في عمليه العد.

وذي أكثر الأنشطه اللي بتصير بكره اذا الله كتب.

واذا كان عند أحد أي فكره جديده يذكرها لنا.

[mustang cobra]

حدد الساعه 7ونصف ولا 9؟:confused:

[mustang cobra]

حدد الساعه 7.3 ولا 9؟

[عاشق التضبيط]

حلو اخيرا اتفقتوا


خلاص انا ان شاءالله بكون هناك من الساعه 7

وطبعا العشا على King 4x4 بالقريه الشعبيه لاتخلونا :p

[King 4x4]

رد مقتبس من عاشق التضبيط
حلو اخيرا اتفقتوا


خلاص انا ان شاءالله بكون هناك من الساعه 7

وطبعا العشا على King 4x4 بالقريه الشعبيه لاتخلونا :p

قطيييييييييييييه :D

والوقت الساعه 7ونص.

والله لا يهينكم شباب لو يمدي واحد منكم يجيب لنا لابتوب يسوي فينا ألف خير.

الأشرطه اللي بأجيبها أبغى أشغلها للشباب يشوفون اللقطات الأولى من الأفلام عشان ما ياخذون الشريط و يقطونه ورى بالشنطه :laugh:

[ss nightmare]

خلاص شباب انشاءالله باحاول احضر بالوقت المحدد بالرغم انه مبكر شوي

وسيارتي كمارو برتقالي:glasses2:

ومعاي العضو BEAST2001 بالكامري التفاحي

والعضو BEAST CAMARO بالكمارو الاسود

تحياتي للجميع

[oil_HKS_lio]

قدر الله علي بضرف ولا اقدر اجي:cry:

اعتذر لئني ماقدر اجي

اقوووووووول محمدووووووة:D مدام فيها سيدي الدرفت ياخي اعطيه واحد اسمه احمد راعي كامري (اسمه في المنتدى الفجر البعيد) يعطيني اياه:D

[GMC 8100]

أنا إحتمال كبير اجي بعد

سيارتي جمس 8100 سوبربان

و ممكن يجي معي هوندا أكورد كحلي للعضو Infiniti Q45 اللي نادر ماايشارك باالمنتدى :)

[grandv8]

السلام عليكم ورحمة الله وبركاته

ان شاء الله تجمعكم اليوم بالشرقية وانجوف همتكم مب مثل تجمع شباب الامارات كم شخص بس ومحد يجي وان شاء الله انجوف الصور الزينة والجميلة من الشباب وخاصة الاخوان:
oil_HKS_lio
عاشق التضبيط
FSM
KING_V6
skylineHKS والمصور بوجاسم ونبغي الصور السنعة
اخوان لاتقصرون بالصور وصورو صور جماعية لكم وحطوا كل واحد لقب على الصورة امامه نفس الي نحن نسوي يتجمع الامارات.

ان شاء الله نتجمع اهل الخليج مع بعض.
شكرا لكم وبالتوفيق
:D :eek::D

[King 4x4]

رد مقتبس من grandv8
السلام عليكم ورحمة الله وبركاته

ان شاء الله تجمعكم اليوم بالشرقية وانجوف همتكم مب مثل تجمع شباب الامارات كم شخص بس ومحد يجي وان شاء الله انجوف الصور الزينة والجميلة من الشباب وخاصة الاخوان:
oil_HKS_lio
عاشق التضبيط
FSM
KING_V6
skylineHKS والمصور بوجاسم ونبغي الصور السنعة
اخوان لاتقصرون بالصور وصورو صور جماعية لكم وحطوا كل واحد لقب على الصورة امامه نفس الي نحن نسوي يتجمع الامارات.

ان شاء الله نتجمع اهل الخليج مع بعض.
شكرا لكم وبالتوفيق
:D :eek::D

:shy:

[Prelude 4 Life]

باكون موجود ان شاء الله :)

السيارة هوندا برليود اسود

[محمد دريهم]

الحين انا في الجبيل...


والحين قريت الموضوع وبحرك بعد ساعه ..



اذا تغير شي ارجو الاتصال علي..


055905869



وشكرا

[محمد دريهم]

خخخ


نسيت اقول السياره ماجنا لؤلؤي

[W351]

http://w351.jeeran.com/43JF1051.jpg

[grandv8]

السلام عليكم ورحمة الله وبركاته

شدو الهمة ياشباب ولااحد يتأخر عن التجمع وتحملوا هلة انفسكم من السرعة والشرطة.
King4x4,وانت معاهم وانجوف تغطيتك الحلوة واسمحلي عن عدم كتابة اسمك وماشاء الله انتوا كثيرين:D
مهم التغطية الحلوة للتجمع:)

شكرا

[Lorinser300E]

يا شباب مو كأن الساعه 7:30 مبكر شوي احسن شي الساعه 9:30


الساعه 7:30 يعني يا دوب الواحد يصلي ويخلص شويه اشغال

انا بطلع من البيت الساعه 9:00 او 9:30 و إن شاء الله التقي معاكم

يالله

السياره Seat Leon فضي عليه زوايد cupra R


:D

[SeSo2003]

ويش شباب وبين بكون التجميع الحين والساعه 7 ونص بدري

ان شاء الله باكوان متواجد على الساعه 9

بس قولو لينا وين التجمع

[SeSo2003]

اهلين
كنت موجود البارحه من الساعه 10 الي الساعه 12.5 في الكرنيش و ما شفت احد منكم

[Prelude 4 Life]

الشباب كانوا موجودين على الموعد

وصارت قومات :banana:

[SeSo2003]

الساعه كم كانو متواجدين وفي اي شارع

من الساعه 9 و ان افتر وما شفت شي

[الفجر mtr البعيد]

السلام عليكم يا شباب امس انا كنت معاكم في التجمع بس بصراحه
ماكنت متوقع ان التجمع بيصير جذي طول ثلاث ساعات والشباب ساكتين ماعدا الاخ Prelude 4 Life والاخ Lorinser300E واخونا جاسم N F S و KING 4 X4 قاعدين يتكلمون شوي ويسكتون :headshak: توقعت حماس وحركات بس للاسف تحطمت المعنويات واتحداكم اذا
احد عرفني من الي جاو التجمع مع اني كنت موجود وياهم:D

[Prelude 4 Life]

رد مقتبس من الفجر mtr البعيد
السلام عليكم يا شباب امس انا كنت معاكم في التجمع بس بصراحه
ماكنت متوقع ان التجمع بيصير جذي طول ثلاث ساعات والشباب ساكتين ماعدا الاخ Prelude 4 Life والاخ Lorinser300E واخونا جاسم N F S و KING 4 X4 قاعدين يتكلمون شوي ويسكتون :headshak: توقعت حماس وحركات بس للاسف تحطمت المعنويات واتحداكم اذا
احد عرفني من الي جاو التجمع مع اني كنت موجود وياهم:D


بكل صراحة ماعرفتك :D

في بعض الاعضاء حتى اصواتهم ماسمعناها :confused:

[الفجر mtr البعيد]

انا الي كنت لابس تي شيرت احمر ودب شوي ولابس نظارات :D هابشر عرفتني

[accord 2000]

اهلين شباب انا كنت حاضر باكورد بيضه بس صار ظرف وخليت اخوي يرجع بها وتميتبالتجمع مع Prelude 4 Life بريليود الاسود بصراحه التجمع حلو بس من رايي انه يصير كل فترة عشان يتعارفون الاعضاء اكثر ويتحمسون وشكراااااا