شحن السياره من الامارات الى السعوديه ؟

[DDesigns]

السلام عليكم

شباب انا عندي سيارتي السعوديه في الامارات وخلاص ما ابيها ابي ارجعها السعوديه وابيعها لانها قديمه نوعها سوناتا موديل 96 وما تسوى اجمركها اماراتيه لانها ما في امل تنجح بالفحص المشدد عندهم ..

فا ايش ارخص طريقه اني ارسلها الى السعوديه الى الخبر بالتحديد ؟؟

لا يهمني الوقت حتى لو بعد شهر ..

انا ارخص شيء حصلته 800 درهم ..

طيب ما فيه ارخص شوي يعني عن طريق البحر او ما شابه ؟؟


تحياتي ......

[oil_HKS_lio]

والله انا نفسك ابغا موتر من الامرات اشحنه بس شحن شنو هاذا ب800 ريال؟ سطحه؟

وياليت الي عنده علم يفيدنا

[king_prelude]

بسم الله الرحمن الرحيم

حياك الله

ممكن انك تشحنها بالبر مادري السعر اللي انت قلته ارخص شي هذا ؟؟؟
اتصل على البسامي في معارض الدمام شوف بكم يجيبها 038223447

ممكن لو انت فاضي تسوقها وتجيبها:D اطرب طول خط دبي ههه



تحياتي ونتمنى لك التوفيق

[DDesigns]

السلام عليكم

ايه هذا شحن السطحه اللي تشيل اكثر من سياره بنفس الوقت ..

السعر 800 ريال هو ارخص شيء حصلته حتى مع توصيه الشباب للبحث عن اسعار ارخص ..

اخوي بريليود بخلي اخوي يتصل عليه ويشوف ..


هههههه لا واللي يرحم والديك ما ابي اسوقها بالخط الصراحه يخوف الخط اول شيء السوناتا هذه فجرت مكينتها 3 مرات كل مره اغيرها واحط ميتسوبيشي واخربها واحط ثانيه حوالي 900 ريال تكلف ..

واحس اخر مكينه حطيتها مش اوكي لانها تهرب زيت ..

تصدقون للحين ما ني مصدق شلون جيت فيها الامارات 950 كيلو والله الصراحه موتر قوي ويتحمل بس رجلي حاره على البانزين شوي لووووولو ..

ويعني ياليت لو فيه سيستم علشان استانس شوي بالخط ,, لاني شلته وحطيته على هوندتي في الامارات .


يا ليت لو فيه اراء ثانيه يفيدونا ..

انا ودي يكون الشحن كذا 500 درهم يكون ممتاز لانه راح يكون قيمه البنزين وتغير الزيت وكل شيء ههههههههه .

[ACCORD-V6]

اتوقع بتلقا ارخص

مع ان 800 درهم حلو

[tornado]

اعتقد اكثر من 800درهم ..

لان من بيتنا فبوظبي لين الصناعيه (مصفح) .. تقدر تقول المسافة 30 كليو متر .. تتدفع 80 درهم :think: ومن بوظبي لين دبي اظني 200 درهم ..

[M5]

DDesigns

تشحن سيارتك من الأمارات إلى السعوديه بـ 800 درهم ؟!!
اتوقع ان السعر هذا مره حلو ..

طيب ياليت تسألي كم يكلف الشحن إلى جده ؟؟

وهل يقوموا بالجمركه بدلاً عني ؟



كل الشكر :)

[oil_HKS_lio]

ممكن اسم السطحه مع رقمها الي ب800 ريال

[DDesigns]

شدعوه شباب !!

800 درهم زين بالنسبه لكم انتوا يعني حق سيارتكم الكشخه ..

انا ودي اذا فيه شيء اقل لان سيارتي ما تسوى 800 درهم علشان اشحنها ..


اما بخصوص الرقم فا راح اجيبه اليوم من صاحبي ..

ملاحظه 800 درهم الى الخبر وليس الى جميع انحاء المملكه .

[zezo]

اقول اخوي DDesigns مالك الا تحطها على الخط وتخليها تدحدر الى ما توصل السعوديه ووص الي تعرفهم اذا شافوها ياخذونها يوقفونها :D :D

[king_prelude]

السلام عليكم ورحمة الله وبركاته

اي ولله 800 قيمت مكينتها :D تسوي بلاوي ال800

ضيع يوم كامل روح بالباص دبي بيكلفك 50 ريال يمكن او اكثر شويه و ارجع بها وخلاص دي ارخص طريقه .. اذا ما تبغى الباص على طيران الخطوط العربيه من البحرين الى الشارقه :D
على فكره تروح و تجي على اي طيران اخوي DD ؟ الخطوط العربيه ؟

اذا ما سمعت عنها http://www.airarabia.com/

ارخص خطوط لحد الحين و تمام :D ويمدحو المضيفات بعد ههه

[DDesigns]

لوووووووووول


الصراحه جتني فكره حلوه بس ترفع الضغط ..

انا السياره ما اضمن انها توصلني السعوديه فا احسن شيء اذا كنت ابي شيء رخيص ..

آخذ لي تذكره على الباص بس اني ما اركب الباص اروح بسيارتي والحقهم ..

ولما تخرب السياره اخليها واركب الباص لووووووووووووووووول


اخوي بريليود ايه ارخص شيء طيران العربيه انا دائما استعمله ..

[M5]

DDesigns

ما جاوبتني على حكاية الجمركه ..

وبانتظار رقم صاحب السطحه أبو 800 درهم

[DDesigns]

مرحبا m5

اوكي عزيزي عطني فرصه يوم اجمع لك المعلومات ..

لان صاحبي هو اللي جاب لي السعر ..

[عاشق التضبيط]

طيب عندي لك حل وسط

ايش رايك تشحن سيارتك الى الحدود الاماراتيه السعوديه (الغويفات) وانت تركب الباص الى الغويفات وبعدين تنزل تركب سيارتك وتكمل طريقك بكذا انت اخذت نص المشوار و التعب ونص الفلوس :D

[DDesigns]

هههههه مشكور على الحل اخوي عاشق ...

انا ما خايف من الخط حق الامارات ابو 450 كيلو الى الحدود لانه رائع وما ينخاف منه والنور فيه موجود ولو صار اي شيء اتصل على الصحراء يجون لك ركض . المشكله هي لما ادخل السعوديه محد حولك ..

والله وانا جاي من السعوديه كنت اول مره امسك الخط والله اني امشي 200 وما فيه احد اشوفه في الطريق سواء كان رايح او راجع حتى اعتقد اني مضيع وشكلي رايح الربع الخالي لوووووووول ..

بس تعال صح !! انا كنت رايح اول يوم العيد يعني اكيد ما فيه واحد منسم مثلي لوووووووول .